Chapter 83

[English text for this chapter is available]

īśvara uvāca |
atha nirvāṇadīkṣāyāṃ kuryānmūlādidīpanaṃ |
pāśabandhanaśaktyarthaṃ tāḍanādikṛtena vā || 1 ||
[Analyze grammar]

ekaikayā tadāhutyā pratyekaṃ tattrayeṇa vā |
vījagarbhaśikhārdhantu hūṃ phaḍantadhruvādinā || 2 ||
[Analyze grammar]

oṃ hrūṃ hrauṃ hauṃ hrūṃ phaḍiti mūlamantrasya dīpanaṃ |
oṃ hrūṃ hauṃ hauṃ hrūṃ phaḍiti hṛdaya evaṃ śiromukhe || 3 ||
[Analyze grammar]

pratyekaṃ dīpanaṃ kuryātsarvasmin krūrakarmaṇi |
śāntike pauṣṭike cāsya vaṣaḍantādināṇunā || 4 ||
[Analyze grammar]

vaṣaḍvauṣaṭsamopetaiḥ sarvakāmyopari sthitaiḥ |
havanaṃ saṃvaraiḥ kuryātsarvatrāpyāyanādiṣu || 5 ||
[Analyze grammar]

tataḥ svasavyabhāgasthaṃ maṇḍale śuddhavigrahaṃ |
śiṣyaṃ sampūjya tatsūtraṃ suṣumṇeti vibhāvitaṃ || 6 ||
[Analyze grammar]

mūlena tacchikhābandhaṃ pādāṅguṣṭhāntamānayet |
saṃhāreṇa mumukṣostu badhnīyācchiṣyakāyake || 7 ||
[Analyze grammar]

puṃsastu dakṣiṇe bhāge vāme nāryā niyojayet |
śaktiṃ ca śaktimantreṇa pūjitāntasya mastake || 8 ||
[Analyze grammar]

saṃhāramudrayā. adāya sūtraṃ tenaiva yojayet |
nāḍīntvādāya mūlena sūtre nyasya hṛdārcayet || 9 ||
[Analyze grammar]

avaguṇṭhya tu rudreṇa hṛdayenāhutitrayaṃ |
pradadyātsannidhānārthaṃ śaktāvapyevameva hi || 10 ||
[Analyze grammar]

oṃ hāṃ varṇādhvane namo hāṃ bhavanādhvane namaḥ |
oṃ hāṃ kālādhvane namaḥ śodhyādhvānaṃ hi sūtrake || 11 ||
[Analyze grammar]

nyasyāstravāriṇā śiṣyaṃ prokṣyāstramantritena ca |
puṣpeṇa hṛdi santāḍya śiṣyadehe praviśya ca || 12 ||
[Analyze grammar]

guruśca tatra hūṅkārayuktaṃ recakayogataḥ |
caitanyaṃ haṃsavījasthaṃ viśliṣyedāyudhātmanā || 13 ||
[Analyze grammar]

oṃ hauṃ hūṃ phaṭ |
āchidya śaktisūtreṇa hāṃ haṃ svāheti cāṇunā |
saṃhāramudrayā sūtre nāḍībhūte niyojayet || 14 ||
[Analyze grammar]

oṃ hāṃ haṃ hāṃ ātmane namaḥ |
vyāpakaṃ bhāvayedenaṃ tanutrāṇāvaguṇṭhayet |
āhutitritayaṃ dadyāthṛdā sannidhihetave || 15 ||
[Analyze grammar]

vidyādehañca vinyasya śāntyatītāvalokanaṃ |
tasyāmitaratattvādyaṃ mantrabhūtaṃ vicintayet || 16 ||
[Analyze grammar]

oṃ hāṃ hauṃ śāntyatītakalāpāśāya nama ityanenāvalokayet |
dve tattve mantramapyekaṃ padaṃ varṇāśca ṣoḍaśa |
tathāṣṭau bhuvanānyasyāṃ vījanāḍīkathadvayaṃ || 17 ||
[Analyze grammar]

viṣayañca guṇañcaikaṃ kāraṇaṃ ca sadā śivaṃ |
sitāyāṃ śāntyatītāyāmantarbhāvya prapīḍayet || 18 ||
[Analyze grammar]

oṃ hauṃ śāntyatītakalāpāśāya hūṃ phaṭ |
saṃhāramudrayā. adāya vidadhyātsūtramastake |
pūjayedāhutīṃstisro dadyātsannidhihetave || 19 ||
[Analyze grammar]

tattve dve akṣare dve ca vījanāḍīkathadvayaṃ |
guṇau mantrau tathābjasthamekaṃ kāraṇamīśvaraṃ || 20 ||
[Analyze grammar]

padāni bhānusaṅkhyāni bhuvanāni daśa sapta ca |
ekañca viṣayaṃ śāntau kṛṣṇāyāmacyutaṃ smaret || 21 ||
[Analyze grammar]

tāḍayitvā samādāya mukhasūtre niyojayet |
juhuyānnijabījena sānnidhyāyāhutitrayaṃ || 22 ||
[Analyze grammar]

vidyāyāṃ sapta tattvāni pādānāmekaviṃśatiṃ |
ṣaḍvarṇān sañcaraṃ caikaṃ lokānāṃ pañcaviṃśatiṃ || 23 ||
[Analyze grammar]

guṇānāntrayamekañca viṣayaṃ rudrakāraṇaṃ |
antarbhāvyātiriktāyāṃ jīvanāḍīkathadvayaṃ || 24 ||
[Analyze grammar]

astramādāya dadhyācca padaṃ dvyadhikaviṃśatiṃ |
lokānāñca kalānāñca ṣaṣṭiṃ guṇacatuṣṭayaṃ || 25 ||
[Analyze grammar]

mantrāṇāṃ trayamekañca viṣayaṃ kāraṇaṃ hariṃ |
antarbhāvya pratiṣṭhāyāṃ śuklayāntāḍanādikaṃ || 26 ||
[Analyze grammar]

vidhāya nābhisūtrasthāṃ sannidhāyāhutīryajet |
hrīṃ bhuvanānāṃ śataṃ sāgraṃ padānāmaṣṭaviṃśatiṃ |
vījanāḍīsamīrāṇāṃ dvayorindriyayorapi |
varṇantattvañca viṣayamekaikaṃ guṇapañcakaṃ || 28 ||
[Analyze grammar]

hetuṃ brahmāṇḍamantrasthaṃ śambarāṇāṃ catuṣṭayaṃ |
nivṛttau pītavarṇāyāmantarbhāvya pratāḍayet || 29 ||
[Analyze grammar]

ādau yattattvabhāgānte sūtre vinyasyapūjayet |
juhuyādāhutīstisraḥ sannidhāya pāvake || 30 ||
[Analyze grammar]

ityādāya kalāsūtre yojayecchiṣyavigrahāt |
savījāyāntu dīkṣāyāṃ samayācārayāgataḥ || 31 ||
[Analyze grammar]

dehārambhakarakṣārthaṃ mantrasiddhiphalādapi |
iṣṭāpūrtādidharmārthaṃ vyatiriktaṃ prabandhakaṃ || 32 ||
[Analyze grammar]

caitanyabodhakaṃ sūkṣmaṃ kalānāmantare smaret |
amunaiva krameṇātha kuryāttarpaṇadīpane || 33 ||
[Analyze grammar]

āhutibhiḥ svamantreṇa tisṛbhistisṛbhistathā |
oṃ hauṃ śāntyatītakalāpāśāya svāhetyāditarpaṇaṃ |
oṃ hāṃ haṃ hāṃ śāntyatītakalāpāśāya hūmphaḍityādidīpanaṃ |
tatsūtraṃ vyāptibodhāya kalāsthāneṣu pañcasu || 34 ||
[Analyze grammar]

saṅgṛhya kuṅkumājyena tatra sāṅgaṃ śivaṃ yajet |
hūmphaḍantaiḥ kalāmantrairbhittvā pāśānanukramāt || 35 ||
[Analyze grammar]

namo'ntaiśca praviśyāntaḥ kuryādgrahaṇabandhane |
oṃ hūṃ hāṃ hauṃ hāṃ hūṃ phaṭśāntyatītakalāṃ gṛhṇāmi badhnāmi cetyādimantraiḥ kalānāṃ grahaṇabandhanādiprayogaḥ |
pāśādīnāñca svīkāro grahaṇaṃ bandhanaṃ punaḥ || 36 ||
[Analyze grammar]

puruṣaṃ prati niḥśeṣavyāpārapratipattaye |
upaveśyātha tatsūtraṃ śiṣyaskandhe niveśayet || 37 ||
[Analyze grammar]

vistṛtāghapramoṣāya śataṃ mūlena homayet |
śarāvasampuṭe puṃsaḥ striyāśca praṇitodare || 38 ||
[Analyze grammar]

hṛdastrasampuṭaṃ sūtraṃ vidhāyābhyarcayeddhṛdā |
sūtraṃ śivena sāṅgena kṛtvā sampātaśodhitaṃ || 39 ||
[Analyze grammar]

nidadhyātkalaśasyādho rakṣāṃ vijñāpayediti |
śiṣyaṃ puṣpaṃ kare datvā sampūjya kalaśādikaṃ || 40 ||
[Analyze grammar]

praṇamayya vahiryāyādyāgamandiramadhyataḥ |
maṇḍalatritayaṃ kṛtvā mumukṣvanuttarānanān || 41 ||
[Analyze grammar]

bhuktaye pūrvavaktrāṃśca śiṣyāṃstatra niveśayet |
prathame pañcagavyasya prāśayeccullakatrayaṃ || 42 ||
[Analyze grammar]

pāṇinā kuśayuktena arcitānantarāntaraṃ |
caruntatastṛtīye tu grāsatritayasammitaṃ || 43 ||
[Analyze grammar]

aṣṭagrāsapramāṇaṃ vā daśanasparśavarjitaṃ |
pālāśapuṭake muktau bhuktau pippalapatrake || 44 ||
[Analyze grammar]

hṛdā sambhojanaṃ datvā pūtairācāmayejjalaiḥ |
dantakāṣṭhaṃ hṛdā kṛtvā prakṣipecchobhane śubhaṃ || 45 ||
[Analyze grammar]

nyūnādidoṣamoṣāya mūlenāṣṭottaraṃ śataṃ |
vidhāya sthiṇḍileśāya sarvakarmasamarpaṇaṃ || 46 ||
[Analyze grammar]

pūjāvisarjanañcāsya caṇḍeśasya ca pūjanaṃ |
nirmālyamapanīyātha śeṣamagnau yajeccaroḥ || 47 ||
[Analyze grammar]

kalaśaṃ lokapalāṃśca pūjayitvā visṛjya ca |
visṛjedgaṇamagniñca rakṣitaṃ yadi vāhyataḥ || 48 ||
[Analyze grammar]

vāhyato lokapālānāṃ datvā saṅkṣepato baliṃ |
bhasmanā śuddhatoyairvā snātvā yā gālayaṃ viśet || 49 ||
[Analyze grammar]

gṛhasthān darbhaśayyāyāṃ pūrvaśīrṣān surakṣitān |
hṛdā sadbhasmaśayyāyāṃ yatīn dakṣiṇamastakān || 50 ||
[Analyze grammar]

śikhābaddhasikhānastrasaptamāṇavakānvitān |
vijñāya snāpayecchiṣyāṃstato yāyātpunarvahiḥ || 51 ||
[Analyze grammar]

oṃ hili hili triśūlapāṇaye svāhā |
pañcagavyañcaruṃ prāśya gṛhītvā dantadhāvanaṃ |
samācamya śivaṃ dhyātvā śayyāmāsthāya pāvanīṃ || 52 ||
[Analyze grammar]

dīkṣāgataṅkriyākāṇḍaṃ saṃsmaran saṃviśedguruḥ |
iti saṅkṣepataḥ prokto vidhirdīkṣādhivāsane || 53 ||
[Analyze grammar]