Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 115

< Previous

Next >

[English text for this chapter is available]

| adhyāya || 115 ||
[Analyze grammar]

śrīmārkaṇḍeya uvāca |
tato gacchenmahārāja tīrthamaṅgārakaṃ param |
rūpadaṃ sarvalokānāṃ viśrutaṃ narmadātaṭe || 1 ||
[Analyze grammar]

aṅgārakeṇa rājendra purā taptaṃ tapaḥ kila |
arbudaṃ ca nikharvaṃ ca prayutaṃ varṣasaṃkhyayā || 2 ||
[Analyze grammar]

tatastuṣṭo mahādevaḥ parayā kṛpayā nṛpa |
pratyakṣadarśī bhagavānuvāca kṣitinandanam || 3 ||
[Analyze grammar]

varado'smi mahābhāga durlabhaṃ tridaśairapi |
varaṃ dāsyāmyahaṃ vatsa brūhi yatte vivakṣitam || 4 ||
[Analyze grammar]

aṅgāraka uvāca |
tava prasādāddeveśa sarvalokamaheśvara |
grahamadhyagato nityaṃ vicarāmi nabhastale || 5 ||
[Analyze grammar]

yāvaddharādharo loke yāvaccandradivākarau |
nadyo nadāḥ samudrāśca varo me cākṣayo bhavet || 6 ||
[Analyze grammar]

evamastviti deveśo dattvā varamanuttamam |
jagāmākāśamāviśya vandyamānaḥ surāsuraiḥ || 7 ||
[Analyze grammar]

bhūmiputrastatastasminsthāpayāmāsa śaṅkaram |
gataḥ surālaye loke grahabhāve niveśitaḥ || 8 ||
[Analyze grammar]

tatra tīrthe tu yaḥ snātvā pūjayetparameśvaram |
hutahomo jitakrodhaḥ so'śvamedhaphalaṃ labhet || 9 ||
[Analyze grammar]

caturthyaṅgārake yastu snātvā cābhyarcayedgraham |
aṅgārakaṃ vidhānena saptajanmāni bhārata || 10 ||
[Analyze grammar]

daśayojanavistīrṇe maṇḍale rūpavān bhavet |
tatraiva tā mṛto jantuḥ kāmato'kāmato'pi vā |
rudrasyānucaro bhūtvā tenaiva saha modate || 11 ||
[Analyze grammar]