Chapter 111

yudhiṣṭhira uvāca |
varṇāśramāṇāṃ prabhavaḥ purāṇeṣu mayā śrutaḥ |
paṇyastrīṇāṃ samācāraṃ śrotumicchāmi tattvataḥ || 1 ||
[Analyze grammar]

kā hyāsāṃ devatā kṛṣṇa kiṃ vrataṃ kimupoṣitam |
kena dharmeṇa caivetāḥ svargamāpsyaṃtyanuttamam || 2 ||
[Analyze grammar]

śrīkṛṣṇa uvāca |
mama patnīsahasrāṇi saṃti pāṃḍava ṣoḍaśa |
rūpaudāryaguṇopetā manmathāyatanāḥ śubhāḥ || 3 ||
[Analyze grammar]

tābhirvasaṃtasamaye kokilālikulākule |
puṣpitopavanotphullakahlārasarasastaṭe |
nirbharāpānagoṣṭhīṣu prasaktābhiralaṃkṛte || 4 ||
[Analyze grammar]

kuraṃganayanaḥ śrīmānmālatīkṛtaśekharaḥ |
gacchansamīpe mārgeṇa sāṃbaḥ parapuraṃjayaḥ || 5 ||
[Analyze grammar]

sākṣātkaṃdarparūpeṇa sarvābharaṇabhūṣitaḥ |
anaṃgaśarataptābhiḥ sābhilāṣamavekṣitaḥ || 6 ||
[Analyze grammar]

pravṛddho manmathastāsāṃ sarvāṅgakṣobhadāyakaḥ |
nirīkṣya tamahaṃ sarvaṃ vikāraṃ jñānacakṣuṣā || 7 ||
[Analyze grammar]

aśeṣe ruṣitaḥ sarvā hariṣyaṃtīha dasyavaḥ |
mayi svargamanuprāpte bhavatīḥ kāmamohitāḥ || 8 ||
[Analyze grammar]

etadvākyamupaśrutya bāṣparyākulekṣaṇāḥ |
māmūcurvada govinda kathametadbhaviṣyati || 9 ||
[Analyze grammar]

bhartāraṃ jagatāmīśaṃ bhavaṃtamaparā jitam |
divyānubhāvāṃ ca purīṃ ratnavaṃti gṛhāṇi ca || 10 ||
[Analyze grammar]

dvārikāvāsinaḥ sarvāndevarūpānkumārakān |
bhagavansarvalokasya kathaṃ bhogyā bhavāmahe || 11 ||
[Analyze grammar]

dāsabhāvamanuprāpya bhaviṣyāmaḥ kathaṃ punaḥ |
ko dharmaḥ kaḥ samācāraḥ kathaṃ vṛttirbhaviṣyati || 12 ||
[Analyze grammar]

tathā lālapyamānāstā vāṣpaparyākulekṣaṇāḥ |
mayā proktā yuvatyastāḥ saṃtāpastyajyatāmayam || 13 ||
[Analyze grammar]

jalakrīḍāvihāreṣu purā sarasi mānase |
bhavatīnāṃ sagarvāṇāṃ nārado'bhyāśamāgataḥ || 14 ||
[Analyze grammar]

hutāśanasutāḥ sarvā bhavatyo'psarasaḥ purā |
apraṇamyāvalepena paripṛṣṭaḥ sa yogavit || 15 ||
[Analyze grammar]

kathaṃ nārā yaṇo'smākaṃ bhartā syādityupādiśa |
tasmādvratapradānaṃ ca śāpadānamabhūtpurā || 16 ||
[Analyze grammar]

śayyādvayapradānena madhumādhavamāsayoḥ |
suvarṇopaskarotsargāddvādaśyāṃ śuklapakṣataḥ |
bhartā nārāyaṇo nūnaṃ bhaviṣyatyanyajanmani || 17 ||
[Analyze grammar]

na kṛto yatpraṇāmo me rūpasaubhāgyamatsarāt |
paraṃ pṛṣṭo'smi tenāśu viyogo vo bhaviṣyati |
caurairapahṛtāḥ sarvā veśyātvaṃ samavāpsyatha || 18 ||
[Analyze grammar]

evaṃ nāradaśāpena macchāpena ca sāṃpratam |
na kāryaḥ saṃbhramaḥ kaściddāsītvaṃ vo bhaviṣyati || 19 ||
[Analyze grammar]

idānīmapi yadvakṣye tacchraṇudhvaṃ varānanāḥ |
purā devāsure yuddhe hateṣu śataśaḥ punaḥ |
dānavāsurasainyeṣu rākṣaseṣu tatastataḥ || 20 ||
[Analyze grammar]

teṣāṃ nārīsahasrāṇi śataśo'tha sahasraśaḥ |
pariṇītāni yāni syurbalādbhuktāni yāni vai || 21 ||
[Analyze grammar]

tāni sarvāṇi deveśaḥ provāca vadatāṃ varaḥ |
veśyādharmeṇa vartadhvamadhunā nṛpamaṃdire || 22 ||
[Analyze grammar]

bhaktimatyo varārohāstadā devakuleṣu ca |
rājānaḥ svāminaḥ stutyā brāhmaṇāśca bahuśrutāḥ || 23 ||
[Analyze grammar]

teṣāṃ gṛheṣu tiṣṭhadhvaṃ sūtakaṃ cāpi tatsamam |
bhaviṣyati ca saubhāgyaṃ sarvāsāmapi śaktitaḥ || 24 ||
[Analyze grammar]

na caikasminratiḥ kāryā puruṣe dhanavarjite |
anumānyaḥ prasādyaśca śulkado devavatsadā || 25 ||
[Analyze grammar]

surūpo vā virūpo vā dravyaṃ tatra prayojanam |
na tadvyatikramaḥ kāryo brahmahatyāmavāpnuyāt |
na cāpi madyapābhiśca bhāvyaṃ kauṭilyabuddhibhiḥ || 26 ||
[Analyze grammar]

yaḥ kaścicchulkamādāya gṛhameṣyati vaḥ sadā |
niśchadmanaivāpahāryaṃ tatsarvaṃ daṃbhavarjitam || 27 ||
[Analyze grammar]

vyabhicāro na kartavyaḥ svāminā saha karhicit |
rūpayauvanadarpeṇa dhanalobhena vā punaḥ || 28 ||
[Analyze grammar]

dāsī bhūtvā ca yā kācidvyabhicāraṃ karoti ca |
patinā saha pāpiṣṭhā pāpiṣṭhāṃ yātyadhogatim || 29 ||
[Analyze grammar]

devatānāṃ pitṝṇāṃ ca puṇye'hni samupasthite |
gobhūhiraṇyadhānyāni pradeyāni ca śaktitaḥ || 30 ||
[Analyze grammar]

brāhmaṇebhyo varārohāḥ kāryāṇi vacanāni ca |
yaccāpyanyadvrataṃ samyagupadekṣyāmi tattvataḥ || 31 ||
[Analyze grammar]

avicāreṇa sarvābhiranuṣṭheyaṃ ca tatpunaḥ |
saṃsārottāraṇāyālametadvedavido viduḥ || 32 ||
[Analyze grammar]

yadā sūryadine prāpte puṣyo vā sa punarvasuḥ || 31 ||
[Analyze grammar]

bhavetsarvauṣadhisnānaṃ samyaṅnārī samācaret || 33 ||
[Analyze grammar]

tadā pañcaśarasyāpi saṃnidhātṛtvameṣyati |
arcayetpuṇḍarīkākṣamanaṅgasyāpi kīrtanam || 34 ||
[Analyze grammar]

kāmāya pādau saṃpūjya jaṃghe vai mohakāriṇe |
meḍhraṃ kadarpanidhaye kaṭiṃ prītiyuje namaḥ || 35 ||
[Analyze grammar]

nābhiṃ saukhyasamudrāya vāmanāya tathodaram |
hṛdayaṃ hṛdayeśāya stanāvāhlādakāriṇe || 36 ||
[Analyze grammar]

utkaṃṭhāyeti vai kaṃṭhamāsyamānandajāya ca |
vāmāṃsaṃ puṣpacāpāya puṣpabāṇāya dakṣiṇam || 37 ||
[Analyze grammar]

namo'nantāya vai mauliṃ vilolāyeti ca dhvajam |
sarvātmane śirastadvaddevasya pūjayet || 38 ||
[Analyze grammar]

namaḥ śrīpataye tārkṣyadhvajāṃkuśadharāya ca |
gadine pītavastrāya śaṃkhine cakriṇe namaḥ |
namo nārāyaṇāyeti kāmadevātmane namaḥ || 39 ||
[Analyze grammar]

namaḥ śāṃtyai namaḥ prītyai namo ratyai namaḥ śriye |
namaḥ puṣṭyai namastuṣṭyai namaḥ sarvārthadāya ca || 40 ||
[Analyze grammar]

evaṃ saṃpūjya govindamanaṃgātmakamīśvaram |
gaṃdhairmālyaistathā dhūpairnaivedyaiścaiva bhāminī || 41 ||
[Analyze grammar]

atra cāhūya dharmajñaṃ brāhmaṇaṃ vedapāragam |
avyaṃgāvayavaṃ pūjya gaṃdhapuṣpādibhistathā || 42 ||
[Analyze grammar]

śāleyataṃḍulaprasthaṃ ghṛtapātreṇa saṃyutam |
tasmai viprāya sā dadyān mādhavaḥ prīyatāmiti || 43 ||
[Analyze grammar]

yatheṣṭāhārabhuktaṃ ca tameva dvijasattamam |
ratyarthaṃ kāmadevo'yamiti citte'vadhārya ca || 44 ||
[Analyze grammar]

yadyadicchati viprendrastattatkuryādvilāsinī |
sarvabhāvena cātmānamarpayetsmitabhāṣiṇī || 45 ||
[Analyze grammar]

evamādityavāreṇa sadā tadvratamācaret |
taṃḍulaprasthadānaṃ ca yāvanmāsāṃstu dvādaśa || 46 ||
[Analyze grammar]

tatastrayodaśe māsi saṃprāpte tasya bhāminī |
viprasyopaskarairyuktāṃ śayyāṃ dadyādvilakṣaṇām || 47 ||
[Analyze grammar]

sopadhānakaviśrāmāṃ svāstarāvaraṇāṃ śubhām |
dīpikopānahacchatrapādukāsanasaṃyutām || 48 ||
[Analyze grammar]

sapatnīkamalaṃkṛtya hemasūtrāṅgulīyakaiḥ |
sūkṣmavastraiḥ sakaṭakairdhūpamālyānulepanaiḥ || 49 ||
[Analyze grammar]

kāmadevaṃ sapatnīkaṃ guḍakuṃbhopari sthitam |
tāmrapātrāsanagataṃ haimanetrapaṭāvṛtam || 50 ||
[Analyze grammar]

sakāṃsyabhājanopetamikṣudaṇḍasamanvitam |
dadyādetena maṃtreṇa tathaikāṃ gāṃ payasvinīm || 51 ||
[Analyze grammar]

yathāṃtaraṃ na paśyāmi kāmakeśavayoḥ sadā |
tathaiva sarvakāmāptirastu viṣṇo sadā mama || 52 ||
[Analyze grammar]

yathā na kāminīdehātprayāti tava keśava |
tathāpi mama deveśa śarīrasthaṃ patiṃ kuru |
tathaiva kāñcanaṃ devaṃ prati gṛhṇandvijottamaḥ || 53 ||
[Analyze grammar]

ka idaṃ ko'dātkasmā adātkāmaḥ kāmāyādātkāmo dātā kāmaḥ pratigrahītā kāmaṃ samudramāviśamaitattaiti vaidikamantramīrayet |
ko'dāditi paṭhenmantraṃ dhyāyaṃścetasi mādhavam |
tataḥ pradakṣiṇīkṛtya visṛjeddvijapuṅgavam |
śayyāsanādikaṃ sarvaṃ brāhmaṇasya gṛhaṃ nayet || 54 ||
[Analyze grammar]

tataḥprabhṛti yo'nyopi ratyarthaṃ gṛhamāgataḥ |
sa samyaksūryavāreṇa samaṃ pūjyo yathecchayā || 55 ||
[Analyze grammar]

evamekaṃ dvijaṃ śāṃtaṃ purāṇajñaṃ vicakṣaṇam |
tamarcayeta ca sadā aparaṃ vā tadājñayā || 56 ||
[Analyze grammar]

na prāpnoti tadā vighnaṃ garbhasūtakajaṃ kvacit |
daivaṃ vā mānuṣaṃ vā syāduparāgeṇa vā tataḥ || 57 ||
[Analyze grammar]

sādhāranaṣṭapaśuvadyathāśaktyā samāpayet |
etadvaḥ kathitaṃ sarvaṃ veśyādharmamaśeṣataḥ || 58 ||
[Analyze grammar]

puruhūtena yatproktaṃ dānuvīṣu tato mayā |
tadidaṃ ca vrataṃ sarvaṃ bhavatīṣu prakāśitam || 59 ||
[Analyze grammar]

sarvapāpapraśamanamanaṃtaphaladāyakam |
kalyāṇinīnāṃ kathitaṃ kurudhvaṃ tadvarānanāḥ || 60 ||
[Analyze grammar]

etatpārtha mayā pūrvaṃ gopīnāṃ tu prakāśitam |
purāṇaṃ dharmasarvasvaṃ veśyājanasukhapradam || 61 ||
[Analyze grammar]

karoti yā'śeṣamakhaṇḍametatkalyāṇinī mādhavalokasaṃsthā |
sā pūjitā devagaṇairaśeṣairānandakṛtsthānamupaiti viṣṇoḥ || 62 ||
[Analyze grammar]