Chapter 85

[English text for this chapter is available]

vena uvāca |
bhagavandevadeveśa prasādācca mama tvayā |
bhāryātīrthaṃ samākhyātaṃ pitṛtīrthamanuttamam || 1 ||
[Analyze grammar]

mātṛtīrthaṃ hṛṣīkeśa bahupuṇyapradāyakam |
prasādasumukho bhūtvā gurutīrthaṃ vadasva me || 2 ||
[Analyze grammar]

śrībhagavānuvāca |
kathayiṣyāmyahaṃ rājangurutīrthamanuttamam |
sarvapāpaharaṃ proktaṃ śiṣyāṇāṃ gatidāyakam || 3 ||
[Analyze grammar]

śiṣyāṇāṃ paramaṃ puṇyaṃ dharmarūpaṃ sanātanam |
paraṃ tīrthaṃ paraṃ jñānaṃ pratyakṣaphaladāyakam || 4 ||
[Analyze grammar]

yasyaprasādādrājeṃdra ihaiva phalamaśnute |
paraloke sukhaṃ bhuṃkte yaśaḥ kīrtimavāpnuyāt || 5 ||
[Analyze grammar]

prasādādyasya rājeṃdra guroścaiva mahātmanaḥ |
pratyakṣaṃ dṛśyate śiṣyaistrailokyaṃ sacarācaram || 6 ||
[Analyze grammar]

vyavahāraṃ ca lokānāmācāraṃ nṛpanaṃdana |
vijñānaṃ viṃdate śiṣyo mokṣaṃ caiva prayāti ca || 7 ||
[Analyze grammar]

sarveṣāmeva lokānāṃ yathā sūryaḥ prakāśakaḥ |
guruḥ prakāśakastadvacchiṣyāṇāṃ gatiruttamā || 8 ||
[Analyze grammar]

rātrāveva prakāśecca somo rājā nṛpottama |
tejasā sādhayetsarvamadhikāraṃ carācaram || 9 ||
[Analyze grammar]

gṛheprakāśayeddīpaḥ samūhaṃ nṛpasattama |
tejasā nāśayetsarvamaṃdhakāraghanāvilam || 10 ||
[Analyze grammar]

ajñānatamasā vyāptaṃ śiṣyaṃ dyotayate guruḥ |
śiṣyaprakāśauddyotairupadeśairmahāmate || 11 ||
[Analyze grammar]

divāprakāśakaḥ sūryaḥ śaśīrātrau prakāśakaḥ |
gṛhaprakāśako dīpastamonāśakaraḥ sadā || 12 ||
[Analyze grammar]

rātrau divā gṛhasyāṃte guruḥ śiṣyaṃ sadaiva hi |
ajñānākhyaṃ tamastasya guruḥ sarvaṃ praṇāśayet || 13 ||
[Analyze grammar]

tasmādguruḥ paraṃ tīrthaṃ śiṣyāṇāmavanīpate |
evaṃ jñātvā tataḥ śiṣyaḥ sarvadā taṃ prapūjayet || 14 ||
[Analyze grammar]

guruṃ puṇyamayaṃ jñātvā trividhenāpi karmaṇā |
ityarthe śrūyate vipra itihāsaḥ purātanaḥ || 15 ||
[Analyze grammar]

sarvapāpaharaḥ proktaścyavanasya mahātmanaḥ |
bhārgavasya kule jātaścyavano munisattamaḥ || 16 ||
[Analyze grammar]

tasya ciṃtā samutpannā ekadā tu nṛpottama |
kadāhaṃ jñānasaṃpanno bhaviṣyāmi mahītale || 17 ||
[Analyze grammar]

divārātraupraciṃtetsa jñānārthī munisattamaḥ |
evaṃ tu ciṃtamānasya matirāsīnmahātmanaḥ || 18 ||
[Analyze grammar]

tīrthayātrāṃ prayāsyāmi abhīṣṭaphaladāyinīm |
gṛhakṣetrādisaṃtyajya bhāryāṃ putraṃ dhanaṃ tataḥ || 19 ||
[Analyze grammar]

tīrthayātrāprasaṃgena aṭate medinīṃ tadā |
lomānulomayātrāṃ sa gaṃgāyāḥ kṛtavānnṛpa || 20 ||
[Analyze grammar]

sa tadvannarmadāyāśca sarasvatyā munīśvaraḥ |
godāvaryādisarvāsāṃ nadīnāṃ sāgarasya ca || 21 ||
[Analyze grammar]

anyeṣāṃ sarvatīrthānāṃ kṣetrāṇāṃ ca nṛpottama |
devānāṃ puṇyaligānāṃ yātrāvyājena so'bhramat || 22 ||
[Analyze grammar]

bhramamāṇasya tasyāpi tīrtheṣu parameṣu ca |
bhramamāṇaḥ samāyātaḥ kṣetrāṇāmuttamaṃ tadā |
kāyaśca nirmalo jātaḥ sūryatejaḥ samaprabhaḥ || 23 ||
[Analyze grammar]

cyavanaḥ kāśate dīptyā pūtātmānena karmaṇā || 24 ||
[Analyze grammar]

narmadā dakṣiṇe kūle nāmnā amarakaṃṭakam |
dadarśa sumahāligaṃ sarveṣāṃ gatidāyakam || 25 ||
[Analyze grammar]

natvā stutvā tu saṃpūjya siddhanāthaṃ maheśvaram |
jvāleśvaraṃ tato dṛṣṭvā dṛṣṭvā cāpyamareśvaram || 26 ||
[Analyze grammar]

brahmeśaṃ kapileśaṃ ca mārkaṃḍeśvaramuttamam |
evaṃ yātrāṃ tataḥ kṛtvā oṃkāraṃ samupāgataḥ || 27 ||
[Analyze grammar]

vaṭacchāyāṃ samāśritya śītalāṃ śramanāśinīm |
sukhena saṃsthito vipraścyavano bhṛgunaṃdanaḥ || 28 ||
[Analyze grammar]

tatra svanaṃ sa śuśrāva samuktaṃ pakṣiṇā tadā |
divyabhāṣā samāyuktaṃ jñānavijñānasaṃyutam || 29 ||
[Analyze grammar]

śukaśca ekastatrāste bahukālaprajīvakaḥ |
kuṃjalonāma dharmātmā catuḥputraḥ sabhāryakaḥ || 30 ||
[Analyze grammar]

āsaṃstasya hi putrāśca catvāraḥ pitṛnaṃdanāḥ |
teṣāṃ nāmāni rājeṃdra kathayiṣye tavāgrataḥ || 31 ||
[Analyze grammar]

jyeṣṭhastu ujjvalo nāma dvitīyastu samujjvalaḥ |
tṛtīyo vijvalonāma caturthaśca kapiṃjalaḥ || 32 ||
[Analyze grammar]

evaṃ putrāstu catvāraḥ kuṃjalasya mahāmate |
śukasya tasya puṇyasya pitṛmātṛparāyaṇāḥ || 33 ||
[Analyze grammar]

bhramaṃti girikuṃjeṣu dvīpeṣu ca samāhitāḥ |
bhojanārthaṃ tu saṃkṣubdhāḥ kṣudhayā paripīḍitāḥ || 34 ||
[Analyze grammar]

svodarasthāṃ kṣudhāṃ saumya phalairamṛtasannibhaiḥ |
amṛtasvādutoyena śamayaṃti nṛpottama || 35 ||
[Analyze grammar]

phalaṃ pakvaṃ rasālaṃ tu āhārārthaṃ suputrakāḥ |
datvā phalāni daṃpatyornikṣipaṃti prayatnataḥ || 36 ||
[Analyze grammar]

māturarthe mahābhāgā bhaktibhāvasamanvitāḥ |
tuṣṭā āhāramutpādya bhakṣayaṃti paṭhaṃti ca || 37 ||
[Analyze grammar]

tatra krīḍāratāḥ sarve vilasaṃti ramaṃti ca |
saṃdhyākālaṃ samājñāya pituraṃtikamuttamam || 38 ||
[Analyze grammar]

āyāṃti bhakṣyamādāya gurvarthaṃ tu prayatnataḥ |
paśyatastasya viprasya cyavanasya mahātmanaḥ || 39 ||
[Analyze grammar]

āgatāstvaṃḍajāḥ sarve piturnīḍaṃ suśobhanam |
pitaraṃ mātaraṃ cobhau praṇemuste mahāmate || 40 ||
[Analyze grammar]

tābhyāṃ bhakṣyaṃ samāsādya upatasthustayoḥ puraḥ |
sarve saṃbhāṣitāḥ pitrā mānitāste sutottamāḥ || 41 ||
[Analyze grammar]

mātrā ca kṛpayā rājanvacanaiḥ prītisaṃmitaiḥ |
pakṣavātena śītena mātāpitrośca te tadā || 42 ||
[Analyze grammar]

teṣāmāpyāyanaṃ tau dvau cakrāte pakṣiṇau nṛpa |
āśīrbhirabhinaṃdyaiva dvābhyāmapi suputrakān || 43 ||
[Analyze grammar]

taiśca dattaṃ susaṃpuṣṭamāhāramamṛtopamam |
tāveva hi susaṃprītiṃ cakrāte dvijasattama || 44 ||
[Analyze grammar]

pibato nirmalaṃ toyaṃ tīrthakoṭisamudbhavam |
svasthānaṃ tu samāśritya sukhasaṃtuṣṭamānasau || 45 ||
[Analyze grammar]

cakrāte ca kathāṃ divyāṃ supuṇyāṃ pāpanāśinīm |
viṣṇuruvāca |
pitrā tu kuṃjalenāpi pṛṣṭa ujjvala ātmajaḥ || 46 ||
[Analyze grammar]

kvagato'syadya putra tvaṃ kimapūrvaṃ tvayā punaḥ |
tatra dṛṣṭaṃ śrutaṃ puṇyaṃ tanme kathaya naṃdana || 47 ||
[Analyze grammar]

kuṃjalasya piturvākyaṃ samākarṇya sa ujjvalaḥ |
pitaraṃ pratyuvācātha bhaktyā namitakaṃdharaḥ || 48 ||
[Analyze grammar]

praṇāmamakaronmūrdhnā kathāṃ cakre manoharām |
ujjvala uvāca |
plakṣadvīpaṃ mahābhāga nityameva vrajāmyaham || 49 ||
[Analyze grammar]

mahatā udyamenāpi āhārārthaṃ mahāmate |
plakṣedvīpe mahārāja saṃti deśā anekaśaḥ || 50 ||
[Analyze grammar]

parvatāḥ saridudyāna vanāni ca sarāṃsi ca |
grāmāśca pattanāścānye suprajābhiḥ pramoditāḥ || 51 ||
[Analyze grammar]

sadā sukhena saṃtuṣṭā lokā hṛṣṭā vasaṃti te |
dānapuṇyajapopetāḥ śraddhābhāvasamanvitāḥ || 52 ||
[Analyze grammar]

plakṣadvīpe mahārāja āsītpuṇyamatiḥ sadā |
divodāsastu dharmātmā tatsutāsīdanūpamā || 53 ||
[Analyze grammar]

guṇarūpasamāyuktā suśīlā cārumaṃgalā |
divyādevīti vikhyātā rūpeṇāpratimā bhuvi || 54 ||
[Analyze grammar]

pitrā vilokitā sā tu rūpatāruṇyamaṃgalā |
prathame vayasi sā ca varttate cārumaṃgalā || 55 ||
[Analyze grammar]

sa tāṃ dṛṣṭvā divodāso divyāṃ devīṃ sutāṃ tadā |
kasmai pradīyate kanyā suvarāya mahātmane || 56 ||
[Analyze grammar]

iti ciṃtāparo bhūtvā samālokya narottamaḥ |
rūpadeśasya rājānaṃ samālokya mahīpatiḥ || 57 ||
[Analyze grammar]

citrasenaṃ mahātmānaṃ samāhūya narottamaḥ |
kanyāṃ dadau mahātmāsau citrasenāya dhīmate || 58 ||
[Analyze grammar]

tasyā vivāhakāle tu saṃprāpte samaye nṛpa |
mṛtosau citrasenastu kāladharmeṇa vai kila || 59 ||
[Analyze grammar]

divodāsastu dharmātmā ciṃtayāmāsa bhūpatiḥ |
subrāhmaṇānsamāhūya papraccha nṛpanaṃdanaḥ || 60 ||
[Analyze grammar]

asyā vivāhakāle tu citraseno divaṃ gataḥ |
asyāstu kīdṛśaṃ karma bhaviṣyati vadaṃtu me || 61 ||
[Analyze grammar]

brāhmaṇā ūcuḥ |
vivāho dṛśyate rājankanyāyāstu vidhānataḥ |
patirmṛtyuṃ prayātyasyā nocetsaṃgaṃ karoti ca || 62 ||
[Analyze grammar]

mahādhivyādhinā grastastyāgaṃ kṛtvā prayāti ca |
pravrājito bhavedrājandharmaśāstreṣu dṛśyate || 63 ||
[Analyze grammar]

anudvāhitāyāḥ kanyāyā udvāhaḥ kriyate budhaiḥ |
na syādrajasvalā yāvadanyaḥ patirvidhīyate || 64 ||
[Analyze grammar]

vivāhaṃ tu vidhānena pitā kuryānna saṃśayaḥ |
evaṃ rājansamādiṣṭaṃ dharmaśāstraṃ budhairjanaiḥ || 65 ||
[Analyze grammar]

vivāhaḥ kriyatāmasyā ityūcuste dvijottamāḥ |
divodāsastu dharmātmā dvijavākyapraṇoditaḥ || 66 ||
[Analyze grammar]

vivāhārthaṃ mahārāja udyamaṃ kṛtavānnṛpa |
punardattā tu dānena divyādevī dvijottama || 67 ||
[Analyze grammar]

rūpasenāya puṇyāya tasmai rājñe mahātmane |
mṛtyudharmaṃ gato rājā vivāhe tu mahīpatiḥ || 68 ||
[Analyze grammar]

yadā yadā mahābhāga divyādevyāśca bhūpatiḥ |
bhartā ca mriyate kāle prāpte lagnasya sarvadā || 69 ||
[Analyze grammar]

ekaviṃśatibhartāraḥ kāle kāle mṛtāḥ pitaḥ |
tato rājā mahāduḥkhī saṃjātaḥ khyātavikramaḥ || 70 ||
[Analyze grammar]

samālocya samāhūya samāmaṃtrya sa maṃtribhiḥ |
svayaṃvare mahābuddhiṃ cakāra pṛthivīpatiḥ || 71 ||
[Analyze grammar]

plakṣadvīpasya rājānaḥ samāhūtā mahātmanā |
svayaṃvarārthamāhūtāstathā te dharmatatparāḥ || 72 ||
[Analyze grammar]

tasyāstu rūpasaṃmugdhā rājāno mṛtyunoditāḥ |
saṃgrāmaṃ cakrire mūḍhāste mṛtāḥ samarāṃgaṇe || 73 ||
[Analyze grammar]

evaṃ tāta kṣayo jātaḥ kṣatriyāṇāṃ mahātmanām |
divyādevī suduḥkhārtā gatā sā vanakaṃdaram || 74 ||
[Analyze grammar]

ruroda karuṇaṃ bālā divyādevī manasvinī |
evaṃ tāta mayā dṛṣṭamapūrvaṃ tatra vai tadā || 75 ||
[Analyze grammar]

tanme suvistaraṃ tāta tasyāḥ kathaya kāraṇam || 76 ||
[Analyze grammar]