Chapter 51

vāsudeva uvāca |
māghasya śuklapakṣe tu pañcamyāṃ matkulodvaha |
ekabhaktaṃ sadākhyātaṃ ṣaṣṭyāṃ naktamudāhṛtam || 1 ||
[Analyze grammar]

saptamyāmupavāsaṃ tu kecidicchanti suvrata |
ṣaṣṭhyāṃ kecidvadantīha saptamyāṃ pāraṇaṃ kila || 2 ||
[Analyze grammar]

kṛtopavāsaḥ ṣaṣṭhyāṃ tu pūjayedbhāskaraṃ budhaḥ |
raktacandanamiśraistu karavīraiśca suvrata || 3 ||
[Analyze grammar]

guggulena mahābāho saṃyāvena ca suvrata |
pūjayeddevadeveśaṃ śaṅkaraṃ 2 bhāskaraṃ ravim || 4 ||
[Analyze grammar]

evaṃ hi caturo māsānmāghādīnpūjayedravim |
ātmanaścāpi śudhyarthaṃ prāśanaṃ gomayasya ca || 5 ||
[Analyze grammar]

snānaṃ ca gomayeneha kartavyaṃ cātmaśuddhaye |
brāhmaṇāndivyabhaumāṃśca bhojayeccāpi śaktitaḥ || 6 ||
[Analyze grammar]

jyeṣṭhādiṣvatha māseṣu śvetacandanamucyate |
śvetāni cāpi puṣpāṇi śubhagandhānvitāni vai || 7 ||
[Analyze grammar]

kṛṣṇāgarustathā dhūpo naivedyaṃ pāyasaṃ smṛtam |
tenaiva brāhmaṇāṃstuṣṭānbhojayecca mahāmate || 8 ||
[Analyze grammar]

prāśayetpañcagavyaṃ tu snānaṃ tenaiva putraka |
kārtikādiṣu māseṣu agastikusumaiḥ smṛtam || 9 ||
[Analyze grammar]

pūjayennaraśārdūla dhūpaiścaivāparājitaiḥ |
naivedyaṃ guḍapūpāstu tathā cekṣurasaṃ smṛtam || 10 ||
[Analyze grammar]

tenaiva brāhmaṇāṃstāta bhojayasva svaśaktitaḥ |
kuśodakaṃ prāśayethāḥ snānaṃ ca kuru śuddhaye || 11 ||
[Analyze grammar]

tṛtīye pāraṇāsyānte māghe māsi mahāmate |
bhojanaṃ tatra dānaṃ ca dviguṇaṃ samudāhṛtam || 12 ||
[Analyze grammar]

devadevasya pūjā ca kartavyā śaktito budhaiḥ |
rathasya cāpi dānaṃ tu rathayātrā tu suvrata || 13 ||
[Analyze grammar]

vratasya prāptihetorvai kartavyā vibhave sati |
dānaṃ svarṇarathasyeha yathoktaṃ vibhave sati |
ityeṣā kathitā putra rathāhvā saptamī śubhā || 14 ||
[Analyze grammar]

mahāsaptamī vikhyātā mahāpuṇyā mahodayā |
yāmupoṣya dhanaṃ putrānkīrtiṃ vidyāmavāpnuyāt || 15 ||
[Analyze grammar]

tathākhilaṃ kuvalayaṃ candreṇa ca samorciṣā || 16 ||
[Analyze grammar]