Chapter 78

[English text for this chapter is available]

īśvara uvāca |
pavitrārohaṇaṃ vakṣye kriyārcādiṣu pūraṇaṃ |
nityaṃ tannityamuddiṣṭaṃ naimittikamathāparaṃ || 1 ||
[Analyze grammar]

āṣāḍhādicaturdaśyāmatha śrāvaṇabhādrayoḥ |
sitāsitāsu kartavyaṃ caturdaśyaṣṭamīṣu tat || 2 ||
[Analyze grammar]

kuryādvā kārttikīṃ yāvattithau pratipādike |
vahnibrahmāmbikebhāsyanāgaskandārkaśūlināṃ || 3 ||
[Analyze grammar]

durgāyamendragovindasmaraśambhusudhābhujāṃ |
sauvarṇaṃ rājataṃ tāmraṃ kṛtādiṣu yathākramaṃ || 4 ||
[Analyze grammar]

kalau kārpāsajaṃ cāpi paṭṭapadmādisūtrakaṃ |
praṇavaścandramā vahnirbrahmā nāgo guho hariḥ || 5 ||
[Analyze grammar]

sarveśaḥ sarvadevāḥ syuḥ krameṇa navatantuṣu |
aṣṭottaraśatānyardhaṃ tadardhaṃ cottamādikaṃ || 6 ||
[Analyze grammar]

ekāśītyāthavā sūtraistriṃśatāppaṣṭayuktayā |
pañcāśatā vā kartavyaṃ tulyagranthyantarālakaṃ || 7 ||
[Analyze grammar]

dvādaśāṅgulamānāni vyāsādaṣṭāṅgulāni ca |
liṅgavistāramānāni caturaṅgulakāni vā || 8 ||
[Analyze grammar]

tathaiva piṇḍikāsparśaṃ caturthaṃ sarvadaivataṃ |
gaṅgāvatārakaṃ kāryaṃ sujātena sudhautakaṃ || 9 ||
[Analyze grammar]

granthiṃ kuryācca vāmena aghoraṇātha śodhayet |
rañjayetpuruṣeṇaiva raktacandanakuṅkumaiḥ || 10 ||
[Analyze grammar]

kastūrīrocanācandrairharidrāgairikādibhiḥ |
granthayo daśa kartavyā athavā tantusaṅkhyayā || 11 ||
[Analyze grammar]

antaraṃ vā yathāśobhamekadvicaturaṅgulaṃ |
prakṛtiḥ pauruṣī vīrā caturthī tvaparājitā || 12 ||
[Analyze grammar]

jayānyā vijayā ṣaṣṭhī ajitā ca sadāśivā |
manonmanī sarvamukhī granthayo'bhyadhikāḥ śubhāḥ || 13 ||
[Analyze grammar]

kāryā vā candravahnyarkapavitraṃ śivavaddhṛdi |
ekaikaṃ nijamūrtau vā puptake guruke gaṇe || 14 ||
[Analyze grammar]

syādekaikaṃ tathā dvāradikpālakalaśādiṣu |
hastādinavahastāntaṃ liṅgānāṃ syātpavitrakaṃ || 15 ||
[Analyze grammar]

aṣṭāviṃśatito yuddhaṃ daśabhirdaśabhiḥ kramāt |
dvyaṅgulābhyantarāstatra kramādekāṅgulāntarāḥ || 16 ||
[Analyze grammar]

granthayo mānamapyeṣāṃ liṅgavistārasasmitaṃ |
saptamyāṃ vā trayodaśyāṃ kṛtanityakriyaḥ śuciḥ || 17 ||
[Analyze grammar]

bhūṣayetpuṣpavastrādyaiḥ sāyāhne yāgamandiraṃ |
kṛtvā naimittikīṃ sandhyāṃ viśeṣeṇa ca tarpaṇaṃ || 18 ||
[Analyze grammar]

parigṛhīte bhūbhāge pavitre sūryamarcayet |
ācamya sakalīkṛtya praṇavārghyakaro guruḥ || 19 ||
[Analyze grammar]

dvārāṇyastreṇa samprokṣya pūrvādikramato'rcayet |
hāṃ śāntikalādvārāya tathā vidyākalātmane || 20 ||
[Analyze grammar]

nivṛttikalādvārāya pratiṣṭhākhyakalātmane |
tacchākhayoḥ pratidvāraṃ dvau dvau dvārādhipau yajet || 21 ||
[Analyze grammar]

nandine mahākālāya bhṛṅgiṇe'tha gaṇāya ca |
vṛṣabhāya ca skandāya devyai caṇḍāya ca kramāt || 22 ||
[Analyze grammar]

nityaṃ ca dvārapālādīn praviśya dvārapaścime |
iṣṭvā vāstuṃ bhūtaśuddhiṃ viśeṣārghyakaraḥ śivaḥ || 23 ||
[Analyze grammar]

prokṣaṇādyaṃ vidhāyātha yajñasambhārakṛnnaraḥ |
mantrayeddarbhadūrvādyaiḥ puṣpādyaiśca hṛdādibhiḥ || 24 ||
[Analyze grammar]

śivahastaṃ vidhāyetthaṃ svaśirasyadhiropayet |
śivo'hamādiḥ sarvajño mama yajñapradhānatā || 25 ||
[Analyze grammar]

atyarthaṃ bhāvayeddevaṃ jñānakhadgakaro guruḥ |
nairṛtīṃ diśamāsādya prakṣipedudagānanaḥ || 26 ||
[Analyze grammar]

arghyāmbu pañcagavyañca samastānmakhamaṇḍape |
catuṣpathāntasaṃskārairvīkṣaṇādyaiḥ susaṃskṛtaiḥ || 27 ||
[Analyze grammar]

vikṣipya vikirāṃstatra kuśakūrcopasaṃharet |
tānīśadiśi vardhanyāmāsanāyopakalpayet || 28 ||
[Analyze grammar]

nairṛte vāstugīrvāṇā dvāre lakṣmīṃ prapūjayet |
paścimābhimukhaṃ kumbhaṃ sarvadhānyopari sthitaṃ || 29 ||
[Analyze grammar]

praṇavena vṛṣārūḍhaṃ siṃhasthāṃ vardhanīntataḥ |
kumbhe sāṅgaṃ śivandevaṃ vardhanyāmarcayet || 30 ||
[Analyze grammar]

dikṣu śakrādidikpālān viṣṇubrahmaśivādikān |
vardhanīṃ samyagādāya ghaṭapṛṣṭānugāminīṃ || 31 ||
[Analyze grammar]

śivājñāṃ śrāvayenmantrī pūrvādīśānagocaraṃ |
avicchinnapayodhārāṃ mūlamantramudīrayet || 32 ||
[Analyze grammar]

samantādbhrāmayedenāṃ rakṣārthaṃ śastrarūpiṇīṃ |
pūrvaṃ kalaśamāropya śastrārthantasya vāmataḥ || 33 ||
[Analyze grammar]

samagrāsanake kumbhe yajeddevaṃ sthirāsane |
vardhanyāṃ praṇavasthāyāmāyudhantadanu dvayoḥ || 34 ||
[Analyze grammar]

bhagaliṅgasamāyogaṃ vidadhyālliṅgamudrayā |
kumbhe nivedya bodhāsiṃ mūlamantrajapantathā || 35 ||
[Analyze grammar]

taddaśāṃśena vardhanyāṃ rakṣāṃ vijñāpayedapi |
gaṇeśaṃ vāyave'bhyarcya haraṃ pañcāmṛtādibhiḥ || 36 ||
[Analyze grammar]

snāpayetpūrvavatprārcya kuṇḍe ca śivapāvakaṃ |
vidhivacca caruṃ kṛtvā sampātāhutiśodhitaṃ || 37 ||
[Analyze grammar]

devāgryātmavibhedena darṣyā taṃ vibhajettridhā |
datvā bhāgau śivāgnibhyāṃ saṃrakṣedbhāgamātmani || 38 ||
[Analyze grammar]

śareṇa carmaṇā deyaṃ pūrvato dantadhāvanaṃ |
tasmādghoraśikhābhyāṃ vā dakṣiṇe paścime mṛdaṃ || 39 ||
[Analyze grammar]

sādyojātena ca hṛdā cottare vāmanīkṛtaṃ |
jalaṃ vāmena śirasā īśe gandhānvitaṃ jalaṃ || 40 ||
[Analyze grammar]

pañcagavyaṃ palāśādipuṭakaṃ vai samantataḥ |
aiśānyāṃ kusumaṃ dadyādāgneyyāṃ diśi rocanāṃ || 41 ||
[Analyze grammar]

aguruṃ nirṛtāśāyāṃ vāyavyāṃ ca catuḥsamaṃ |
homadravyāṇi sarvāṇi sadyojātaiḥ kuśaiḥ saha || 42 ||
[Analyze grammar]

daṇḍākṣasūtrakaupīnabhikṣāpātrāṇi rūpiṇe |
kajjalaṃ kuṅkumantailaṃ śalākāṃ keśaśodhanīṃ || 43 ||
[Analyze grammar]

tāmbūlaṃ darpaṇaṃ dadyāduttare rocanāmapi |
āsanaṃ pāduke pātraṃ yogapaṭṭātapatrakaṃ || 44 ||
[Analyze grammar]

aiśānyāmīśamantreṇa dadyādīśānatuṣṭaye |
pūrvasyāñcarukaṃ sājyaṃ dadyādgandhādikaṃ nave || 45 ||
[Analyze grammar]

pūrvitrāṇi samādāya prokṣitānyarghyavāriṇā |
saṃhitāmantrapūtāni nītvā pāvakasannidhiṃ || 46 ||
[Analyze grammar]

kṛṣṇājinādinā. acchādya smaran saṃvatsarātmakaṃ |
sākṣiṇaṃ sarvakṛtyānāṃ goptāraṃ śivamavyayaṃ || 47 ||
[Analyze grammar]

sveti heti prayogeṇa mantrasaṃhitayā punaḥ |
śodhayecca pavitrāṇi vārāṇāmekaviṃśatiṃ || 48 ||
[Analyze grammar]

gṛhādi veṣṭayetsūtrairgandhādyaṃ ravaye dadet |
pūjitāya samācamya kṛtanyāsaḥ kṛtārghyakaḥ || 49 ||
[Analyze grammar]

nandyādibhyo'tha gandhākhyaṃ vāstoścātha praviśya ca |
śastrebhyo lokapālebhyaḥ svanāmnā śivakumbhake || 50 ||
[Analyze grammar]

vardhanyai vighnarājāya gurave hyātmane yajet |
atha sarvauṣadhīliptaṃ dhūpitaṃ puṣpadūrvayā || 51 ||
[Analyze grammar]

āmantrya ca pavitraṃ tatvidhāyāñjalimadhyagaṃ |
oṃ samastavidhicchidrapūraṇe ca vidhiṃ prati || 52 ||
[Analyze grammar]

prabhavamantrayāmi tvāṃ tvadicchāvāptikārikāṃ |
tatsiddhimanujānīhi yajataścidacitpate || 53 ||
[Analyze grammar]

sarvathā sarvadā śambho namaste'stu prasīda me |
āmantrito'si deveśa saha devyā gaṇeśvaraiḥ || 54 ||
[Analyze grammar]

mantreśairlokapālaiśca sahitaḥ paricārakaiḥ |
nimantrayāmyahantubhyaṃ prabhāte tu pavitrakaṃ || 55 ||
[Analyze grammar]

niyamañca kariṣyāmi parameśa tavājñayā |
ityevandevamāmantrya recakenāmṛtīkṛtaṃ || 56 ||
[Analyze grammar]

śivāntaṃ mūlamuccārya tacchivāya nivedayet |
japaṃ stotraṃ pramāṇañca kṛtvā śambhuṃ kṣamāpayet || 57 ||
[Analyze grammar]

hutvā carostṛtīyāṃśaṃ taddaddīta śivāgnaye |
digvāsibhyo digīśebhyo bhūtamātṛgaṇebhya u || 58 ||
[Analyze grammar]

rudrebhyo kṣetrapādibhyo namaḥ svāhā balistvayaṃ |
diṅnāgādyaiśca pūrvādau kṣetrāya cāgnaye baliḥ || 59 ||
[Analyze grammar]

samācamya vidhicchidrapūrakaṃ homamācaret |
pūrṇāṃ vyāhṛtihomañca kṛtvā rundhīta pāvakaṃ || 60 ||
[Analyze grammar]

tata omagnaye svāhā svāhā somāya caiva hi |
omagnīṣomābhyāṃ svāhāgnaye sviṣṭakṛte tathā || 61 ||
[Analyze grammar]

ityāhuticatuṣkantu datvā kuryāttu yojanāṃ |
vahnikuṇḍārcitaṃ devaṃ maṇḍalābhyarcite śive || 62 ||
[Analyze grammar]

nāḍīsandhānarūpeṇa vidhinā yojayettataḥ |
vaṃśādipātre vinyasya astrañca hṛdayantataḥ || 63 ||
[Analyze grammar]

adhiropya pavitrāṇi kalābhirvātha mantrayet |
ṣaḍaṅgaṃ brahmamūlairvā hṛddharmāstrañca yojayet || 64 ||
[Analyze grammar]

vidhāya sūtraiḥ saṃveṣṭya pūjayitvāṅgasambhavaiḥ |
rakṣārthaṃ jagadīśāya bhaktinamraḥ samarpayet || 65 ||
[Analyze grammar]

pūjite puṣpadhūpādyairdatvā siddhāntapustake |
guroḥ pādāntikaṃ gatvā bhaktyā dadyātpavitrakaṃ || 66 ||
[Analyze grammar]

nirgatya vahirācamya gomaye maṇḍalatraye |
pañcagavyañcarundantadhāvanañca kramādyajet || 67 ||
[Analyze grammar]

ācānto mantrasambaddhaḥ kṛtasaṅgītajāgaraḥ |
svapedantaḥ smarannīśaṃ bubhukṣurdarbhasaṃstare || 68 ||
[Analyze grammar]

anenaiva prakāreṇa mumukṣurapi saṃviśet |
kevalambhasmaśayyāyāṃ sopavāsaḥ samāhitaḥ || 69 ||
[Analyze grammar]