Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 321

< Previous

Next >

[English text for this chapter is available]

īśvara uvāca |
atha te kīrtayiṣyāmi rahasyaṃ sthānamuttamam |
sarvapāpaharaṃ nṝṇāmunnatasthānavāsinām || 1 ||
[Analyze grammar]

śreṣṭhadevasya māhātmyaṃ brahmaṇo'vyaktajanmanaḥ |
unnatasthānasaṃsthasya devasya bālarūpiṇaḥ |
yasya darśanamātreṇa sarvapāpaiḥ pramucyate || 2 ||
[Analyze grammar]

devyuvāca |
bālarūpīti yatproktamunnataṃ tatkathaṃ vada |
sthāneṣvanyeṣu sarvatra vṛddharūpī pitāmahaḥ || 3 ||
[Analyze grammar]

kasminsthāne sthitastatra kimarthaṃ tatra vā gataḥ |
kathaṃ sa pūjyo viprendraistithau kasyāṃ kramādvada || 4 ||
[Analyze grammar]

īśvara uvāca |
ṛṣitoyāpaścime tu aiśānyāṃ sthalakeśvarāt |
brahmaṇaḥ paramaṃ sthānaṃ brahmaloka ivāparaḥ || 5 ||
[Analyze grammar]

brahmā viṣṇuśca rudraśca pūjyāḥ prābhāsike sadā |
brahmabhāge sthito brahmā ṛṣitoyātaṭe śubhe || 6 ||
[Analyze grammar]

rudrabhāge'gnitīrthe ca pūjyo rudraḥ sanātanaḥ |
girau raivatake ramye pūjyo dāmodaro hariḥ || 7 ||
[Analyze grammar]

somena prārthito devo bālarūpī pitāmahaḥ |
āgataścāṣṭavarṣastu hyunnate sthāna uttame || 8 ||
[Analyze grammar]

dṛṣṭvā brahmā dvijāñchreṣṭhāṃstatra sthāne sthito vibhuḥ || 9 ||
[Analyze grammar]

nāsti brahmasamo devo nāsti brahmasamo guruḥ |
nāsti brahmasamaṃ jñānaṃ nāsti brahmasamaṃ tapaḥ || 10 ||
[Analyze grammar]

tāvadbhramaṃti saṃsāre duḥkhaśokabhayāplutāḥ |
na bhavaṃti surajyeṣṭhe yāvadbhaktāḥ pitāmahe || 11 ||
[Analyze grammar]

samāsaktaṃ yathā cittaṃ jaṃtorviṣayagocare |
yadyevaṃ brahmaṇi nyastaṃ ko na mucyeta baṃdhanāt || 12 ||
[Analyze grammar]

paramāyuḥ smṛto brahmā parārdhaṃ tasya vai gatam |
unnatasthānasaṃsthasya dvitīyaṃ bhavitā'dhunā || 13 ||
[Analyze grammar]

yadāsāvunnate sthāne brahmalokātpitāmahaḥ |
āgataścāṣṭavarṣastu bālarūpī tadocyate || 14 ||
[Analyze grammar]

sthāneṣvanyeṣu viprāṇāṃ vṛddharūpī pitāmahaḥ |
yuktaṃ tadunnatasthānaṃ sadā ca brahmaṇaḥ priyam || 15 ||
[Analyze grammar]

snātvā ca vidhivatpūrvaṃ brahmakuṃḍe narottama |
pūjayetpuṣpadhūpādyairbrahmāṇaṃ bālarūpiṇam || 16 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya unnatasthāne brahmamāhātmyavarṇanaṃnāmaikaviṃśatyuttara triśatatamodhyāyaḥ || 321 ||
[Analyze grammar]