Chapter 13

[English text for this chapter is available]

brāhmaṇa uvāca |
duratyaye'dhvanyajayā niveśito rajastamaḥsattvavibhaktakarmadṛk |
sa eṣa sārtho'rthaparaḥ paribhramanbhavāṭavīṃ yāti na śarma vindati || 1 ||
[Analyze grammar]

yasyāmime ṣaṇnaradeva dasyavaḥ sārthaṃ vilumpanti kunāyakaṃ balāt |
gomāyavo yatra haranti sārthikaṃ pramattamāviśya yathoraṇaṃ vṛkāḥ || 2 ||
[Analyze grammar]

prabhūtavīruttṛṇagulmagahvare kaṭhoradaṃśairmaśakairupadrutaḥ |
kvacittu gandharvapuraṃ prapaśyati kvacitkvaciccāśurayolmukagraham || 3 ||
[Analyze grammar]

nivāsatoyadraviṇātmabuddhistatastato dhāvati bho aṭavyām |
kvacicca vātyotthitapāṃsudhūmrā diśo na jānāti rajasvalākṣaḥ || 4 ||
[Analyze grammar]

adṛśyajhillīsvanakarṇaśūla ulūkavāgbhirvyathitāntarātmā |
apuṇyavṛkṣānśrayate kṣudhārdito marīcitoyānyabhidhāvati kvacit || 5 ||
[Analyze grammar]

kvacidvitoyāḥ sarito'bhiyāti parasparaṃ cālaṣate nirandhaḥ |
āsādya dāvaṃ kvacidagnitapto nirvidyate kva ca yakṣairhṛtāsuḥ || 6 ||
[Analyze grammar]

śūrairhṛtasvaḥ kva ca nirviṇṇacetāḥ śocanvimuhyannupayāti kaśmalam |
kvacicca gandharvapuraṃ praviṣṭaḥ pramodate nirvṛtavanmuhūrtam || 7 ||
[Analyze grammar]

calankvacitkaṇṭakaśarkarāṅghrirnagārurukṣurvimanā ivāste |
pade pade'bhyantaravahninārditaḥ kauṭumbikaḥ krudhyati vai janāya || 8 ||
[Analyze grammar]

kvacinnigīrṇo'jagarāhinā jano nāvaiti kiñcidvipine'paviddhaḥ |
daṣṭaḥ sma śete kva ca dandaśūkairandho'ndhakūpe patitastamisre || 9 ||
[Analyze grammar]

karhi sma citkṣudra rasānvicinvaṃstanmakṣikābhirvyathito vimānaḥ |
tatrātikṛcchrātpratilabdhamāno balādvilumpantyatha taṃ tato'nye || 10 ||
[Analyze grammar]

kvacicca śītātapavātavarṣa pratikriyāṃ kartumanīśa āste |
kvacinmitho vipaṇanyacca kiñcidvidveṣamṛcchatyuta vittaśāṭhyāt || 11 ||
[Analyze grammar]

kvacitkvacitkṣīṇadhanastu tasminśayyāsanasthānavihārahīnaḥ |
yācanparādapratilabdhakāmaḥ pārakyadṛṣṭirlabhate'vamānam || 12 ||
[Analyze grammar]

anyonyavittavyatiṣaṅgavṛddha vairānubandho vivahanmithaśca |
adhvanyamuṣminnurukṛcchravitta bādhopasargairviharanvipannaḥ || 13 ||
[Analyze grammar]

tāṃstānvipannānsa hi tatra tatra vihāya jātaṃ parigṛhya sārthaḥ |
āvartate'dyāpi na kaścidatra vīrādhvanaḥ pāramupaiti yogam || 14 ||
[Analyze grammar]

manasvino nirjitadiggajendrā mameti sarve bhuvi baddhavairāḥ |
mṛdhe śayīranna tu tadvrajanti yannyastadaṇḍo gatavairo'bhiyāti || 15 ||
[Analyze grammar]

prasajjati kvāpi latābhujāśrayastadāśrayāvyaktapadadvijaspṛhaḥ |
kvacitkadāciddharicakratastrasansakhyaṃ vidhatte bakakaṅkagṛdhraiḥ || 16 ||
[Analyze grammar]

tairvañcito haṃsakulaṃ samāviśannarocayanśīlamupaiti vānarān |
tajjātirāsena sunirvṛtendriyaḥ parasparodvīkṣaṇavismṛtāvadhiḥ || 17 ||
[Analyze grammar]

drumeṣu raṃsyansutadāravatsalo vyavāyadīno vivaśaḥ svabandhane |
kvacitpramādādgirikandare patanvallīṃ gṛhītvā gajabhīta āsthitaḥ || 18 ||
[Analyze grammar]

ataḥ kathañcitsa vimukta āpadaḥ punaśca sārthaṃ praviśatyarindama |
adhvanyamuṣminnajayā niveśito bhramañjano'dyāpi na veda kaścana || 19 ||
[Analyze grammar]

rahūgaṇa tvamapi hyadhvano'sya sannyastadaṇḍaḥ kṛtabhūtamaitraḥ |
asajjitātmā harisevayā śitaṃ jñānāsimādāya tarātipāram || 20 ||
[Analyze grammar]

rājovāca |
aho nṛjanmākhilajanmaśobhanaṃ kiṃ janmabhistvaparairapyamuṣmin |
na yaddhṛṣīkeśayaśaḥkṛtātmanāṃ mahātmanāṃ vaḥ pracuraḥ samāgamaḥ || 21 ||
[Analyze grammar]

na hyadbhutaṃ tvaccaraṇābjareṇubhirhatāṃhaso bhaktiradhokṣaje'malā |
mauhūrtikādyasya samāgamācca me dustarkamūlo'pahato'vivekaḥ || 22 ||
[Analyze grammar]

namo mahadbhyo'stu namaḥ śiśubhyo namo yuvabhyo nama āvaṭubhyaḥ |
ye brāhmaṇā gāmavadhūtaliṅgāścaranti tebhyaḥ śivamastu rājñām || 23 ||
[Analyze grammar]

śrīśuka uvāca |
ityevamuttarāmātaḥ sa vai brahmarṣisutaḥ sindhupataya ātmasatattvaṃ vigaṇayataḥ parānubhāvaḥ paramakāruṇikatayopadiśya rahūgaṇena sakaruṇamabhivanditacaraṇa āpūrṇārṇava iva nibhṛtakaraṇormyāśayo dharaṇimimāṃ vicacāra || 24 ||
[Analyze grammar]

sauvīrapatirapi sujanasamavagataparamātmasatattva ātmanyavidyādhyāropitāṃ ca dehātmamatiṃ visasarja evaṃ hi nṛpa bhagavadāśritāśritānubhāvaḥ || 25 ||
[Analyze grammar]

rājovāca |
yo ha vā iha bahuvidā mahābhāgavata tvayābhihitaḥ parokṣeṇa vacasā jīvalokabhavādhvā sa hyāryamanīṣayā kalpitaviṣayo nāñjasāvyutpannalokasamadhigamaḥ atha tadevaitadduravagamaṃ samavetānukalpena nirdiśyatāmiti || 26 ||
[Analyze grammar]