Chapter 136

yudhiṣṭhira uvāca |
bhūtamāteti saṃhṛṣṭe grāmegrāme purepure |
gāyannṛtyanhasaṃllokaḥ sarvataḥ paridhāvati || 1 ||
[Analyze grammar]

unmattavatpralapati kṣitau patati mattavat |
kruddhavaddhāvati purānmattavatkarṣate bahiḥ || 2 ||
[Analyze grammar]

mukhāṃgabhaṃgānkurute loke vātagṛhītavat |
bhūtavadbhasmagātraṃ tu kardamānavagāhate || 3 ||
[Analyze grammar]

kimeṣa śāstranirdiṣṭo mārgaḥ kimuta laukikaḥ |
muhyate me manaḥ kṛṣṇa tvaṃ tu vaktumihārhasi || 4 ||
[Analyze grammar]

śrīkṛṣṇa uvāca |
śṛṇu pārtha pravakṣyāmi yatte kiñcinmanogatam |
āstikaḥ śraddadhānaśca bhavatīti matirmama || 5 ||
[Analyze grammar]

pārvatyā sahitaḥ pārtha mandare cārukandare |
krīḍannāste mudā yukto divyakrīḍanakairharaḥ || 6 ||
[Analyze grammar]

haṃsonnatagatiṃ cārukumbhabhrājikucadvayam |
siñjatsadraśanāṃ hṛṣṭāṃ dṛṣṭvā gaurīṃ jagadguruḥ || 7 ||
[Analyze grammar]

dagdhakāmo'pi ca haraḥ saṃdīptamadano'bhavat |
niḥsṛtāṃ kāmayāmāsa mahārhaśayane śivaḥ || 8 ||
[Analyze grammar]

ratasthayostayorjātaṃ divyavarṣaśataṃ yadā |
tadā devīsamucchrāyanirodhānnirgatā bahiḥ || 9 ||
[Analyze grammar]

mūtrodakātsamuttasthau nārī nirdāritodarā |
kṛṣṇā karālavadanā piṃgākṣā muktamūrddhajā || 10 ||
[Analyze grammar]

kapālamālābharaṇā baddhapiṃḍordhvapiṃḍikā |
khaṭvāṅgakaṃ kāladharā mudrāṅkitakarā śivā || 11 ||
[Analyze grammar]

vyāghracarmāṃbaradharā raṇatkiṃkiṇimekhalā |
ḍamaḍḍamaḍḍamarukā phūtkārāpūritāṃbarā || 12 ||
[Analyze grammar]

tasyāḥ pārśvānujāścānyā gītavādyalayānugāḥ |
uttālatālamabalā nṛtyaṃti ca hasaṃti ca || 13 ||
[Analyze grammar]

kapālakhaṭvāṅgadharā gajacarmāvaguṇṭhitāḥ |
tathaiva śaṃkarājjātastadrūpābharaṇaḥ pumān || 14 ||
[Analyze grammar]

anugamyamāno bahubhirbhūtairatibhayaṃkaraiḥ |
siṃhaśārdūlavadanai radanollikhitāṃbaraiḥ || 15 ||
[Analyze grammar]

ekībhūtaiḥ kṣaṇenaiva tau bhavānībhavodbhavau |
dṛṣṭvā hṛṣṭamanā devaḥ prāha devīṃ suvismitām || 16 ||
[Analyze grammar]

kalyāṇi paśya paśyaitau mattvadaṅgasamudbhavau |
bībhatsādbhutaśṛṃgāravarāyudhavidhāriṇau || 17 ||
[Analyze grammar]

bhrātṛbhāṃḍau yathā devi tadvadetau matau mama |
nṛnāryoraṃtaraṃ kiñcitsādṛśyātpratibhāsayet || 18 ||
[Analyze grammar]

bhrātṛbhāṃḍā bhūtamātā tathaivodakasevikā |
saṃjñātrayaṃ tayoḥ kṛtvā tataḥ prādādvaraṃ haraḥ || 19 ||
[Analyze grammar]

bhuktvārhopagatāṃ caitāṃ jarattarutale sthitām |
sevayiṣyaṃti ye bhaktyā jalasaṃpūrṇakaṃḍukaiḥ || 20 ||
[Analyze grammar]

candanena samālabhya puṣpadhūpairathārcya tām |
bhojayetkṣiprayā caiva kṛśarāpūpapāyasaiḥ || 21 ||
[Analyze grammar]

ya evaṃ kurute devi bhaktibhāvena bhāvitaḥ |
sa putrapaśuvṛddhiṃ ca śarīrārogyamāpnuyāt || 22 ||
[Analyze grammar]

na śākinyo gṛhe tasya na piśācā na rākṣasāḥ |
pīḍāṃ kurvaṃti śiśavo yāṃti vṛddhiṃ nirāmayāḥ || 23 ||
[Analyze grammar]

yudhiṣṭhira uvāca |
kadā pūjā prakartavyā bhūtamātuḥ sukhārthibhiḥ |
puruṣaiḥ puruṣavyāghra yattanme vaktumarhasi || 24 ||
[Analyze grammar]

śrīkṛṣṇa uvāca |
sarvatraiṣā bhagavatī bālānāṃ hitakāriṇī |
nāmabhedaiḥ kriyābhedaiḥ kālabhedaiśca pūjyate || 25 ||
[Analyze grammar]

pratipatprabhṛti jyeṣṭhe yāvatpaṃcadaśī tithiḥ |
tāvatpūjā prakartavyā preraṇaiḥ prekṣaṇīyakaiḥ || 26 ||
[Analyze grammar]

vikarmaphalanirdeśaḥ pāṃḍavānāṃ viḍaṃbanam |
pradṛśyaṃte hāsyaparairnarairadbhutaceṣṭitaiḥ || 27 ||
[Analyze grammar]

viśvāsyadhanalobhena saṃdhyāyāṃ nihataḥ pathi |
ārohaṇaṃ ca śūlāgre na paśyaṃtaṃ hi paśyati || 28 ||
[Analyze grammar]

dṛṣṭo bhavadbhiḥ saṃhṛṣṭaḥ parapārāvamarśakaḥ |
chittvā svahastairyaddatto vibhunā mukhyamodakaḥ || 29 ||
[Analyze grammar]

śīrṇasūkṣmeṇa patreṇa bālā mālānumoditāḥ |
muṣkabhugrāsamārūḍho mukhaṃ kṛtvā ca paścime || 30 ||
[Analyze grammar]

he janāḥ kiṃ na paśyadhvaṃ svāmidrohakaraṃ param |
karapatrairvidāryaṃtamucchalacchoṇitacchaṭam || 31 ||
[Analyze grammar]

caraiḥ kilāsaiḥ saṃprāptaḥ sarvodvegakaraḥ param |
daṃḍaprahārābhihato nīyate daṃḍapāśikaiḥ || 32 ||
[Analyze grammar]

prekṣakairveṣṭitaḥ steno raṭatyeṣa vimohitaḥ |
saṃyamya nīyateyaṃ tu mūrkhaḥ krauryāvilekṣaṇaḥ || 33 ||
[Analyze grammar]

sitakeśaṃ sitaśmaśrusitāṃbaradharaṃ dvijam |
vaṭaceṣṭācapeṭābhirhanyamānaṃ na paśyata || 34 ||
[Analyze grammar]

gṛhānniṣkramyatāṃ raṃḍā vṛddho bhūtvāpyasau striyāḥ |
svasyā asau na kurute mūḍho bharaṇapoṣaṇam || 35 ||
[Analyze grammar]

bhairavābharaṇottālā vyālayajñopavītinaḥ |
pradattvātāṇḍavapadānpaśyadhvaṃ dhvāṃtadīpakān || 36 ||
[Analyze grammar]

nirvedako'sya hṛdaye na kiṃcidapi tiṣṭhati |
gṛhītaṃ yadanenedaṃ bālenāpi mahāvratam || 37 ||
[Analyze grammar]

raktadṛkkākakṛṣṇāṃgaṃ śabaraṃ kiṃ na paśyata |
tarukoṭarāṃtaragatāṃśchitvā ca śukaśāvakān || 38 ||
[Analyze grammar]

bahubhiḥ koṣṭhakīkṛtya śaraughaiḥ śakalīkṛtam |
vimuktaḍhakkāhaṃkārasuprahāraṃ nirīkṣata || 39 ||
[Analyze grammar]

imāṃ kṛṣṇārddhavadanāṃ gṛhītāṃ siṃdurārcitām |
vimuktakeśāṃ nṛtyaṃtīṃ paśyadhvaṃ yoginīmiva || 40 ||
[Analyze grammar]

gaṃbhīratūryadhvaninā prabuddhāṃ vṛttatāṃḍavām |
evaṃ prekṣaṇakaṃ kṛtvā nayetvṛkṣatale ca tām || 41 ||
[Analyze grammar]

evaṃ kṛte na dāridryaṃ na ca duḥkhaṃ bhavennṛṇām || 42 ||
[Analyze grammar]