Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 45

< Previous

Next >

[English text for this chapter is available]

īśvara uvāca |
tato gacchenmahādevi aṃgāreśvaramuttamam |
sthāpitaṃ bhūmiputreṇa someśādīśa gocare || 1 ||
[Analyze grammar]

tripuraṃ dagdhukāmasya purā mama varānane |
krodhādaśru viniṣkrāṃtaṃ locanatritayena tu || 2 ||
[Analyze grammar]

tacca bhūmau nipatitaṃ tato bhūbhisuto'bhavat |
sa prabhāsaṃ tato gatvā bālyātprabhṛti śaṃkaram || 3 ||
[Analyze grammar]

tapasā'rādhayāmāsa bahūnvarṣagaṇānpriye |
tasya tuṣṭo mahādevaḥ suprītātmā varaṃ dadau || 4 ||
[Analyze grammar]

so'bravīdyadi me deva tuṣṭosi vṛṣabhadhvaja |
grahatvaṃ dehi sarveśa na cānyaṃ varamutsahe || 5 ||
[Analyze grammar]

sa tatheti pratijñāya punastaṃ vākyamabravīt |
ihāgatya naro yo māṃ pūjayiṣyati bhaktitaḥ || 6 ||
[Analyze grammar]

na bhaviṣyati vai pīḍā tāvakī tasya kutracit |
puṣpāṇi raktavarṇāni madhvājyāktāni bhūriśaḥ || 7 ||
[Analyze grammar]

homayiṣyati yo bhaktyā lakṣamekaṃ tadagrataḥ |
paṃcopacāravidhinā tvāṃ tu saṃpūjya yatnataḥ || 8 ||
[Analyze grammar]

tasya janmāvadhirnaiva tava pīḍā bhaviṣyati || |
tathā vidrumadānena lapsyate phalamīpsitam || 9 ||
[Analyze grammar]

evamuktvā sa bhagavānatraivāṃtaradhīyana |
bhaumo'pi grahamadhyastho vimānena virājate || 10 ||
[Analyze grammar]

evaṃ saṃkṣepataḥ proktaṃ bhaumamāhātmyamuttamam |
śrutaṃ harati pāpāni tathārogyaṃ prayacchati || 11 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmyeṃ'gāreśvaramāhātmyavarṇanaṃnāma pañcacatvāriṃśodhyāyaḥ || 45 ||
[Analyze grammar]