Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 78

< Previous

Next >

[English text for this chapter is available]

īśvara uvāca |
tato gacchenmahādevi devaṃ vaiśvānareśvaram |
tasyaivāgneyakoṇasthaṃ dhanuṣāṃ paṃcake sthitam || 1 ||
[Analyze grammar]

pāpaghnaṃ sarvajaṃtūnāṃ darśanātsparśanādapi |
tatra kaścicchukaḥ pūrvaṃ nīḍaṃ devi cakāra ha || 2 ||
[Analyze grammar]

prāsāde bhāryayā sārddhaṃ nivasa nsuciraṃ sthitaḥ |
tatastau daṃpatī nityaṃ pradakṣiṇaṃ pracakratuḥ || 3 ||
[Analyze grammar]

kulāyasya vaśāddevi na tu bhaktyā kathaṃcana |
kālena mahatā tau ca paṃcatvaṃ samupasthitau || 4 ||
[Analyze grammar]

jātau tena prabhāvena uktau jātismarau bhuvi |
lopāmudrāgastyanāmaprasiddhiṃ paramāṃ gatau || 5 ||
[Analyze grammar]

atha gāthā purī gītā agastyena mahātmanā |
smaratā pūrvadehaṃ tu vismayenānubhūtijā || 6 ||
[Analyze grammar]

kṛtvā pradakṣiṇaṃ samyagvahnīśaṃ yaḥ prapaśyati |
nūnaṃ prasiddhimāpnoti itaścāhaṃ yathā purā || 7 ||
[Analyze grammar]

evaṃ devi tavākhyātaṃ māhātmyaṃ vahnidaivatam |
śrutaṃ pāpaharaṃ nṛṇāṃ sarvakāmaphalapradam || 8 ||
[Analyze grammar]

ghṛtena taṃ tu saṃsnāpya vidhinā vai samarcayet |
hema dadyācca vipreṃdra samyakchraddhāsamanvitaḥ || 9 ||
[Analyze grammar]

evaṃ kṛtvā vidhānena samyagyātrāphalaṃ labhet |
vahnilokaṃ tu saṃprāpya modate kālamakṣayam || 10 ||
[Analyze grammar]

iti śrīskāṃde mahāpurāṇa ekāśīti sāharuyā saṃhitāyāṃ saptame prabhāsakhaṇḍe prathame prabhāsakṣetramāhātmye vaiśvānareśvaramāhātmyavarṇanaṃnāmāṣṭasaptati tamo'dhyāyaḥ || 78 ||
[Analyze grammar]