Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 246

< Previous

Next >

[English text for this chapter is available]

īśvara uvāca || |
tato gacchenmahādevi piṃgalīṃ pāpanāśinīm |
ṛṣitīrthātpaścimato nadīṃ sāgaragāminīm || 1 ||
[Analyze grammar]

tasyāḥ saṃdarśanāddevi rūpavāñjāyate naraḥ |
purā maharṣayaḥ prāptāḥ someśvaradidṛkṣayā || 2 ||
[Analyze grammar]

prabhāsaṃ kṣetramāsādya nadītīre vyavasthitāḥ |
dākṣiṇātyā mahādevi kṛṣṇavarṇā virūpakāḥ || 3 ||
[Analyze grammar]

tatrāśramavare snātvā paśyanto rūpamātmanaḥ |
kāmena sadṛśaṃ sarve vismayaṃ paramaṃ gatāḥ || 4 ||
[Analyze grammar]

tataste sahitāḥ sarve vismayotphullalocanāḥ |
atra snātā vayaṃ sarve yataḥ piṃgatvamāgatāḥ |
ataḥ prabhṛti nāmāsyāstataḥ piṃgā bhaviṣyati || 5 ||
[Analyze grammar]

yetra snānaṃ kariṣyanti bhaktyā paramayā yutāḥ |
na teṣāmanvaye kaścidbhaviṣyati kurūpavān || 6 ||
[Analyze grammar]

darśanātpitṛmedhasya lapsyate mānavaḥ phalam |
snānena dviguṇaṃ puṇyaṃ tarpaṇena caturguṇam || 7 ||
[Analyze grammar]

asaṃkhyātaṃ phalaṃ tasya yo'tra śrāddhaṃ kariṣyati |
evamuktvā tataḥ sarva ṛṣayo varavarṇini || 8 ||
[Analyze grammar]

vyabhajaṃstannadītīraṃ sarve te munisattamāḥ |
yajñopavītamātrāṇi cakrustīrthāni sarvataḥ || 9 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye piṃgā nadīmāhātmyavarṇanaṃnāma ṣaṭcatvāriṃśaduttaradviśatatamo'dhyāyaḥ || 246 ||
[Analyze grammar]