Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 2

< Previous

Next >

[English text for this chapter is available]

īśvara uvāca |
tato gacchenmahādevi kṣetraṃ vastrāpathaṃ punaḥ |
yatprabhāsasya sarvasvaṃ kṣetraṃ nābhiḥ priyaṃ mama || 1 ||
[Analyze grammar]

yatra sākṣādbhavo devaḥ sṛṣṭisaṃhārakārakaḥ |
pṛthivyāṃ sa tvadhiṣṭhātā tattvānāmādimaḥ prabhuḥ || 2 ||
[Analyze grammar]

sa svayaṃbhūḥ sthitastatra prabhāse bhūtido bhavaḥ |
bhavatīdaṃ jagadyasmāttasmādbhava iti smṛtaḥ || 3 ||
[Analyze grammar]

yaḥ sakṛtkurute yātrāṃ kṣetre vastrāpathe punaḥ |
vigāhya tatra tīrthāni kṛtakṛtyaḥ sa jāyate || 4 ||
[Analyze grammar]

atha dṛṣṭvā bhavaṃ devaṃ sakṛtpūjyavidhānataḥ |
kedārayātrāphalabhāksa bhavenmanujottamaḥ || 5 ||
[Analyze grammar]

caitre māsi bhavaṃ dṛṣṭvā na punarjāyate bhuvi |
vaiśākhyāmathavā samyagbhavaṃ dṛṣṭvā vimucyate || 6 ||
[Analyze grammar]

vārāṇasyāṃ kurukṣetre narmadāyāṃ tu yatphalam |
tatphalaṃ nimiṣārddhena bhavaṃ dṛṣṭvā dinedine || 7 ||
[Analyze grammar]

durllabhastatra vāsastu durllabhaṃ bhavadarśanam |
pretatvaṃ naiva tasyāsti na yāmyā nārakī vyathā || 8 ||
[Analyze grammar]

yeṣāṃ bhavālaye prāṇā gatā vai varavarṇini |
dhanyānāmapi dhanyāste devānāmapi devatāḥ || 9 ||
[Analyze grammar]

vastrāpathe matiryeṣāṃ bhave yeṣāṃ matiḥ sthirā |
godānaṃ tatra śaṃsaṃti brāhmaṇānāṃ ca bhojanam |
piṃḍadānaṃ ca tatraiva kalpāṃtaṃ tṛptimā vahet || 10 ||
[Analyze grammar]

iti saṃkṣepataḥ proktaṃ māhātmyaṃ te bhavodbhavam |
śrutaṃ pāpopaśamanaṃ yajñāyutaphalapradam || 11 ||
[Analyze grammar]

iti śrīskānde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe dvitīye vastrāpathakṣetramāhātmye vastrāpathakṣetrabhavamāhātmyavarṇanaṃnāma dvitīyo'dhyāyaḥ || 2 ||
[Analyze grammar]