Chapter 23

śatānīka uvāca |
kenāyaṃ bhīmajo vipra pramathādhipatiḥ kṛtaḥ |
bhartṛtve cāpi vighnānāmadhikārī kathaṃ babhau || 1 ||
[Analyze grammar]

sumanturuvāca |
sādhu pṛṣṭo'smi rājendra yadayaṃ vighnakārakaḥ |
yairvāpi vighnakaraṇairniryukto'pi vināyakaḥ |
tatte vacmi mahābāho śṛṇuṣvaikamanādhunā || 2 ||
[Analyze grammar]

ādye kṛtayuge vīra prajāsargamavāpa ha |
dṛṣṭvā karmāṇi siddhāni vinā vighnena bhārata || 3 ||
[Analyze grammar]

agatakleśāṃ prajāṃ dṛṣṭvā garvitāṃ kṛtsnaśo nṛpa |
bahuśaścintayityā tu idaṃ karma mahīpate || 4 ||
[Analyze grammar]

vināyakaḥ samṛddhyarthaṃ prajānāṃ viniyojitaḥ |
gaṇānāṃ cādhipatye ca bhīmaḥ kañjajasāttvataiḥ |
tatopasṛṣṭo yastasya lakṣaṇāni nibodha me || 5 ||
[Analyze grammar]

svapnevagāhate'tyarthaṃ jalaṃ muṇḍāṃśca paśyati |
kāṣāyavāsasaścaiva kravyādāṃścādhirohati || 6 ||
[Analyze grammar]

antyajairgardabhairuṣṭraiḥ sahaikatrāvatiṣṭhate |
vrajamānastathātmānaṃ manyate'nugataṃ paraiḥ || 7 ||
[Analyze grammar]

vimanā viphalārambhaḥ saṃsīdatyanimittataḥ |
karaṭārūḍhamātmānamambhasontaragaṃ tathā || 8 ||
[Analyze grammar]

pattibhiścāvṛtaṃ yāntaṃ saṅgamanāntikaṃ nṛpa |
paśyate kuruśārdūla svapnānte nātra saṃśayaḥ || 9 ||
[Analyze grammar]

cittaṃ ca vikṛtākāraṃ karavīravibhūṣitam |
tenopasṛṣṭo labhate na rājyaṃ paurvasaṃbhavam || 10 ||
[Analyze grammar]

kumārī na ca bhartāramapatyaṃ garbhiṇī tathā |
ācāryatvaṃ śrotriyaśca śiṣyāścādhyayanaṃ tathā |
vaṇiglābhaṃ ca nāpnoti kṛṣiṃ caiva kṛṣīvalaḥ || 11 ||
[Analyze grammar]

snapanaṃ tasya kartavyaṃ puṇye'hani mahīpate |
gaurasarṣapakalkena sājyenotsāditena tu || 12 ||
[Analyze grammar]

śuklapakṣe caturthyāṃ tu vāsare dhiṣaṇasya ca |
tiṣye ca vīranakṣatre tasyaiva purato nṛpa || 13 ||
[Analyze grammar]

sarvauṣadhaiḥ sarvagandhairviliptaśirasastathā |
bhadrāsanopaviṣṭasya svasti vācya dvijāñchubhān || 14 ||
[Analyze grammar]

vyomakeśaṃ tu sampūjya pārvatīṃ bhīmajaṃ tathā |
kṛṣṇaṃ sapitaraṃ tāta pavamānaṃ sitaṃ tathā || 15 ||
[Analyze grammar]

dhiṣaṇaṃ cenduputraṃ ca koṇaṃ ketuṃ ca 3 bhārata |
vidhuntudaṃ bāhuleyaṃ nandakasya ca dhāriṇam || 16 ||
[Analyze grammar]

aśvasthānādgajasthānādvalmīkātsaṅgamādhradāt |
mṛttikāṃ rocanāṃ gandhānguggulaṃ cāpsu nikṣipet || 17 ||
[Analyze grammar]

yadāhṛtaṃ hyekavarṇaiścaturbhiḥ kalaśairhradāt |
carmaṇyānaḍuhe rakte sthāpyaṃ bhadrāsanaṃ tathā || 18 ||
[Analyze grammar]

sahasrākṣaṃ śatadhāramṛṣibhiḥ 1 pāvanaṃ kṛtam |
tena tvāmabhiṣiñcāmi pāvamānyaḥ punantu te || 19 ||
[Analyze grammar]

bhagaṃ te varuṇo rājā bhagaṃ sūryo bṛhaspatiḥ |
bhagamindraśca vāyuśca bhagaṃ saptarṣayo daduḥ || 20 ||
[Analyze grammar]

yatte keśeṣu daurbhāgyaṃ sīmante yacca mūrdhani |
lalāṭe karṇayorakṣṇorāpastad ghnantu te sadā || 21 ||
[Analyze grammar]

snātasya sārṣapaṃ tailaṃ suveṇaudumbareṇa tu |
juhuyānmūrdhani kuśānsavyena parigṛhya tu || 22 ||
[Analyze grammar]

mitaśca sammitaścaiva tathā ca śālakaṃṭakaḥ |
kūṣmāṇḍo rājaśreṣṭhāste'gnayaḥ svāhāsamanvitāḥ || 23 ||
[Analyze grammar]

nāmabhirbalimantraiśca namaskārasamanvitaiḥ |
dadyāccatuṣpathe śūrpe kuśānāstīrya sarvataḥ || 24 ||
[Analyze grammar]

kṛtākṛtāṃstaṇḍulāṃśca palalaudanameva ca |
matsyānpakvāṃstathaivāmānmāṃsametāvadeva tu || 25 ||
[Analyze grammar]

puṣpaṃ citraṃ sagandhaṃ ca surāṃ ca trividhāmapi |
mūlakaṃ pūrikāḥ pūpāṃstathaivoṇḍerikāsrajam |
dadhipāyasamannaṃ ca guḍaveṣṭānsamodakān || 26 ||
[Analyze grammar]

vināyakasya jananīmupatiṣṭhettato'mbikām |
dūrvāsarṣapapuṣpāṇāṃ dattvā puṣpāñjalitrayam || 27 ||
[Analyze grammar]

rūpaṃ dehi yaśo dehi bhagaṃ bhagavati dehi me |
putrāndehi dhanaṃ dehi sarvānkāmāṃśca dehi me |
acalāṃ buddhiṃ me dehi dharāyāṃ khyātimeva ca || 28 ||
[Analyze grammar]

tataḥ śuklāmbaradharaḥ śuklamālyānulepanaḥ |
bhojayed brāhmaṇāndadyādvastrayugmaṃ gurorapi || 29 ||
[Analyze grammar]

evaṃ vināyakaṃ pūjya grahāṃścaiva vidhānataḥ |
karmaṇāṃ phalamāpnoti śriyaṃ prāpnotyanuttamām || 30 ||
[Analyze grammar]

ādityasya sadā pūjāṃ tilakaṃ svāminastathā |
vināyakapateścaiva sarvasiddhimavāpnuyāt || 31 ||
[Analyze grammar]