Chapter 376

[English text for this chapter is available]

agniruvāca |
yadātmamātraṃ nirbhāsaṃ stimitodadhivat sthitaṃ |
caitanyarūpavaddhyānaṃ tat samādhirihocyate || 1 ||
[Analyze grammar]

dhyāyanmanaḥ sanniveśya yastiṣṭhedacalasthiraḥ |
nirvātānalavadyogī samādhisthaḥ prakīrttitaḥ || 2 ||
[Analyze grammar]

na śrṛṇoti na cāghrāti na paśyati na vamyati |
na ca saparśaṃ vijānāti na saṅkalpayate manaḥ || 3 ||
[Analyze grammar]

na cābhimanyate kiñcinna ca budhyati kāṣṭhavat |
evamīśvarasaṃlīnaḥ samādhisthaḥ sa gīyate || 4 ||
[Analyze grammar]

yathā dīpo nivātastho neṅgate sopamā smṛtā |
dhyāyato viṣṇumātmānaṃ samādhistasya yoginaḥ || 5 ||
[Analyze grammar]

upasargāḥ pravarttante divyāḥ siddhiprasūcakāḥ |
pātitaḥ śrāvaṇo dhāturdaśanasbāṅgavedanāḥ || 6 ||
[Analyze grammar]

prārthayanti ca taṃ devā bhogairdivyaiśca yoginaṃ |
nṛpāśca pṛthivīdānairdhanaisca sudhanādhipāḥ || 7 ||
[Analyze grammar]

vedādisarvvaśāstrañca svayameva pravartate |
abhīṣṭachandoviṣayaṃ kāvyañcāsya pravarttate || 8 ||
[Analyze grammar]

rasāyanāni divyāni divyāścauṣadhayastathā |
samastāni ca śilpāni kalāḥ sarvāśca vindati || 9 ||
[Analyze grammar]

surendrakanyā ityādyā guṇāśca pratibhādayaḥ |
tṛṇavattāntyajed yastu tasya viṣṇuḥ prasīdati || 10 ||
[Analyze grammar]

aṇimādiguṇaiśvaryyaḥ śiṣye jñānaṃ prakāśya ca |
bhuktvā bhogān yathecchātastanūntyaktvālayāttataḥ || 11 ||
[Analyze grammar]

tiṣṭhet svātmani vijñāna ānande brahmaṇīśvare |
malino hi yathādarśa ātmajñānāya na kṣamaḥ || 12 ||
[Analyze grammar]

sarvāśrayānnije dehe dehī vindati vedanāṃ |
yogayuktastu sarvveṣāṃ yogānnāpnoti vedanāṃ || 13 ||
[Analyze grammar]

ākāśamekaṃ hi yathā ghaṭādiṣu pṛthag bhavet |
tathātmaiko hyanekeṣu jalādhāreṣvivāṃśumān || 14 ||
[Analyze grammar]

brahmakhānilatejāṃsi jalabhūkṣitidhātavaḥ |
ime lokā eṣa cātmā tasmācca sacarācaraṃ || 15 ||
[Analyze grammar]

mṛddaṇḍa cakrasaṃyogāt kumbhakāro yathā ghaṭaṃ |
karoti tṛṇamṛtkāṣṭhairgṛhaṃ vā gṛhakārakaḥ || 16 ||
[Analyze grammar]

karaṇānyevamādāya tāsu tāsviha yoniṣu |
sṛjatyātmānamātmaiva sambhūya karaṇāni ca || 17 ||
[Analyze grammar]

karmaṇādoṣamohābhyāmicchayaiva sa badhyate |
jñānādvimucyate jīvo dharmād yogī na rogabhāk || 18 ||
[Analyze grammar]

vartyādhārasnehayogād yathā dīpasya saṃsthitiḥ |
vikriyāpi ca dṛṣṭaivamakāle prāṇasaṃkṣayaḥ || 19 ||
[Analyze grammar]

anantā raśmayastasya dīpavad yaḥ sthito hṛdi |
sitāsitāḥ kadrunīlāḥ kapilāḥ pītalohitāḥ || 20 ||
[Analyze grammar]

ūdrdhvamekaḥ sthitasteṣāṃ yo bhittvā sūryyamaṇḍalaṃ |
brahmalokamatikramya tena yāti parāṅgatiṃ || 21 ||
[Analyze grammar]

yadasyānyadraśmiśatamūdrdhvameva vyavasthitam |
tena devanikāyāni dhāmāni pratipadyate || 22 ||
[Analyze grammar]

ye naikarūpāścādhastādraśmayo'sya mṛduprabhāḥ |
iha karmopabhogāya taiśca sañcarate hi saḥ || 23 ||
[Analyze grammar]

buddhīndriyāṇi sarvāṇi manaḥ karmendriyāṇi ca |
ahaṅkāraśca buddhiśca pṛthivyādīni caiva hi || 24 ||
[Analyze grammar]

avyakta ātmā jñetrajñaḥ kṣetrasyāsya nigadyate |
īśvaraḥ sarvabhūtasya sannasan sadasacca saḥ || 25 ||
[Analyze grammar]

buddherutpattiravyaktā tato'haṅkārasambhavaḥ |
tasmāt khādīni jāyante ekottaraguṇāni tu || 26 ||
[Analyze grammar]

śabdaḥ sparśaśca rupañca rasoṃ gandhaśca tadguṇāḥ |
yo yasminnāśritaścaiṣāṃ sa tasminneva līyate || 27 ||
[Analyze grammar]

sattvaṃ rajastamaścaiva guṇāstasyaiva kīttitāḥ |
rajastamobyāmāviṣṭaścakravadbhrāmyate hi saḥ || 28 ||
[Analyze grammar]

anādirādimān yaśca sa eva puruṣaḥ paraḥ |
liṅgendriyairupagrāhyaḥ sa vikāra udāhṛtaḥ || 29 ||
[Analyze grammar]

yato vedāḥ purāṇāni vidyopaniṣadastathā |
ślokāḥ sūtrāṇi bhāṣyāṇi yaccānyadvāṅmayaṃ bhavet || 30 ||
[Analyze grammar]

pitṛyānopavīthyāśca yadagastyasya cāntaraṃ |
tenāgnihotriṇo yānti prjākāmā divaṃ prati || 31 ||
[Analyze grammar]

ye ca dānaparāḥ samyagaṣṭābhiśca guṇairyutāḥ |
aṣṭāśītisahasrāṇi munayo gṛhamedhinaḥ || 32 ||
[Analyze grammar]

punarāvarttane vījabhūtā dharmmapravarttakāḥ |
saptarṣināgavīthyāśca devalokaṃ samāśritāḥ || 33 ||
[Analyze grammar]

tāvanta eva munayaḥ sarvārambhavivarjjitāḥ |
tapasā brahmacaryeṇa saṅgatyāgena medhayā || 34 ||
[Analyze grammar]

yatra yatrāvatiṣṭhanete yāvadāhūtasaṃplavaṃ |
vedānuvacanaṃ yajñā brahmacaryyaṃ tapo damaḥ || 35 ||
[Analyze grammar]

śraddhopavāsaḥ satyatvamātmano jñānahetavaḥ |
sa tvāśramairnnididhyāsyaḥ samastairevameva tu || 36 ||
[Analyze grammar]

draṣṭavystvatha mantavyaḥ śrotavyaśca dvijātibhiḥ |
ya evamenaṃ vindanti ye cāraṇyakamāśritāḥ || 37 ||
[Analyze grammar]

upāsate dvijāḥ satyaṃ śraddhayā parayā yutāḥ |
kramātte sambhavantyarcciṃrahaḥ śuklaṃ tathottaraṃ || 38 ||
[Analyze grammar]

ayanandevalokañca savitāraṃ savidyutaṃ |
tatastān puruṣo'bhyetya mānaso brahmalokikān || 39 ||
[Analyze grammar]

karoti punārāvṛttisteṣāmiha na vidyate |
yajñena tapasā dānairye hi svargajito janāḥ || 40 ||
[Analyze grammar]

dhūmaṃ niśāṃ kṛṣṇapakṣaṃ dakṣiṇāyanameva ca |
pitṛlokaṃ candramasaṃ nabho vāyuṃ jalaṃ mahīṃ || 41 ||
[Analyze grammar]

kramātte sambhavantīha punareva vrajanti ca |
etadyo na vijānāti mārgadvitayamātmanaḥ || 42 ||
[Analyze grammar]

dandaśūkaḥ pataṅgo vā bavetkīṭo'thavā kṛmiḥ |
hṛdaye dīpavadbrahma dhyānājjīvo mṛto bhavet || 43 ||
[Analyze grammar]

nyāyāgatadhanastattvajñānaniṣṭho'tithipriyaḥ |
śrāddhakṛtsatyavādī ca gṛhastho'pi vimucyate || 44 ||
[Analyze grammar]