Chapter 80

śrīkṛṣṇa uvāca |
phālgunemalapakṣasya ekādaśyāmupoṣitaḥ |
naro vā yadi vā nārī samabhyarcya jagatpatim || 1 ||
[Analyze grammar]

harernāma vadanbhaktyā bhāvayukto yudhiṣṭhira |
uttiṣṭhanprasvapaṃścaiva harimevānukīrtayet || 2 ||
[Analyze grammar]

tatonyasmindine prāpte drādaśyāṃ niyato harim |
snātvā samyaksamabhyarcya dattvā viprāya dakṣiṇām || 3 ||
[Analyze grammar]

harimuddiśya caivāgnau ghṛtahomakṛtakriyaḥ |
praṇipatya jagannāthamiti vāṇīmudīrayeta || 4 ||
[Analyze grammar]

pātālasaṃsthāṃ vasudhāṃ yāṃ prasādya manorathā |
avāpa vāsudevosau pradadyāttu manorathān || 5 ||
[Analyze grammar]

yamabhyarcya divi prāptaḥ sakalāṃśca manorathān |
bhraṣṭarājyaśca devendro yamabhyarcya jagatpatim || 6 ||
[Analyze grammar]

manorathānabhinavānprāptavāṃśca manoharān |
evamabhyarcya pūjāṃ ca niṣpādya ca harestataḥ |
bhuñjīta prayataḥ samyaghaviṣyaṃ pāṃḍunandana || 7 ||
[Analyze grammar]

phālgune caitre vaiśākhe jyeṣṭhe māsi ca sattama |
caturbhiḥ pāraṇaṃ māsairebhirniṣpāditaṃ bhavet || 8 ||
[Analyze grammar]

raktapuṣpaiśca caturo māsā nkurvīta cārcanam |
dahettu gugguluṃ prāśya gośṛṃgakṣālanaṃ jalam || 9 ||
[Analyze grammar]

haviṣyānnaṃ ca naivedyamātmanaścāpi bhojanam |
tataśca śrūyatāṃ pārtha āṣāḍhādau tu yā kriyā || 10 ||
[Analyze grammar]

jātīpuṣpāṇi dhūpaśca śastaḥ sārjaraso nṛpa |
prāśya darbhodakaṃ cāsya śālyannaṃ ca nivedanam || 11 ||
[Analyze grammar]

svayaṃ tadeva cāśnīyāccheṣaṃ pūrvavadācaret |
kārtikādiṣu māseṣu gomūtraṃ kāyaśodhanam || 12 ||
[Analyze grammar]

sugaṃdhiścecchayā dhūpaṃ pūjā bhṛṃgārakena ca |
kāṃsāraṃ cātra naivedyamaśnīyāttacca vai svayam || 13 ||
[Analyze grammar]

pratimāsaṃ ca viprāya dātavyā dakṣiṇā tathā |
pāraṇaṃ cecchayā viṣṇoḥ pāraṇe pāvane mate || 14 ||
[Analyze grammar]

yathāśaktyā yathāprītyā vittaśāṭhyaṃ vivarjayet |
sadbhāvenaiva goviṃdaḥ pūjitaḥ prīyate yataḥ || 15 ||
[Analyze grammar]

pāraṇāṃte yathāśakti snāpitaḥ pūjito hariḥ |
prīṇitaścepsitānkāmāṃstāndadātyavyayān nṛpa || 16 ||
[Analyze grammar]

varṣāṃte pratimāmiṣṭāṃ kārayitvā suśobhanām |
svarṇakena yathā śaktyā śaṃkhaśārṅgavibhūṣitām || 17 ||
[Analyze grammar]

puṣpavastrayugacchannāṃ brāhmaṇāya nivedayet |
dvādaśa brāhmaṇāṃstatra bhojayitvā kṣamāpayet || 18 ||
[Analyze grammar]

dvādaśātra pradātavyāḥ kuṃbhāḥ sānnajalākṣatāḥ |
chatropānadyugaiḥ sārddhaṃ dakṣiṇābhiśca bhārata || 19 ||
[Analyze grammar]

eṣā puṇyā pāpaharā dvādaśī phalamicchatām |
yathābhilaṣitānkāmāndadāti nṛpasattama || 20 ||
[Analyze grammar]

pūrayatyakhilānbhaktyā yataścaiṣāṃ manorathān |
manorathā dvādaśīyaṃ tato lokeṣu viśrutā || 21 ||
[Analyze grammar]

upoṣyaitāṃ tribhuvanaṃ labdhamindreṇa vai purā |
ādityāśceṣṭitāḥ putrā dhanamauśanasā tathā || 22 ||
[Analyze grammar]

dhaumyenādhyayanaṃ prāptamanyaiścābhimataṃ phalam |
rājarṣibhistathā vipraiḥ strīviṭśūdraiśca bhūtale || 23 ||
[Analyze grammar]

yaṃyaṃ kāmamabhidhyāya vratametadupoṣitam |
tattadāpnotyasaṃdigdhaṃ viṣṇorārādhanodyataḥ || 24 ||
[Analyze grammar]

aputro labhate putramadhano labhate dhanam |
rogābhibhūtaścārogyaṃ kanyā prāpnoti satpatim || 25 ||
[Analyze grammar]

samāgamaṃ pravasanairupoṣyaitāmavāpyate |
sarvānkāmānavāpnoti mṛtaḥ svarge ca modate || 26 ||
[Analyze grammar]

nāputro nādhano jyeṣṭho viyogī na ca nirguṇaḥ |
upoṣyaitadvrataṃ martyaḥ strīśūdro vāpi jāyate || 27 ||
[Analyze grammar]

svargaloke sahasrāṇi varṣāṇāmayutāni ca |
bhogānabhimatānbhuktvā tatratatra yathecchayā || 28 ||
[Analyze grammar]

iha puṇyavatāṃ nṝṇāṃ dhanināṃ laghuśālinām |
gṛhe prajāyate rājansarvavyādhivivarjitaḥ || 29 ||
[Analyze grammar]

na dvādaśīmupavasanti manorathākhyāṃ naivārcayaṃti puruṣottamamādidevam |
gobrāhmaṇāṃśca na namaṃti na pūjayaṃti ye te manobhilaṣitaṃ kathamāpnuvaṃti || 30 ||
[Analyze grammar]