Chapter 195

yudhiṣṭhira uvāca |
bhagavañchrotumicchāmi dānamāhātmyamuttamam |
yadakṣayaṃ pare loke devarṣigaṇapūjitam || 1 ||
[Analyze grammar]

śrīkṛṣṇa uvāca |
rudreṇa yatpurā proktaṃ nāradāya mahātmane |
matsyena manave tadvattacchuṇuṣva kurūdvaha || 2 ||
[Analyze grammar]

meroḥ pradānaṃ vakṣyāmi daśadhā punareva te |
yatpradātottarāṃllokānprāpnoti surapūjitān || 3 ||
[Analyze grammar]

purāṇeṣu ca vedeṣu yajñeṣvadhyayaneṣu ca |
na tatphalamadhīteṣu kṛteṣviha yadaśnute || 4 ||
[Analyze grammar]

tasmādvidhānaṃ vakṣyāmi parvatānāmanukramāt |
prathamo dhānyaśailaḥ syaddvitīyo lavaṇācalaḥ || 5 ||
[Analyze grammar]

guḍācalastṛtīyastu caturtho hemaparvataḥ |
pañcamastilaśailaḥ syātṣaṣṭhaḥ kārpāsaparvataḥ || 6 ||
[Analyze grammar]

saptamo ghṛtaśailaśca rasaśailastathāṣṭamaḥ |
rājato navamastadvaddaśamaḥ śarkarācalaḥ || 7 ||
[Analyze grammar]

vakṣye vidhānameteṣāṃ yathāvadanupūrvaśaḥ |
ayane viṣuve puṇye vyatīpāte dinakṣaye || 8 ||
[Analyze grammar]

śuklapakṣe tṛtīyāyāmuparāge śaśikṣaye |
vivāhotsavayajñe vā dvādaśyāmatha vā punaḥ || 9 ||
[Analyze grammar]

śuklāyāṃ pañcadaśyāṃ vā puṇyarkṣe vā pradhānataḥ |
dhānyaśailādayo deyā yathāśāstraṃ vijānatā || 10 ||
[Analyze grammar]

tīrthe vāyatane vāpi goṣṭhe vā saṃgame'pi vā |
maṃḍapaṃ kārayedbhaktyā caturasramudaṅmukham || 11 ||
[Analyze grammar]

prāgudakpravaṇaṃ tatra prāṅmukhaṃ vā vidhānataḥ |
gomayenānuliptāyāṃ bhūmāvāstīrya vā kuśān || 12 ||
[Analyze grammar]

tanmadhye parvataṃ kuryādviṣkambhaparvatānvitam |
dhānyadroṇasahasreṇa bhavedgiririhottamaḥ || 13 ||
[Analyze grammar]

madhyamaḥ paṃcaśatikaḥ kaniṣṭhaḥ syāttribhiḥ śataiḥ || 14 ||
[Analyze grammar]

merurmahāvrīhimayastu madhyasuvarṇavṛkṣatrayasaṃyutaḥ syāt |
saṃpūrṇamuktāphalavajrayukto yāmye nu gomedakapuṣparāgaiḥ || 15 ||
[Analyze grammar]

yaḥ syācca gārutmatanīlaratnaiḥ saumyena vaiḍūryasarojarāgaiḥ |
śrīkhaṃḍakhaṇḍairabhitaḥ pravāla latānvitaḥ śuddhaśilātalaḥ syāt || 16 ||
[Analyze grammar]

brahmātha viṣṇurbhagavānpurārirdivākaro'pyatra hiraṇmayaḥ syāt |
tathaikadeśoddhatakandharastu ghṛtodakaprasravaṇāśca dikṣu || 17 ||
[Analyze grammar]

śuklāṃbaro'nyaśca surācalaḥ syātpūrveṇa kṛṣṇāni ca dakṣiṇena |
vāsāṃsi paścādatha kesarāṇi raktāni caivottarato dalāni || 18 ||
[Analyze grammar]

raupyā maheṃdrapramukhāstathāṣṭau saṃsthāpayellokapatīnkrameṇa |
nānāphalālī ca samaṃtataḥ syānmanoramāmālyavilepanādyā || 19 ||
[Analyze grammar]

vitānakañcopari pañcavarṇamamlānapuṣpābharaṇaṃ sitaṃ vā |
itthaṃ niveśyāmaraśailamapyunmanāstu viṣkambhagaṇānkrameṇa || 20 ||
[Analyze grammar]

turīyabhāgena caturdiśaṃ ca saṃsthāpayetpuṣpavilepanādyān |
pūrveṇa mandaramanekaphalopayuktaṃ yatrollasatkanakabhadrakadaṃbacihnam || 21 ||
[Analyze grammar]

kāmena kāṃcanamayena virājamānamākārayetkusumavastravilepanāḍhyam |
kṣīrāruṇodasarasātha tathā vanena raupyeṇa śaktighaṭitena virājamānam || 22 ||
[Analyze grammar]

yāmyena gaṃdhamadanotra niveśanīyo godhūmasaṃcayamayaḥ kaladhautajo vā |
haimena pakṣipatinā dhṛtamānasena tenādyameva sakalaṃ kilasaṃyutaḥ syāt || 23 ||
[Analyze grammar]

paścāttilācalamanekasugandha puṣpasauvarṇapippalahiraṇyayahaṃsayuktam |
ākārayedrajatapuṣpavanena tadvadvastrānvitaṃ dadhiśatodasarastathāgre || 24 ||
[Analyze grammar]

saṃsthāpya taṃ vipulaśailamathottareṇa śailaṃ supārśvamapi māṣamayaṃ suvapram |
puṣpaiśca hemavaṭapādapaśeṣaratnamākārayetkanakadhenuvirājamānam || 25 ||
[Analyze grammar]

mākṣīkabhadrakarasāvacayena tadvadrau pyeṇa bhāsvararasaiśca yutaṃ vidhāya |
homaścaturbhiratha vedapurāṇavidbhirhyetairaniṃdya varitākṛtibhirdvijendraiḥ || 26 ||
[Analyze grammar]

pūrveṇa hastamukhamatra vidhāya kuṃḍaṃ kāryastilairatha ghṛtena samitkuśaiśca |
rātrau ca jāgaramanuddhatagītatūryairāvāhanaṃ ca kathayāmi śiloccayānām || 27 ||
[Analyze grammar]

tvaṃ sarvadevagaṇadhāmanidhe ca vighnamasmadgṛheṣvamaraparvata nāśayāśu |
kṣemaṃ vidhatsva kuru śāṃtimanuttamāṃ naḥ saṃpūjitaḥ paramabhaktimataḥ pradehi || 28 ||
[Analyze grammar]

tvameva bhagavānīśo brahmā viṣṇurdivākaraḥ |
mūrtāmūrtaparaṃ bījamataḥ pāhi sanātana || 29 ||
[Analyze grammar]

yasmāttvaṃ lokapālānāṃ viśvamūrteśca maṃdiram |
keśavārkavasūnāṃ ca tasmā cchāṃtiṃ prayaccha me || 30 ||
[Analyze grammar]

yasmādaśūnyamamarairgaṃdharvaiśca śirastava |
tasmānmāmuddharāśeṣa duḥkhasaṃsārasāgarāt || 31 ||
[Analyze grammar]

evamabhyarcya taṃ meruṃ mandaraṃ cāpi pūjayet |
yasmāccaitrarathenātha bhadrāśvavariṣeṇa ca || 32 ||
[Analyze grammar]

śobhase mandarakṣipramatastuṣṭikaro bhava |
yasmāccūḍāmaṇirjaṃbūdvīpe tvaṃ gandhamādanaḥ || 33 ||
[Analyze grammar]

gandharvairapsarobhiśca gīyamānaṃ yaśo'stu me |
yasmāttvaṃ ketumālena vaibhrājena vanena ca || 34 ||
[Analyze grammar]

hiraṇyamayapāṣāṇastasmācchāṃtiṃ prayaccha me |
uttaraiḥ kurubhiryasmātsāvitreṇa vanena ca || 35 ||
[Analyze grammar]

supārśva rājase nityamataḥ śrīrakṣayāstu me |
evamāmaṃtrya tānsarvānprabhāte vimale punaḥ || 36 ||
[Analyze grammar]

snātvā tu gurave dadyānmadhyamaṃ parvatottamam |
śeṣāṃśca paṃca tāndadyādṛtvigbhyaḥ kramaśo nṛpa || 37 ||
[Analyze grammar]

gāvo deyāścatustriṃśadathavā daśa bhārata |
śaktitaḥ sapta vāṣṭau vā evaṃ dadyādaśaktimān || 38 ||
[Analyze grammar]

ekāpi gurave deyā kapilā supayasvinī |
parvatānāmaśeṣāṇāmeṣa eva vidhiḥ smṛtaḥ || 39 ||
[Analyze grammar]

ya eva pūjane maṃtrāsta evopaskare tathā |
grahāṇāṃ lokapālānāṃ brahmādīnāmagaiḥ saha || 40 ||
[Analyze grammar]

svamaṃtreṇaiva sarveṣu homaḥ śaileṣu śasyate |
upavāsī bhavennityamaśaktau naktamiṣyate || 41 ||
[Analyze grammar]

vidhānaṃ sarvaśailānāṃ kramaśaḥ śṛṇu bhārata |
dānakāleṣu ye mantrāḥ parvateṣu ca yatphalam || 42 ||
[Analyze grammar]

annaṃ brahma yataḥ proktamanne prāṇāḥ pratiṣṭhitāḥ |
annādbhavaṃti bhūtāni jagadannena varddhate || 43 ||
[Analyze grammar]

annameva yato lakṣmīrannameva janārdanaḥ |
dhānyaparvatarūpeṇa pāhi tasmānnagottama || 44 ||
[Analyze grammar]

anena vidhinā yastu dadyāddhānyamayaṃ girim |
manvantaraśataṃ sāgraṃ devaloke mahīyate || 45 ||
[Analyze grammar]

apsarogaṇagaṃdharvairākīrṇena virājatā |
vimānena divaḥ pṛṣṭhe sa yāti ṛṣisevitaḥ || 46 ||
[Analyze grammar]

puṇyakṣaye rājarājyamāpnotīha na saṃśayaḥ || 47 ||
[Analyze grammar]

dhānyācalaṃ kanakavṛkṣavirājamānaṃ viṣkaṃbhaparvatayutaṃ surasiddhajuṣṭam |
yacchaṃti ye sumatayaḥ praṇipatya viprāṃste prāpnuvaṃti parameṣṭhipadābjayugmam || 48 ||
[Analyze grammar]

iti śrībhaviṣye purāṇa uttaraparvaṇi śrīkṛṣṇayudhiṣṭhirasaṃvāde dhānyaparvatadānavidhivarṇanaṃ nāma paṃcanavatyuttaraśatatamo'dhyāyaḥ || 195 ||
[Analyze grammar]