Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 16

< Previous

Next >

[English text for this chapter is available]

| sūta uvāca |
tasmātsarvaprayatnena tyaktvā'nyā nikhilāḥ kriyāḥ |
raktaśṛṃgasya sāṃnidhyaṃ sevanīyaṃ vicakṣaṇaiḥ || 1 ||
[Analyze grammar]

kiṃ dānaiḥ kiṃ kriyākāṃḍaiḥ kiṃ yajñaiḥ kiṃ vratairapi |
tatkṣetraṃ sevayedbhaktyā hāṭakeśvarasaṃbhavam || 2 ||
[Analyze grammar]

agniṣṭomādayo yajñāḥ sarve saṃpūrṇadakṣiṇāḥ |
tasya kṣetrasya purataḥ kalāṃ nārhaṃti ṣoḍaśīm || 3 ||
[Analyze grammar]

cāndrāyaṇāni kṛcchrāṇi tathā sāṃtapanāni ca |
tasya kṣetrasya purataḥ kalāṃ nārhaṃti ṣoḍaśīm || 4 ||
[Analyze grammar]

prabhāsādyāni tīrthāni gaṅgādyāḥ saritastathā |
tasya kṣetrasya purataḥ kalāṃ nārhaṃti ṣoḍaśīm || 5 ||
[Analyze grammar]

bhūmidānāni sarvāṇi dharmāḥ sarve dayādikāḥ |
tasya kṣetrasya purataḥ kalāṃ nārhaṃti ṣoḍaśīm || 6 ||
[Analyze grammar]

tatra rājarṣayaḥ pūrvaṃ prabhūtāḥ siddhimāgatāḥ |
paśavaḥ pakṣiṇaḥ sarpāḥ siṃhavyāghrā mṛgādayaḥ || 7 ||
[Analyze grammar]

tatra kālavaśānnaṣṭāste'pi prāptā divālayam |
yastatra vratahīno'pi kṛṣikarmarato'pi vā || 9 ||
[Analyze grammar]

nivāsaṃ kurute viprā mṛtastatra divaṃ vrajet |
kiṃvā ca bahunoktena bhūyobhūyo dvijottamāḥ || 9 ||
[Analyze grammar]

śrūyatāṃ paramaṃ guhyaṃ tasya kṣetrasya saṃbhavam |
punaṃti kṣetratīrthāni saṃvāsādiha mānavān || 10 ||
[Analyze grammar]

hāṭakeśvarajaṃ kṣetraṃ punāti smaraṇādapi |
kiṃ punardarśanādviprāḥ sparśanācca viśeṣataḥ || 11 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye raktaśṛṅgasāṃnidhyasevanaphalaśraiṣṭhyavarṇanaṃnāma ṣoḍaśo' dhyāyaḥ || 16 ||
[Analyze grammar]