Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 73

< Previous

Next >

[English text for this chapter is available]

īśvara uvāca |
tato gacchenmahādevi kumāreśvaramuttamam |
liṃgaṃ mahāprabhāvaṃ hi mahāpātakanāśanam || 1 ||
[Analyze grammar]

dhanuṣāṃ triṃśatā devi varuṇānnaiṛte sthitam |
gaurītapovanāddevi dakṣiṇa sthānasaṃsthitam || 2 ||
[Analyze grammar]

ṣaṇmukhena mahādevi tatra kṛtvā mahattapaḥ |
pratiṣṭhitaṃ mahāliṃgaṃ kumāreśastato'bhavat || 3 ||
[Analyze grammar]

yastaṃ pūjayate bhaktyā māsamekaṃ nirantaram |
ṣaṇmāsasyārcanenaiva yatpuṇyamupajāyate || 4 ||
[Analyze grammar]

tatpuṇyaṃ sakalaṃ tasya kumāreśārcanātsakṛt |
labhate divasaikena vidhinā yadi pūjayet || 5 ||
[Analyze grammar]

kāmaṃ krodhaṃ tathā lobhaṃ rāgaṃ tyaktvā tu matsaram |
brahmacārī yatirbhūtvā sakṛdapyenamarcayet || 6 ||
[Analyze grammar]

evaṃ saṃpūjite devi samyagyātrā phalaṃ labhet || 7 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye kumāreśvaramāhātmyavarṇanaṃ nāma trisaptatitamo'dhyāyaḥ || 73 ||
[Analyze grammar]