Chapter 162

yudhiṣṭhira uvāca |
pitāmaha mahāprājña kurūṇāṃ kīrtivardhana |
praśnaṃ kaṃcitpravakṣyāmi tanme vyākhyātumarhasi || 1 ||
[Analyze grammar]

kīdṛśā mānavāḥ saumyāḥ kaiḥ prītiḥ paramā bhavet |
āyatyāṃ ca tadātve ca ke kṣamāstānvadasva me || 2 ||
[Analyze grammar]

na hi tatra dhanaṃ sphītaṃ na ca saṃbandhibāndhavāḥ |
tiṣṭhanti yatra suhṛdastiṣṭhantīti matirmama || 3 ||
[Analyze grammar]

durlabho hi suhṛcchrotā durlabhaśca hitaḥ suhṛt |
etaddharmabhṛtāṃ śreṣṭha sarvaṃ vyākhyātumarhasi || 4 ||
[Analyze grammar]

bhīṣma uvāca |
saṃdheyānpuruṣānrājannasaṃdheyāṃśca tattvataḥ |
vadato me nibodha tvaṃ nikhilena yudhiṣṭhira || 5 ||
[Analyze grammar]

lubdhaḥ krūrastyaktadharmā nikṛtaḥ śaṭha eva ca |
kṣudraḥ pāpasamācāraḥ sarvaśaṅkī tathālasaḥ || 6 ||
[Analyze grammar]

dīrghasūtro'nṛjuḥ kaṣṭo gurudārapradharṣakaḥ |
vyasane yaḥ parityāgī durātmā nirapatrapaḥ || 7 ||
[Analyze grammar]

sarvataḥ pāpadarśī ca nāstiko vedanindakaḥ |
saṃprakīrṇendriyo loke yaḥ kāmanirataścaret || 8 ||
[Analyze grammar]

asatyo lokavidviṣṭaḥ samaye cānavasthitaḥ |
piśuno'thākṛtaprajño matsarī pāpaniścayaḥ || 9 ||
[Analyze grammar]

duḥśīlo'thākṛtātmā ca nṛśaṃsaḥ kitavastathā |
mitrairarthakṛtī nityamicchatyarthaparaśca yaḥ || 10 ||
[Analyze grammar]

vahataśca yathāśakti yo na tuṣyati mandadhīḥ |
amitramiva yo bhuṅkte sadā mitraṃ nararṣabha || 11 ||
[Analyze grammar]

asthānakrodhano yaśca akasmācca virajyate |
suhṛdaścaiva kalyāṇānāśu tyajati kilbiṣī || 12 ||
[Analyze grammar]

alpe'pyapakṛte mūḍhastathājñānātkṛte'pi ca |
kāryopasevī mitreṣu mitradveṣī narādhipa || 13 ||
[Analyze grammar]

śatrurmitramukho yaśca jihmaprekṣī vilobhanaḥ |
na rajyati ca kalyāṇe yastyajettādṛśaṃ naram || 14 ||
[Analyze grammar]

pānapo dveṣaṇaḥ krūro nirghṛṇaḥ paruṣastathā |
paropatāpī mitradhruktathā prāṇivadhe rataḥ || 15 ||
[Analyze grammar]

kṛtaghnaścādhamo loke na saṃdheyaḥ kathaṃcana |
chidrānveṣī na saṃdheyaḥ saṃdheyānapi me śṛṇu || 16 ||
[Analyze grammar]

kulīnā vākyasaṃpannā jñānavijñānakovidāḥ |
mitrajñāśca kṛtajñāśca sarvajñāḥ śokavarjitāḥ || 17 ||
[Analyze grammar]

mādhuryaguṇasaṃpannāḥ satyasaṃdhā jitendriyāḥ |
vyāyāmaśīlāḥ satataṃ bhṛtaputrāḥ kulodgatāḥ || 18 ||
[Analyze grammar]

rūpavanto guṇopetāstathālubdhā jitaśramāḥ |
doṣairviyuktāḥ prathitaiste grāhyāḥ pārthivena ha || 19 ||
[Analyze grammar]

yathāśaktisamācārāḥ santastuṣyanti hi prabho |
nāsthāne krodhavantaśca na cākasmādvirāgiṇaḥ || 20 ||
[Analyze grammar]

viraktāśca na ruṣyanti manasāpyarthakovidāḥ |
ātmānaṃ pīḍayitvāpi suhṛtkāryaparāyaṇāḥ |
na virajyanti mitrebhyo vāso raktamivāvikam || 21 ||
[Analyze grammar]

doṣāṃśca lobhamohādīnartheṣu yuvatiṣvatha |
na darśayanti suhṛdāṃ viśvastā bandhuvatsalāḥ || 22 ||
[Analyze grammar]

loṣṭakāñcanatulyārthāḥ suhṛtsvaśaṭhabuddhayaḥ |
ye carantyanabhīmānā nisṛṣṭārthavibhūṣaṇāḥ |
saṃgṛhṇantaḥ parijanaṃ svāmyarthaparamāḥ sadā || 23 ||
[Analyze grammar]

īdṛśaiḥ puruṣaśreṣṭhaiḥ saṃdhiṃ yaḥ kurute nṛpaḥ |
tasya vistīryate rāṣṭraṃ jyotsnā grahapateriva || 24 ||
[Analyze grammar]

śāstranityā jitakrodhā balavanto raṇapriyāḥ |
kṣāntāḥ śīlaguṇopetāḥ saṃdheyāḥ puruṣottamāḥ || 25 ||
[Analyze grammar]

ye ca doṣasamāyuktā narāḥ proktā mayānagha |
teṣāmapyadhamo rājankṛtaghno mitraghātakaḥ |
tyaktavyaḥ sa durācāraḥ sarveṣāmiti niścayaḥ || 26 ||
[Analyze grammar]

yudhiṣṭhira uvāca |
vistareṇārthasaṃbandhaṃ śrotumicchāmi pārthiva |
mitradrohī kṛtaghnaśca yaḥ proktastaṃ ca me vada || 27 ||
[Analyze grammar]

bhīṣma uvāca |
hanta te vartayiṣye'hamitihāsaṃ purātanam |
udīcyāṃ diśi yadvṛttaṃ mleccheṣu manujādhipa || 28 ||
[Analyze grammar]

brāhmaṇo madhyadeśīyaḥ kṛṣṇāṅgo brahmavarjitaḥ |
grāmaṃ prekṣya janākīrṇaṃ prāviśadbhaikṣakāṅkṣayā || 29 ||
[Analyze grammar]

tatra dasyurdhanayutaḥ sarvavarṇaviśeṣavit |
brahmaṇyaḥ satyasaṃdhaśca dāne ca nirato'bhavat || 30 ||
[Analyze grammar]

tasya kṣayamupāgamya tato bhikṣāmayācata |
pratiśrayaṃ ca vāsārthaṃ bhikṣāṃ caivātha vārṣikīm || 31 ||
[Analyze grammar]

prādāttasmai sa viprāya vastraṃ ca sadṛśaṃ navam |
nārīṃ cāpi vayopetāṃ bhartrā virahitāṃ tadā || 32 ||
[Analyze grammar]

etatsaṃprāpya hṛṣṭātmā dasyoḥ sarvaṃ dvijastadā |
tasmingṛhavare rājaṃstayā reme sa gautamaḥ || 33 ||
[Analyze grammar]

kuṭumbārtheṣu dasyoḥ sa sāhāyyaṃ cāpyathākarot |
tatrāvasatso'tha varṣāḥ samṛddhe śabarālaye |
bāṇavedhye paraṃ yatnamakaroccaiva gautamaḥ || 34 ||
[Analyze grammar]

vakrāṅgāṃstu sa nityaṃ vai sarvato bāṇagocare |
jaghāna gautamo rājanyathā dasyugaṇastathā || 35 ||
[Analyze grammar]

hiṃsāparo ghṛṇāhīnaḥ sadā prāṇivadhe rataḥ |
gautamaḥ saṃnikarṣeṇa dasyubhiḥ samatāmiyāt || 36 ||
[Analyze grammar]

tathā tu vasatastasya dasyugrāme sukhaṃ tadā |
agacchanbahavo māsā nighnataḥ pakṣiṇo bahūn || 37 ||
[Analyze grammar]

tataḥ kadācidaparo dvijastaṃ deśamāgamat |
jaṭī cīrājinadharaḥ svādhyāyaparamaḥ śuciḥ || 38 ||
[Analyze grammar]

vinīto niyatāhāro brahmaṇyo vedapāragaḥ |
sabrahmacārī taddeśyaḥ sakhā tasyaiva supriyam |
taṃ dasyugrāmamagamadyatrāsau gautamo'bhavat || 39 ||
[Analyze grammar]

sa tu vipragṛhānveṣī śūdrānnaparivarjakaḥ |
grāme dasyujanākīrṇe vyacaratsarvatodiśam || 40 ||
[Analyze grammar]

tataḥ sa gautamagṛhaṃ praviveśa dvijottamaḥ |
gautamaścāpi saṃprāptastāvanyonyena saṃgatau || 41 ||
[Analyze grammar]

vakrāṅgabhārahastaṃ taṃ dhanuṣpāṇiṃ kṛtāgasam |
rudhireṇāvasiktāṅgaṃ gṛhadvāramupāgatam || 42 ||
[Analyze grammar]

taṃ dṛṣṭvā puruṣādābhamapadhvastaṃ kṣayāgatam |
abhijñāya dvijo vrīḍāmagamadvākyamāha ca || 43 ||
[Analyze grammar]

kimidaṃ kuruṣe mauḍhyādviprastvaṃ hi kulodgataḥ |
madhyadeśaparijñāto dasyubhāvaṃ gataḥ katham || 44 ||
[Analyze grammar]

pūrvānsmara dvijāgryāṃstānprakhyātānvedapāragān |
yeṣāṃ vaṃśe'bhijātastvamīdṛśaḥ kulapāṃsanaḥ || 45 ||
[Analyze grammar]

avabudhyātmanātmānaṃ satyaṃ śīlaṃ śrutaṃ damam |
anukrośaṃ ca saṃsmṛtya tyaja vāsamimaṃ dvija || 46 ||
[Analyze grammar]

evamuktaḥ sa suhṛdā tadā tena hitaiṣiṇā |
pratyuvāca tato rājanviniścitya tadārtavat || 47 ||
[Analyze grammar]

adhano'smi dvijaśreṣṭha na ca vedavidapyaham |
vṛttyarthamiha saṃprāptaṃ viddhi māṃ dvijasattama || 48 ||
[Analyze grammar]

tvaddarśanāttu viprarṣe kṛtārthaṃ vedmyahaṃ dvija |
ātmānaṃ saha yāsyāvaḥ śvo vasādyeha śarvarīm || 49 ||
[Analyze grammar]