Chapter 18

[English text for this chapter is available]

|| brahmovāca |
tatra gatvā smaro garvī śivamāyāvimohitaḥ |
mohakassamadhoścādau dharmaṃ vistārayansthitaḥ || 1 ||
[Analyze grammar]

vasaṃtasya ca yo dharmmaḥ prasasāra sa sarvataḥ |
tapasthāne maheśasyauṣadhiprasthe munīśvara || 2 ||
[Analyze grammar]

vanāni ca praphullāni pādapānāṃ mahāmune |
āsanviśeṣatastatra tatprabhāvānmunīśvara || 3 ||
[Analyze grammar]

puṣpāṇi sahakārāṇāmaśokavanikāsu vai |
virejussusmaroddīpakārāṇi surabhīṇyapi || 4 ||
[Analyze grammar]

kairavāṇi ca puṣpāṇi bhramarākalitāni ca |
babhūburmadanāveśakarāṇi ca viśeṣataḥ || 5 ||
[Analyze grammar]

sakāmoddīpanakaraṃ kokilākalakūjitam |
āsīdati suramyaṃ hi manoharamatipriyam || 6 ||
[Analyze grammar]

bhramarāṇāṃ tathā śabdā vividhā abhavanmune |
manoharāśca sarveṣāṃ kāmoddīpakarā api || 7 ||
[Analyze grammar]

caṃdrasya viśadā kāṃtirvikīrṇā hi samaṃtata |
kāmināṃ kāminīnāṃ ca dūtikā iva sābhavat || 8 ||
[Analyze grammar]

mānināṃ preraṇāyāsīttatkāle kāladīpikā |
mārutaśca sukhaḥ sādho vavau virahiṇo'priyaḥ || 9 ||
[Analyze grammar]

evaṃ vasaṃtavistāro madanāveśakārakaḥ |
vanaukasāṃ tadā tatra munīnāṃ dussaho'tyabhūt || 10 ||
[Analyze grammar]

acetasāmapi tadā kāmāsaktirabhūnmune |
sucetāsāṃ hi jīvānāṃ seti kiṃ varṇyate kathā||1 || || 1 ||
[Analyze grammar]

evaṃ cakāra sa madhussvaprabhāvaṃ sudussaham |
sarveṣā caiva jīvānāṃ kāmoddīpanakārakaḥ || 12 ||
[Analyze grammar]

akālanimitaṃ tāta madhorvīkṣya harastadā |
āścaryyaṃ paramaṃ mene svalīlāttatanuḥ prabhuḥ || 13 ||
[Analyze grammar]

atha līlākarastatra tapaḥ paramaduṣkaram |
tatāpa sa vaśīśo hi haro duḥkhaharaḥ prabhuḥ || 14 ||
[Analyze grammar]

vasaṃte prasṛte tatra kāmo ratisamanvitaḥ |
cūtaṃ bāṇaṃ samākṛṣya sthitastadvāmapārśvataḥ || 15 ||
[Analyze grammar]

svaprabhāvaṃ vitastāra mohayansakalāñjanān |
ratyāyuktaṃ tadā kāmaṃ dṛṣṭvā ko vā na mohitaḥ || 16 ||
[Analyze grammar]

evaṃ pravṛttasuratau śṛṃgāro'pi gaṇaissaha |
hāvabhāvayutastatra praviveśa harāṃtikam || 17 ||
[Analyze grammar]

madanaḥ prakaṭastatra nyavasaccittago bahiḥ |
na dṛṣṭavāṃstadā śaṃbhośchidraṃ yena praviśyate || 18 ||
[Analyze grammar]

yadā cāprāptavivarastasminyogivare smaraḥ |
mahādevastadā so'bhūnmahābhayavimohitaḥ || 19 ||
[Analyze grammar]

jvalajjvālāgnisaṃkāśaṃ bhālanetrasamanvitam |
dhyānasthaṃ śaṃkaraṃ ko vā samāsādayituṃ kṣamaḥ || 20 ||
[Analyze grammar]

etasminnaṃtare tatra sakhībhyāṃ saṃyutā śivā |
jagāma śivapūjārthaṃ nītvā puṣpāṇyanekaśaḥ || 21 ||
[Analyze grammar]

pṛthivyāṃ yādṛśaṃ lokaissauṃdaryaṃ varṇyate mahat |
tatsarvamadhikaṃ tasyāṃ pārvatyāmasti niścitam || 22 ||
[Analyze grammar]

ārtavāṇi supuṣpāṇi dhṛtāni ca tayā yadā |
tatsauṃdaryaṃ kathaṃ varṇyamapi varṣaśatairapi || 23 ||
[Analyze grammar]

yadā śivasamīpe tu gatā sā parvatātmajā |
tadaiva śaṃkaro dhyānaṃ tyaktvā kṣaṇamavasthitaḥ || 24 ||
[Analyze grammar]

tacchidraṃ prāpya madanaḥ prathamaṃ harṣaṇena tu |
bāṇena harṣayāmāsa pārśvasthaṃ candraśekharam || 25 ||
[Analyze grammar]

śṛṃgāraiśca tadā bhāvaissahitā pārvatī haram |
jagāma kāmasāhāyye mune surabhiṇā saha || 26 ||
[Analyze grammar]

tadevākṛṣya taccāpaṃ rucyarthaṃ śūladhāriṇaḥ |
drutaṃ puṣpaśaraṃ tasmai smaro'muṃcatsusaṃyataḥ || 27 ||
[Analyze grammar]

yathā niraṃtaraṃ nityamāgacchati tathā śivam |
tannamaskṛtya tatpūjāṃ kṛtvā tatpurataḥ sthitā || 28 ||
[Analyze grammar]

sā dṛṣṭā pārvatī tatra prabhuṇā giriśena hi |
vivṛṇvatī tadāṃgāni strīsvabhāvātsulajjayā || 29 ||
[Analyze grammar]

susaṃsmṛtya varaṃ tasyā vidhidattaṃ purā prabhuḥ |
śivopi varṇayāmāsa tadaṃgāni mudā mune || 30 ||
[Analyze grammar]

śiva uvāca |
ki mukhaṃ kiṃ śaśāṃkaśca kiṃ netre cotpale ca kim |
 bhrukuṭyau dhanuṣī caite kaṃdarpasya mahātmanaḥ || 31 ||
[Analyze grammar]

adharaḥ kiṃ ca biṃbaṃ kiṃ kiṃ nāsā śukacaṃcukā |
kiṃ svaraḥ kokilālāpaḥ kiṃ madhyaṃ cātha vedikā || 32 ||
[Analyze grammar]

kiṃ gatirvarṇyate hyasyāḥ kiṃ rūpaṃ varṇyate muhuḥ |
puṣpāṇi kiṃ ca varṇyaṃte vastrāṇi ca tathā punaḥ || 33 ||
[Analyze grammar]

lālityaṃ cāru yatsṛṣṭau tadekatra vinirmitam |
sarvathā ramaṇīyāni sarvāṃgāni na saṃśayaḥ || 34 ||
[Analyze grammar]

aho dhanyatarā ceyaṃ pārvatyadbhutarūpiṇī |
etatsamā na trailokye nārī kāpi surūpiṇī || 35 ||
[Analyze grammar]

sulāvaṇyānidhiśceyamadbhutāṃgāni bibhratī |
vimohinī munīnāṃ ca mahāsukhavivarddhinī || 36 ||
[Analyze grammar]

|| brahmovāca |
ityevaṃ varṇayitvā tu tadaṃgāni muhurmuhuḥ |
vidhidattavarādhyāsāddharastu virarāma ha || 37 ||
[Analyze grammar]

hastaṃ vastrāṃtare yāvadacālayata śaṃkaraḥ |
strīsvabhāvācca sā tatra lajjitā dūrato gatā || 38 ||
[Analyze grammar]

vivṛṇvatī nijāṃgāni paśyaṃtī ca muhurmuhuḥ |
suvīkṣaṇairmahāmodātsusmitābhūcchivā mune || 39 ||
[Analyze grammar]

evaṃ ceṣṭāṃ tadā dṛṣṭvā śaṃbhurmohamupāgataḥ |
uvāca vacanaṃ caivaṃ mahālīlo maheśvaraḥ || 40 ||
[Analyze grammar]

asyā darśanamātreṇa mahānaṃdo bhavatyalam |
yadāliṃganamenasyāḥ kuryyāṃ kintu tatassukham || 41 ||
[Analyze grammar]

kṣaṇamātraṃ vicāryyetthaṃ saṃpūjya girijāṃ tataḥ |
prabuddhasya mahāyogī suvirakto jagāviti || 42 ||
[Analyze grammar]

kiṃ jātaṃ caritaṃ citraṃ kimahaṃ mohamāgataḥ |
kāmena vikṛtaścādya bhūtvāpi prabhurīśvaraḥ || 43 ||
[Analyze grammar]

īśvarohaṃ yadīccheyaṃ parāṃgasparśanaṃ khalu |
tarhi ko'nyo'kṣamaḥ kṣudraḥ kiṃ kiṃ naiva kariṣyati || 44 ||
[Analyze grammar]

evaṃ vairāgyamāsādya paryyaṃkāsādanaṃ ca tat |
vārayāmāsa sarvātmā pareśaḥ kiṃ patediha || 45 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāntargatatṛtīye pārvatīkhaṇḍe kāmakṛtavikāravarṇananāmāṣṭādaśo'dhyāyaḥ || 18 ||
[Analyze grammar]