Chapter 159

sumaṃturuvāca |
dakṣaḥ prajāpatiścaiva namaskāraṃ cakāra ha |
vidyotamāno vapuṣā sarvābharaṇabhūṣitaḥ || 1 ||
[Analyze grammar]

upātiṣṭhata deveśaṃ bhānuṃ carṣigaṇaiḥ saha |
tato gaṃdharvamukhyeṣu praṇadatsu vihā yasi |
bahubhiḥ saha gaṃdharvaiḥ pragāyatsu mahīpate || 2 ||
[Analyze grammar]

evaṃ te devagaṃdharvā upāgāyaṃta bhaktitaḥ |
utpannaṃ dvādaśātmānaṃ bhāskaraṃ vāritaskaram || 3 ||
[Analyze grammar]

indro vivasvānpūṣā ca tvaṣṭā ca savitā tathā |
bhargoṃ'śumānaryamārkaḥ pṛśnirmārtaṃḍa eva ca |
ityekādaśa evaite dvādaśo viṣṇurucyate || 4 ||
[Analyze grammar]

evaṃ dvādaśadhā jātamaṃśumaṃtaṃ mahādbhutam |
stuvanti devatāḥ sarve gatāśca tarasā mahīm || 5 ||
[Analyze grammar]

mṛgavyādhaśca śarvaśca mṛgāṃkāṃko mahāyaśāḥ |
ajaikapādahirbudhnyaḥ patiḥ kācaḥ paraṃtapaḥ || 6 ||
[Analyze grammar]

damanaśceśvaraścaiva kapālī ca viśāṃpate |
sthāṇurbhagaśca bhagavānrudrāścaite'vatasthire || 7 ||
[Analyze grammar]

aśvinau vasavaścāṣṭau garuḍaśca mahābalaḥ |
viśvedevāśca sādhyāśca tasthuḥ prāṃjalayo nṛpa || 8 ||
[Analyze grammar]

nāgarājo mahārāja vāsukiḥ prāṃjaliḥ sthitaḥ |
anye ca bahavo nāgā rākṣasāśca mahābalāḥ || 9 ||
[Analyze grammar]

tārkṣyaścāriṣṭanemiśca garuḍaśca mahābalaḥ |
aruṇaścāruṇiścaiva tatra prāṃjalayaḥ sthitāḥ || 10 ||
[Analyze grammar]

pitāmahaśca bhagavānsvayamāgamya lokakṛt |
prāha devaguruḥ śrīmāntsuraiḥ sarvairmaharṣibhiḥ || 11 ||
[Analyze grammar]

yasmātprekṣayate sarvaṃ prabhaviṣṇuḥ sanātanaḥ |
tasmāllokeśvaraḥ śrīmānvivasvāṃśca bhavatviti || 12 ||
[Analyze grammar]

devadānavayakṣāṇāṃ gaṃdharvoragarakṣasām |
yasmādayamādidevastasmādāditya eva hi || 13 ||
[Analyze grammar]

evamuktvā tu bhagavānsārdhaṃ devarṣibhiḥ prabhuḥ |
namaskṛtvā susaṃpūjya yayau tatsadanaṃ prati || 14 ||
[Analyze grammar]

yā gatiryajñaśīlānāṃ yā gatiḥ puṇyakarmaṇām |
yā gatiḥ siddhayogānāṃ yā gatiśca mahātmanām || 15 ||
[Analyze grammar]

yasyāṣṭaguṇamaiśvaryaṃ samabhūddevasattamam |
yaṃ prāpya śāśvataṃ viprā nāvartaṃte bhavārṇave || 16 ||
[Analyze grammar]

vālakhilyādayo ye ca sarvāśramanivāsinaḥ |
sevaṃte yaṃ yatātmāno duścaraṃ vratamāsthitāḥ || 17 ||
[Analyze grammar]

yo'naṃta iva nāgeṣu yasya te sarvayoginaḥ |
sahasramūrdhā raktākṣaḥ śeṣādibhiranuttamaiḥ || 16 ||
[Analyze grammar]

yo yajña iti vipreṃdrairarcyate sukhamīpsubhiḥ |
sarve ca yaṃ yataprāṇā dhyāyanti brahmarūpiṇam || 19 ||
[Analyze grammar]

yaṃ vedavido gāyaṃti vettāraṃ yajñadāyi nam |
taṃ putraṃ dvādaśātmānaṃ kaśyapaḥ prāpya sattamam || 20 ||
[Analyze grammar]

mudaṃ lebhe sahādityā sukhaṃ ca paramaṃ vibho |
lokaśca mumude sarvo rākṣasā bhayamāpnu van || 21 ||
[Analyze grammar]

madhupiṃgalo mahābāhuḥ kaṃbugrīvo hasanniva |
iṃgudībaddhamukuṭo diśaḥ prajvalayanniva || 22 ||
[Analyze grammar]

sa uvāca mahātejāḥ kaśyapaṃ carṣisatta mam |
eṣohaṃ tava putratvaṃ gato garbhasya siddhaye || 23 ||
[Analyze grammar]

dattvā varaṃ purā vipra viraṃcasya mahātmanaḥ |
tasmāttvamṛṣiśārdūla kuru sṛṣṭimanaupamām || 24 ||
[Analyze grammar]

evamārādhya deveśaṃ brahmā sṛṣṭimavāptavān |
ārādhya kaśyapaścāpi bhāskaraṃ sutamāptavān || 25 ||
[Analyze grammar]