Chapter 206

bhīṣma uvāca |
maṃtroddhāraṃ paraṃ brūhi mudrāśaktisamanvitam |
rūpavarṇa samaṃ caiva paurāṇikamanuttamam || 1 ||
[Analyze grammar]

vyāsa uvāca |
śṛṇu bhīṣma mahābāho yathā vakṣyāmi tenagha |
paurāṇikānāṃ maṃtrāṇāmuddhāraṃ vaidikādṛte || 2 ||
[Analyze grammar]

varṇarephasamāyuktaṃ vidrumenaiva bhūṣitam |
aṃtasthānāṃ hi aṃtyaṃ vai brahmadaivatyamucyate || 3 ||
[Analyze grammar]

biṃdurephasamāyuktaṃ dīrghayā mātrayā tathā |
dīkṣākṣaraṃ samuddiṣṭaṃ dvitīyaṃ viṣṇudaivatam || 4 ||
[Analyze grammar]

tṛtīyaṃ tu tathā proktaṃ savisargaṃ janādhipa |
sa tṛtīyo budhaiḥ prokto rudradaivata eva hi || 5 ||
[Analyze grammar]

bhāskaroyaṃ mahānsākṣānmaṃtramūrtistrirakṣaraḥ |
durlabhaḥ paramo guhyastridevo devapūjitaḥ || 6 ||
[Analyze grammar]

yastvidaṃ japate bhaktyā sa yāti paramāṃ gatim |
tataśca mudrāṃ vakṣyāmi sānnidhya kāraṇaṃ param || 7 ||
[Analyze grammar]

padmākārau karau kṛtvā madhye śliṣṭe tu madhyame |
aṃguliṃ kṣārayettasminvimudreti ca socyate || 8 ||
[Analyze grammar]

anayā baddhayā rājanbhāskarasya priyo bhavet |
mahābhayeṣu sarveṣu mātṛvatparirakṣati || 9 ||
[Analyze grammar]

hṛdayaṃ tasya vijñeyaṃ yadakṣaravaraṃ smṛtam |
vidrumopari saṃchannaṃ hṛdgataṃ tadgataṃ sadā || 10 ||
[Analyze grammar]

śirasyarkamiti proktaṃ devadevasya bhārata |
mahāvyāhṛtayastisrastathārajvālinī śikhā || 11 ||
[Analyze grammar]

aṣṭākṣarā tu vidyeyamādityasya mahātmanaḥ |
yaḥ smaretsādhakastvenaṃ nāsau kenāpi bādhyate || 12 ||
[Analyze grammar]

akāreṇa samāyuktaṃ biṃdurephasamanvitam |
hakāramagnidaivatyaṃ kavacaṃ bhāskarapriyam || 13 ||
[Analyze grammar]

ekākṣaramidaṃ proktamabhedyaṃ yaḥ smaredidam |
duṣṭānāṃ caiva vighnānāṃ nāśanaṃ nātra saṃśayaḥ || 14 ||
[Analyze grammar]

savisargo repha iti astramekākṣaraṃ smṛtam |
nāśayedduṣṭakarmāṇi sādhakasya na saṃśayaḥ || 15 ||
[Analyze grammar]

saṃmukhau tau karau kṛtvā śliṣṭau tu grathitāṃgulī |
kaniṣṭhenāmike yojye tarjanyau madhyame tathā || 16 ||
[Analyze grammar]

hṛcchiraḥ saśikhā carmā mudreyaṃ vyomasaṃjñitā |
muṣṭivakrocchritaṃ kuryātsavyahastasya tarjanīm || 17 ||
[Analyze grammar]

mālaśabdakṛtādistu mudrā hyastrasya kīrtitā |
trāsanī nāma vikhyātā sarvaviprabhayaṃkarī || 18 ||
[Analyze grammar]

karṇabiṃdusamāyuktaṃ yaṃ caturthaṃ mahāmate |
bhāskarasya tvidaṃ netramagridaivatamucyate || 19 ||
[Analyze grammar]

smaraḥ syātsādhakeṃdrāṇāṃ duraṃto nāśane dhruvam |
madhyamā tarjanī caiva savyahastasya cocchritam || 20 ||
[Analyze grammar]

kaniṣṭhānāmike kuṃcya aṃguṣṭhena tataḥ kramet |
netrābhyāṃ sparśayedenāṃ netramudrā prakīrtitā || 21 ||
[Analyze grammar]

govṛṣā nāma vikhyātā darśayeddivyagocaram |
rāṃ dīptāriṃ tataḥ sūkṣmārīṃ jayā bhīṣma ucyate || 22 ||
[Analyze grammar]

ubhāhvārūṃ vibhūtiśca vimalā reṃ prakīrtitā |
aghahā ca mahābāho vidyutā rauṃ prakīrtitā || 23 ||
[Analyze grammar]

govṛṣā nāma raṃ sarvaṃ vīrabhadrakarī tathā |
ityetā bījarūpāstu kathitāścaiva śaktayaḥ || 24 ||
[Analyze grammar]

uttānau tu karau kṛtvā savyākuṃcya tatoṃgulīḥ |
kuryādupari cāṃguṣṭhau cālayeta punaḥpunaḥ || 25 ||
[Analyze grammar]

sarvāsāṃ caiva śaktīnāmetā mudrāḥ pradarśayet |
nāmnā ca vidyutā caiva navamī sarvatomukhī || 26 ||
[Analyze grammar]

nāmānyetāni śaktīnāṃ samāsātkathitāni tu |
sabījāni mahābāho mayā snehena bhārata || 27 ||
[Analyze grammar]

grahāṇāṃ śṛṇu bījāni rūpaṃ ca gadato mama |
sarvatra bhaṃ tathā khaṃ ca kaṃjakūtuhalodvaha || 28 ||
[Analyze grammar]

oṃkārā dīpitāḥ sarve namaskārāṃtayojitāḥ |
pūjākāle prayoktavyā japakāle tathaiva ca || 29 ||
[Analyze grammar]

homakāle tu svāhāṃtaṃ maṃtraṃ ṣaṭkārasaṃyutam |
sarve biṃduyutā bhīṣma śikhā biṃduvibhūṣitāḥ || 30 ||
[Analyze grammar]

somādyāḥ ketuparyaṃtā grahā hyevaṃ prakīrtitāḥ |
etā mudrāḥ pravakṣyāmi sarvasiddhipradāyikāḥ || 31 ||
[Analyze grammar]

sumukhau tu karau kṛtvā śliṣṭau caiva prasāritau |
iyaṃ mudrā namaskāre grahasānnidhyakārikā || 32 ||
[Analyze grammar]

maṃtroddhārastavākhyāto rahasyo durlabho nṛpa |
śṛṇuṣva rūpaṃ devānāṃ dhyānakāle hyupasthite || 33 ||
[Analyze grammar]

japāvarṇaṃ mahātejaṃ śvetapadmopari sthitam |
sarvalakṣaṇasaṃpannaṃ sarvābharaṇabhūṣitam || 34 ||
[Analyze grammar]

tathaikavaktraṃ dvibhujaṃ somapaṃkajakaṃdharam |
maṃḍalena ca rūpaṃ tu madhyasthaṃ raktavāsasam || 35 ||
[Analyze grammar]

mārtaṃḍasya idaṃ rūpaṃ śuciḥ snāto jiteṃdriyaḥ |
trikālaṃ yaḥ smaredbhīma ekacitto vyavasthitaḥ || 36 ||
[Analyze grammar]

so'cirādbhavate loke vittena dhanadopamaḥ |
mucyate sarvabhogaistu tejasvī balavānbhavet || 37 ||
[Analyze grammar]

hṛdayaṃ cottamāṃgaṃ ca śikhā vai vaktrameva ca |
raktavarṇā ime śyāmāḥ sarvābharaṇabhūṣitāḥ || 38 ||
[Analyze grammar]

varadā'bhayahastāśca dhyātavyā sādhakena tu |
taḍitpuṃjanibhaṃ śastraṃ raudraṃ caṃdrakarālinam || 39 ||
[Analyze grammar]

viśeṣaḥ kathito hyeṣa kāmarūpaḥ svabhāvataḥ |
dīptā dīptaśikhākārā dhyātavyā mama śaktayaḥ || 40 ||
[Analyze grammar]

śvetavarṇaṃ smaretsomaṃ raktavarṇaṃ kujaṃ smaret |
saumyamaṣṭāpadābhaṃ ca guruṃ ca pītavarṇakam || 41 ||
[Analyze grammar]

śaṃkhakṣīranibhaṃ śvetaṃ kāṇaṃ cāṃjanasaṃnibham |
rajāvartanibhaṃ rāhuṃ dhūmraṃ ca vikacaṃ smaret || 42 ||
[Analyze grammar]

vāmahastau kaṭinyastau dakṣiṇau cābhayapradau |
raktabhrūraktanetrāsya ardhakāyakṛtāṃjaliḥ || 43 ||
[Analyze grammar]

iti bhānuṃ grahaiḥ sārdhaṃ ye dhyāyaṃti nṛpottama |
labhaṃte te mahāsiddhimacirānnātra saṃśayaḥ || 44 ||
[Analyze grammar]

tavākhyātamidaṃ vaktraṃ grahāṇāṃ bhīṣma kṛtsnaśaḥ |
yacchrutvā sarvapāpebhyo mucyaṃte bhuvi mānavāḥ || 45 ||
[Analyze grammar]

anena vidhinā bhīṣma sadā devaṃ divākaram |
trikālaṃ pūjayedbhaktyā vīra śraddhāsamanvitaḥ || 46 ||
[Analyze grammar]

itthaṃ pūjayamānastu sarvadevaṃ divākaram |
brahmahatyāvinirmukto mahādevatvamāpnuyāt || 47 ||
[Analyze grammar]