Chapter 214

sumantu ruvāca |
padminī ca tathānyā tu madhyamānāmanī tathā |
arkiṇī jvālinī caiva tejanī ca gabhastinī || 1 ||
[Analyze grammar]

śaṃkhamudrā ca daśamī sūrya vaktrā tathāparā |
sahasrakiraṇā caiva mudrā dvādaśa kīrtitāḥ || 2 ||
[Analyze grammar]

dadyādarghyaṃ tu padminyā vyoma baddhā japedbudhaḥ |
udayāśrayaḥ samākarṣe madhyamā vyādhināśinī || 3 ||
[Analyze grammar]

arkiṇyā paśyate sūryaṃ vidhisthastu bhavedyadi |
jvālinīmupasaṃgaṃtuṃ baddhvā sūryamukho japet || 4 ||
[Analyze grammar]

saptāhādvīkṣate sūryaṃ sidhyate ca tataḥ svayam |
avatīrya padmakhaṃḍaṃ sūryādabhimukho naraḥ || 5 ||
[Analyze grammar]

japañchatasahasraṃ hi akṣayaṃ labhate nidhim |
śaṃkhamudrādibhirimaṃ sūrya cakravidhiṃ śṛṇu || 6 ||
[Analyze grammar]

ahorātroṣito bhūtvā baddhvā sūryamukho naraḥ |
sthitaḥ padmāsane rājañjapaṃścāpyayutaṃ manum || 7 ||
[Analyze grammar]

paśyate tu tryahātsūryaṃ bhavetsiddhiśca mānasī |
sahasrakiraṇaṃ baddhvā nābhimātrajale sthitaḥ || 8 ||
[Analyze grammar]

japedayutamātraṃ tu bhavettadgatamānasaḥ |
sahasrakiraṇaṃ devaṃ paraṃ raśmibhirāvṛtam || 9 ||
[Analyze grammar]

sa paśyati paraṃ dhāma bhavetsiddhiśca puṣkalā |
śāpānugrahakartāsau sarveṣāṃ prāṇināṃ bhavet || 10 ||
[Analyze grammar]

sarvataḥ kañcukaṃ muktvā bhavedvai vigata jvaraḥ || 11 ||
[Analyze grammar]

parau gulphau karau kṛtvā saṃlagnau ca parasparam |
vāmānāmikayākramya dakṣiṇāṃ tu kanīyasīm || 12 ||
[Analyze grammar]

vāmā dakṣiṇayā caiva dakṣiṇā vāmayā tathā |
mudraiṣā hi mahāpuṇyā vyomamudrā prakīrtitā || 13 ||
[Analyze grammar]

baddhayā cānayā sadyo hīyaṃte vyādhayo nṛṇām |
nānayā rahitaḥ kaścitsiddhiṃ prāpnoti sādhakaḥ || 14 ||
[Analyze grammar]

sarvatraivottamā hyeṣā maṃtramuṣṭiriti smṛtā |
sūryasya hṛdayaṃ seyamarkamudreti viśrutā || 15 ||
[Analyze grammar]

badhnīyātsatataṃ mantrairāyurārogyavṛddhaye |
sūryamaṃḍala abhyagre mantrī sūryodaye sthitaḥ || 16 ||
[Analyze grammar]

sa sūryābhimukho bhūtvā japenmaṃtraṃ tu sādhakaḥ |
dinatrayeṇa vīkṣeta dhyānī japaparāyaṇaḥ || 17 ||
[Analyze grammar]

taṃ dṛṣṭvā nāśnute mṛtyuṃ duḥkhī na ca na saṃśayaḥ |
prāpnoti ca paraṃ sthānaṃ yatra devo divākaraḥ || 18 ||
[Analyze grammar]

uttānau tu karau kṛtvā pṛṣṭhalagnau parasparam |
baddhvā tvaṃgulayaḥ sarvāḥ suprakīrṇā na saṃśayaḥ || 19 ||
[Analyze grammar]

ākramya cāṃgulīmūlamaṃguṣṭhābhyāṃ yathākramam |
udayā nāma mudraiṣā badhnīyādudaye raveḥ || 20 ||
[Analyze grammar]

dvādaśādvīkṣate sūryaṃ dinātsa hi na saṃśayaḥ |
sarvapāpaharā caiva sarvapāpavināśinī || 21 ||
[Analyze grammar]

udayā ca vinā vāmaṃ madhyataścaiva taṃ kṣipet |
madhyamā nāma vikhyātā madhyasū्rye tu cintayet || 22 ||
[Analyze grammar]

madhyamā vidhinā tena baddhvā mudrāṃ tu sādhakaḥ |
aṃgulyoḥ paramaṃguṣṭhau vidhinā tāvubhau grathet || 23 ||
[Analyze grammar]

mudrā sāstamanī hyeṣā sarvatantreśvarī śubhā |
sūryasyāstamane mudrā baddhvā japtaṃ samārabhet || 24 ||
[Analyze grammar]

sahasraṃ hi śataṃ vāpi mudrāṃ baddhvā japedbudhaḥ |
sarvapātakasaṃyuktaḥ saptāhādanuśobhanam || 25 ||
[Analyze grammar]

karau parasparaṃ lagnāvaṃguṣṭhau cordhvasaṃsthitau |
ubhau cāṃguṣṭhakau cordhvau saṃlagnau mūrdhni saṃsthitau || 26 ||
[Analyze grammar]

mudrā nu mālinī caiva nirdahetpāpapañjaram |
brahmahatyādi yatpāpaṃ yojitā sā tu mūrdhani || 27 ||
[Analyze grammar]

vidarbhyāṃgulayaḥ sarvā īṣanmadhyastathāgrataḥ |
ūrdhvasthitau taṣāṃguṣṭhau mudreyaṃ tarjanī smṛtā || 28 ||
[Analyze grammar]

sarvavyādhiharā devī sarva śatruvināśinī |
etāṃ baddhvā mahāpuṇyāṃ sarvānstaṃmbhayate ripūn || 29 ||
[Analyze grammar]

ubhau prasārya vai hastau madhye sārdhena saṃsthitau |
śeṣānāmyā tataścaiva aṃguṣṭhāgraṃ tathā kramāt || 30 ||
[Analyze grammar]

mudrā gabhastinī nāma sūryasya hṛdayaṃ param |
mṛtyuṃ nāśayate hyeṣā baddhvā sūryodaye śubhā || 31 ||
[Analyze grammar]

arghyakāle tu badhnīyādarcayāgniṃ prapūjayet |
japakāle ca badhnīyānmaṃtrāṇāṃ nātra saṃśayaḥ || 32 ||
[Analyze grammar]

vidakṣiṇakaniṣṭhikyāṃ tarjanībhyāṃ tathā bhavet |
tarjanībhyāṃ tathāṃguṣṭhau saṃlagnau tu parasparam |
japaṃ yaḥ kurute nityaṃ tribhirmāsairviśudyati || 33 ||
[Analyze grammar]

karau tu saṃpuṭau kṛtvā tarjanyau dve ca kuñcayet || 34 ||
[Analyze grammar]

sahasrakiraṇā hyeṣā sarvamudreśvareśvarī |
trisaṃdhyametāṃ badhnīyātsādhako maṃtramūrdhani |
nāśayetsarvapāpāni tamorāśimivāṃśumān || 35 ||
[Analyze grammar]

mudrā mudrakakuṃbheti baddhvā paścāttu maṃtrayet |
māsena nāśayetkuṣṭhaṃ tribhirmāsairna saṃśayaḥ |
iti mudrāṃgasahitaṃ sūryaṃ pūjayate tu yaḥ || 36 ||
[Analyze grammar]

anena vidhinā rājanbrahmā pūjayate ravim |
tasmāttvamapi rājeṃdra pūjayānena bhāskaram || 37 ||
[Analyze grammar]

tataḥ sūryamavāpyeha sūryalokaṃ sa gacchati |
anena vidhinā yastu pūjayetsata taṃ ravim || 38 ||
[Analyze grammar]

sa yāti paramaṃ sthānaṃ yatra devo divākaraḥ |
itthaṃ pūjya ca deveśamanena vidhinā nṛpa || 39 ||
[Analyze grammar]

bhojayitvā yathāśakti brāhmaṇāṃśca vidhānataḥ |
saptamyāṃ prāśayedvāpi maricaṃ maṃtratastathā || 40 ||
[Analyze grammar]

ekaṃ gṛhītvā maricamavraṇaṃ ca dṛḍhaṃ param |
sajalaṃ prāśayedrājanmantreṇānena vā smṛtam || 41 ||
[Analyze grammar]

yathoktena vidhānena pūjayitvā divākaram |
iti saṃprāśya maricaṃ tato bhuṃjīta vāgyataḥ || 42 ||
[Analyze grammar]

priyasaṃgamavāpnoti tatkṣaṇādeva nānyathā |
itīyaṃ saptamī puṇyā priyasaṃgamadāyinī || 43 ||
[Analyze grammar]

kuryādekena kāmāṃstu vatsareṇa sa gacchati |
putrādibhirnaraśreṣṭha punaḥ saṃgamamṛcchati || 44 ||
[Analyze grammar]

kuru tasmānmahābāho tvameva priyadāyinīm |
upoṣya iṃdro vidhivatsurāmaricasaptamīm || 45 ||
[Analyze grammar]

saṃyogaṃ kṛtavānvīra saha śacyā vidhānataḥ |
upoṣyaināṃ nalaścāpi damayantyā mahābalaḥ || 46 ||
[Analyze grammar]

rāmo'gātsītayā sārdhamupoṣyaināṃ narādhipa || 47 ||
[Analyze grammar]