Chapter 7

sūta uvāca |
bhīṣmaḥ siṃhasthite gaṃgākūle śakraprapūjakaḥ |
śakraṃ sūryamayaṃ jñātvā tapasā samatoṣayat || 1 ||
[Analyze grammar]

māsāṃte bhagavāniṃdro jñātvā tadbhaktimuttamām |
varaṃ varaya ca prāha śrutvā śūrobravīdidam || 2 ||
[Analyze grammar]

dehi me vaḍavāṃ divyāṃ yadi tuṣṭo bhavānprabhuḥ |
iti śrutvā tadā tasmai vaḍavāṃ hariṇīṃ śubhām || 3 ||
[Analyze grammar]

dadau sa bhagavāniṃdrastatraivāntarhitobhavat || 4 ||
[Analyze grammar]

tasminkāle parimalaḥ pitṛśokaparāyaṇaḥ |
pārthivaiḥ pūjayāmāsa mahādevamumāpatim |
parīkṣārthaṃ śivaḥ sākṣātsarparogeṇa taṃ grasat || 5 ||
[Analyze grammar]

vyatīte paṃcame māse nṛpaḥ śaktivivarjitaḥ |
na tatyāja mahāpūjāṃ mahākleśasamanvitaḥ || 6 ||
[Analyze grammar]

maraṇāya yayau kāśīṃ svapatnyā sahito nṛpaḥ |
uvāsa vaṭamūlāṃte rātrau rogaprapīḍitaḥ || 7 ||
[Analyze grammar]

etasminnantare kaścitpannago mūlasaṃsthitaḥ |
śabdaṃ cakāra madhuraṃ śrutvā rudrāhirāyayau || 8 ||
[Analyze grammar]

rudrāhiṃ pannagaḥ prāha bhavānnirdaya mandadhīḥ |
śivabhaktaṃ nṛpamimaṃ pīḍayetpratyahaṃ khalaḥ || 9 ||
[Analyze grammar]

mūrkho'yaṃ bhūpatiḥ sākṣādāranālaṃ pibennahi |
iti śrutvā sa rudrāhirāha re pannagādhama || 10 ||
[Analyze grammar]

rājño dehe paraṃ harṣaṃ pratyahaṃ prāptavānaham |
svagehaṃ duḥkhatastyājyaṃ kathaṃ tyājyaṃ mayā śaṭha || 11 ||
[Analyze grammar]

mūrkhotra bhūpatiryo vai tailoṣṇaṃ yanna dattavān |
ityuktvāntargato dehe śrutvā sā malanā satī || 12 ||
[Analyze grammar]

cakāra pannagoktaṃ tadgatarogo nṛpo'bhavat |
tailoṣṇairbilamāpūrya cakhāna ca satī svayam || 13 ||
[Analyze grammar]

tato jātaṃ svayaṃ liṃgamaṃguṣṭhābhaṃ sanātanam |
jyotīrūpaṃ cidānaṃdaṃ sarvalakṣmasamanvitam || 14 ||
[Analyze grammar]

niśīthe tama udbhūte dikṣu sūryatvamāgatam |
dṛṣṭvā sa vismito rājā pūjayāmāsa śaṃkaram || 15 ||
[Analyze grammar]

mahimnastavapāṭhaiśca tuṣṭāva girijāpatim |
tadā prasanno bhagavānvaraṃ brūhi tamabravīt || 16 ||
[Analyze grammar]

śrutvāha nṛpatirdevaṃ yadi tuṣṭo maheśvara |
śrīpatirme gṛhaṃ prāpya vasenmatpriyakārakaḥ || 17 ||
[Analyze grammar]

tathetyuktvā mahādevo liṃgarūpatvamāgataḥ |
pratyahaṃ bhāramekaṃ ca suvarṇaṃ suṣuve tanoḥ || 18 ||
[Analyze grammar]

tadā malastu saṃtuṣṭaḥ prāpto gehaṃ mahāvatīm |
bhīmasiṃhena sahitaḥ paramānaṃdamāyayau || 19 ||
[Analyze grammar]

tataḥprabhṛti varṣāṃte jayacaṃdrapurīṃ yayau |
dṛṣṭvā parimalaṃ rājā kṛtakṛtyatvamāgataḥ || 20 ||
[Analyze grammar]

diṣṭyā te saṃkṣito rogo diṣṭyā te darśitaṃ mukham |
bhavānnijapurīṃ prāpya sukhī bhavatu mā ciram || 21 ||
[Analyze grammar]

yadā me vighna ābhūyāttadā tvaṃ māṃ samācara |
iti śrutvā parimalo gatvā sthānamavāsayat || 22 ||
[Analyze grammar]

tadā tu lakṣaṇo vīro bhagavantamuṣāpatim |
jagannāthamupāgamya samabhyarccāparo'bhavat || 23 ||
[Analyze grammar]

pakṣamātrāṃtare viṣṇurjagannātha uṣāpatiḥ |
varaṃ brūhi vacaśceti lakṣaṇaṃ prāha harṣataḥ || 24 ||
[Analyze grammar]

ityuktaḥ sa tu taṃ devaṃ natvovāca vinamradhīḥ |
dehi me vāhanaṃ divyaṃ sarvaśatruvināśanam || 25 ||
[Analyze grammar]

iti śrutvā jagannāthaḥ śaktimairāvatādgajāt |
samutpādya dadau tasmai divyāmairāvatīṃ mudā || 26 ||
[Analyze grammar]

āruhyairāvatīṃ rājā lakṣaṇo gehamāyayau |
sa vai parimalo rājā jagāma ca mahāvatīm || 27 ||
[Analyze grammar]

etasminnaṃtare vīrāstālanādyā madotkaṭāḥ |
mahāvatīṃ purīṃ prāpya dadṛśustaṃ mahīpatim || 28 ||
[Analyze grammar]

tena sārddhaṃ ca mahatīṃ prītiṃ kṛtvā nyavāsayan |
māsānte ca punaste vai rājāno vinayānvitāḥ || 29 ||
[Analyze grammar]

ūcustaṃ śṛṇu bhūpāla vayaṃ gacchāmahe purīḥ |
tadā rājāpi tānprāha sarvānkṣitipatī natha |
dattvādhikāraṃ putrebhyastadā'yāsyāmi vo'ntikam || 30 ||
[Analyze grammar]

tathetyuktāstu te rājñā svagehaṃ punarāyayuḥ |
sānujo deśarājastu dvijebhyaḥ svapuraṃ dadau || 31 ||
[Analyze grammar]

putrebhyastālano vīro dadau vārāṇasīṃ purīm |
alikollāmatiḥ kālaḥ patra puṣpodarī varī || 32 ||
[Analyze grammar]

karīnarī sulalitasteṣāṃ nāmāni vai kramāt |
dvau dvau putrau smṛtau teṣāṃ pitustulyaparākramau || 33 ||
[Analyze grammar]

sa vai putrājñayā śūrastālano rākṣasapriyaḥ |
yātudhānamayaṃ devaṃ tuṣṭāva mlecchapūjanaiḥ || 34 ||
[Analyze grammar]

tathā vasumataḥ putrau bhūpatīdeśavatsajau |
śakraṃ sūryyaṃ samārādhya kṛtakṛtyau babhūvatuḥ || 35 ||
[Analyze grammar]

siṃhinīnāma vaḍavāṃ yā tu dattā bhayānakā |
āruhya balavāñchūro gamanāya mano dadhau || 36 ||
[Analyze grammar]

paṃcaśabdaṃ mahānāgamindradattaṃ manoramam |
deśarājastamāruhya gamanāya mano dadhe || 37 ||
[Analyze grammar]

hayaṃ papīhakaṃ nāma sūryadattaṃ narasvaram |
vatsarājastamāruhya gamanāya mano dadhe || 38 ||
[Analyze grammar]

trayaḥ śūrāḥ samāgamya nagarīṃ te mahāvatīm |
ūṣustatra mahātmāno bahumānena satkṛtāḥ || 39 ||
[Analyze grammar]

senā ṣaṣṭisahasraṃ tatteṣāṃ svāmī sa tālanaḥ |
maṃtriṇau bhrātarau tau ca nṛpateścandravaṃśinaḥ || 40 ||
[Analyze grammar]

tairvīrai rakṣito rājā kṛtakṛtyatvamāgataḥ || 41 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāpara paryāye kaliyugīyetihāsasamuccaye saptamo'dhyāyaḥ || 7 ||
[Analyze grammar]