Chapter 320

[English text for this chapter is available]

sarvvato bhadrakānyaṣṭamaṇḍalāni vade guha |
śaktimāsādhayet prācīmiṣṭāyāṃ viṣuve sudhīḥ || 1 ||
[Analyze grammar]

citrāsvātyantareṇātha dṛṣṭasūtreṇa vā punaḥ |
pūrvvāparāyataṃ sūtramāsphālya madyato'ṅkayet || 2 ||
[Analyze grammar]

koṭacidvayantu tanmadhyādaṅkayeddakṣiṇottaram |
madhye dvayaṃ prakarttavyaṃ sphālayeddakṣiṇottaram || 3 ||
[Analyze grammar]

śatakṣetrārddhamānena koṇasampātamādiśet |
evaṃ sūtracatuṣkasya sphālanāccaturasrakam || 4 ||
[Analyze grammar]

jāyate tatra karttavyaṃ bhadrasvedakaraṃ śubham |
vasubhaktendudvipade kṣetre vīthī ca bhāgikā || 5 ||
[Analyze grammar]

dvāraṃ dvipadikaṃ padmamānādvai sakapolakam |
koṇabandhavivittrantu dvipadaṃ tatra varttayet || 6 ||
[Analyze grammar]

śuklaṃ padmaṃ karṇikā tu pītā citrantu keśaram |
raktā vīthī tatra kalpyā dvāraṃ lokeśarūpakaṃ || 7 ||
[Analyze grammar]

raktakoṇaṃ vidhau nitye naimittike'vjakaṃ śrṛṇu |
asaṃsaktantu saṃsaktaṃ dvidhāvjaṃ bhuktimuktikṛt || 8 ||
[Analyze grammar]

asaṃsaktaṃ sumukṣūṇāṃ saṃsaktaṃ tattridhā pṛthak |
bālo yuvā ca vṛddhaśca nāmataḥ phalasiddhidāḥ || 9 ||
[Analyze grammar]

padmakṣetre tu sūtrāṇi digvidiśu vinikṣipet |
vṛttāni pañcakalpāni padmakṣetrasamāni tu || 10 ||
[Analyze grammar]

prathame karṇikā tatra puṣkarairnnavabhiryutā |
keśarāṇi caturvviśadvitīye'tha tṛtīyake || 11 ||
[Analyze grammar]

dalasandhirgajakumbhanibhāntaryaddalāgrakam |
pañcame vyomarūpantu saṃsaktaṃ kamalaṃ smṛtaṃ || 12 ||
[Analyze grammar]

asaṃsakte dalāgre tu digbhāgairvistarādbhajet |
bhāgadvayaparityāgādvasvaṃśairvarttayeddalam || 13 ||
[Analyze grammar]

sandhivistarasūtreṇa tanmūlādañjayeddalam |
savyāsavyakrameṇaiva vṛddhametadbhavettathā || 14 ||
[Analyze grammar]

atha vā sandhimadhyāttu bhrāmayedarddhacandravat |
sandhidvayāgrasūtraṃ vā bālapadmantathā bhavet || 15 ||
[Analyze grammar]

sandhisūtrārddhamānena pṛṣṭhataḥ parivarttayet |
tīkṣṇāgrantu suvātena kamalaṃ bhuktimuktidam || 16 ||
[Analyze grammar]

muktavṛddhau ca vaśyādau bālaṃ padmaṃ samānakaṃ |
navanābhaṃnavahastaṃ bhāgairmmantrātmakaiśca tat || 17 ||
[Analyze grammar]

madhye'vjaṃ paṭṭikāvījaṃ dvāreṇābjasya mānataḥ |
kaṇṭhopakaṇṭhamuktāni tadvāhye vīthikā matā || 18 ||
[Analyze grammar]

pañcabhāgānvitā sā tu samantāddaśabhāgikā |
digvidikṣvaṣṭa padmāni dvārapadmaṃ savīthikam || 19 ||
[Analyze grammar]

tadvāhye pañca padikā vīthikā yatra bhūṣitā |
padmavaddvārakaṇṭhantu padikañcauṣṭhakaṇṭhakaṃ || 20 ||
[Analyze grammar]

kapolaṃ padikaṃ kāryyaṃ dikṣu dvāratrayaṃ sphuṭam |
koṇabandhaṃ tripaṭṭantu dvipaṭṭaṃ vajravadbhavet || 21 ||
[Analyze grammar]

madhyantu kamalaṃ śuklaṃ pītaṃ raktañca nīlakam |
pītaśuklañca dhūmrañca raktaṃ pītañca muktidam || 22 ||
[Analyze grammar]

pūrvvādau kamalānyaṣṭa śivaviṣṇvādikaṃjapet |
prāsādamadhyato'bhyarcya śakrādīnvjakādiṣu || 23 ||
[Analyze grammar]

astrāṇi vāhyavīthyāntu viṣṇvādīnaśvamedhabhāk |
pavitrārohaṇādau ca mahāmaṇḍalamālikhet || 24 ||
[Analyze grammar]

aṣṭahastaṃ purā kṣetraṃ rasapakṣairvivarttayet |
dvipadaṃ kamalaṃ madhye vīthikā padikā tataḥ || 25 ||
[Analyze grammar]

digvidikṣu tato'ṣṭhai ca nīlābjāni vivarttayet |
madhyapadmapramāṇena triṃśatpadmāni tāni tu || 26 ||
[Analyze grammar]

dalasandhivihīnāni nīlendīvarakāni ca |
tatpṛṣṭhe padikā vīthī svastikāni tadūrddhataḥ || 27 ||
[Analyze grammar]

dvipadāni tathā cāṣṭau kṛtibhāgakṛtāni tu |
varttayet svastikāṃśtatra vīthikā pūrvvavadvahiḥ || 28 ||
[Analyze grammar]

dvārāṇi kamalaṃ yadvadupakaṇṭhayutāni tu |
vakttayet svastikāṃstatra vīthakā pūrvvavadvahiḥ || 29 ||
[Analyze grammar]

svastikādi vicitrañca sarvvakāmapadaṃ guha |
pañcābjaṃ pañcahastaṃ syāt samantāddaśabhājitam || 30 ||
[Analyze grammar]

dvipadaṃ kamalaṃ vīthī paṭṭikā dikṣu paṅkajam |
catuṣkaṃ pṛṣṭhato vīthī padikā dvipadānyathā || 31 ||
[Analyze grammar]

kaṇṭhopakaṇṭhayuktāni dvārānyabjantu madhyataḥ |
pañcābjamaṇḍale hyasmin sitaṃ pītañca pūrvvakam || 32 ||
[Analyze grammar]

vaidūryyābhaṃ dakṣiṇābjaṃ kundābhaṃ vāruṇaṃ kajam |
uttarābjantu śaṅgābhamanyat sarvvaṃ vicitrakam || 33 ||
[Analyze grammar]

sarvvakāmapradaṃ vakṣye daśahastantu maṇḍalam |
vikāraktanturyyāśraṃ dvārantu dvipadaṃ bhavet || 34 ||
[Analyze grammar]

madhye padmaṃ pūrvvavacca vighnadhvaṃsaṃ vadāmyatha |
caturhastaṃ puraṃ kṛtvā vṛtañcaiva karadvayam || 35 ||
[Analyze grammar]

vīthikā hastamātrantu svastikairvahubhirvṛtā |
hastamātrāṇi dvārāṇi diśu vṛttaṃ sapadmakam || 36 ||
[Analyze grammar]

padmāni pañca śuklāni madhye pūjyaśca niṣkalaḥ |
hṛdayādīni pūrvvādau vikadikṣvastrāṇi vai yajet || 37 ||
[Analyze grammar]

prāgvacca pañca brahmāṇi buddhyādhāramato vade |
śatabhāgo tithibhāge padmaṃ liṅgāṣṭakaṃ diśi || 38 ||
[Analyze grammar]

me khalābhāgasaṃyuktaṃ kaṇṭhaṃ dvipadikaṃ bhavet |
ācāryyo buddhimāśritya kalpayecca latādikam || 39 ||
[Analyze grammar]

catuḥpaṭpañcamāṣṭādi khāchiśādyādi maṇḍalam |
khākṣīndusūryyagaṃ sarvaṃ khākṣi caivenduvarṇanāt || 40 ||
[Analyze grammar]

catvāriṃśadadhikāni caturddaśasatāni hi |
maṇḍalāni hareḥśambhordevyāḥ sūryyasya santi ca || 41 ||
[Analyze grammar]

daśasaptavibhakte tu latāliṅgodbhavaṃ śrṛṇu |
dikṣu pañcatrayañcaikaṃ trayaṃ pañca ca lomayet || 42 ||
[Analyze grammar]

ūdrdhvago dvipade liṅgamandiraṃ pārśvakoṣṭhayoḥ |
madhyena dvipadaṃ padmamatha caikañca paṅkajaṃ || 43 ||
[Analyze grammar]

liṅgasya pārśvayorbhadrepadadvāramalopanāt |
tatpārśvaśobhāḥ ṣaḍlopya latāḥ śeṣāstathā hareḥ || 44 ||
[Analyze grammar]

ūdrdhvaṃ dvipadikaṃ lopya harerbhadrāṣṭakaṃ smṛtam |
raśmimānasamāyuktavedalopācca śobhikam || 320.45 ||
[Analyze grammar]

pañcaviṃśatikaṃ padmaṃ tataḥ pīṭhamapīṭhakam |
dvayaṃ dvayaṃ rakṣayitvā upaśobhāstathāṣṭa ca || 46 ||
[Analyze grammar]

devyādikhyāpakaṃ bhadraṃ bṛhanmadhye paraṃ laghu |
madhye navapadaṃ padmaṃ koṇe bhadracatuṣṭayam || 47 ||
[Analyze grammar]

trayodaśapadaṃ śeṣaṃ buddhyādhārantu maṇhalaṃ |
śatapatraṃ ṣaṣṭyadhikaṃ buddhyādhāraṃ harādiṣu || 48 ||
[Analyze grammar]