Chapter 33

[English text for this chapter is available]

agniruvāca |
pavitrārohaṇaṃ vakṣye varṣapūjāphalaṃ hareḥ |
āṣāḍhādau kārtikānte pratipaddhanadā tithiḥ || 1 ||
[Analyze grammar]

śriyā gauryā gaṇeśasya sarasvatyā guhasya ca |
mārttaṇḍamātṛdurgāṇāṃ nāgarṣiharimanmathaiḥ || 2 ||
[Analyze grammar]

śivasya brahmaṇastadvaddvitīyādititheḥ kramāt |
yasya devasya yo bhaktaḥ pavitrā tasya sā tithiḥ || 3 ||
[Analyze grammar]

ārohaṇe tulyavidhiḥ pṛthak mantrādikaṃ yadi |
sauvarṇaṃ rājataṃ tāmraṃ netrakārppāsakādikam || 4 ||
[Analyze grammar]

brāhmaṇyā karttitaṃ sūtraṃ tadalābhe tu saṃskṛtam |
triguṇaṃ triguṇīkṛtya tena kuryyāt pavitrakam || 5 ||
[Analyze grammar]

aṣṭottaraśatādūrddhvaṃ tadarddhaṃ cottamādikam |
kriyālopavidhānārthaṃ yattvayābhihitaṃ prabho || 6 ||
[Analyze grammar]

mayā tat kriyate deva yathā yatra pavitrakam |
avidhnaṃ tu bhavedatra kuru nātha jayāvyaya || 7 ||
[Analyze grammar]

prārthya tanmaṇḍalāyādau gāyatryā bandhayennaraḥ |
oṃ nārāyaṇāya vidmahe vāsudevāya dhīmahi || 8 ||
[Analyze grammar]

tanno viṣṇuḥ pracodayāt devadevānurūpataḥ |
jānūrunābhināsāntaṃ pratimāsu pavitrakam || 9 ||
[Analyze grammar]

pādāntā vanamālā syādaṣṭottarasahasrataḥ |
mālāṃ tu kalpasādhyāṃ vā dviguṇaṃ ṣoḍaśāṅgulām || 10 ||
[Analyze grammar]

karṇikā keśaraṃ patraṃ mantrādyaṃ maṇḍalāntakam |
maṇḍalāṅgulamātraikacakrābjādyau pavitrakam || 11 ||
[Analyze grammar]

sthaṇḍile'ṅgulamānena ātmanaḥ saptaviṃśatiḥ |
ācāryyāṇāṃ ca sūtrāṇi pitṛmātrādipustake || 12 ||
[Analyze grammar]

nābhyantaṃ dvādaśagranthiṃ tathā gandhapavitrake |
dvyaṅgulāt kalpanādau dvirmālā cāṣṭottaraṃ śatam || 13 ||
[Analyze grammar]

athavārkacaturviṃśaṣaṭtriṃśanmālikā dvijaḥ |
anāmāmadhyamāṅguṣṭhairmandādyaiḥ mālikārthibhiḥ || 14 ||
[Analyze grammar]

kaniṣṭhā dau dvādaśa vā granthayaḥ syuḥ pavitrake |
raveḥ kumbhahutāśādeḥ sambhave viṣṇuvanmatam || 15 ||
[Analyze grammar]

pīṭhasya pīṭhamānaṃ syānmekhalānte ca kuṇḍake |
yathāśakti sūtragranthiḥ paricāretha vaiṣṇave || 16 ||
[Analyze grammar]

sūtrāṇi vā saptadaśa sūtreṇa trivibhaktake |
rocanāgurukarpūraharidrākuṅkumādibhiḥ || 17 ||
[Analyze grammar]

rañjayeccandanādyairvā snānasandhyādikṛnnaraḥ |
ekādaśyāṃ yāgagṛhe bhagavaṃtaṃ hariṃ yajet || 18 ||
[Analyze grammar]

samastaparivārāya baliṃ pīṭhe samarcayet |
kṣauṃ kṣetrapālāya dvārānte dvāropari tathā śriyam || 19 ||
[Analyze grammar]

dhātre dakṣe vidhātre ca gaṅgāñca yamunāṃ tathā |
śaṅkhapadmanidhī pūjya madhye vāstvapasāraṇam || 20 ||
[Analyze grammar]

sāraṅgāyeti bhūtānāṃ bhūtaśuddhiṃ sthitaścaret || 20 ||
[Analyze grammar]

oṃ hrūṃ haḥ phaṭ hraṃ gandhatanmātraṃ saṃharāmi namaḥ |
oṃ hrūṃ haḥ phaṭ hrūṃ rasatanmātraṃ saṃharāmi namaḥ |
oṃ hrūṃ haḥ phaṭ hruṃ rūpatanmātraṃ saṃharāmi namaḥ |
oṃ hrūṃ haḥ phaṭ hrūṃ sparśatanmātraṃ saṃharāmi namaḥ |
oṃ hrūṃ haḥ phaṭ hrūṃ śabdatanmātraṃ saṃharāmi namaḥ |
pañcodghātairgandhatanmātrarūpaṃ bhūmimaṇḍalam |
caturasrañca pītañca kaṭhinaṃ vajralāñchitam || 21 ||
[Analyze grammar]

indrādhidaivataṃ pādayugmamadhyagataṃ smaret |
śuddhañca rasatanmātraṃ pravilipyātha saṃharet |
rasamātrarūpamātre krameṇānena pūjakaḥ || 22 ||
[Analyze grammar]

oṃ hrīṃ haḥ phaṭ hrūṃ rasatanmātraṃ saṃharāmi namaḥ |
oṃ hrūṃ haḥ phaṭ rūpatanmātraṃ saṃharāmi namaḥ |
oṃ hrīṃ haḥ phaṭ hrūṃ sparśatanmātraṃ saṃharāmi namaḥ |
oṃ hrīṃ haḥ phaṭ hrūṃ śabdatanmātraṃ saṃharāmi namaḥ |
jānunābhimadhyagataṃ śvetaṃ vai padmalāñchitam |
śuvalavarṇaṃ cārddhacandraṃ dhyāyedvaruṇadaivatam || 23 ||
[Analyze grammar]

caturbhaśca tadudghātaiḥ śuddhaṃ tadrasamātrakam |
saṃharedrūpatanmātrai rūpamātre ca saṃharen || 24 ||
[Analyze grammar]

oṃ hrūṃ haḥ phaṭ hrūṃ pūtanmātraṃ saṃharāmi namaḥ |
hrūṃ haḥ phaṭ hrūṃ sparśatanmātraṃ saṃharāmi namaḥ |
oṃ hrūṃ haḥ phaṭ hrūṃ śabdatanmātraṃ saṃharāmi namaḥ |
iti tribhistadudghātaistrikoṇaṃ vahnimaṇḍalam |
nābhikaṇṭhamadhyagataṃ raktaṃ svastikalāñchitam || 25 ||
[Analyze grammar]

dhyātvānalādhidaivantacchuddhaṃ sparśe layaṃ nayet |
oṃ hrauṃ haḥ phaṭ hrūṃ sparśatanmātraṃ saṃharāmi namaḥ |
oṃ hrauṃ haḥ phaṭ hrūṃ śabdatanmātraṃ saṃharāmi namaḥ |
kaṇṭhanāsāmadhyagataṃ vṛttaṃ vai vāyumaṇḍalam || 26 ||
[Analyze grammar]

dvirudghātairdhūmravarṇaṃ dhyāyecchuddhendulāñchitam |
sparśamātraṃ śabdamātraiḥ saṃhareddhyānayogataḥ || 27 ||
[Analyze grammar]

oṃ hrauṃ haḥ phaṭ hrūṃ śabdatanmātraṃ saṃharāmi namaḥ |
ekodghātena cākāśaṃ śuddhasphaṭikasannibham |
nāsāpuṭaśikhāntasthamākāśāmupasaṃharet || 28 ||
[Analyze grammar]

śoṣaṇādyairddeśuddhiṃ kuryādevaṃ kramāttaḥ |
śuṣkaṃ kalevaraṃ dhyāyet pādādyañca śikhāntakam || 29 ||
[Analyze grammar]

yaṃ bījena vaṃ bījena jvālāmālāsamāyutam |
dehaṃ ramityanenaiva brahmarandhrādvinirgatam || 30 ||
[Analyze grammar]

bindundhyātvā cāmṛtasya tena bhasma kalevaram |
samplāvayellamityasmāt dehaṃ sampādya divyakam || 31 ||
[Analyze grammar]

nyāsaṃ kṛtvā kare dehe mānasaṃ yāgamācaret |
viṣṇuṃ sāṅgaṃ hṛdi padme mānasaiḥ kusumādibhi || 32 ||
[Analyze grammar]

mūlamantreṇa deveśamprārccayedbhuktimuktidam |
svāgataṃ devadeveśa sannidhau bhava keśava || 33 ||
[Analyze grammar]

gṛhāṇa mānasīṃ pūjāṃ yathārthaṃ paribhāvitām |
ādhāraśaktiḥ kūrmātha pūjyonanto mahī tataḥ || 34 ||
[Analyze grammar]

madhyegnyādau ca dharmādyā adharmādīndramukhyagam |
sattvādi madhye padmañca māyāvidyākhyatattvake || 35 ||
[Analyze grammar]

kālatattvañca sūryādimaṇḍalaṃ pakṣirājakaḥ |
madhye tataśca vāyavyādīśāntā gurupaṅktikāḥ || 36 ||
[Analyze grammar]

gaṇaḥ sarasvatī pūjyā nārado nalakūbaraḥ |
gururgarupādukā ca paro guruśca pādukā || 37 ||
[Analyze grammar]

pūrvasiddhāḥ parasiddhāḥ keśareṣu ca śaktayaḥ |
lakṣmīḥ sarasvatī prītiḥ kīrttiḥ śāntiśca kāntikā || 38 ||
[Analyze grammar]

puṣṭistuṣṭirmmahendrādyā madhye cāvāhito hariḥ |
dhṛtiḥ śrīratikāntyādyā mūlena sthāpito'cyutaḥ || 39 ||
[Analyze grammar]

oṃ abhimukho bhavet prārthya prācyāṃ sannihito bhava |
vinyasyārghyādikaṃ dattvā gandhādyairmūlato yajet || 40 ||
[Analyze grammar]

oṃ bhīṣaya bhīṣaya hṛt śirastrāsaya vai punaḥ |
marddaya marddaya śikhā agnyādau śastratostrakaṃ || 41 ||
[Analyze grammar]

rakṣa rakṣa pradhvaṃsaya pradhvaṃsaya kavacāya namastataḥ |
oṃ hrūṃ phaṭ astrāya namo mūlabījena cāṅgakam || 42 ||
[Analyze grammar]

pūrvvadakṣāpyasaumyeṣu mūrttyāvaraṇamarccayet |
vāsudevaḥ saṅkarṣaṇaḥ pradyumnaścāniruddhakaḥ || 43 ||
[Analyze grammar]

agnyādau śrīdhṛtiratikāntayo mūrttayo hareḥ |
śaṅkhacakragadāpadmamagnyādau pūrvvakādikam || 44 ||
[Analyze grammar]

śārṅgañca muṣalaṃ khaṅgaṃ vanamālāñca tadbahiḥ |
indrādyāśca tathānanto nairṛtyāṃ varuṇastataḥ || 45 ||
[Analyze grammar]

brahnendreśānayormadhye astrāvaraṇakaṃ bahiḥ |
airāvatastataśchāgo mahiṣo vānaro jhaṣaḥ || 46 ||
[Analyze grammar]

mṛgaḥ śaśo'tha vṛṣabhaḥ kūrmmo haṃsastato bahiḥ |
pṛśnigarbhaḥ kumudādyā dvārapālā dvayaṃ dvayam || 47 ||
[Analyze grammar]

pūrvvādyuttaradvārāntaṃ hariṃ natvā baliṃ bahiḥ |
viṣṇupārṣadebhyo namo balipīṭhe baliṃ dadet || 48 ||
[Analyze grammar]

viśvāya viśvaksenātmane īśānake yajet |
devasya dakṣiṇe haste rakṣāsūtrañca bandhayet || 49 ||
[Analyze grammar]

saṃvatsarakṛtārcāyāḥ sampūrṇaphaladāyine |
pavitrārohaṇāyedaṃ kautukaṃ dhāraya oṃ namaḥ || 50 ||
[Analyze grammar]

upavāsādiniyamaṃ kuryādvai devasannidhau |
upavāsādiniyato devaṃ santoṣayāmyaham || 51 ||
[Analyze grammar]

kāmakrodhādayaḥ sarve mā me tiṣṭhantu sarvathā |
adyaprabhṛti deveśa yāvadvaiśeṣikaṃ dinam || 52 ||
[Analyze grammar]

yajamāno hyaśaktaścet kuryyānnaktādikaṃ vratī |
hutvā visarjayet stutvā śrīkarannityapūjanam |
oṃ hrīṃ śrīṃ śrīdharāya trailokyamohanāya namaḥ || 53 ||
[Analyze grammar]