Chapter 74

[English text for this chapter is available]

īśvara uvāca |
śivapūjāṃ pravakṣyāmi ācamya praṇavārghyavān |
dvāramastrāmbunā prokṣya homādidvārapānyajet || 1 ||
[Analyze grammar]

gaṇaṃ sarasvatīṃ lakṣmīmūrdhvodumbarake yajet |
nandigaṅge dakṣiṇe'tha sthite vāmagate yajet || 2 ||
[Analyze grammar]

mahākālaṃ ca yamunāṃ divyadṛṣṭinipātitaḥ |
utsārya divyān vighnāṃśca puṣpākṣepāntarikṣagān || 3 ||
[Analyze grammar]

dakṣapārṣṇitribhirghātaibhūmiṣṭhānyāgamandiraṃ |
dehalīṃ laṅghayedvāmaśākhāmāśritya vai viśet || 4 ||
[Analyze grammar]

praviśya dakṣapādena vinyasyāstramudumbare |
oṃ hāṃ vāstvadhipataye brahmaṇe madhyato yajet || 5 ||
[Analyze grammar]

nirīkṣaṇādibhiḥ śastraiḥ śuddhānādāya gaḍḍukān |
labdhānujñaḥ śivānmaunī gaṅgādikamanuvrajet || 6 ||
[Analyze grammar]

pavitrāṅgaḥ prajaptena vastrapūtena vāriṇā |
pūrayedambudhau tāṃstān gāyatryā hṛdayena vā || 7 ||
[Analyze grammar]

gandhakākṣata puṣpādisarvadravyasamuccayaṃ |
sannidhīkṛtya pūjārthaṃ bhūtaśuddhādi kārayet || 8 ||
[Analyze grammar]

devadakṣe tato nyasya saumyāsyaśca śarīrataḥ |
saṃhāramudrayādāya mūrdhni mantreṇa dhārayet || 9 ||
[Analyze grammar]

bhogyakarmopabhogārthaṃ pāṇikacchapikākhyayā |
hṛdambuje nijātmānaṃ dvādaśāntapade'thavā || 10 ||
[Analyze grammar]

śodhayetpañcabhūtāni sañcintya śuṣirantanau |
caraṇāṅguṣṭhayoryugmān śuṣirāntarbahiḥ smaret || 11 ||
[Analyze grammar]

śaktiṃ hṛdvyāpinīṃ paścāddhūṅkāre pāvakaprabhe |
randhramadhyasthite kṛtvā prāṇarodhaṃ hi cintakaḥ || 12 ||
[Analyze grammar]

niveśayedrecakānte phaḍantenātha tena ca |
hṛtkaṇṭhatālubhrūmadhyabrahmarandhre vibhidya ca || 13 ||
[Analyze grammar]

granthīnnirbhidya hūṅkāraṃ mūrdhni vinyasya jīvanaṃ |
sampuṭaṃ hṛdayenātha pūrakāhitacetanaṃ || 14 ||
[Analyze grammar]

hūṃ śikhopari vinyasya śuddhaṃ bindvātmakaṃ smaret |
kṛtvātha kumbhakaṃ śambhau ekodghātena yojayet || 15 ||
[Analyze grammar]

recakena bījavṛttyā śive līno'tha śodhayet |
pratilomaṃ svadehe tu bindvantaṃ tatra bindukaṃ || 16 ||
[Analyze grammar]

layannītvā mahīvātau jalavahnī parasparaṃ |
dvau dvau sādhyau tathākāśamavirodhena tacchṛṇu || 17 ||
[Analyze grammar]

pārthivaṃ maṇḍalaṃ pītaṃ kaṭhinaṃ vajralāñchitaṃ |
haumityātmīyabījena tannivṛttikalāmayaṃ || 18 ||
[Analyze grammar]

padādārabhya mūrdhānaṃ vicintya caturasrakaṃ |
udghātapañcakenaiva vāyubhūtaṃ vicintayet || 19 ||
[Analyze grammar]

ardhacandraṃ dravaṃ saumyaṃ śubhrasambhojalāñchitaṃ |
hrīmityanena bījena pratiṣṭhārūpatāṃ gataṃ || 20 ||
[Analyze grammar]

saṃyuktaṃ rāmamantreṇa puruṣāntamakāraṇaṃ |
arghyañcaturbhirudghātairvahnibhūtaṃ viśodhayet || 21 ||
[Analyze grammar]

āgneyaṃ maṇḍalaṃ tryastraṃ raktaṃ svastikalāñchitaṃ |
hūmityanena bījena vidyārūpaṃ vibhāvayet || 22 ||
[Analyze grammar]

ghorāṇutribhirudghātairjalabhūtaṃ viśodhayet |
ṣaḍasraṃ maṇḍalaṃ vāyorbindubhiḥ ṣaḍbhiraṅkitaṃ || 23 ||
[Analyze grammar]

kṛṣṇaṃ hremiti bījena jātaṃ śāntikalāmayaṃ |
sañcityodghātayugmena pṛthvībhūtaṃ viśodhayet || 24 ||
[Analyze grammar]

nabhobindumayaṃ vṛttaṃ binduśaktivibhūṣitaṃ |
vyomākāraṃ suvṛttañca śuddhasphaṭikanirmalaṃ || 25 ||
[Analyze grammar]

hauṅkāreṇa phaḍantena śāntyatītakalāmayaṃ |
dhyātvaikodghātayogena suviśuddhaṃ vibhāvayet || 26 ||
[Analyze grammar]

āpyāyayettataḥ sarvaṃ mūlenāmṛtavarṣiṇā |
ādhārākhyāmanantañca dharmajñānādipaṅkajaṃ || 27 ||
[Analyze grammar]

hṛdāsanamidaṃ dhyātvā mūrtimāvāhayettataḥ |
sṛṣṭyā śivamayaṃ tasyāmātmānaṃ dvādaśāntataḥ || 28 ||
[Analyze grammar]

atha tāṃ śaktimantreṇa vauṣaḍantena sarvataḥ |
divyāmṛtena samplāvya kurvīta sakalīkṛtaṃ || 29 ||
[Analyze grammar]

hṛdayādikarānteṣu kaniṣṭhādyaṅgulīṣu ca |
hṛdādimantravinyāsaḥ sakalīkaraṇaṃ mataṃ || 30 ||
[Analyze grammar]

astreṇa rakṣya prākāraṃ tanmantreṇātha tadvahiḥ |
śaktijālamadhaścordhvaṃ mahāmudrāṃ pradarśayet || 31 ||
[Analyze grammar]

āpadamastakaṃ yāvadbhāvapuṣpaiḥ śivaṃ hṛdi |
padme yajetpūrakeṇa ākṛṣṭāmṛtasadghṛtaiḥ || 32 ||
[Analyze grammar]

śivamantrairnābhikuṇḍe tarpayeta śivānalaṃ |
lalāṭe bindurūpañca cintayecchubhavigrahaṃ || 33 ||
[Analyze grammar]

ekaṃ svarṇādipātrāṇāṃ pātramastrāmbuśodhitaṃ |
binduprasūtapīyūṣarūpatoyākṣatādinā || 34 ||
[Analyze grammar]

hṛdāpūrya ṣaḍaṅgena pūjayitvābhimantrayet |
saṃrakṣya heti mantreṇa kavacena viguṇṭhayet || 35 ||
[Analyze grammar]

racayitvārghyamaṣṭāṅgaṃ secayeddhenumudrayā |
abhiṣiñcedathātmānaṃ mūrdhni tattoyabindunā || 36 ||
[Analyze grammar]

tatrasthaṃ yāgasambhāraṃ prokṣayedastravāriṇā |
abhimantrya hṛdā piṇḍaistanutrāṇena veṣṭayet || 37 ||
[Analyze grammar]

darśayitvāmṛtāṃ mudrāṃ puṣpaṃ datvā nijāsane |
vidhāya tilakaṃ mūrdhni puṣpaṃ mūlena yojayet || 38 ||
[Analyze grammar]

snāne devārcane home bhojane yāgayogayoḥ |
āvaśyake jape dhīraḥ sadā vācaṃyamo bhavet || 39 ||
[Analyze grammar]

nādāntoccāraṇānmantraṃ śodhayitvā susaṃskṛtaṃ |
pūjane'bhyarcya gāyatryā sāmānyārghyamupāharet || 40 ||
[Analyze grammar]

brahmapañcakamāvartya mālyamādāya liṅgataḥ |
aiśānyāndiśi caṇḍāya hṛdayena nivedayet || 41 ||
[Analyze grammar]

prakṣālya piṇḍikā liṅge astratoye tato hṛdā |
arghyapātrāmbunā siñcediti liṅgaviśodhanaṃ || 42 ||
[Analyze grammar]

ātmadravyamantraliṅgaśuddhau sarvān surānyajet |
vāyavye gaṇapataye hāṃ gurubhyo'rcayecchive || 43 ||
[Analyze grammar]

ādhāraśaktimaṅkuranibhāṃ kūrmaśilāsthitāṃ |
yajedbrahmaśilārūḍhaṃ śivasyānantamāsanaṃ || 44 ||
[Analyze grammar]

vicitrakeśaprakhyānamanyonyaṃ pṛṣṭadarśinaḥ |
kṛtatretādirūpeṇa śivasyāsanapādukāṃ || 45 ||
[Analyze grammar]

dharmaṃ jñānañca vairāgyamaiśvaryañcāgnidiṅmukhān |
kūrpārakuṅkumasvarṇakajjalābhān yajetkramāt || 46 ||
[Analyze grammar]

padmañca karṇikāmadhye pūrvādau madhyato nava |
varadābhayahastāśca śaktayo dhṛtacāmarāḥ || 47 ||
[Analyze grammar]

vāmā jyeṣṭhā ca raudrī ca kālī kalavikāriṇī |
balavikaraṇī pūjyā balapramathanī kramāt || 48 ||
[Analyze grammar]

hāṃ sarvabhūtadamanī keśarāgre manonmanī |
kṣittyādi śuddhavidyāntu tattvavyāpakamāsanaṃ || 49 ||
[Analyze grammar]

nyasetsiṃhāsane devaṃ śuklaṃ pañcamukhaṃ vibhuṃ |
daśabāhuṃ ca khaṇḍenduṃ dadhānandakṣiṇaiḥ karaiḥ || 50 ||
[Analyze grammar]

śaktyṛṣṭiśūlakhaṭvāṅgavaradaṃ vāmakaiḥ karaiḥ |
ḍamaruṃ bījapūrañca nīlābjaṃ sūtrakotpalaṃ || 51 ||
[Analyze grammar]

dvātriṃśallakṣaṇopetāṃ śaivīṃ mūrtintu madhyataḥ |
hāṃ haṃ hāṃ śivamūrtaye svaprakāśaṃ śivaṃ smaran || 52 ||
[Analyze grammar]

brahmādikāraṇatyāgānmantraṃ nītvā śivāspadaṃ |
tato lalāṭamadhyasthaṃ sphurattārāpatiprabhaṃ || 53 ||
[Analyze grammar]

ṣaḍaṅgena samākīrṇaṃ bindurūpaṃ paraṃ śivaṃ |
puṣpāñjaligataṃ dhyātvā lakṣmīmūrtau niveśayet || 54 ||
[Analyze grammar]

oṃ hāṃ hauṃ śivāya nama āvāhanyā hṛdā tataḥ |
āvāhya sthāpya sthāpanyā sannidhāyāntikaṃ śivaṃ || 55 ||
[Analyze grammar]

nirodhayenniṣṭhurayā kālakāntyā phaḍantataḥ |
vighnānutsārya viṣṭhyātha liṅgamudrāṃ namaskṛtiṃ || 56 ||
[Analyze grammar]

hṛdāvaguṇṭhayetpaścādāvāhaḥ sammukhī tataḥ |
niveśanaṃ sthāpanaṃ syātsannidhānaṃ tavāsmi bhoḥ || 57 ||
[Analyze grammar]

ākarmakāṇḍaparyantaṃ sannidheyo parikṣayaḥ |
svabhakteśca prakāśo yastadbhavedavaguṇṭhanaṃ || 58 ||
[Analyze grammar]

sakalīkaraṇaṃ kṛtvā mantraiḥ ṣaḍbhirathaikatāṃ |
aṅgānāmaṅginā sārdhaṃ vidadhyādamṛtīkṛtaṃ || 59 ||
[Analyze grammar]

cicchaktihṛdayaṃ śambhoḥ śiva aiśvaryamaṣṭadhā |
śikhā vaśitvaṃ cābhedyaṃ tejaḥ kavacamaiśvaraṃ || 60 ||
[Analyze grammar]

pratāpo duḥsahaścāstramantarāyāpahārakaṃ |
namaḥ svadhā ca svāhā ca vauṣaṭceti yathākramaṃ || 61 ||
[Analyze grammar]

hṛtpuraḥsaramuccārya pādyādīni nivedayet |
pādyaṃ pādāmbujadvandve vaktreṣvācamanīyakaṃ || 62 ||
[Analyze grammar]

arghyaṃ śirasi devasya dūrvāpuṣpākṣatāni ca |
evaṃ saṃskṛtya saṃskārairdaśabhiḥ parameśvaraṃ || 63 ||
[Analyze grammar]

yajetpañcopacāreṇa vidhinā kusumādibhiḥ |
abhyukṣyodvartya nirmajya rājikālavaṇādibhiḥ || 64 ||
[Analyze grammar]

arghyodabindupuṣpādyairgaḍḍūkaiḥ snāpayecchanaiḥ |
payodadhighṛtakṣaudraśarkarādyairanukramāt || 65 ||
[Analyze grammar]

īśādimantritardravyairarcya teṣāṃ viparyayaḥ |
toyadhūpāntaraiḥ sarvairmūlena snapayecchivaṃ || 66 ||
[Analyze grammar]

virūkṣya yavacūrṇena yatheṣṭaṃ śītalairjalaiḥ |
svaśaktyā gandhatoyena saṃsnāpya śucivāsasā || 67 ||
[Analyze grammar]

nirmārjyārghyaṃ pradadyācca nopari bhrāmayetkaraṃ |
na śūnyamastakaṃ liṅgaṃ puṣpaiḥ kuryāttato dadet || 68 ||
[Analyze grammar]

candanādyaiḥ samālabhya puṣpaiḥ prārcya śivāṇunā |
dhūpabhājanamastreṇa prokṣyābhyarcya śivāṇunā || 69 ||
[Analyze grammar]

astreṇa pūjitāṃ ghaṇṭāṃ cādāya guggulaṃ dadet |
dadyādācamanaṃ paścātsvadhāntaṃ hṛdayāṇunā || 70 ||
[Analyze grammar]

ārātrikaṃ samuttārya tathaivācāmayetpunaḥ |
praṇamyādāya devājñāṃ bhogāṅgāni prapūjayet || 71 ||
[Analyze grammar]

hṛdagnau candrabhaṃ caiśe śivaṃ cāmīkaraprabhaṃ |
śikhāṃ raktāñca nairṛtye kṛṣṇaṃ varma ca vāyave || 72 ||
[Analyze grammar]

caturvaktraṃ caturbāhuṃ dalasthān pūjayedimān |
daṃṣṭrākarālamapyastraṃ pūrvādau vajrasannibhaṃ || 73 ||
[Analyze grammar]

mūle hauṃ śivāya namaḥ oṃ hāṃ hūṃ hīṃ hoṃ śiraśca |
hṛṃ śikhāyai haiṃ varma haścāstraṃ parivārayutāya ca || 74 ||
[Analyze grammar]

śivāya dadyātpādyañca ācāmañcārghyameva ca |
gandhaṃ puṣpaṃ dhūpadīpaṃ naivedyācamanīyakaṃ || 75 ||
[Analyze grammar]

karodvartanatāmbūlaṃ mukhavāsañca darpaṇaṃ |
śirasyāropya devasya dūrvākṣatapavitrakaṃ || 76 ||
[Analyze grammar]

mūlamaṣṭaśataṃ japtvā hṛdayenābhimantritaṃ |
carmaṇāveṣṭitaṃ khaḍgaṃ rakṣitaṃ kuśapuṣpakaiḥ || 77 ||
[Analyze grammar]

akṣatairmudrayā yuktaṃ śivamudbhavasañjñayā |
guhyātiguhyaguptyarthaṃ gṛhāṇāsmatkṛtaṃ japaṃ || 78 ||
[Analyze grammar]

siddhirbhavatu me yena tvatprasādāttvayi sthite |
bhogī ślokaṃ paṭhitvādyaṃ dakṣahastena śambhave || 79 ||
[Analyze grammar]

mūlāṇunārghyatoyena varahaste nivedayet |
yatkiñcitkurmahe deva sadā sukṛtaduskṛtaṃ || 80 ||
[Analyze grammar]

tanme śivapadasthasya hūṃ kṣaḥ kṣepaya śaṅkara |
śivo dātā śivo bhoktā śivaḥ sarvamidaṃ jagat || 81 ||
[Analyze grammar]

śivo jayati sarvatra yaḥ śivaḥ sohameva ca |
ślokadvayamadhītyaivaṃ japaṃ devāya cārpayet || 82 ||
[Analyze grammar]

śivāṅgānāṃ daśāṃśañca datvārghyaṃ stutimācaret |
pradakṣiṇīkṛtya nameccāṣṭāṅgañcāṣṭamūrtaye |
natvā dhyānādibhiścaiva yajeccitre'nalādiṣu || 83 ||
[Analyze grammar]