Chapter 151

[English text for this chapter is available]

śrīmārkaṇḍeya uvāca |
uttare narmadākūle tīrthaṃ paramaśobhanam |
jayavārāhamāhātmyaṃ sarvapāpapraṇāśanam || 1 ||
[Analyze grammar]

uddhṛtā jagatī yena sarvadevanamaskṛtā |
lokānugrahabuddhyā ca saṃsthito narmadātaṭe || 2 ||
[Analyze grammar]

tatra tīrthe tu yaḥ snātvā vīkṣate madhusūdanam |
mucyate sarvapāpebhyo daśajanmānukīrtanāt || 3 ||
[Analyze grammar]

matsyaḥ kūrmo varāhaśca narasiṃho'tha vāmanaḥ |
rāmo rāmaśca kṛṣṇaśca buddhaḥ kalkiśca te daśa || 4 ||
[Analyze grammar]

yudhiṣṭhira uvāca |
matsyena kiṃ kṛtaṃ tāta kūrmeṇa munisattama |
varāheṇa ca kiṃ karma narasiṃhena kiṃ kṛtam || 5 ||
[Analyze grammar]

vāmanena ca rāmeṇa rāghaveṇa ca kiṃ kṛtam |
buddharūpeṇa kiṃ vāpi kalkinā kiṃ kṛtaṃ vada || 6 ||
[Analyze grammar]

evamuktastu viprendro dharmaputreṇa dhīmatā |
uvāca madhurāṃ vāṇīṃ tadā dharmasutaṃ prati || 7 ||
[Analyze grammar]

śrīmārkaṇḍeya uvāca |
mīno bhūtvā purā kalpe prītyarthaṃ brahmaṇo vibhuḥ |
samarpayatsamuddhṛtya vandānmagnānmahārṇave || 8 ||
[Analyze grammar]

amṛtotpādane rājankūrmo bhūtvā jagadguruḥ |
mandaraṃ dhārayāmāsa tathā devīṃ vasuṃdharām || 9 ||
[Analyze grammar]

ujjahāra dharāṃ magnāṃ pātālatalavāsinīm |
vārāhaṃ rūpamāsthāya devadevo janārdanaḥ || 10 ||
[Analyze grammar]

narasyārddhatanuṃ kṛtvā siṃhasyārddhatanuṃ tathā |
hiraṇyakaśiporvakṣo vidadāra nakhāṅkuśaiḥ || 11 ||
[Analyze grammar]

jaṭī vāmanarūpeṇa stūyamāno dvijottamaiḥ |
taddivyaṃ rūpamāsthāya kramitvā medinīṃ kramaiḥ || 12 ||
[Analyze grammar]

kṛtavāṃśca baliṃ paścātpātālatalavāsinam |
sthāpayitvā surān sarvān gato viṣṇuḥ svakaṃ puram || 13 ||
[Analyze grammar]

jamadagnisuto rāmo bhūtvā śastrabhṛtāṃ varaḥ |
kṣatriyān pṛthivīpālānavadhīddhaihayādikān || 14 ||
[Analyze grammar]

kaśyapāya mahīṃ dattvā saparvatavanākarām |
tapastapati deveśo mahendre'dyāpi bhārata || 15 ||
[Analyze grammar]

tato dāśarathī rāmo rāvaṇaṃ devakaṇṭakam |
sagaṇaṃ samare hatvā rājyaṃ dattvā vibhīṣaṇe || 16 ||
[Analyze grammar]

pālayitvā nayādbhūmiṃ makhaiḥ saṃtarpya devatāḥ |
svargaṃ gato mahātejā rāmo rājīvalocanaḥ || 17 ||
[Analyze grammar]

vasudevagṛhe bhūyaḥ saṃkarṣaṇasahāyavān |
avatīrṇo jagannātho vāsudevo yudhiṣṭhira || 18 ||
[Analyze grammar]

so'vadhīttava sāmarthyādvadhārthaṃ duṣṭabhūbhṛtām |
cāṇūrakaṃsakeśīnāṃ jarāsaṃdhasya bhārata || 19 ||
[Analyze grammar]

tena tvaṃ susahāyena hatvā śatrūnnareśvara |
bhokṣyase pṛthivīṃ sarvāṃ bhrātṛbhiḥ saha saṃbhṛtām || 20 ||
[Analyze grammar]

tathā buddhatvamaparaṃ navamaṃ prāpsyate'cyutaḥ |
śāntimāndevadeveśo madhuhantā madhupriyaḥ || 21 ||
[Analyze grammar]

tena buddhasvarūpeṇa devena parameṣṭhinā |
bhaviṣyati jagatsarvaṃ mohitaṃ sacarācaram || 22 ||
[Analyze grammar]

na śroṣyanti pituḥ putrāstadāprabhṛti bhārata |
na gurorbāndhavāḥ śiṣyā bhaviṣyatyadharottaram || 23 ||
[Analyze grammar]

jito dharmo hyadharmeṇa cāsatyena ṛtaṃ jitam |
jitāścauraiśca rājānaḥ strībhiśca puruṣā jitāḥ || 24 ||
[Analyze grammar]

sīdanti cāgnihotrāṇi gurau pūjā praṇaśyati |
sīdanti mānavā dharmāḥ kalau prāpte yudhiṣṭhira || 25 ||
[Analyze grammar]

dvādaśe daśame varṣe nārī garbhavatī bhavet |
kanyāstatra prasūyante brāhmaṇo haripiṅgalaḥ || 26 ||
[Analyze grammar]

bhaviṣyati tataḥ kalkirdaśame janmani prabhuḥ || 27 ||
[Analyze grammar]

etatte kathitaṃ rājandevasya parameṣṭhinaḥ |
kāraṇaṃ daśa janmanāṃ sarvapāpakṣayaṃkaram || 28 ||
[Analyze grammar]