Chapter 61

sumanturuvāca |
tamekamakṣaraṃ dhāma paraṃ sadasatormahat |
bhedābhedasvarūpasthaṃ praṇipatya raviṃ nṛpa || 1 ||
[Analyze grammar]

pravakṣyāmi yathāpūrvaṃ viriñcena mahātmanā |
ṛṣīṇāṃ kathitaṃ pūrvaṃ taṃ nibodha narādhipa || 2 ||
[Analyze grammar]

ārādhanāya saviturmahātmā padmasaṃbhavaḥ |
yogaṃ brahmaparaṃ prāha maharṣīṇāṃ yathā prabhuḥ || 3 ||
[Analyze grammar]

samastavṛttisaṃrodhātkaivalyapratipādakam |
tadā jagatpatirbrahmā praṇipatya maharṣibhiḥ || 4 ||
[Analyze grammar]

sarvaiḥ kilokto bhagavānātmayoniḥ prajāhitam |
yoyaṃ yogo bhagavatā prokto vṛttinirodhajaḥ || 5 ||
[Analyze grammar]

prāptuṃ śakyaḥ sa tvanekairjanmabhirjagataḥ pate |
viṣayā durjayā nṝṇāmindriyākarṣiṇaḥ prabho || 6 ||
[Analyze grammar]

vṛttayaścetasaścāpi cañcalasyāpi durdharā |
rāgādayaḥ kathaṃ jetuṃ śakyā varṣaśatairapi || 7 ||
[Analyze grammar]

na yogayogyaṃ bhavati mana ebhiranirjitaiḥ |
alpāyuṣaśca puruṣā brahmankṛtayugepyamī || 8 ||
[Analyze grammar]

tretāyāṃ dvāpare caiva kimu prāpte kalau yuge |
bhagavaṃstvāmupāsīnānprasanno vaktumarhasi || 9 ||
[Analyze grammar]

anāyāsena yenaiva uttarema bhavārṇavam |
duḥkhāmbumagnāḥ puruṣāḥ prāpya brahmanmahāplavam || 10 ||
[Analyze grammar]

uttarema bhavāmbhodhiṃ tathā tvamanuciṃtaya |
evamuktastadā brahmākriyāyogaṃ mahātmanām || 11 ||
[Analyze grammar]

teṣāmṛṣīṇāmācaṣṭa narāṇāṃ hitakāmyayā |
ārādhayata viśveśaṃ divākaramatandritāḥ || 12 ||
[Analyze grammar]

bāhyālambanasāpekṣāstamajaṃ jagataḥ patim |
ijyāpūjānamaskāraśuśrūṣābhiraharniśam || 13 ||
[Analyze grammar]

vratopavāsairvividhairbrāhmaṇānāṃ ca tarpaṇaṃ |
taistaiścābhimataiḥ kāmairye ca cetasi tuṣṭidāḥ || 14 ||
[Analyze grammar]

aparicchedyamāhātmyamārādhayata bhāskaram |
tanniṣṭhāstadgatadhiyastatkarmāṇastadāśrayāḥ || 15 ||
[Analyze grammar]

taddṛṣṭayastanmanasaḥ sarvasmintsa1 iti sthitāḥ |
samastānyatha karmāṇi tatra sarvātmanātmani || 16 ||
[Analyze grammar]

saṃnyasadhvaṃ sa vaḥ karttā samastāvaraṇakṣayam |
etattadakṣaraṃ brahma pradhānapuruṣāvubhau || 17 ||
[Analyze grammar]

2 yato yasminyathā cobhau sarvayyāpinyavasthitau |
paraḥ parāṇāṃ paramaḥ saikaḥ sumanasāṃ paraḥ || 18 ||
[Analyze grammar]

yasmādbhinnamidaṃ sarvaṃ 3 yaccedaṃ yacca neṅgati |
mokṣakāraṇamavyaktamacintyamaparigraham |
samārādhya jagannāthaṃ kriyāyogena mucyate || 19 ||
[Analyze grammar]

iti te brahmaṇaḥ śrutvā rahasyamṛṣisattamāḥ || 20 ||
[Analyze grammar]

narāṇāmupakārāya yogaśāstrāṇi cakrire |
kriyāyogaparāṇīha muktikārīṇyanekaśaḥ || 21 ||
[Analyze grammar]

ārādhyate jagannāthastadanuṣṭhānatatparaiḥ |
paramātmā sa mārtaṇḍaḥ sarveśaḥ sarvabhāvanaḥ || 22 ||
[Analyze grammar]

yānyuktāni purā tena brahmaṇā kurunandana |
tāni te kuruśārdūla sarvapāpaharāṇyaham || 23 ||
[Analyze grammar]

vakṣyāmi śrūyatāmadya rahasyamidamuttamam |
saṃsārārṇavamagnānāṃ viṣayākrāṃtacetasām || 24 ||
[Analyze grammar]

haṃsapotaṃ vinā nānyatkiṃcidasti parāyaṇam |
uttiṣṭhaṃściṃtaya raviṃ vrajaṃściṃtaya gopatim || 25 ||
[Analyze grammar]

bhuñjaṃściṃtaya mārtaṃḍaṃ svapāṃściṃtaya bhāskaram |
evamekāgracittastvaṃ saṃśritaḥ satataṃ ravim || 26 ||
[Analyze grammar]

janmamṛtyumahāgrāhaṃ saṃsārāmbhastariṣyasi || 27 ||
[Analyze grammar]

graheśamīśaṃ varadaṃ purāṇaṃ jagadvidhātāramajaṃ ca nityam |
samāśritā ye ravimīśitāraṃ teṣāṃ bhavo nāsti vimuktibhājām || 28 ||
[Analyze grammar]