Chapter 19

[English text for this chapter is available]

agniruvāca |
kaśyapasya vede sargamadityādiṣu he mune |
cākṣuṣe tuṣitā devāste'dityāṃ kaśyapātpunaḥ || 1 ||
[Analyze grammar]

āsan viṣṇuśca śakraśca tvaṣṭā dhātā tathāryamā |
pūṣā vivasvān savitā mitrotha varuṇo bhagaḥ || 2 ||
[Analyze grammar]

aṃśuśca dvādaśādityā āsan vaivasvatentare |
ariṣṭanemipatnīnāmapatyānīha ṣoḍaśa || 3 ||
[Analyze grammar]

bahuputrasya viduṣaścatasro vidyutaḥ sutāḥ |
pratyaṅgirasajāḥ śreṣṭhāḥ kṛśāśvasya surāyudhāḥ || 4 ||
[Analyze grammar]

udayāstamane sūrye tadvadete yuge yuge |
hiraṇyakaśipurdityāṃ hiraṇyākṣaśca kaśyapāt || 5 ||
[Analyze grammar]

siṃhikā cābhavatkanyā vipracitteḥ parigrahaḥ |
rāhuprabhṛtayastasyāṃ saiṃhikeyā iti śrutāḥ || 6 ||
[Analyze grammar]

hiraṇyakaśipoḥ putrāścatvāraḥ prathitaujasaḥ |
anuhrādaśca hrādaśca prahrādaścātivaiṣṇavaḥ || 7 ||
[Analyze grammar]

saṃhrādaśca caturthobhūthrādaputro hradastathā |
hradasya putra āyuṣmān śibirvāskala eva ca || 8 ||
[Analyze grammar]

virovanastu prāhrādirbalirjajñe virocanāt |
baleḥ putraśataṃ tvāsīdvāṇaśreṣṭhaṃ mahāmune || 9 ||
[Analyze grammar]

purākalpe hi bāṇena prasādyomāpatiṃ varaḥ |
pārśvato vihariṣyāmītyevaṃ prāptaśca īśvarāt || 10 ||
[Analyze grammar]

hiraṇyākṣasutāḥ pañca śambaraḥ śakunistviti |
dvimūrdhā śaṅkurāryaśca śatamāsan danoḥ sutāḥ || 11 ||
[Analyze grammar]

svarbhānostu prabhā kanyā pulomnastu śacī smṛtā |
upadānavī hayaśirā śarmiṣṭhā vārṣaparvaṇī || 12 ||
[Analyze grammar]

pulomā kālakā caiva vaiśvānarasute ubhe |
kaśyapasya tu bhārye dve tayoḥ putrāśca koṭayaḥ || 13 ||
[Analyze grammar]

prahrādasya catuṣkoṭyo nivātakavacāḥ kule |
tāmrāyāḥ ṣaṭsutāḥ syuśca kākī śvenī ca bhāsyapi || 14 ||
[Analyze grammar]

gṛdhrikā śuci sugrīvā tābhyaḥ kākādayo'bhavan |
aśvāścoṣṭrāśca tāmrāyā aruṇo garuḍastathā || 15 ||
[Analyze grammar]

vinatāyāḥ sahasrantu sarpāśca surasābhavāḥ |
kādraveyāḥ sahasrantu śeṣavāsukitakṣakāḥ || 16 ||
[Analyze grammar]

daṃṣṭriṇaḥ krodhavaśajā dharotthāḥ pakṣiṇo jale |
surabhyāṃ gomahiṣyādi irotpannāstṛṇādayaḥ || 17 ||
[Analyze grammar]

svasāyāṃ yakṣarakṣāṃsi muneraśvarasobhavan |
ariṣṭāyāntu gandharvāḥ kaśyapāddhi sthirañcaraṃ || 18 ||
[Analyze grammar]

eṣāṃ putrādayo'saṅkhyā devairvai dānavā jitāḥ |
ditirvinaṣṭaputrā vai toṣayāmāsa kaśyapaṃ || 19 ||
[Analyze grammar]

putramindraprahartāramicchatī prāpa kaśyapāt |
pādāprakṣālanātsuptā tasyā garbhaṃ jaghāna ha || 20 ||
[Analyze grammar]

chidramanviṣya cendrastu te devā maruto'bhavan |
śakrasyaikonapañcāśatsahāyā dīptatejasaḥ || 21 ||
[Analyze grammar]

etatsarvaṃ harirbrahmā abhiṣicya pṛthuṃ nṛpaṃ |
dadau krameṇa rājyāni anyeṣāmadhipo hariḥ || 22 ||
[Analyze grammar]

dvijauṣadhīnāṃ candraśca apāntu varuṇo nṛpaḥ |
rājñāṃ vaiśravaṇo rājā sūryāṇāṃ viṣṇorīśvaraḥ || 23 ||
[Analyze grammar]

vasūnāṃ pāvako rājā marutāṃ vāsavaḥ prabhuḥ |
prajāpatīnāṃ dakṣo'tha prahlādo dānavādhipaḥ || 24 ||
[Analyze grammar]

pitṝṇāṃ ca yamo rājā bhūtādīnāṃ haraḥ prabhuḥ |
himavāṃścaiva śailānāṃ nadīnāṃ sāgaraḥ prabhuḥ || 25 ||
[Analyze grammar]

gāndharvāṇāṃ citraratho nāgānāmatha vāsukiḥ |
sarpāṇāṃ takṣako rājā garuḍaḥ pakṣiṇāmatha || 26 ||
[Analyze grammar]

airāvato gajendrāṇāṃ govṛṣotha gavāmapi |
mṛgaṇāmatha śārdūlaḥ plakṣo vanaspatīśvaraḥ || 27 ||
[Analyze grammar]

uccaiḥśravāstathāśvānāṃ sudhanvā pūrvapālakaḥ |
dakṣiṇasyāṃ śaṅkhapadaḥ ketumān pālako jale |
hiraṇyaromakaḥ saumye pratisargoyamīritaḥ || 28 ||
[Analyze grammar]