Chapter 129

[English text for this chapter is available]

| adhyāya || 129 ||
[Analyze grammar]

śrīmārkaṇḍeya uvāca |
tato gacchenmahīpāla brahmatīrthamanuttamam |
anyeṣāṃ caiva tīrthānāṃ parātparataraṃ mahat || 1 ||
[Analyze grammar]

tatra tīrthe suraśreṣṭho brahmā lokapitāmahaḥ |
caturṇāmapi varṇānāṃ narmadātaṭamāśritaḥ || 2 ||
[Analyze grammar]

vācikaṃ mānasaṃ pāpaṃ karmajaṃ yatpurākṛtam |
tatkṣālayati deveśo darśanādeva pātakam || 3 ||
[Analyze grammar]

śrutismṛtyuditānyeva tatra snātvā dvijarṣabhāḥ |
prāyaścittāni kurvanti teṣāṃ vāsastriviṣṭape || 4 ||
[Analyze grammar]

ye punaḥ śāstramutsṛjya kāmalobhaprapīḍitāḥ |
prāyaścittaṃ vadiṣyanti te vai nirayagāminaḥ || 5 ||
[Analyze grammar]

snātvādau pātakī brahmannatvā tu kīrtayedagham |
tasya tannaśyate kṣipraṃ tamaḥ sūryodaye yathā || 6 ||
[Analyze grammar]

tatra tīrthe tu yaḥ snātvā pūjayetpitṛdevatāḥ |
agniṣṭomasya yajñasya sa labhetphalamuttamam || 7 ||
[Analyze grammar]

tatra tīrthe tu yaddānaṃ brahmoddiśya prayacchati |
tadakṣayaphalaṃ sarvamityevaṃ śaṅkaro'bravīt || 8 ||
[Analyze grammar]

gāyatrīsāramātro'pi tatra yaḥ kriyate japaḥ |
ṛgyajuḥsāmasahitaḥ sa bhavennātra saṃśayaḥ || 9 ||
[Analyze grammar]

tatra tīrthe tu yo bhaktyā tyajeddehaṃ sudustyajam |
anivartikā gatistasya brahmalokānna saṃśayaḥ || 10 ||
[Analyze grammar]

yāvadasthīni tiṣṭhanti brahmatīrthe ca dehinām |
tāvadvarṣasahasrāṇi devaloke mahīyate || 11 ||
[Analyze grammar]

avatīrṇastato loke brahmajño jāyate kule |
uttamaḥ sarvavarṇānāṃ devānāmiva devatā || 12 ||
[Analyze grammar]

vidyāsthānāni sarvāṇi vetti vedāṅgapāragaḥ |
jāyate pūjito loke rājabhiḥ sa na saṃśayaḥ || 13 ||
[Analyze grammar]

putrapautrasamopetaḥ sarvavyādhivivarjitaḥ |
jīvedvarṣaśataṃ sāgraṃ brahmatīrthaprabhāvataḥ || 14 ||
[Analyze grammar]

etatpuṇyaṃ pāpaharaṃ tīrthaṃ jñānavatāṃ varam |
ye paśyanti mahātmāno hyamṛtatvaṃ prayānti te || 15 ||
[Analyze grammar]