Chapter 10

[English text for this chapter is available]

śrīmadbhāgavata mahāpurāṇa |
ṣaṣṭhaḥ skandhaḥdaśamo'dhyāyaḥ |
devānāṃ dadhīceḥ sakāśāt tadasthiyācanaṃ |
vajranirmāṇaṃ devadānavayuddhaṃ caśrīśuka uvācaindramevaṃ samādiśya bhagavān viśvabhāvanaḥ |
paśyatāṃ animeṣāṇāṃ atraivāntardadhe hariḥ || 1 ||
[Analyze grammar]

tathābhiyācito devaiḥ ṛṣiḥ ātharvaṇo mahān |
modamāna uvācedaṃ prahasanniva bhārata || 2 ||
[Analyze grammar]

api vṛndārakā yūyaṃ na jānītha śarīriṇām |
saṃsthāyāṃ yastvabhidroho duḥsahaścetanāpahaḥ || 3 ||
[Analyze grammar]

jijīviṣūṇāṃ jīvānāṃ ātmā preṣṭha ihepsitaḥ |
ka utsaheta taṃ dātuṃ bhikṣamāṇāya viṣṇave || 4 ||
[Analyze grammar]

śrīdevā ūcuḥkiṃ nu tad dustyajaṃ brahman puṃsāṃ bhūtānukampinām |
bhavadvidhānāṃ mahatāṃ puṇyaślokeḍyakarmaṇām || 5 ||
[Analyze grammar]

nūnaṃ svārthaparo loko na veda parasaṅkaṭam |
yadi veda na yāceta neti nāha yadīśvaraḥ || 6 ||
[Analyze grammar]

śrīṛṣiruvācadharmaṃ vaḥ śrotukāmena yūyaṃ me pratyudāhṛtāḥ |
eṣa vaḥ priyamātmānaṃ tyajantaṃ santyajāmyaham || 7 ||
[Analyze grammar]

yo'dhruveṇātmanā nāthā na dharmaṃ na yaśaḥ pumān |
īheta bhūtadayayā sa śocyaḥ sthāvarairapi || 8 ||
[Analyze grammar]

etāvānavyayo dharmaḥ puṇyaślokairupāsitaḥ |
yo bhūtaśokaharṣābhyāṃ ātmā śocati hṛṣyati || 9 ||
[Analyze grammar]

aho dainyamaho kaṣṭaṃ pārakyaiḥ kṣaṇabhaṅguraiḥ |
yannopakuryādasvārthaiḥ martyaḥ svajñātivigrahaiḥ || 10 ||
[Analyze grammar]

śrīśuka uvācaevaṃ kṛtavyavasito dadhyaṅṅātharvaṇastanum |
pare bhagavati brahmaṇi ātmānaṃ sannayanjahau || 11 ||
[Analyze grammar]

yatākṣāsumanobuddhiḥ tattvadṛg dhvastabandhanaḥ |
āsthitaḥ paramaṃ yogaṃ na dehaṃ bubudhe gatam || 12 ||
[Analyze grammar]

athendro vajramudyamya nirmitaṃ viśvakarmaṇā |
muneḥ śaktibhirutsikto bhagavat tejasānvitaḥ || 13 ||
[Analyze grammar]

vṛto devagaṇaiḥ sarvaiḥ gajendroparyaśobhata |
stūyamāno munigaṇaiḥ trailokyaṃ harṣayanniva || 14 ||
[Analyze grammar]

vṛtramabhyadravacchatruṃ asurānīkayūthapaiḥ |
paryastamojasā rājan kruddho rudra ivāntakam || 15 ||
[Analyze grammar]

tataḥ surāṇāmasurai raṇaḥ paramadāruṇaḥ |
tretāmukhe narmadāyāṃ abhavat prathame yuge || 16 ||
[Analyze grammar]

rudrairvasubhirādityaiḥ aśvibhyāṃ pitṛvahnibhiḥ |
marudbhiḥ ṛbhubhiḥ sādhyaiḥ viśvedevaiḥ marutpatim || 17 ||
[Analyze grammar]

dṛṣṭvā vajradharaṃ śakraṃ rocamānaṃ svayā śriyā |
nāmṛṣyannasurā rājan mṛdhe vṛtrapuraḥsarāḥ || 18 ||
[Analyze grammar]

namuciḥ śambaro'narvā dvimūrdhā ṛṣabho'mbaraḥ |
hayagrīvaḥ śaṅkuśirā vipracittiḥ ayomukhaḥ || 19 ||
[Analyze grammar]

pulomā vṛṣaparvā ca prahetirhetirutkalaḥ |
daiteyā dānavā yakṣā rakṣāṃsi ca sahasraśaḥ || 20 ||
[Analyze grammar]

sumālimālipramukhāḥ kārtasvaraparicchadāḥ |
pratiṣidhyendrasenāgraṃ mṛtyorapi durāsadam || 21 ||
[Analyze grammar]

abhyardayan asambhrāntāḥ siṃhanādena durmadāḥ |
gadābhiḥ parighairbāṇaiḥ prāsamud‍garatomaraiḥ || 22 ||
[Analyze grammar]

śūlaiḥ paraśvadhaiḥ khaḍgaiḥ śataghnībhirbhuśuṇḍibhiḥ |
sarvato'vākiranśastraiḥ astraiśca vibudharṣabhān || 23 ||
[Analyze grammar]

na te'dṛśyanta sañchannāḥ śarajālaiḥ samantataḥ |
puṅkhānupuṅkhapatitaiḥ jyotīṃṣīva nabhoghanaiḥ || 24 ||
[Analyze grammar]

na te śastrāstravarṣaughā hyāseduḥ surasainikān |
chinnāḥ siddhapathe devaiḥ laghuhastaiḥ sahasradhā || 25 ||
[Analyze grammar]

atha kṣīṇāstraśastraughā giriśrṛṅgadrumopalaiḥ |
abhyavarṣan surabalaṃ cicchidustāṃśca pūrvavat || 26 ||
[Analyze grammar]

tānakṣatān svastimato niśāmya |
śastrāstrapūgairatha vṛtranāthāḥ |
drumairdṛṣad‍bhirvividhādriśrṛṅgaiḥ |
avikṣatān tatrasurindrasainikān || 27 ||
[Analyze grammar]

sarve prayāsā abhavanvimoghāḥ |
kṛtāḥ kṛtā devagaṇeṣu daityaiḥ |
kṛṣṇānukūleṣu yathā mahatsu |
kṣudraiḥ prayuktā ūṣatī rūkṣavācaḥ || 28 ||
[Analyze grammar]

te svaprayāsaṃ vitathaṃ nirīkṣya |
harāvabhaktā hatayuddhadarpāḥ |
palāyanāyājimukhe visṛjya |
patiṃ manaste dadhurāttasārāḥ || 29 ||
[Analyze grammar]

vṛtro'surān tān anugān manasvī |
pradhāvataḥ prekṣya babhāṣa etat |
palāyitaṃ prekṣya balaṃ ca bhagnaṃ |
bhayena tīvreṇa vihasya vīraḥ || 30 ||
[Analyze grammar]

kālopapannāṃ rucirāṃ manasvināṃ |
muvāca vācaṃ puruṣapravīraḥ |
he vipracitte namuce puloman |
mayānarvanchambara me śrṛṇudhvam || 31 ||
[Analyze grammar]

jātasya mṛtyurdhruva eva sarvataḥ |
pratikriyā yasya na ceha kḷptā |
loko yaśaścātha tato yadi hyamuṃ |
ko nāma mṛtyuṃ na vṛṇīta yuktam || 32 ||
[Analyze grammar]

dvau sammatāviha mṛtyū durāpau |
yad‍brahmasandhāraṇayā jitāsuḥ |
kalevaraṃ yogarato vijahyād |
yadagraṇīrvīraśaye'nivṛttaḥ || 33 ||
[Analyze grammar]