Chapter 81

yudhiṣṭhira uvāca |
alpāyāsena bhagavandhanenālpena vā vibho |
pāpaṃ praśamamāyāti yena tadvaktumarhasi || 1 ||
[Analyze grammar]

śrīkṛṣṇa uvāca |
śṛṇu pārtha parāṃ puṇyāṃ dvādaśīṃ pāpanāśinīm |
yāmupoṣya paraṃ puṇyamāpnuyācchraddhayānvitaḥ || 2 ||
[Analyze grammar]

māghamāse ca saṃprāpte āṣāḍharkṣaṃ bhavedyadi |
mūlaṃ vā kṛṣṇapakṣasya dvādaśyāṃ niyatavrataḥ || 3 ||
[Analyze grammar]

gṛhṇīyātpuṇyaphaladaṃ vidhānaṃ tasya me śṛṇu |
devadevaṃ samabhyarcya susnātaḥ prayataḥ śuciḥ || 4 ||
[Analyze grammar]

kṛṣṇanāmnā ca saṃpūjya ekādaśyāṃ mahāmate |
upoṣito dvitīyehni punaḥ saṃpūjya keśavam || 5 ||
[Analyze grammar]

saṃstūya nāmnā tenaiva kṛṣṇākhyena punaḥpunaḥ |
dadyāttilāṃśca viprāya kṛṣṇo me prīyatāmiti || 6 ||
[Analyze grammar]

tataśca prāśayecchastāṃstathā kṛṣṇatilānnṛpa |
viṣṇuprīṇanamaṃtrokte samāpte varṣapāraṇe || 7 ||
[Analyze grammar]

kṛṣṇakuṃbhāṃstilaiḥ sārddhaṃ pakvānnena ca saṃyutāḥ |
chatropānadyugairvastraiḥ sahitā annagarbhiṇaḥ |
brāhmaṇebhyaḥ pradeyāste yathāvanmāsasaṃkhyayā || 8 ||
[Analyze grammar]

tilaprarohājjāyaṃte yāvatsaṃkhyāstilā nṛpa |
tāvadvarṣasahasrāṇi svargaloke mahīyate |
arogo jāyate nityaṃ naro janmanijanmani || 9 ||
[Analyze grammar]

aṃdho na badhiraścaiva na kuṣṭhī na ca kutsitaḥ |
bhavatyetāmuṣitvā tu tilākhyāṃ dvādaśīṃ naraḥ || 10 ||
[Analyze grammar]

anena pārtha vidhinā tiladātā na saṃśayaḥ |
mucyate pātakaiḥ sarvairanāyāsena mānavaḥ || 11 ||
[Analyze grammar]

dānaṃ vidhistathā śrāddhaṃ sarvapātakaśāṃtaye |
nārthaḥ prabhūto nāyāsaḥ śarīre nṛpasattama || 12 ||
[Analyze grammar]

sarvopabhoganiratohni pare daśamyāṃ snānaṃ tilaistilanivedanakṛttilāśī |
dattvā tilāndvijavarāya virājaketu saṃpūjya viṣṇupadavīṃ samupaiti martyaḥ || 13 ||
[Analyze grammar]