Chapter 93

śrīkṛṣṇa uvāca |
caturdaśī mahārāja hutabhugdayitā śubhā |
naṣṭastadā havyavāhaḥ punarastitvamāptavān || 1 ||
[Analyze grammar]

yudhiṣṭhira uvāca |
kathamagniḥ purā naṣṭo devakāryepyupasthitaḥ |
kenāgnitvaṃ kṛtaṃ tatra kathaṃ hi vidito'nalaḥ |
etadvadasva deveśa sarvaṃ hi viditaṃ tava || 2 ||
[Analyze grammar]

śrīkṛṣṇa uvāca |
purā surā mahārāja tārakeṇa parājitāḥ |
apṛcchanviśvakartāraṃ tārakaṃ ko vadhiṣyati || 3 ||
[Analyze grammar]

uvācāsau ciraṃ dhyātvā rudromāśukrasambhavaḥ |
gaṃgāsvāhāgnitejojaḥ śiśurdaityaṃ vadhiṣyati || 4 ||
[Analyze grammar]

evaṃ śrutvā gatā devā yatra śambhuḥ sahomayā |
praṇamya te tamūcurhi yaduktaṃ brahmaṇā tadā || 5 ||
[Analyze grammar]

pratipannaṃ ca rudreṇa umayā sahitena tat |
prayatnamakarottaṃ ca ya uktomarasattamaiḥ || 6 ||
[Analyze grammar]

divyaṃ varṣaśataṃ sāgraṃ gataḥ kālo'tha maithune |
na cāpyuparamastatra tayorāsītkathañcana |
bhayaṃ ca sumahatteṣāṃ devānāṃ samajāyata || 7 ||
[Analyze grammar]

sa rudrasambhavo yo vai bhaviṣyati mahābalaḥ |
sa daityāndānavagaṇānvadhiṣyati na saṃśayaḥ || 8 ||
[Analyze grammar]

kena kālena bhavati raterviratiretayoḥ |
etadvicintya prahitau devaistatrānilānalau || 9 ||
[Analyze grammar]

gatau tau comayā dṛṣṭau samasthau viṣamasthayā |
śaśāpa ca ruṣā devī devāngarbhavivarjitā || 10 ||
[Analyze grammar]

yasmāttairjanito vighno me'patyārthe divaukasām |
tasmātte sveṣu dāreṣu janayiṣyanti na prajāḥ || 11 ||
[Analyze grammar]

athovāca tadā devo devānsarvagaṇāñchanaiḥ |
agnirgṛhṇātu vīryaṃ me saṃbhṛtaṃ suciraṃ hi yat || 12 ||
[Analyze grammar]

evamukto'tha rudreṇa naṣṭo'gnirdevasaṃkulāt |
na svastho na bhuvistho vā na sūryastho na bhūtale || 13 ||
[Analyze grammar]

devā anveṣaṇe yatnamakurvannagnidarśane |
kṛmikīṭapataṃgāśca aṣṭau ca tridivaukasaḥ || 14 ||
[Analyze grammar]

haṃsāḥ kekāḥ śukā vahniḥ śīghraṃ śaravaṇaṃ gatāḥ |
śaśāpāgnirgajā jihvā dviguṇo vā bhaviṣyati || 15 ||
[Analyze grammar]

dṛṣṭvātha vibudhāḥ sarve pakṣiṇaṃ pakṣiṇāṃ varam |
jīvaṃ jīvakanāmānaṃ bhobhoḥ satyaṃ vadasva naḥ || 16 ||
[Analyze grammar]

kaccidṛṣṭastvayā vahnirvane'sminnaṭatā sadā |
nābhadraṃ nāpi bhadraṃ vā kiñcideva vaco'bravīt || 17 ||
[Analyze grammar]

bhūyobhūyastu pṛṣṭo'pi na gāmuccārayecciram |
tuṣṭastasyābravīdvahnirjīvaṃ jīva vadāmi te || 18 ||
[Analyze grammar]

yasmānna kiñciduktaṃ te tasmāccitra tanūruhāḥ |
jīva jīva punarjīva yāvadicchā tathāyuṣaḥ || 19 ||
[Analyze grammar]

dvitīyaṃ te varaṃ dadmo jīvajīvaka śobhanam |
vyaktā te mānuṣī vācā spaṣṭārthā ca bhaviṣyati || 20 ||
[Analyze grammar]

kaścidyadi tavādhasthādbudhaḥ snānaṃ kariṣyati |
vaṃdhyā vā ṣoḍaśābdīyā kṣaṇādbālo bhaviṣyati || 21 ||
[Analyze grammar]

māsaṃ yaśca tṛtīyaṃ vai bhakṣayiṣyatyaniṃditam |
ajaraḥ so'maraścaiva sarvakālaṃ bhaviṣyati || 22 ||
[Analyze grammar]

idaṃ dattvā varāṃstasya vahnitvamatha āptavān |
vibudhā api tatraiva tamadṛśyaṃta vaṃśagam || 23 ||
[Analyze grammar]

ūṣmayā jātakalmāṣaṃ jñātvā saṃhṛṣṭamānasaḥ |
tuṣṭā vaṃśamathocuste devāstribhuvaneśvarāḥ || 24 ||
[Analyze grammar]

ūṣmayā kalmaṣībhūya hyagnirgarbhaṃ dhariṣyati |
yo gṛhī vaiṇavīṃ yaṣṭiṃ brahmacārī ca naiṣṭhikaḥ || 25 ||
[Analyze grammar]

paṃḍāgnipālane puṇyaṃ yaddṛṣṭaṃ brahmavādibhiḥ |
vadaṃtaṃ kalmaṣīyaṣṭistaṃ prāpnoti dvijottamam || 26 ||
[Analyze grammar]

vaṃśasyānugrahaṃ kṛtvā devyāhṛtimathābruvan |
gṛhṇīta śukraṃ bhadrasya tava putro bhaviṣyati || 27 ||
[Analyze grammar]

yudhiṣṭhira uvāca |
yadāgnirnaṣṭo devānāṃ kenāgnitvaṃ tadā kṛtam |
bhūyo'pi kena kālena agniragnitvamāptavān || 28 ||
[Analyze grammar]

kṛṣṇa uvāca |
śṛṇu rājanpranaṣṭe'gnau yenāgnitvaṃ kadācana |
yasminkāle tithī yasyā punaragnitvamāptavān || 29 ||
[Analyze grammar]

utathyāṅgirasoḥ pūrvamāsīdvyatikaro mahān |
ahaṃ vidyātapobhyāṃ vai tava jyāyāñchrutena ca |
utathyenaivamuktastu aṅgirāḥ prāha taṃ munim || 30 ||
[Analyze grammar]

gacchāvo brahmasadanaṃ marīcipramukhairdvijaiḥ |
upetaṃ cānyamunibhirbrahmarājarṣisattamaiḥ |
utathyaḥ prāha sadbrahmanṛṣīṃstānstabdhamānasaḥ || 31 ||
[Analyze grammar]

jyāyānvā katamosmākamiti naḥ kathyatāṃ sphuṭam || 32 ||
[Analyze grammar]

athovāca munirbrahmā tāvubhau kuddhamānasau |
ānayadhvaṃ drutaṃ gatvā vibudhānbhuvaneśvarān || 33 ||
[Analyze grammar]

tato vivādaṃ paśyāmi bhavatāṃ taiḥ sametya ca |
tatastau sahitau natvā'ninyatuśca ṛṣīṃstadā || 34 ||
[Analyze grammar]

lokapālānmaheṃdrādīnsayamānvāruṇānilān |
sādhyānmarudgaṇānviṣvānṛṣīnbhṛgvagnināradān || 35 ||
[Analyze grammar]

gaṃdharvānvittarakṣoghnānrākṣasāndaityadānavān |
nāyātastatra tigmāṃśuḥ sarve cānye samāgatāḥ || 36 ||
[Analyze grammar]

dṛṣṭvā tu vibudhānsarvānbrahmā provāca tānṛṣīn |
ānayadhvamitaḥ sūryaṃ sāmnā daṃḍena vā punaḥ || 37 ||
[Analyze grammar]

evamukto gatastāvadutathyaḥ sūryamaṃḍalam |
sa gatvā prāha mārtaṇḍaṃ śīghramehyeva saṃvidam || 38 ||
[Analyze grammar]

sa utathyamathovāca kathaṃ brahmanvrajāmyaham |
evamuktvā gataḥ sūryo bhuvane mayi nirgate || 39 ||
[Analyze grammar]

evamukto muniḥ prāyātsarva devasamāgamam |
ācacakṣe ca yatproktaṃ bhāsvatā tapanaṃ prati || 40 ||
[Analyze grammar]

uvācāṅgirasaṃ brahmā śīghramenaṃ tvamānaya |
sa tathokto gatastatra yatrāsau tapate raviḥ || 41 ||
[Analyze grammar]

ehyehi bhagavansūrya tapyate bhavatānvaham |
evamukto gataḥ sūryo yatra devāḥ samāgatāḥ || 42 ||
[Analyze grammar]

sthitvā muhūrtaṃ provāca kiṃ vā kāryamupasthitam |
pṛcchantameva mārtaṃrḍaṃ brahmā provāca sādaram || 43 ||
[Analyze grammar]

gaccha śīghraṃ na dahate bhuvanaṃ yāvadaṃgirāḥ |
labdhaprāyaṃ tu golokaṃ vartate kṛṣṇapiṃgalam || 44 ||
[Analyze grammar]

pāṭalo haritaḥ śoṇaḥ śveto varṇaḥ praṇāśitaḥ |
śākadvīpaṃ kuśadvīpaṃ krauñcadvīpaṃ sapannagam |
dagdhamaṅgirasā sarvaṃ bhūyo'pi pradahiṣyati || 45 ||
[Analyze grammar]

yāvacca dahate sarvaṃ bhuvanaṃ tapasāṃgirāḥ |
gaccha tāvaditaḥ śīghraṃ svasthāne tapa bhāskara || 46 ||
[Analyze grammar]

evamuktaḥ sa vibhunā svasthānamadhirūḍhavān |
visṛṣṭavānaṃgirasaṃ sakāśamamṛtāśinām || 47 ||
[Analyze grammar]

gatvāṅgirā uvācedaṃ gataḥ kiṃ karavāṇyaham |
devā aṃgirasaṃ prāhustaporāśimakalmaṣam || 48 ||
[Analyze grammar]

saṃpraśasyocuragnitvaṃ kuru tāvanmahītale |
pūrvaṃ yathāgniḥ kṛtavāṃstathā tvamapi sattama || 49 ||
[Analyze grammar]

yāvadagniṃ prapaśyāmaḥ kvāsau naṣṭaḥ kva tiṣṭhati |
evamuktaḥ sa devaistu agnitvaṃ kṛtavāṃstadā || 50 ||
[Analyze grammar]

devairdṛṣṭo yathā hyagnistatte sarvaṃ niveditam |
devakārye kṛte tasmindevā vahni mathābruvan || 51 ||
[Analyze grammar]

agne'gnitvaṃ kuruṣva tvamaṃgirāstu yathā purā |
evamuktaḥ surairvahniścintayāmāsa duḥkhitaḥ || 52 ||
[Analyze grammar]

ko me'pahṛtaṃ tejaḥ kenāgnitvaṃ kṛtaṃ tviha |
dṛṣṭvāthāgniraṅgirasaṃ tejorāśimakalmaṣam || 53 ||
[Analyze grammar]

uvāca muñca matsthānaṃ vacastoṣakaraṃ śṛṇu |
ahaṃ te tanayaśceṣṭo bhaviṣye prathame śubhe || 54 ||
[Analyze grammar]

bṛhaspatīti nāmā vai tathānye bahavaḥ sutāḥ |
evamukto munistuṣṭo bahūṃścājanayatsutān || 55 ||
[Analyze grammar]

vahniṃ saṃjanayāmāsa putrānpautrāṃstadāṃgirāḥ |
avāpa punaragnitvamagnistasyāṃ tithau nṛpa || 56 ||
[Analyze grammar]

sarvameva caturdaśyāṃ saṃjātaṃ havyavāhanam |
havyavāhana devānāṃ bhūtānāṃ guhyacāritam || 57 ||
[Analyze grammar]

tato'ṣṭapatipatve ca rudreṇa pratipāditam |
pūjiteyaṃ tithirdevairdivisthaiśca nṛpairapi || 58 ||
[Analyze grammar]

pailajābālimanvādyairanyaiśca nahuṣādibhiḥ |
viṣaśastrahatānāṃ ca saṃgrāmenyatra te kvacit || 59 ||
[Analyze grammar]

ajñātāvṛṣapāpaiśca vyālairye vyāpya hiṃsitāḥ |
nadīpravāha patitaḥ samudre parvate'dhvani || 60 ||
[Analyze grammar]

patitāḥ parvatebhyaśca toyāgnidahane mṛtāḥ |
udadhyā pātitā ye ca ye ke cātmahano janāḥ |
teṣāṃ śastaṃ caturdaśyāṃ śrāddhaṃ svargasukhapradam || 61 ||
[Analyze grammar]

śrāddhāni caiva dattāni dānāni sulaghūnyapi |
prasūnaphalabhojyāni upatiṣṭhaṃti tānnarān || 62 ||
[Analyze grammar]

evaṃ tithiriyaṃ rājannāgneyī procyate janaiḥ |
raudrīṃ ca kecidityāhū rudrogniḥ sa ca paṭhyate || 63 ||
[Analyze grammar]

yasyāṃ manorathaṃ yaṃyaṃ samuddiśya hyupoṣati |
dadāti tasya tadvahniḥ sāgre saṃvatsare gate || 64 ||
[Analyze grammar]

caturdaśyāṃ nirāhāraḥ samabhyarcya trilocanam |
puṣpadhūpādinaivedyai rātrau jāgaraṇānnaraḥ |
pañcagavyaṃ niśi prāśya svapyādbhūmau vimatsaraḥ || 65 ||
[Analyze grammar]

śyāmākamatha vā bhuktvā tailakṣāravivarjitam |
homaḥ kṛṣṇatilaiḥ kāryaḥ śatamaṣṭottaraṃ nṛpa || 66 ||
[Analyze grammar]

agnaye havyavāhanāya somāyāṃgirase namaḥ |
tataḥ prabhāte vimale snāpya paṃcāmṛtaiḥ śivam || 67 ||
[Analyze grammar]

pūjayitvā vidhānena homaṃ kṛtvā tathaiva ca |
udīrayenmantrametaṃ kṛtvā śirasi cāṃjalim || 68 ||
[Analyze grammar]

namastrimūrtaye tubhyaṃ namaḥ sūryāgnirūpiṇe |
putrānyaccha sukhaṃ yaccha mokṣaṃ yaccha namo'stu te || 69 ||
[Analyze grammar]

nīrājanaṃ tataḥ kṛtvā paścādbhuṃjīta vāgyataḥ |
evaṃ saṃvatsarasyāṃte kṛtvā sarvaṃ yathoditam || 70 ||
[Analyze grammar]

sauvarṇaṃ kārayeddevaṃ trinetraṃ śūlapāṇinam |
vṛṣaskaṃdhagataṃ saumyaṃ sitavastrayugānvitam || 71 ||
[Analyze grammar]

candanenānuliptāṅgaṃ sitamālyopaśobhitam |
sthāpayitvā tāmrapātre brāhmaṇāya nivedayet |
sarvakālikametatte kathitaṃ vratamuttamam || 72 ||
[Analyze grammar]

saṃvatsaraṃ samāptaṃ hi vratasya tu yadā bhavet |
kāle gate bahutithe tīrthasya śaraṇaṃ bhavet |
mṛtasya deho divyastho divyālaṃkārabhūṣitaḥ || 73 ||
[Analyze grammar]

divyanārīgaṇavṛto vimānavaramāsthitaḥ |
devadaivaiḥ samaḥ śaṃbhoḥ krīḍati tripure ciram || 74 ||
[Analyze grammar]

iha cāgatya kālāṃte jātaḥ sa ca nṛpo bhavet |
dātā yajvā dhanī dakṣo brāhmaṇo brāhmaṇapriyaḥ || 75 ||
[Analyze grammar]

śrīmānvāgmī kṛtī dhīmānputrapautrasamanvitaḥ |
patnīgaṇasamrāyuktaściraṃ bhadrāṇi paśyati || 76 ||
[Analyze grammar]

ye durllabhā bhuvi suroragamānavānāṃ kāmā hyanuttamaguṇena yutāḥ sadaiva |
tānā pnuvaṃti sitabhūtatithau sureśaṃ saṃpūjya somatilakaṃ vidhivanmanuṣyāḥ || 77 ||
[Analyze grammar]