Chapter 1

[English text for this chapter is available]

śrīśuka uvāca |
kṛtvā daityavadhaṃ kṛṣṇaḥ sarāmo yadubhirvṛtaḥ |
bhuvo'vatārayadbhāraṃ javiṣṭhaṃ janayankalim || 1 ||
[Analyze grammar]

ye kopitāḥ subahu pāṇḍusutāḥ sapatnaiḥ |
durdyūtahelanakacagrahaṇādibhistān |
kṛtvā nimittamitaretarataḥ sametān |
hatvā nṛpānniraharatkṣitibhāramīśaḥ || 2 ||
[Analyze grammar]

bhūbhārarājapṛtanā yadubhirnirasya |
guptaiḥ svabāhubhiracintayadaprameyaḥ |
manye'vanernanu gato'pyagataṃ hi bhāraṃ |
yadyādavaṃ kulamaho aviṣahyamāste || 3 ||
[Analyze grammar]

naivānyataḥ paribhavo'sya bhavetkathañcin |
matsaṃśrayasya vibhavonnahanasya nityam |
antaḥ kaliṃ yadukulasya vidhāya veṇu |
stambasya vahnimiva śāntimupaimi dhāma || 4 ||
[Analyze grammar]

evaṃ vyavasito rājansatyasaṅkalpa īśvaraḥ |
śāpavyājena viprāṇāṃ sañjahre svakulaṃ vibhuḥ || 5 ||
[Analyze grammar]

svamūrtyā lokalāvaṇyanirmuktyā locanaṃ nṛṇām |
gīrbhistāḥ smaratāṃ cittaṃ padaistānīkṣatāṃ kriyāḥ || 6 ||
[Analyze grammar]

ācchidya kīrtiṃ suślokāṃ vitatya hyañjasā nu kau |
tamo'nayā tariṣyantītyagātsvaṃ padamīśvaraḥ || 7 ||
[Analyze grammar]

śrīrājovāca |
brahmaṇyānāṃ vadānyānāṃ nityaṃ vṛddhopasevinām |
vipraśāpaḥ kathamabhūdvṛṣṇīnāṃ kṛṣṇacetasām || 8 ||
[Analyze grammar]

yannimittaḥ sa vai śāpo yādṛśo dvijasattama |
kathamekātmanāṃ bheda etatsarvaṃ vadasva me || 9 ||
[Analyze grammar]

śrībādarāyaṇiruvāca |
bibhradvapuḥ sakalasundarasanniveśaṃ |
karmācaranbhuvi sumaṅgalamāptakāmaḥ |
āsthāya dhāma ramamāṇa udārakīrtiḥ |
saṃhartumaicchata kulaṃ sthitakṛtyaśeṣaḥ || 10 ||
[Analyze grammar]

karmāṇi puṇyanivahāni sumaṅgalāni |
gāyajjagatkalimalāpaharāṇi kṛtvā |
kālātmanā nivasatā yadudevagehe |
piṇḍārakaṃ samagamanmunayo nisṛṣṭāḥ || 1 ||
[Analyze grammar]

viśvāmitro'sitaḥ kaṇvo |
durvāsā bhṛguraṅgirāḥ |
kaśyapo vāmadevo'triḥ |
vasiṣṭho nāradādayaḥ || 12 ||
[Analyze grammar]

krīḍantastānupavrajya kumārā yadunandanāḥ |
upasaṅgṛhya papracchuravinītā vinītavat || 13 ||
[Analyze grammar]

te veṣayitvā strīveṣaiḥ sāmbaṃ jāmbavatīsutam |
eṣā pṛcchati vo viprā antarvatnyasitekṣaṇā || 14 ||
[Analyze grammar]

praṣṭuṃ vilajjatī sākṣātprabrūtāmoghadarśanāḥ |
prasoṣyantī putrakāmā kiṃ svitsañjanayiṣyati || 15 ||
[Analyze grammar]

evaṃ pralabdhā munayastānūcuḥ kupitā nṛpa |
janayiṣyati vo mandā musalaṃ kulanāśanam || 16 ||
[Analyze grammar]

tacchrutvā te'tisantrastā vimucya sahasodaram |
sāmbasya dadṛśustasmin musalaṃ khalvayasmayam || 17 ||
[Analyze grammar]

kiṃ kṛtaṃ mandabhāgyairnaḥ kiṃ vadiṣyanti no janāḥ |
iti vihvalitā gehānādāya musalaṃ yayuḥ || 18 ||
[Analyze grammar]

taccopanīya sadasi parimlānamukhaśriyaḥ |
rājña āvedayāñcakruḥ sarvayādavasannidhau || 19 ||
[Analyze grammar]

śrutvāmoghaṃ vipraśāpaṃ dṛṣṭvā ca musalaṃ nṛpa |
vismitā bhayasantrastā babhūvurdvārakaukasaḥ || 20 ||
[Analyze grammar]

taccūrṇayitvā musalaṃ yadurājaḥ sa āhukaḥ |
samudrasalile prāsyallohaṃ cāsyāvaśeṣitam || 21 ||
[Analyze grammar]

kaścinmatsyo'grasīllohaṃ cūrṇāni taralaistataḥ |
uhyamānāni velāyāṃ lagnānyāsankilairakāḥ || 22 ||
[Analyze grammar]

matsyo gṛhīto matsyaghnairjālenānyaiḥ sahārṇave |
tasyodaragataṃ lohaṃ sa śalye lubdhako'karot || 23 ||
[Analyze grammar]

bhagavānjñātasarvārtha īśvaro'pi tadanyathā |
kartuṃ naicchadvipraśāpaṃ kālarūpyanvamodata || 24 ||
[Analyze grammar]