Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 125

< Previous

Next >

[English text for this chapter is available]

īśvara uvāca |
tato gacchenmahāliṃgaṃ mahādevi surapriyam |
rāvaṇeśvaravāyavye dhanuṣāṃ triṃśake'ntare || 1 ||
[Analyze grammar]

sthitaṃ kāmapradaṃ liṃgaṃ sarvapātakanāśanam |
paulomīśvaranāmāḍhacaṃ paulomyā saṃpratiṣṭhitam || 2 ||
[Analyze grammar]

tārakeṇa yadā dhvastāstridaśāḥ saṃgare sthitāḥ |
trailokyaṃ vihṛtaṃ sarvaṃ svayamindratvamāgataḥ || 3 ||
[Analyze grammar]

tadā śakraḥ suduḥkhārto bhayodvigno nanāśa vai |
tadā tadbhāryayā devi indrāṇyā śokakarṣayā || 4 ||
[Analyze grammar]

indrasya jayamicchantyā śaṃbhurārādhitastayā |
tatastuṣṭo mahādevastāmuvāca śubhekṣaṇām || 5 ||
[Analyze grammar]

bhagavānuvāca |
utpatsyati suto'smākaṃ ṣaṇmukhastu mahābalaḥ |
tārakaṃ daityarājānaṃ sa cainaṃ ghātayiṣyati || 6 ||
[Analyze grammar]

gaccha tvaṃ vijvarā bhūtvā śṛṇu bhūyo vacaśca me || 7 ||
[Analyze grammar]

atra sthitamidaṃ liṃgaṃ yo'smākaṃ pūjayiṣyati |
sa nūnaṃ me gaṇo bhūtvā matsakāśamupeṣyati || 8 ||
[Analyze grammar]

evamuktā gatā sādhvī devarāḍyatra saṃsthitaḥ |
sarvadduḥkhavinirmuktā sarvadaityabhayojjhitā || 9 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye paulomośvaramāhātmyavarṇanaṃnāma pañcaviṃśatyuttaraśatatamo'dhyāyaḥ || 125 ||
[Analyze grammar]