Chapter 268

[English text for this chapter is available]

puṣkara uvāca |
karmma sāṃvatsaraṃ rājñāṃ janmarkṣe pūjayecca taṃ |
māsi māsi ca saṃkrāntau sūryyasomādidevatāḥ || 1 ||
[Analyze grammar]

agastyasyodaye'gastyañcāturmmāsyaṃ hariṃ yajet |
śayanotthāpane pañcadinaṃ kuryyātsamutsavam || 2 ||
[Analyze grammar]

proṣṭhapāde site pakṣe pratipatprabhṛtikramāt |
śibirāt pūrvadigbhāge śakrārthaṃ bhavanañcaret || 3 ||
[Analyze grammar]

tatra śakradhvajaṃ sthāpya śacīṃ śakrañca pūjayet |
aṣṭamyāṃ vādyaghoṣeṇa tāntu yaṣṭiṃ praveśayet || 4 ||
[Analyze grammar]

ekādaśyāṃ sopavāso dvādaśyāṃ ketumutthitam |
yajedvastrādisaṃvītaṃ ghaṭasthaṃ surapaṃ śacīṃ || 5 ||
[Analyze grammar]

varddhasvendra jitāmitra vṛtrahan pākaśāsana |
deva deva mahābhāga tvaṃ hi bhūmiṣṭhatāṃ gataḥ || 6 ||
[Analyze grammar]

tvaṃ prabhuḥ śāśvataścaiva sarvvabhūtahite rataḥ |
anantatejā vai rājo yaśojayavivarddhanaḥ || 7 ||
[Analyze grammar]

tejaste varddhayantvete devāḥ śakraḥ suvṛṣṭikṛt |
brahmaviṣṇumaheśāśca kārttikeyo vināyakaḥ || 8 ||
[Analyze grammar]

ādityā vasavo rudrāḥ sādhyāśca bhṛgavo diśaḥ |
marudgaṇā lokapālā grahā yakṣādinimnagāḥ || 9 ||
[Analyze grammar]

samudrā śrīrmahī gaurī caṇḍikā ca sarasvatī |
pravarttayantu te tejo jaya śakra śacīpate || 10 ||
[Analyze grammar]

tava cāpi jayānnityaṃ mama sampadyatāṃ śubhaṃ |
prasīda rājñāṃ viprāṇāṃ prajānāmapi sarvaśaḥ || 11 ||
[Analyze grammar]

bhavatprasādāt pṛthivī nityaṃ śasyavatī bhavet |
śivaṃ bhavatu nirvvighnaṃ śāmyantāmītayo bhṛśaṃ || 12 ||
[Analyze grammar]

mantreṇendraṃ samabhyarccya jitabhūḥ svargamāpnuyāt |
bhadrakālīṃ paṭe likhya pūjayedāśvine jaye || 13 ||
[Analyze grammar]

śuklapakṣe tathāṣṭamyāmāyudhaṃ kārmmukaṃ dhvajam |
chatrañca rājaliṅgāni śastrādyaṃ kusumādibhiḥ || 14 ||
[Analyze grammar]

jāgranniśi balindadyād dvitīye'hni punaryajet |
bhadrakāli mahākāli durge durgārttihāriṇi || 15 ||
[Analyze grammar]

trailokyavijaye caṇḍi mama śāntau jaye bhava |
nīrājanavidhiṃ vakṣye aiśānyāmmandiraṃ caret || 16 ||
[Analyze grammar]

toraṇatritayaṃ tatra gṛhe devān yajet sadā |
citrāntyaktvā yadā svātiṃ savitā pratipadyate || 17 ||
[Analyze grammar]

tataḥ prabhṛti karttavyaṃ yāvat svātau raviḥ sthitaḥ |
brahmā viṣṇuśca śambhuśca śakraścaivānalānilau || 18 ||
[Analyze grammar]

vināyakaḥ kumāraśca varuṇo dhanado yamaḥ |
viśve devā vaiśravaso gajāścāṣṭau ca tān yajet || 19 ||
[Analyze grammar]

kumudairāvaṇau padmaḥ puṣpadantaśca vāmanaḥ |
supratīko'ñcano nīlaḥ pūjā kāryyā gṛhādike || 20 ||
[Analyze grammar]

purodhā juhuyādājyaṃ samitsiddhārthakaṃ tilāḥ |
kumbā aṣṭau pūjitāśca taiḥ snāpyāśvagajottamāḥ || 21 ||
[Analyze grammar]

aśvāḥ snāpyā dadet piṇḍān tato hi prathamaṃ gajān |
niṣkrāmayettoraṇaistu gopurādi na laṅghayet || 22 ||
[Analyze grammar]

vikrameyustataḥ sarve rājaliṅgaṃ gṛhe yajet |
vāruṇe varuṇaṃ prārcya rātrau bhūtabaliṃ dadet || 23 ||
[Analyze grammar]

viśākhāyāṃ gate sūryye āśrame nivasennṛpaḥ |
alaṅkuryyāddine nasmin vāhanantu viśeṣataḥ || 24 ||
[Analyze grammar]

pūjitā rājaliṅgāśca karttavyā narahastagāḥ |
hastinanturagaṃ chatraṃ khaḍgaṃ cāpañca dundubhim || 25 ||
[Analyze grammar]

dhvajaṃ patākāṃ dharmmajña kālajñastvabhibhantrayet |
amimantraya tataḥ sarvvan kuryyāt kuñjaraghūrgatān || 26 ||
[Analyze grammar]

kuñjaroparigau syātāṃ sāṃvatsarapurohitau |
mantritāṃśca samāruhya toraṇena vinirgamet || 27 ||
[Analyze grammar]

niṣkramya nāgamāruhya toraṇenātha nirgamet |
baliṃ vibhajya vidhivadrājā kuñjaradhūrgataḥ || 28 ||
[Analyze grammar]

unmūkānāntu nicayamādīpitadigantaraṃ |
rājā pradakṣaiṇaṃ kuyyāttrīn vārān susamāhitaḥ || 29 ||
[Analyze grammar]

caturaṅgabalopetaḥ sarvasainyena nādayan |
evaṃ kṛtvā gṛhaṃ gacchedvisarjitajalāñjaliḥ || 30 ||
[Analyze grammar]