Chapter 95

[English text for this chapter is available]

| adhyāya || 95 ||
[Analyze grammar]

śrīmārkaṇḍeya uvāca |
tato gacchettu rājendra badaryāśramamuttamam |
sarvatīrthavaraṃ puṇyaṃ kathitaṃ śaṃbhunā purā || 1 ||
[Analyze grammar]

yaścaiṣa bhāratasyārthe tatra siddhaḥ kirīṭabhṛt |
bhrātā te phālguno nāma viddhyenaṃ naradaivatam || 2 ||
[Analyze grammar]

naranārāyaṇau dvau tāvāgatau narmadātaṭe |
jñānaṃ tasyaiva yo rājanbhaktimānvai janārdane || 3 ||
[Analyze grammar]

samaṃ paśyati sarveṣu sthāvareṣu careṣu ca |
brāhmaṇaṃ śvapacaṃ caiva tatra prīto janārdanaḥ || 4 ||
[Analyze grammar]

aikātmyaṃ paśya kaunteya mayi cātmani nāntaram |
naranārāyaṇābhyāṃ hi kṛtaṃ badarikāśramam || 5 ||
[Analyze grammar]

sthāpitaḥ śaṅkarastatra lokānugrahakāraṇāt |
trimūrtisthāpitaṃ liṅgaṃ svargamārgānumuktidam || 6 ||
[Analyze grammar]

tatra gatvā śucirbhūtvā hyekarātropavāsakṛt |
rajastamastathā tyaktvā sāttvikaṃ bhāvamāśrayet || 7 ||
[Analyze grammar]

rātrau jāgaraṇaṃ kṛtvā madhumāsāṣṭamīdine |
athavā ca caturdaśyāmubhau pakṣau ca kārayet || 8 ||
[Analyze grammar]

āśvinasya viśeṣeṇa kathitaṃ tava pāṇḍava |
snāpayetparayā bhaktyā kṣīreṇa madhunā saha || 9 ||
[Analyze grammar]

dadhnā śarkarayā yuktaṃ ghṛtena samalaṃkṛtam |
pañcāmṛtamidaṃ puṇyaṃ snāpayedvṛṣabhadhvajam || 10 ||
[Analyze grammar]

snāpyamānaṃ śivaṃ bhaktyā vīkṣate yo vimatsaraḥ |
tasya vāsaḥ śivopānte śakraloke na saṃśayaḥ || 11 ||
[Analyze grammar]

śāṭhyenāpi namaskāraḥ prayuktaḥ śūlapāṇine |
saṃsāramūlabaddhānāmudveṣṭanakaro hi yaḥ || 12 ||
[Analyze grammar]

tenādhītaṃ śrutaṃ tena tena sarvamanuṣṭhitam |
yenauṃ namaḥ śivāyeti mantrābhyāsaḥ sthirīkṛtaḥ || 13 ||
[Analyze grammar]

yaḥ punaḥ snāpayedbhaktyā ekabhakto jitendriyaḥ |
tasyāpi yatphalaṃ pārtha vakṣye talleśatastava || 14 ||
[Analyze grammar]

pīḍito vṛddhabhāvena tava bhaktyā vadāmyaham |
te yānti paramaṃ sthānaṃ bhittvā bhāskaramaṇḍalam || 15 ||
[Analyze grammar]

saṃsāre sarvasaukhyānāṃ nilayāste bhavanti ca |
āścaryaṃ jñātivargāṇāṃ dharmāṇāṃ nilayāstu te || 16 ||
[Analyze grammar]

sampannāḥ sarvakāmaiste pṛthivyāṃ pṛthivīpate |
śrāddhaṃ tatraiva yaḥ kuryānnarmadodakamiśritam || 17 ||
[Analyze grammar]

yogyaiśca brāhmaṇairrājankulīnairvedapāragaiḥ |
surūpaiśca suśīlaiśca svadāranirataiḥ śubhaiḥ || 18 ||
[Analyze grammar]

āryadeśaprasūtaiśca ślakṣṇaiścaiva surūpibhiḥ |
kārayetpiṇḍadānaṃ vai bhāskare kutapasthite || 19 ||
[Analyze grammar]

pitḥṇāṃ paramaṃ lokaṃ yadīccheddharmanandana |
varjayettānprayatnena kāṇānduṣṭāṃśca dāmbhikān || 20 ||
[Analyze grammar]

tasmātsarvaprayatnena yogyaṃ vipraṃ samāśrayet |
narakānmocayetpretānkumbhīpākapurogamān || 21 ||
[Analyze grammar]

mokṣo bhavati sarveṣāṃ pitḥṇāṃ nṛpanandana |
viprebhyaḥ kāñcanaṃ dadyātprīyatāṃ me pitāmahaḥ || 22 ||
[Analyze grammar]

annaṃ ca dāpayettatra bhaktyā vastraṃ ca bhārata |
gāṃ vṛṣaṃ medinīṃ dadyācchatraṃ śastaṃ nṛpottama || 23 ||
[Analyze grammar]

sa pumānsvargamāpnoti ityevaṃ śaṅkaro'bravīt |
prāṇatyāgaṃ tu yaḥ kuryācchikhinā salilena vā || 24 ||
[Analyze grammar]

anāśakena vā bhūyaḥ sa gacchecchivamandiram |
naranārāyaṇītīre devadroṇyāṃ ca yo nṛpa || 25 ||
[Analyze grammar]

sa vasedīśvarasyāgre yāvadindrāścaturdaśa |
punaḥ svargāccyutaḥ so'pi rājā bhavati vīryavān || 26 ||
[Analyze grammar]

sarvaiśvaryaguṇairyuktaḥ prajāpālanatatparaḥ |
tataḥ smarati tattīrthaṃ punarevāgamiṣyati || 27 ||
[Analyze grammar]