Chapter 339

[English text for this chapter is available]

īśvara uvāca |
tato gacchenmahādevi kūpaṃ trailokyaviśrutam |
devikāyāstaṭe ramye huṃkāreṇaiva pūryate || 1 ||
[Analyze grammar]

tato'dhastātpunaryāti salilaṃ tatra bhāmini |
taṇḍīnāma purā prokto devikātaṭamāsthitaḥ || 2 ||
[Analyze grammar]

tapastepe mahādevi śivabhaktiparāyaṇaḥ |
tasyaivaṃ tapyamānasya tasmindeśe varānane || 3 ||
[Analyze grammar]

ājagāma mṛgo vṛddhastaṃ deśamandha dṛkpriye |
sa papāta mahāgarte agādhe jalavarjite || 4 ||
[Analyze grammar]

taṃ dṛṣṭvā kṛpayāviṣṭaḥ sa munirmaunamāsthitaḥ |
huṃkāraṃ kurute tatra bhūyobhūyaśca bhāmini || 5 ||
[Analyze grammar]

atha huṃkāraśabdena tasya gartaḥ prapūritaḥ |
tato mṛgo viniṣkrāṃtaḥ kṛcchreṇa salilātpriye || 6 ||
[Analyze grammar]

mānuṣaṃ rūpamāśritya tamṛṣiṃ paryapṛcchata |
vismayaṃ paramaṃ gatvā kāmyadaṃ karmaṇaḥ phalam || 7 ||
[Analyze grammar]

mṛgatve patitaścātra naro bhūtvā vinirgataḥ |
so'bravīttasya māhātmyaṃ salilasya dvijottamaḥ || 8 ||
[Analyze grammar]

ato'haṃ naratāṃ prāpto nānyadastīha kāraṇam |
tatastatsalilaṃ bhūyaḥ praviṣṭaṃ dharaṇītale || 9 ||
[Analyze grammar]

tato huṃkṛtavānbhūyaḥ sa ṛṣiḥ kautukānvitaḥ |
āpūritaḥ punaḥ kūpaḥ salilena purā yathā || 10 ||
[Analyze grammar]

tataḥ sa kṛtavānsnānaṃ tathā ca pitṛtarpaṇam |
matvā tīrthavaraṃ tatra tataḥ prāptaḥ parāṃ gatim || 11 ||
[Analyze grammar]

adyāpi huṃkṛte tasminsalilaughaḥ pravartate |
tatra gatvā naro bhaktyā api pāparato'pi yaḥ || 12 ||
[Analyze grammar]

na mānuṣyaṃ punarjanma prāpnoti jagatītale |
tatra snātvā śucirbhūtvā yaḥ śrāddhaṃ kurute naraḥ || 13 ||
[Analyze grammar]

mucyate sarvapāpebhyaḥ pitṛloke mahīyate |
kulāni tārayetsapta atītā'nāgatāni ca || 14 ||
[Analyze grammar]