Chapter 123

śrīkṛṣṇa uvāca |
nairmalyaṃ bhāvaśuddhiśca vinā snānaṃ na yujyate |
tasmātkāyaviśuddhyarthaṃ snānamādau vidhīyate || 1 ||
[Analyze grammar]

anuddhatairuddhatairvā jalaiḥ snānaṃ samācaret |
tīrthaṃ prakalpayedvidvānmūlamaṃtreṇa maṃtravit || 2 ||
[Analyze grammar]

namo nārāyaṇāyeti mūlamantra udāhṛtaḥ |
darbhapāṇistu vidhinā svācāntaḥ prayataḥ sudhīḥ || 3 ||
[Analyze grammar]

caturhastasamāyuktaṃ caturasraṃ samaṃtataḥ |
prakalpyāvāhayedgaṅgāmebhirmaṃtrairvicakṣaṇaḥ || 4 ||
[Analyze grammar]

oṃ viṣṇupādaprasūtāsi vaiṣṇavī viṣṇudevatā |
pāhi nastvenasastasmādājanmamaraṇāṃtikāt || 5 ||
[Analyze grammar]

tisraḥ koṭyo'rddhakoṭī ca tīrthānāṃ vāyurabravīt |
divi bhuvyaṃtarikṣe ca tāni te santi jāhnavi || 6 ||
[Analyze grammar]

naṃdinītyeva te nāma deveṣu nalinīti ca |
kṣamā pṛthvī ca vihagā viśvakāyā śivā smṛtā || 7 ||
[Analyze grammar]

vidyādharā suprasannā tathā loka prasādinī |
kṣemyā tathā jāhnavī ca śāṃtā śāṃtipradāyinī || 8 ||
[Analyze grammar]

etāni puṇyanāmāni snānakāle prakīrtayet |
bhavetsaṃnihitā tatra gaṅgā tripathagāminī || 9 ||
[Analyze grammar]

saptavārābhijaptena karasaṃpuṭayojitam |
mūाrdhni kuryājjalaṃ bhūpa tricatuḥpañcasaptadhā || 10 ||
[Analyze grammar]

snānaṃ kuryānmṛdā tadvadā maṃtrya ca vidhānataḥ || 11 ||
[Analyze grammar]

aśvakrāṃte rathakrāṃte viṣṇukrāṃte vasuṃdhare |
mṛttike hara me sarvaṃ yanmayā duṣkṛtaṃ kṛtam || 12 ||
[Analyze grammar]

uddhṛtāsi varāheṇa kṛṣṇena śatabāhunā |
namaste sarvalokānāmasudhāriṇi suvrate || 13 ||
[Analyze grammar]

evaṃ snātvā tataḥ paścādācamya ca vidhānataḥ |
utthāya vāsasī śukle sūkṣme tu paridhāya vai || 14 ||
[Analyze grammar]

tatastu tarpaṇaṃ kuryāttrailokyāpyāyanāya tu |
devā yakṣāstathā nāgā gandharvāpsarasāṃ gaṇāḥ |
krūrāḥ sarvāḥ suparṇāśca tarakṣā vihagāḥ khagāḥ || 15 ||
[Analyze grammar]

vidyādharā jaladharāstathaivākāśagāminaḥ |
nirādhārāśca ye jīvāḥ pāpakarmaratāśca ye || 16 ||
[Analyze grammar]

teṣāmāpyāyanāyaitaddīyate salilaṃ mayā |
kṛtopavīto devebhyo nivītī ca bhavettataḥ || 17 ||
[Analyze grammar]

manuṣyāṃstarpayedbhaktyā brahmaputrānṛṣīṃstathā |
sanakaśca sanandaśca tṛtīyaśca sanātanaḥ || 18 ||
[Analyze grammar]

kapilaścāsuriścaiva voḍhuḥ pañcaśikhastathā |
sarve te tṛptimāyāṃtu maddattenāṃbunā sadā || 19 ||
[Analyze grammar]

marīcimatryaṅgirasau pulastyaṃ pulahaṃ kratum |
pracetasaṃ vaśiṣṭhaṃ ca bhṛguṃ nāradameva ca || 20 ||
[Analyze grammar]

devabrahmaṛṣīnsarvāṃstarpayetākṣatodakaiḥ |
apasavyaṃ tataḥ kṛtvā savyaṃ jānu ca bhūtale || 21 ||
[Analyze grammar]

agniṣvāttā barhiṣado haviṣmaṃtastathoṣmapāḥ |
sukalitāstathā bhaumā ājyapāḥ somapāstathā || 22 ||
[Analyze grammar]

tarpayecca pitṝnbhaktyā satilodakacandanaiḥ |
darbhapāṇistu vidhivattarpayennāmagotrataḥ || 23 ||
[Analyze grammar]

pitrādīnnāmagotreṇa tathā mātāmahānapi |
saṃtarpya vidhivadbhaktyā imaṃ maṃtramudīrayet || 24 ||
[Analyze grammar]

ye'bāndhavā bāndhavā vā ye'nyajanmani bāndhavāḥ |
te tṛptimakhilā yāṃtu yaścāsmatto'bhivāñchati || 25 ||
[Analyze grammar]

tataścācamya vidhivadālikhetpadmamagrataḥ |
akṣataiḥ saha puṣpañca satilāruṇacandanaiḥ || 26 ||
[Analyze grammar]

arghaṃ dadyātprayatnena sūryanāmānukīrtanaiḥ |
namaste viśvarūpāya namo viṣṇusakhāya vai || 27 ||
[Analyze grammar]

sahasraraśmaye nityaṃ namaste sarvatejase |
namaste sarvavapuṣe namaste sarvaśaktaye || 28 ||
[Analyze grammar]

jagatsvāminnamaste'stu divyacaṃdanabhūṣita |
padmanābha namaste'stu kuṇḍalāṃgadadhāriṇe || 29 ||
[Analyze grammar]

namaste sarvalokeśa sarvāsuranamaskṛta |
sukṛtaṃ duṣkṛtaṃ caiva samyagjānāsi sarvadā || 30 ||
[Analyze grammar]

satyadeva namastestu sarvadeva namo'stu te |
divākara namaste'stu trayīmaya namo'stu te || 31 ||
[Analyze grammar]

evaṃ sūryaṃ namaskṛtya triḥkṛtvā ca pradakṣiṇām |
dvijaṃ gāṃ kāñcanaṃ spṛṣṭvā tato viṣṇugṛhaṃ vrajet || 32 ||
[Analyze grammar]

snānaṃ khalu pratidinaṃ kathitaṃ munīndraiḥ pāpāpahaṃ malaharaṃ sukhadaṃ sadaiva |
tasmānnadīṣvatha gṛheṣvatha vā taḍāge kartavyametadiha dharmadhiyā nareṇa || 33 ||
[Analyze grammar]