Chapter 74

śatānīka uvāca |
sthāpito yadi sāmbena sūryaścandrasarittaṭe |
tasmānnadyamidaṃ sthānaṃ yathaitadbhāṣate bhavān || 1 ||
[Analyze grammar]

sumanturuvāca |
ādyaṃ sthānamidaṃ bhānoḥ paścātsāmbena bhārata |
vistareṇāsya cādyasya kathyamānaṃ nibodha me || 2 ||
[Analyze grammar]

atrādyo lokanātho'sau raśmimālī jagatpatiḥ |
mitratve ca sthito devastapastepe purā nṛpa || 3 ||
[Analyze grammar]

anādinidhano brahmā nityaścākṣaya eva ca |
sṛṣṭvā prajāpatīnbrahmā sṛṣṭvā ca vividhāḥ prajāḥ || 4 ||
[Analyze grammar]

sasarja mukhato devaṃ pūrvamambujasannibham |
kañjajastaṃ tato devaṃ vakṣasto nirmame nṛpa || 5 ||
[Analyze grammar]

lalāṭātkuruśārdūla nīrajākṣaṃ digambaram || 1 ||
[Analyze grammar]

ṛbhavaḥ pādataḥ sarve sṛṣṭāstena mahātmanā || 6 ||
[Analyze grammar]

tataḥ śatasahasrāṃśuravyaktaḥ puruṣaḥ svayam |
kṛtvā dvādaśadhātmānamadityāmudapadyata || 7 ||
[Analyze grammar]

indro dhātā ca parjanyaḥ pūṣā tvaṣṭāryamā bhagaḥ |
vivasvānaṃśurviṣṇuśca varuṇo mitra eva ca || 8 ||
[Analyze grammar]

ebhirdvādaśabhistena ādityena mahātmanā |
kṛtsnaṃ jagadidaṃ vyāptaṃ mūrtibhistu narādhipa || 9 ||
[Analyze grammar]

tasya yā prathamā mūrtirādityasyendrasaṃjñitā |
sthitā sā devarājatve dānavāsuranāśinī || 10 ||
[Analyze grammar]

dvitīyā cāsya yā mūrtirnāmnā dhāteti kīrtitā |
sthitā prajāpatitve sā vidhātrī sṛjate prajāḥ || 11 ||
[Analyze grammar]

tṛtīyā tasya yā mūrtiḥ parjanya iti viśrutā |
kareṣveva sthitā sā tu varṣatyamṛtameva hi || 12 ||
[Analyze grammar]

caturthī tasya yā mūrtirnāmnā pūṣeti viśrutā || 2 ||
[Analyze grammar]

mantreṣvavasthitā sā tu prajāḥ puṣṇāti bhārata || 13 ||
[Analyze grammar]

mūrtiryā pañcamī tasya nāmnā tvaṣṭeti viśrutā |
vanaspatiṣu sā nityamoṣadhīṣu ca vai sthitā || 14 ||
[Analyze grammar]

ṣaṣṭhī mūrtistu yā tasya aryameti ca viśrutā |
prajāsamvaraṇārthaṃ sā pureṣveva sthitā sadā || 15 ||
[Analyze grammar]

bhānoryā saptamī mūrtirnāmnā bhaga iti smṛtā |
bhūmau vyavasthitā sā tu kṣmādhareṣu ca bhārata || 16 ||
[Analyze grammar]

aṣṭamī cāsya yā mūrtirvivasvāniti saṃjñitā |
agnau vyavasthitā sā tu 4 pacate'nnaṃ śarīriṇām || 17 ||
[Analyze grammar]

navamī citrabhānoryā mūrtirañśuriti smṛtā |
vīra candre sthitā sā tu āpyāyayati vai jagat || 18 ||
[Analyze grammar]

mūrtiryā daśamī tasya viṣṇurityabhidhīyate |
prādurbhavati sā nityaṃ gīrvāṇārivināśinī || 19 ||
[Analyze grammar]

mūrtistvekādaśī yā tu bhānorvaruṇasaṃjñitā |
jīvāyayati sā kṛtsnaṃ jagaddhi samupāśritā || 20 ||
[Analyze grammar]

apāṃ sthānaṃ samudrastu varuṇo'tra pratiṣṭhitaḥ |
tasmādvai procyate vīra sāgaro varuṇālayaḥ || 21 ||
[Analyze grammar]

mūrtiryā dvādaśī bhānornāmato mitrasaṃjñitā |
lokānāṃ sā hitārthaṃ tu sthitā candrasarittaṭe || 22 ||
[Analyze grammar]

vāyubhakṣā tapastepe yuktā maitreṇa cakṣuṣā |
anugṛhṇansadā bhaktānvarairnānāvidhaiḥ sadā || 23 ||
[Analyze grammar]

evamādyamidaṃ sthānaṃ puṇyaṃ mitrapadaṃ smṛtam |
tatra mitraḥ sthito yasmāttasmānmitrapadaṃ smṛtam || 24 ||
[Analyze grammar]

tayārādhya mahābāho sāmbenāmitatejasā |
tatprasādāttadādeśātpratiṣṭhā tasya vai kṛtā || 25 ||
[Analyze grammar]

ābhirdvādaśabhistena bhāskareṇa mahātmanā |
kṛtsnaṃ jagadidaṃ vyāptaṃ mūrtibhistu narādhipa || 26 ||
[Analyze grammar]

tasmādvandyo namasyaśca dvādaśasvapi mūrtiṣu |
ye namasyanti cādityaṃ narā bhaktisamanvitāḥ || 27 ||
[Analyze grammar]

te yāsyanti paraṃ sthāna 1 tiṣṭhedyatrāmbujeśvaraḥ |
ityevaṃ dvādaśātmānamādityaṃ pūjayettu yaḥ || 28 ||
[Analyze grammar]

sa muktaḥ sarvapāpebhyo yāti helisalokatām || 29 ||
[Analyze grammar]