Chapter 8

bṛhaspatiruvāca |
purā tretāyuge śakra śakraśarmā dvijo hyabhūt |
ayodhyāyāṃ mahābhāgo devapūjanatatparaḥ || 1 ||
[Analyze grammar]

aśvinau ca tathā rudvānvasūnsūryānpṛthakpṛthak |
yajurvedamayairmaṃtrairarcayitvā prasannadhīḥ |
havyaiśca tarpayāmāsa devāṃstānpratyahaṃ dvijaḥ || 2 ||
[Analyze grammar]

tadbhāvatastrayastriṃśaddevāḥ kṣudragaṇairyutāḥ |
dudurmanorathaṃ tasmai durlabhaṃ sulabhīkṛtam || 3 ||
[Analyze grammar]

daśavarṣasahasrāṇi nirjaro nirupadravaḥ |
paścātkalevaraṃ tyaktvā paścātsūryo babhūva saḥ || 4 ||
[Analyze grammar]

lakṣābdaṃ maṇḍale tasminnadhikāraḥ kṛtastataḥ |
brahmalokaṃ yayau vipraḥ sarvadevaprasādataḥ || 5 ||
[Analyze grammar]

aṣṭavarṣasahasrāṇi divyāni padamuttamam |
vilokya maṃḍale prāptaṃ taṃ sūryaṃ japapūjanaiḥ || 6 ||
[Analyze grammar]

iti śrutvā tu vacanaṃ mahendraḥ surasaṃyutaḥ |
āṣāḍhe bhāskaraṃ devaṃ pūjayāmāsa namradhīḥ || 7 ||
[Analyze grammar]

āṣāḍhapūrṇimāyāṃ ca sa devo jagatītale |
pratyakṣamagamattatra surānāha śṛṇuṣva tat || 8 ||
[Analyze grammar]

vṛndāvane mahāramye janayiṣye kalau bhaye |
sa dvijaḥ sūryarūpaśca devakāryaṃ kariṣyati || 9 ||
[Analyze grammar]

mādhavasya dvijasyaiva tanayaḥ sa bhaviṣyati |
madhurnāma mahābhāgo vedamārgaparāyaṇaḥ || 10 ||
[Analyze grammar]

sūta uvāca |
ityuktvā bhagavānsūryo devakāryārthamudyataḥ |
svāṃgāttu teja utpādya vṛṃdāvanamapre ṣayat || 11 ||
[Analyze grammar]

vimukhānmadhurālāpairvaśīkṛtya samantataḥ |
tebhyaśca vaiṣṇavīṃ śaktiṃ pradadau bhuktimuktidām |
madhvācārya iti khyātaḥ prasiddho'bhūnmahītale || 12 ||
[Analyze grammar]

jīva uvāca |
dvāpare ca dvijaśreṣṭho meghaśarmā babhūva ha |
jñānavānmatimāndharmī vedamārgaparāyaṇaḥ || 13 ||
[Analyze grammar]

kṛṣikṛtyaparo nityaṃ taddhanaiśca daśāṃśakaiḥ |
pratyahaṃ sakalāndevānarcayāmāsa bhaktimān || 14 ||
[Analyze grammar]

ekadā pañcavarṣābde śantanau ca mahīpatau |
saṃprāpte tasya vai deśe hyanāvṛṣṭirbabhūva ha || 15 ||
[Analyze grammar]

krośamātraṃ hi tatkṣetraṃ parjanyenaiva secitam |
dhānyānāṃ droṇamānaśca bhāvo'bhūdekamudrayā || 16 ||
[Analyze grammar]

meghaśarmā tadā tatra dhanadhānyayuto'bhavat |
anye tu pīḍitā lokā rājānaṃ śaraṇa yayuḥ || 17 ||
[Analyze grammar]

tadā tu duḥkhito rājā meghaśarmāṇamāhvayat |
dvijaśreṣṭha namastubhyaṃ gururbhava mama priyaḥ || 18 ||
[Analyze grammar]

anāvṛṣṭiryathā na syāttathā vipra samādiśa || 19 ||
[Analyze grammar]

ityevaṃvādinaṃ bhūpaṃ meghaśarmā vaco'bravīt |
śrāvaṇe māsi saṃprāpte viprānvedaparāyaṇān || 20 ||
[Analyze grammar]

dvādaśaiva samāhūya lakṣamātraṃ raveḥ svayam |
jāpayitvā sumanasā pūrṇimāyāṃ tu tadvratī |
sūryamantrāhutīrvahnau taddaśāṃśaṃ hi taddvijaiḥ || 21 ||
[Analyze grammar]

kārayitvā vidhānena kṛtakṛtyaḥ sukhī bhava |
iti śrutvā tathā kṛtvā bhojayāmāsa vedagān || 22 ||
[Analyze grammar]

prasannastu tadā sūryaḥ parjanyātmā samantataḥ |
bhūmimācchādya sa diśaṃ prabhurvṛṣṭimakārayat || 23 ||
[Analyze grammar]

śantanustu tadā rājā sūryavrataparāyaṇaḥ |
tadvratena mahāpuṇyo babhūva nṛpasattamaḥ || 24 ||
[Analyze grammar]

yaṃ yaṃ kareṇa spṛśati vṛddho bhavati vai yuvā |
sūryadevaprabhāvena meghaśarmā tathā hyabhūt || 25 ||
[Analyze grammar]

sa vai paṃcaśatāyuśca nirjaro nirupadravaḥ |
tyaktvā prāṇānravirbhūtvā sūryalokamupāgamat |
lakṣābda bhuvamāsādya brahmalokaṃ gamiṣyati || 26 ||
[Analyze grammar]

ityevaṃvādinaṃ jīvaṃ parjanyo bhagavānraviḥ |
svarūpaṃ darśayāmāsa prayāgaṃ prati cāgataḥ || 27 ||
[Analyze grammar]

murā nāha prasannātmā mleccharājye kalau yuge |
vṛndāvane samāgamya devakāryaṃ karomyaham || 28 ||
[Analyze grammar]

sūta uvāca |
ityuktvā bhagavānsūryo gatvā vṛndāvanaṃ śubham |
śrīdharo nāma vikhyātaḥ putrobhūdvedaśarmaṇaḥ || 29 ||
[Analyze grammar]

śrīmadbhāgavataṃ śāstraṃ samālokya viśāradaḥ |
cakāra viduṣāmarthe pradīptaṃ śrīdharaḥ śubham |
śrīmadbhāgavataṃ śāstraṃ purāṇopari tatkṛtam || 30 ||
[Analyze grammar]

jīva uvāca |
purā kalau yuge prāpte prāṃśuśarmā dvijo'bhavat |
vedaśāstraparo nityaṃ devatātithipūjakaḥ || 31 ||
[Analyze grammar]

satyavādī mahāsādhuḥ steyahiṃsāvivarjitaḥ |
bhikṣāvṛttiparo nityaṃ putradāraprapoṣakaḥ || 32 ||
[Analyze grammar]

ekadā pathi bhikṣārthaṃ gacchatastasya bhūpateḥ |
māyākṛtyakaro dhūrtaḥ kalistatrākṣigocaraḥ || 33 ||
[Analyze grammar]

babhūva vāṭikāṃ kṛtvā kalirdānamanoharām |
tamuvāca dvijo bhūtvā prāṃśuśarmanvacaḥ śṛṇu || 34 ||
[Analyze grammar]

mameyaṃ vāṭikā ramyā tatra gaccha sukhī bhava |
iti vipravacaḥ śrutvā vāṭikāṃ tāṃ samāgataḥ || 35 ||
[Analyze grammar]

kalistu vāṭikāmadhye gatvā ramyaphalāni ca |
troṭayitvā dadau tasmai bhojanārthaṃ mahākhalaḥ || 36 ||
[Analyze grammar]

prāṃjaliḥ praṇato bhūtvā prāṃśuśarmāṇamabravīt |
bhuṃkṣva vipra mayā sārddhaṃ kaliṃdasya phalaṃ śubham || 37 ||
[Analyze grammar]

ityuktaḥ sa tu taṃ prāha vihasya madhura svaram |
vṛkṣe bibhītake caiva kaliṃdasya phale tathā |
kaliḥ prāptaḥ smṛtaḥ prājñaistasmādgṛhṇāmyahaṃ na hi || 38 ||
[Analyze grammar]

yadi dattaṃ phalaṃ bhaktyā tvayādya dvijasevinā |
śālagrāmāya vai dattvā prasādaṃ tadbhajāmyaham |
śālagrāmaḥ svayaṃ brahma saccidānandavigrahaḥ || 39 ||
[Analyze grammar]

darśanāttasya cābhakṣyo bhakṣyo bhavati niścitaḥ |
iti śrutvā kalistatra lajjito'bhūnnirāśakaḥ |
dvijastu tatphalaṃ gṛhya bhūmigrāmamupāyayau || 40 ||
[Analyze grammar]

nṛpatistatra cāgatya dvijamāha prasannadhīḥ |
kiṃ gṛhītaṃ tvayā vipra darśayāśu priyaṃ kuru || 41 ||
[Analyze grammar]

iti śrutvā prāṃśuśarmā tatphalaṃ vatsamuṃḍavat |
gṛhītvā pradadau rājñe vismito dvijasattamaḥ || 42 ||
[Analyze grammar]

tadā tu sa kalirbhūpastaṃ vipraṃ tāḍya vetasaiḥ |
kārāgāre lohamaye kṛtavānnyāyamitrakaḥ || 43 ||
[Analyze grammar]

prātaḥkāle ravau prāpte prāṃśuśarmā suduḥkhitaḥ |
tuṣṭāva bhāskaraṃ devaṃ stotrairṛgvedasaṃbhavaiḥ || 44 ||
[Analyze grammar]

tadā prasanno bhagavānraviḥ sākṣātsanātanaḥ |
viprasya karṇayorvākyamuvāca nabhaseritam || 45 ||
[Analyze grammar]

śṛṇu vipra mahābhāga kālarūpo hariḥ svayam |
caturyugaṃ tena kṛtaṃ viśvapālādihetave || 46 ||
[Analyze grammar]

kalirviśvasamūhānāṃ mṛtyave racitastathā |
ato ghore kalau prāpte viṣṇumāyāvinirmitam |
kaliñjaraṃ ca nagaraṃ tatroṣya mudito bhava || 47 ||
[Analyze grammar]

ityuktvā rakṣaṇaṃ kṛtvā tasya viprasya bhāskaraḥ |
kaliñjare ca nagare preṣayāmāsa taṃ dvijam || 48 ||
[Analyze grammar]

sapādaśatavarṣaṃ ca dvijastatra vasanravim |
ārādhya putrapatnīko ravilokamupāyayau || 49 ||
[Analyze grammar]

sa vai bhādrapade māsi sūryo bhūtvāyutābdakam |
paścādbrahmapuraṃ prāpya paramānandamāptavān |
iti te kathitaṃ vipra yathā jīvastamabravīt || 50 ||
[Analyze grammar]

āgatya bhāskaro devaḥ pūrṇimāyāṃ tu bhādrake |
aṣṭāviṃśe kalau prāpte svayaṃ jātaḥ kaliñjare || 51 ||
[Analyze grammar]

śivadattasya tanayo viṣṇuśarmeti viśrutaḥ |
vedaśāstrakalābhijño vaiṣṇavo deva pūjakaḥ || 52 ||
[Analyze grammar]

caturvarṇānnarānvipra samāhūya harergṛhe |
vacanaṃ prāha dharmātmā viṣṇuḥ sarveśvaro hariḥ || 53 ||
[Analyze grammar]

śṛṇu tatkāraṇaṃ śiṣya viśvakāraṇa kārakaḥ |
bhagavānsaccidānandaścaturviśatitattvavān |
devānsasarja lokārthe tasmātsarveśvaro'bhavat || 54 ||
[Analyze grammar]

pūrvaṃ hi sakalāndevānpūjayitvā naraḥ śuciḥ |
paścācca pūjayedviṣṇuṃ yathā bhṛtyā nṛpaṃ punaḥ || 55 ||
[Analyze grammar]

iti śrutvā tu te sarve praśasya bahudhā hi tam |
viṣṇusvāmīti taṃ nāmnā kathāṃ cakruśca harṣitāḥ || 56 ||
[Analyze grammar]

iti te kathitaṃ vipra viṣṇusvāmī yathābhavat |
punaḥ śṛṇu kathāṃ ramyāṃ bṛhaspatimukheritām || 57 ||
[Analyze grammar]

jīva uvāca |
purā caitrarathe deśe bhagaśarmā dvijo'bhavat |
svarveśyā maṃjughoṣāyāṃ munimedhāvinā bhuvi || 58 ||
[Analyze grammar]

pitṛmātṛparityaktaḥ sa bālaḥ śraddhayānvitaḥ |
sūryamārādhayāmāsa tapasā śatavārṣikam || 99 ||
[Analyze grammar]

sūryamaṇḍalamadhyasthā sāvitrī nāma devatā |
sarvasūryasya jananī kanyā tanmaṇḍalasya vai || 60 ||
[Analyze grammar]

prasannā tapasā tasya prādurbhūtā sanātanī |
āśvine māsi rājānaṃ dvijaṃ cakre ca maṇḍale || 61 ||
[Analyze grammar]

lakṣavarṣasahasrāṇi māsi māsi tathāśvine |
prakāśaṃ kṛtavānvipraḥ pūjito lokavāsibhiḥ || 62 ||
[Analyze grammar]

tvaṃ sūryaṃ bhaja devendra sa te kāryaṃ kariṣyati |
iti śrutvāśvine māsi sa ravirdevapūjanāt || 63 ||
[Analyze grammar]

pratyakṣamagamattatra vacaḥ prāha surānprati |
kānyakubje śubhe deśe vāṇībhūṣaṇa ityaham |
bhavāmi satyadevasya viprasya tanayaḥ śubhaḥ || 64 ||
[Analyze grammar]

sūta uvāca |
ityuktvā bhagavānsūryo jātaḥ kānyapure śubhe |
jitvā pākhaṃḍino viprānmāṃsabhakṣaṇatatparān |
chaṃdograṃthaṃ svanāmnā vai kṛtavāndaivatapriyaḥ || 65 ||
[Analyze grammar]

matsyamāṃsāśanā viprā mṛgameṣājakāśanāḥ |
ekībhūya samāgamya cakruḥ śāstrārthamulbaṇam || 66 ||
[Analyze grammar]

kalinā'dharmamitreṇa rakṣitāste dvijātayaḥ |
taṃ dvijaṃ ca parājitya matsyaketuṃ ca tadgṛhe || 67 ||
[Analyze grammar]

balācca staṃbhanaṃ cakrustadā viṣṇupriyo dvijaḥ |
vaiṣṇavīṃ śaktimāgamya svamukhānmīnakhāditān || 68 ||
[Analyze grammar]

saṃjīvya darśayāmāsa te dṛṣṭvā vismitāstadā |
śiṣyabhūtāśca te tasya vaiṣṇavaṃ matamā gaman || 69 ||
[Analyze grammar]

jīva uvāca |
kadācitsarayūtīre devayājī dvijo'bhavat |
sarvadevaparo nityaṃ vedapāṭhaparāyaṇaḥ || 70 ||
[Analyze grammar]

tatsutastu mṛtiṃ prāpto janmamātre hi dāruṇe |
tadā tu sa dvijaḥ śrutvā sūryadevamatoṣayat || 71 ||
[Analyze grammar]

jijīva tatprasādena vivasvānnāma cābhavat |
ṣoḍaśābda vapurbhūtvā sarvavidyāviśāradaḥ || 72 ||
[Analyze grammar]

apatyavāndharmaparaḥ sūryavataparāyaṇaḥ |
śivarātridine prāpte tatpatnī bhūṣaṇapriyā || 73 ||
[Analyze grammar]

suśīlā nāma vikhyātā patisevārthamāgatā |
sa vratī rudradevasya dṛṣṭvā tāṃ madhurānanām || 74 ||
[Analyze grammar]

balādgṛhītvā tu niśi bubhuje smaravihvalaḥ |
maithunasyaiva doṣeṇa tasya kuṣṭho mahānabhūt || 75 ||
[Analyze grammar]

liṃgedriyaṃ ca patitaṃ gudabhraṣṭo mahāṃgaruk |
kena cidupadeśena ravivārasya vai vratam || 76 ||
[Analyze grammar]

sa cakre dvādaśaṃ premṇā nirāhāro yatendriyaḥ |
tena vrataprabhāveṇa sarvapīḍā layaṃ gatāḥ || 77 ||
[Analyze grammar]

tadā śraddhā ravau prāptā pratyahaṃ sa dvijottamaḥ |
āditya hṛdayaṃ japtvā kāmarūpo dvijo'bhavat || 78 ||
[Analyze grammar]

nārībhirbhartsitaḥ pūrvaṃ sotha kāminīyācitaḥ |
brahmacaryavrataṃ kṛtvā brahmadhyānaparo'bhavat || 79 ||
[Analyze grammar]

śatāyurbrāhmaṇo bhūtvā jñānavānrogavarjitaḥ |
tyaktvā prāṇānravirbhūtvā sūryamaṇḍalamadhyagāt || 80 ||
[Analyze grammar]

kārtike māsi lakṣābdaṃ prakāśaṃ kṛtavānnabhaḥ |
taṃ ca sūryaṃ mahendrastvaṃ pūjayāśu suraiḥ saha || 81 ||
[Analyze grammar]

sūta uvāca |
iti śrutvā mahendrastu māsamātraṃ hi bhāskaram |
pūjayitvā vidhānena pūrṇimāyāṃ dadarśa ha || 82 ||
[Analyze grammar]

uvāca śakraṃ sa ravirdevakāryaṃ karomyaham |
bhaṭṭairvidyāmayairdhūrtaiḥ sūtrapāṭhaśca khaṃḍitaḥ || 83 ||
[Analyze grammar]

dhātupāṭho nyapaṭhito bhraṃśārthaḥ svaravarṇakaḥ |
jitvā tānbhaṭṭapāṣaṃḍānvedamuddhārayāmi bhoḥ || 84 ||
[Analyze grammar]

ityuktvā sa gataḥ kāśyāṃ gehe vai vedaśarmaṇaḥ |
dīkṣitānvayabhūtasya nāmnā kāryaguṇo'bhavat || 85 ||
[Analyze grammar]

dvādaśābdavapurbhūtvā sarvaśāstraviśāradaḥ |
śivamārādhayāmāsa viśvanāthaṃ śivāpriyam || 86 ||
[Analyze grammar]

trivarṣānte ca bhagavāṃstasmai jñānaṃ mahaddadau |
tasya jñānaprabhāveṇa vyaktamavyaktamuttamam || 87 ||
[Analyze grammar]

jñātaṃ kāryaguṇenaiva dīkṣitena tadā hṛdi |
avyakte yadā buddhiḥ sā vidyā dvādaśāṃginī || 88 ||
[Analyze grammar]

vyakte'haṃkārabhūte ca buddhirjñeyā budhairajā |
avidyā nāma vikhyātā ṣoḍaśāṃgasvarūpiṇī || 89 ||
[Analyze grammar]

avyaktaṃ tu paraṃ brahma vyaktaṃ śabdamayaṃ smṛtam |
ahaṃkāro lokakaro hi vyakto'ṣṭadaśāṃgakaḥ || 90 ||
[Analyze grammar]

vṛṣarūpadharo mukhyo nandiyānaḥ smṛto budhaiḥ |
śṛṅgāṇi tasya catvāri tripādo dviśirā vṛṣaḥ || 91 ||
[Analyze grammar]

saptahastastridhā baddho nityaśuddho mukhe sthitaḥ |
suvantaśca tiṅantaśca kṛdaṃtaścāvyayastathā || 92 ||
[Analyze grammar]

dvaudvau śṛṃgau ca śirasornaṃdiyānasya vai smṛtau |
bhūtaṃ bhavyaṃ bhavaccaiva trayaḥ pādā hi tasya vai || 93 ||
[Analyze grammar]

rūḍhiśca yogarūḍhiśca śabdau tasya śirodvayam |
kartā karma ca karaṇaṃ saṃpradānaṃ vibhāgataḥ || 94 ||
[Analyze grammar]

saṃvaṃdhaścādhikāraśca bhujāstasya vṛṣasya vai |
vākyaṃ svarānvitaṃ jñeyaṃ vibhattyaṃtaṃ padaṃ smṛtam || 95 ||
[Analyze grammar]

tābhyāṃ baddhaśca sa vṛṣo nandiyānātha te namaḥ |
tasyoparisthitaṃ nityamavyaktaṃ liṃgarūpi yat || 96 ||
[Analyze grammar]

jātaśca vṛṣaliṃgābhyāṃ so'haṃkāro hariḥ svayam |
nārāyaṇaḥ ṣoḍaśātmā bahumūrtiramūrtikaḥ || 97 ||
[Analyze grammar]

iti jñānaṃ hṛdi prāpya tadā siddhāntakaumudīm |
jitvā bhaṭṭāṃścakārāśu bhaṭṭojiḥ praśruto'bhavat || 98 ||
[Analyze grammar]

jīva uvāca |
purā kāṃcīpure ramye gaṇako brāhmaṇottamaḥ |
purodhāḥ satyadattasya rājño vedaparasya vai || 99 ||
[Analyze grammar]

ekadā gaṇako dhīmānsatyadattamuvāca ha |
muhūrto'bhijidākhyoyaṃ puṣyanakṣatrasaṃyutaḥ |
hāṭaṃ kuru mahārāja sāṃprataṃ bahuvṛttidam || 100 ||
[Analyze grammar]

iti śrutvā tathā kṛtvā ḍiṃḍimadhvaninā pure |
narānājñāpayāmāsa tacchṛṇuṣva surottama || 101 ||
[Analyze grammar]

akrītaṃ yasya vai vastu hāṭe'sminvaiśyakovidaiḥ |
mayā krītaṃ ca tajjñeyaṃ satyametadvaco mama || 102 ||
[Analyze grammar]

iti śrutvā śūdrajanāścakrurnānāvidhaṃ vasu |
vaiśyaissarvaṃ tadā krītaṃ mahānhāṭo hi so'bhavat || 103 ||
[Analyze grammar]

ekadā lohakāraśca dāridraṃ loharūpiṇam |
kṛtvā hāṭamupāgamya śatamudrāmayācata || 104 ||
[Analyze grammar]

akrītaṃ puruṣaṃ rājā jñātvā lohadaridrakam |
krītaṃ taṃ śatamudrābhirgṛhītvā gehamāgamat |
kośāgāre tadā rājñā sthāpitobhūddaridrakaḥ || 105 ||
[Analyze grammar]

niśīthe tama udbhūte karma dharmaśca mā tathā |
bhūpagehātsamāgatya paśyatastasya nirgatāḥ || 106 ||
[Analyze grammar]

tatpaścātsatyapuruṣo rājānamidamabravīt |
daridro yatra bhūpāla tatra karmaparo na hi |
karmaṇā rahito dharmo bhūtale na sthiro bhavet || 107 ||
[Analyze grammar]

dharmeṇa rahitā lakṣmīrna śobheta kadācana |
ahaṃ lakṣmyā vihīnaśca na tiṣṭhāmi kadācana || 108 ||
[Analyze grammar]

ityuktvā gantumicchaṃtaṃ gṛhītvā karayornṛpaḥ |
namrībhūto vacaḥ prāha śṛṇu satyaṃ mama priyam || 109 ||
[Analyze grammar]

na tyājyo hi mayā deva bhavānkiṅgantumarhati |
iti śrutvā tu vacanaṃ satyadevo gṛhegamat || 110 ||
[Analyze grammar]

tatpaścācca svayaṃ lakṣmīstadgehe gaṃtumudyatā |
tāmāha bhūpatirdhīro devi tvaṃ caṃcalā sadā || 111 ||
[Analyze grammar]

acalā bhava bho mātastarhi manmadiraṃ vraja |
iti śrutvā varaṃ dattvā nṛpagehaṃ yayau tadā || 112 ||
[Analyze grammar]

purodhasaṃ taṃ gaṇakaṃ samāhūya nṛpottamaḥ |
lakṣasvarṇaṃ dadau tasmai kathitvā sarvakāraṇam || 113 ||
[Analyze grammar]

putrajanmani kāle tu saṃprāptaṃ tena vai dhanam |
vyayaṃ kṛtvā dhanaṃ sarvaṃ poṣayāmāsa bālakam || 114 ||
[Analyze grammar]

pūṣā nāma tato jātaṃ mārgaśīrṣe śubhe dine |
sa tu sūryaṃ samārādhya jyotiḥśāstraparaḥ sutaḥ || 115 ||
[Analyze grammar]

sūrye tu mokṣamagamaddevadevaprasādataḥ |
tasmāttvaṃ mārgamāse vai raviṃ devendra pūjaya || 116 ||
[Analyze grammar]

sūta uvāca |
devendrapūjanātsūryassamāgamya tadā svayam |
pūṣā nāma vaco devānuvāca madhurasvaram || 117 ||
[Analyze grammar]

ujjayinyāmahaṃ devā yāsye rudrapaśorgṛhe |
nāmnā ca mihirācāryo jyotiśśāstrapravarttakaḥ || 118 ||
[Analyze grammar]

ityuktvā bhagavānpūṣā putro jāto dvijasya vai |
mūlagaḍāntaviṣaye'bhijidyoge śubhaṃkare || 119 ||
[Analyze grammar]

jātamātraṃ ca taṃ putraṃ pitā kāṣṭhakaṭāhake |
dhṛtvā kṣiptvā nadīmadhye niśīthe samavāhayat || 120 ||
[Analyze grammar]

samudramagamatputro rākṣasībhiśca rakṣitaḥ |
laṃkāmāgamya tatraiva jyotiḥśāstramadhīta vān || 121 ||
[Analyze grammar]

jātakaṃ phalitaṃ caiva mūkapraśnaṃ tathāditaḥ |
paṭhitvā rākṣaseṃdraṃ ca vibhīṣaṇamupāgatam || 122 ||
[Analyze grammar]

bhaktarāja namastubhyaṃ vibhīṣaṇa hari priya |
āhṛto rākṣasībhiśca tvāmahaṃ śaraṇaṃ gataḥ || 123 ||
[Analyze grammar]

iti śrutvā ca sa nṛpo vaiṣṇavaṃ dvijamuttamam |
matvā saṃpreṣayāmasa yatra tajjanmabhūmikā || 124 ||
[Analyze grammar]

mlecchairvināśitaṃ yattu vedāṃgaṃ jyotiṣāṃ gatiḥ |
punaruddhāritaṃ tena tridhābhūtaṃ sanātanam || 125 ||
[Analyze grammar]