Chapter 93

[English text for this chapter is available]

īśvara uvāca |
tataḥ prāsādamāsūtrya varttayekadvāstumaṇḍapaṃ |
kuryyāt koṣṭhacatuḥ ṣaṣṭi vedāsrake same || 1 ||
[Analyze grammar]

koṇeṣu vinyased vaṃśau rajjavo'ṣṭau vikoṇagāḥ |
dvipadāḥ ṣaṭpadāstāstu vāstuntatrārccayed yathā || 2 ||
[Analyze grammar]

ākuñcitakacaṃ vāstumuttānamasurākṛti |
smaret pūjāsu kuḍyādiniveśe uttarānanaṃ || 3 ||
[Analyze grammar]

jānunī kūrparau śakthi diśi vātahutāśayoḥ |
paitryāṃ pādapuṭe raudryāṃ śiro'sya hṛdaye'ñjaliḥ || 4 ||
[Analyze grammar]

asya dehe samārūḍhā devatāḥ pūjitāḥ śubhāḥ |
aṣṭhau koṇādhipāstatra koṇārddheṣvaṣṭasu sthitāḥ || 5 ||
[Analyze grammar]

ṣaṭpadāstu marīcyādyā dikṣu pūrvādiṣu kramāt |
madhye catuṣpado brahmā śeṣāstu padikāḥ smutāḥ || 6 ||
[Analyze grammar]

samastanāḍīsaṃyoge mahāmarmmānujaṃ phalaṃ |
triśūlaṃ svastikaṃ vajraṃ mahāsvastikasampuṭau || 7 ||
[Analyze grammar]

trikaṭuṃ maṇibandhaṃ ca suviśuddhaṃ padaṃ tatā |
iti dvādaśa marmmāṇi vāstorbhittyādiṣu tyajet || 8 ||
[Analyze grammar]

sājyamakṣatamīśāya parjanyāyāmbujodakaṃ |
dadītātha jayantāya patākāṃ kuṅkumojjvalāṃ || 9 ||
[Analyze grammar]

ratnavāri mahendrāya ravau dhūmraṃ vitānakaṃ |
satyāya ghṛtagodhūmamājyabhaktaṃ bhṛśāya ca || 10 ||
[Analyze grammar]

vimāṃsamantarikṣāya śaktuntebhyastu pūrvataḥ |
madhukṣīrākajyasambūrṇāṃ pradadyādvahnaye śrucaṃ || 11 ||
[Analyze grammar]

lājān pūrṇe suvarṇāmbu vitathāya nivedayet |
dadyād gṛhakṣate kṣaudraṃ yamarāje palaudanaṃ || 12 ||
[Analyze grammar]

gandhaṃ gandharvanāthāya jihvāṃ bhṛṅgāya pakṣiṇaḥ |
mṛgāya padmaparṇāni yāmyāmityaṣṭadevatā || 13 ||
[Analyze grammar]

pitre tilodakaṃ kṣīraṃ vṛkṣajaṃ dantadhāvanaṃ |
dauvārikāya devāya pradadyād dhenumudrayā || 14 ||
[Analyze grammar]

sugrīvāya diśet pūpān puṣpadantāya darbbhakaṃ |
raktaṃ pracetase padmamasurāya surāsavaṃ || 15 ||
[Analyze grammar]

ghṛtaṃ guḍaudanaṃ śeṣe rogāya ghṛtamaṇḍakān |
lājān vā paścimāśāyāṃ devāṣṭakamitīritaṃ || 16 ||
[Analyze grammar]

mārutāya dhvajaṃ pītaṃ nāgāya nāgakeśaraṃ |
mukhye bhakṣyāṇi bhallāṭe mudgasūpaṃ susaṃskṛtaṃ || 17 ||
[Analyze grammar]

somāya pāyasaṃ sājyaṃ śālūkamūṣaye diśet |
lopīmaditaye dityai purīmityuttarāṣṭakaṃ || 18 ||
[Analyze grammar]

modakān brahmaṇaḥ prācyāṃ ṣaṭpadāya marīcaye |
savitre raktapuṣpāṇi vahnyadhaḥ koṇakoṣṭhake || 19 ||
[Analyze grammar]

tadadhaḥ koṣṭhake dadyāt sāvitryai ca kuśodakaṃ |
dakṣiṇe candanaṃ raktaṃ ṣaṭpadāya vivasvate || 20 ||
[Analyze grammar]

haridraudanamindrāya rakṣodhaḥ koṇakoṣṭhake |
indrajayāya miśrānnamindrādhastānnivedayet || 21 ||
[Analyze grammar]

vāruṇyāṃ ṣaṭpadāsīne mitre saguḍamodanaṃ |
rudrāya ghṛtasiddhānnaṃ vāyukoṇādhare pade || 22 ||
[Analyze grammar]

tadadho rudradāsāya māṃsaṃ mārgamathottare |
dadīta māṣanaivedyaṃ ṣaṭpadasthe dharādhare || 23 ||
[Analyze grammar]

āpāya śivakoṇādhaḥ tadvatsāya ca tatsthale |
kramāddadyāddadhi kṣīraṃ pūjayitvā vidhānataḥ || 24 ||
[Analyze grammar]

catuṣpade niviṣṭāya brahmaṇe madhyadeśataḥ |
pañcagavyākṣatopetañcaruṃ sājyaṃ nivedayet || 25 ||
[Analyze grammar]

īśādivāyuparyyantakoṇeṣvatha yathākramaṃ |
vāstuvāhye carakyādyāścatasraḥ pūjayed yathā || 26 ||
[Analyze grammar]

carakyai saghṛtaṃ māṃsaṃ vidāryyai dadhipaṅkaje |
pūtanāyai palaṃ pittaṃ rudhiraṃ ca nivedayet || 27 ||
[Analyze grammar]

asthīni pāparākṣasyai raktapittapalāni ca |
tatomāṣaudanaṃ prācyāṃ skandāya vinivedayet || 28 ||
[Analyze grammar]

aryyamṇe dakṣiṇāśāyāṃ pūpān kṛsarayā yutān |
jambhakāya ca vāruṇyāmāmiṣaṃ rudhirānvitaṃ || 29 ||
[Analyze grammar]

udīcyāṃ pilipiñjāya raktānnaṃ kusumāni ca |
yajedvā sakalaṃ vāstuṃ kuśadadhyakṣatairjalaiḥ || 30 ||
[Analyze grammar]

gṛhe ca nagarādau ca ekāśītipadairyajet |
tripadā rajjavaḥ kāryyāḥ ṣaṭpadāśca vikoṇake || 31 ||
[Analyze grammar]

īśādyāḥ pādikastasminnāgādyāśca dvikoṣṭhagāḥ |
ṣaṭpadasthā marīcyādyā brahmā navapadaḥ smṛtaḥ || 32 ||
[Analyze grammar]

nagaragrāmakheṭādau vāstuḥ śatapado'pi vā |
vaṃśadvayaṃ koṇagataṃ durjayaṃ durddharaṃ sadā || 33 ||
[Analyze grammar]

yathā devālaye nyāsastathā śatapade hitaḥ |
grahāḥ skandādayastatra vijñeyāścaiva ṣaṭpadāḥ || 34 ||
[Analyze grammar]

carakyādyā bhūtapadā rajjuvaṃśādi pūrvavat |
deśasaṃsthāpane vāstu catustriśaṃcchataṃ bhavet || 35 ||
[Analyze grammar]

catuḥ ṣaṣṭipado brahmā marīcyādyāśca devatāḥ |
catuḥ pañcāśatpadikā āpādyaṣṭau rasāgnibhiḥ || 36 ||
[Analyze grammar]

īśānādyā navapadāḥ skandādyāḥ śaktikāḥ smṛtāḥ |
carakyādyāstadvadeva rajjuvaṃśādipūrvavat || 37 ||
[Analyze grammar]

jñeyo vaṃḷaśasahasraistu vāstumaṇḍalagaḥ padaiḥ |
nyāso navaguṇastatra karttavyo deśavāstuvat || 38 ||
[Analyze grammar]

pañcaviṃśatipado vāsturvetālākhyaścitau smṛtaḥ |
anyo navapado vāstuḥ ṣoḍaśāṅghnistathāparaḥ || 39 ||
[Analyze grammar]

ṣaḍasratryasravṛttādermmadhye syāccaturasrakaṃ |
khāte vāstoḥ samaṃ pṛṣṭhe nyāse brahmaśilātmake || 40 ||
[Analyze grammar]

śāvākasya niveśe ca mūrttisaṃsthāpane tathā |
pāyasena tuṃ naivedyaṃ sarveṣāṃ vā pradāpayet || 41 ||
[Analyze grammar]

uttānukte tu vai vāstuḥ pañcahastapramāṇataḥ |
gṛhaprāsādamānena vāstuḥ śreṣṭhastu sarvadā || 42 ||
[Analyze grammar]