Chapter 371

[English text for this chapter is available]

agniruvāca |
uktāni yamamārgāṇi vakṣye'tha maraṇe nṛṇāṃ |
ūṣmā prakupitaḥ kāye tīvravāyusamīritaḥ || 1 ||
[Analyze grammar]

śarīramuparudhyā'tha kṛtsnāndoṣānruṇaddhi vai |
chinatti prāṇasthānāni punarmarmāṇi caiva hi || 2 ||
[Analyze grammar]

śaityāt prakupito vāyuśchidramanviṣyate tataḥ |
dve netre dvau tathā karṇau dvau tu nāsāpuṭau tathā || 3 ||
[Analyze grammar]

ūddhvantu sapta cchidrāṇi aṣṭamaṃ vadanaṃ tathā |
etaiḥ prāṇo viniryāti prāyaśaḥ śubhakarmaṇaṃ || 4 ||
[Analyze grammar]

adhaḥ pāyurupasthañca anenāśubhakāriṇāṃ |
mūrddhānaṃ yogino bhittvā jīvo yātyatha cecchayā || 5 ||
[Analyze grammar]

antakāle tu samprāpte prāṇe'pānamupasthite |
tamasā saṃvṛte jñāne saṃvṛteṣu ca marmmasu || 6 ||
[Analyze grammar]

sa jīvo nābhyadhiṣṭhānaścālyate mātariśvanā |
bādhyamāṇaścānayate aṣṭāṅgāḥ prāṇavṛttikāḥ || 7 ||
[Analyze grammar]

cyavantaṃ jāyamānaṃ vā praviśantañca yoniṣu |
prapaśyanti ca taṃ siddhā devā divyena cakṣuṣā || 8 ||
[Analyze grammar]

gṛhṇāti tatkṣaṇād yoge śarīrañcātivāhikam |
ākāśavāyutejāṃsi vigrahādūdrdhvagāminaḥ || 9 ||
[Analyze grammar]

jalaṃ mahī ca pañcatvamāpannaḥ puruṣaḥ smṛtaḥ |
ātivāhikadehantu yamadūtā nayanti taṃ || 10 ||
[Analyze grammar]

yāmyaṃ mārgaṃ mahāghoraṃ ṣaḍa़śītisahasrakam |
annodakaṃ nīyamāno bāndhavairdattamaśnute || 11 ||
[Analyze grammar]

yamaṃ dṛṣṭvā yamoktena citraguptena ceritān |
prāpnoti narakānraudrāndharmī śubhapathairdivam || 12 ||
[Analyze grammar]

bhujyante pāpibhirvakṣye narakāṃstāśca yātanāḥ |
aṣṭāviṃśatirevādhaḥ kṣiternarakakoṭayaḥ || 13 ||
[Analyze grammar]

saptamasya talasyānte ghore tamasi saṃsthitāḥ |
ghorākhyā prathamā koṭiḥ sughorā tadadhaḥ sthitā || 14 ||
[Analyze grammar]

atighorā mahāghorā ghorarūpā ca pañcamī |
ṣaṣṭhī taralatārākhyā saptamī ca bhayānakā || 15 ||
[Analyze grammar]

bhayotkaṭā kālarātrī mahācaṇḍā ca caṇḍayā |
kolāhalā pracaṇḍākhyā padmā narakanāyikā || 16 ||
[Analyze grammar]

padmāvatī bhīṣaṇā ca bhīmā caiva karālikā |
vikarālā mahāvajrā trikoṇā pañcakoṇikā || 17 ||
[Analyze grammar]

sudīrkhaghā vartulā saptabhūmā caiva subhūmikā |
dīptamāyā'ṣṭāviṃśatayaḥ koṭayaḥ pāpiduḥśadāḥ || 18 ||
[Analyze grammar]

aṣṭāviṃśatikoṭīnāṃ pañca pañca ca nāyakāḥ |
rauravādyāḥ śatañcaikaṃ catvāriṃśaccatuṣṭayaṃ || 19 ||
[Analyze grammar]

tāmiśramanghatāmiśraṃ mahārauravarauravau |
asipatraṃ vanañcaiva lohabhāraṃ tathaiva ca || 20 ||
[Analyze grammar]

narakaṃ kālasūtrañca mahānarakameva ca |
sañjīvanaṃ mahāvīci tapanaṃ sampratāpanaṃ || 21 ||
[Analyze grammar]

saṅghātañca sakākolaṃ kudmalaṃ pūtimṛttikaṃ |
lohaśaṅkumṛjīṣañca pradhānaṃ śālmalīṃ nadīm || 22 ||
[Analyze grammar]

narakān viddhi koṭīśanāgānvai ghoradarśanān |
pātyante pāpakarmmāṇa ekaikasminbahuṣvapi || 23 ||
[Analyze grammar]

mārjārolūkagomāyugṛdhrādivadanāśca te |
tailadroṇyāṃ naraṃ kṣiptvā jvālayanti hutāśanaṃ || 24 ||
[Analyze grammar]

ambarīṣeṣu caivānyāṃstāmrapātreṣu cāparān |
ayaḥpātreṣu caivānyān bakahuvahnikaṇeṣu ca || 25 ||
[Analyze grammar]

śūlāgrāropitāścānye chidyante narake'pare |
tāḍyante ca kaśābhistu bhojyante cāpyayoguḍa़ाn || 26 ||
[Analyze grammar]

yamadūtairnarāḥ pāṃśūnviṣṭhāraktakaphādikān |
taptaṃ madyaṃ pāyayanti pāṭayanti pāṭayanti punarnarān || 27 ||
[Analyze grammar]

yantreṣu pīḍayanti sma bhakṣyante vāyasādibhiḥ |
tailenoṣṇena sicyante chidyante naikadhā śiraḥ || 28 ||
[Analyze grammar]

hā tāteti krandamānāḥ svakannandanti karmma te |
mahāpātakajānghorānnarakānprāpya garhitān || 29 ||
[Analyze grammar]

karmmakṣayātprajāyante mahāpātakinastviha |
mṛgaśvaśūkaroṣṭrāṇāṃ brahmahā yonimṛcchati || 30 ||
[Analyze grammar]

kharapukkaśamlecchānāṃ madyapaḥ svarṇahāryyaṃpi |
kṛmikīṭapataṅgatvaṃ gurugastṛṇagulmatāṃ || 31 ||
[Analyze grammar]

brahmahā kṣayarogī syāt surāpaḥ śyāvadantakaḥ |
svarṇahārī tu kunakhī duścarmmā gurutalpagaḥ || 32 ||
[Analyze grammar]

yo yena saṃspṛśatyeṣāṃ sa tallihgo'bhijāyate |
annahartā māyāvī syāmmūko vāgapahārakaḥ || 33 ||
[Analyze grammar]

dhānyaṃ hṛtvā'tiriktāṅgaḥ piśunaḥ pūtināsikaḥ |
tailahṛttailapāyī syāt pūtivaktrastu sūcakaḥ || 34 ||
[Analyze grammar]

parasya yoṣitaṃ hṛtvā brahmasvamapahṛtya ca |
araṇye nirjane deśe jāyate brahmarākṣasaḥ || 35 ||
[Analyze grammar]

ratnahārī hīnajātirgandhān chuchundarī śubhān |
patraṃ śākaṃ śikhī hṛtvā mukharo dhānyahārakaḥ || 36 ||
[Analyze grammar]

ajaḥ paśuṃpayaḥ kāko yānamuṣṭraḥ phalaṃ kapiḥ |
madhu daṃśaḥ phalaṃ gṛdhro gṛhakāka upaskaraṃ || 37 ||
[Analyze grammar]

śvitrī vastraṃ sārasañca jhillī lavaṇahārakaḥ |
ukta ādhyātmikastāpaḥ śatrādyairādhibhautikaḥ || 38 ||
[Analyze grammar]

grahāgnidevapīḍa़ाdyairādhidaivika īritaḥ |
tridhā tāpaṃ hi saṃsāraṃ jñānayogādvināśayet |
kṛcchrairvrataiśca dānādyairviṣṇupūjādibhirnaraḥ || 39 ||
[Analyze grammar]