Chapter 21

ṛṣiruvāca |
gṛhaṃ gatvā ca te vīrāḥ kiṃ cakruścaritaṃ śubham |
tattvaṃ kathaya viprendra sarvajño'si mato hi naḥ || 1 ||
[Analyze grammar]

sūta uvāca |
gṛhamāgatya te sarve parito bhūpateḥ sabhām |
gatvā vārtāṃ tathā cakruryathā jāto mahāraṇaḥ || 2 ||
[Analyze grammar]

śrutvā parimalo bhūpo vājivṛṃdaṃ kṣayaṃ gatam |
āhūya sa ca kṛṣṇāṃśaṃ vacanaṃ prāha namradhīḥ || 3 ||
[Analyze grammar]

siṃdhudeśe ca gaṃtavyaṃ tvayā ca balaśālinā |
pañcalakṣānhayānkṛtvā punarāgaccha vai gṛham || 4 ||
[Analyze grammar]

iti śrutvā tu kṛṣṇāṃśo devasiṃhena saṃyutaḥ |
svarṇabhārasahasroṣṭrāngṛhītvā tarasā yayau || 5 ||
[Analyze grammar]

śūraiśca daśasāhasraissārddhaṃ tatra samāgataḥ |
mayūranagarī yatra caturvarṇasamanvitā || 6 ||
[Analyze grammar]

prātaḥkāle tu saṃprāpte mālākārasya vai sutā |
puṣpānāma samāsannā cāraṃbhe kusumārthinī || 7 ||
[Analyze grammar]

kṛṣṇāṃśastu tadā pūjāṃ kṛtvā devamayo mudā |
jagāma vipinaṃ ramyaṃ vasaṃte puṣpanālike || 8 ||
[Analyze grammar]

bahvāścaryayutaṃ puṣpa mattabhramaranāditam |
dṛṣṭvā mumoha kṛṣṇāṃśastadarthe svayamudyataḥ || 9 ||
[Analyze grammar]

etasminnaṃtare puṣpā puṣpārthaṃ samupāgatā |
dadarśa devasadṛśaṃ ṣoḍaśābdamayaṃ naram |
prasannavadanaṃ śāntamiṃdranīlamaṇidyutim || 10 ||
[Analyze grammar]

kṛṣṇāṃśastu śubhāṃ nārīṃ dṛṣṭvāścaryamupāgataḥ |
papraccha vacasā tāṃ vai kasyeyaṃ surasuṃdarī |
svargalokādihāyātā yadi vā pannagī svayam || 11 ||
[Analyze grammar]

iti śrutvā ca sā prāha mālākārasya vai sutā |
ahaṃ śūdrī mahābāho puṣpārthaṃ samupāgatā || 12 ||
[Analyze grammar]

puṣpeṇānena bhūpāla tulitā bhūpateḥ sutā |
nāmnā puṣpavatī devī rādheva saguṇāvalī || 13 ||
[Analyze grammar]

devaiśca prārthitā bālā rūpayauvanaśālinī |
makaraṃdabhayāddevāstasyā yogyā na vai balāt || 14 ||
[Analyze grammar]

śṛṇu tatkāraṇaṃ bhūpa makaraṃdo yathā bhavet |
mayūradhvajabhūpena saṃprāpto guhato varaḥ || 15 ||
[Analyze grammar]

ajeyo'nyaiśca kṛṣṇāṃśādṛte tvaṃ jagatītale |
tanmitraṃ pṛthivīrājo rājarājaḥ śivapriyaḥ || 16 ||
[Analyze grammar]

sa rājyaṃ kārayāmāsa dharmameghaṃ haripriyam |
tadā prasanno bhagavānyajñeśo yajñamūrtimān || 17 ||
[Analyze grammar]

mithunaṃ janayāmāsa pāvakātsuṃdarānanam |
makaraṃdaḥ suto jñeyaḥ kanyā puṣpavatī matā || 18 ||
[Analyze grammar]

pañcamābdavayā bhūtvā makaraṃdo mahābalaḥ |
tuṣṭāva tapasā dharmaṃ vedadharmaparāyaṇaḥ || 19 ||
[Analyze grammar]

dvādaśābdavayaḥ prāpte makaraṃde nṛpapriye |
prasanno bhagavāndharmo dadau tasmai mahāhayam || 20 ||
[Analyze grammar]

śilāmayaṃ mahāvegaṃ śatrusenākṣayaṃkaram |
tamaśvaṃ svayamāruhya sarvapūjyo hyabhūtsukhī || 21 ||
[Analyze grammar]

tasyedaṃ suṃdaraṃ divyaṃ vipinaṃ surapūjitam |
bhavānarhati vai śreṣṭhaḥ puṣpavatyāḥ kalevaram || 22 ||
[Analyze grammar]

iti śrutvā tu vacanaṃ kṛṣṇāṃśaḥ smarapīḍitaḥ |
dadau bahudhanaṃ tasyai mālinyā gehamāgataḥ || 23 ||
[Analyze grammar]

devasiṃhastu kālajño jñātvā mohatvamāgatam |
kṛṣṇāṃśaṃ bodhayāmāsa padyaiḥ sāṃkhyasamudbhavaiḥ || 24 ||
[Analyze grammar]

kṛṣṇāṃśastu tatassārddhaṃ devasiṃhena tanmayaḥ |
siṃdhudeśaṃ samāgatya krītvā sarvahayāṃstadā || 25 ||
[Analyze grammar]

māsānte gṛhamāgatya rājñe sarvānnyavedayat |
puṣpavatyāḥ śubhaṃ rūpaṃ dhyātvā puṣperitaṃ balī |
kṛṣṇāṃśo mohamāgatya tuṣṭāva jagadaṃbikām || 26 ||
[Analyze grammar]

kṛṣṇāṃśa uvāca |
devamāye mahāmāye nityaśuddhasvarūpiṇi |
pāhi māṃ kāmadevārtaṃ puṣpavatyai prabodhaya || 27 ||
[Analyze grammar]

madhukaiṭabhasaṃmohe mahiṣāsuraghātini |
pāhi māṃ kāmadevārtaṃ puṣpavatya prabodhaya || 28 ||
[Analyze grammar]

dhūmralocanasaṃdāhe caṃḍamuṃḍavināśini |
pāhi māṃ kāmadevārttaṃ puṣpavatyai prabodhaya || 29 ||
[Analyze grammar]

raktabījāsṛkkapīte sarvadaityabhayaṃkare |
pāhi māṃ kāmadevārttaṃ puṣpavatyai prabodhaya || 30 ||
[Analyze grammar]

niśuṃbhadaityasaṃhāre śuṃbhadaityavināśini |
pāhi māṃ kāmadevārttaṃ puṣpavatyai prabodhaya || 31 ||
[Analyze grammar]

iti stutvā ca suṣvāpa sa vīraḥ paramāsane |
tadā tu śāradā devī tasyāḥ svapnapradarśanam |
cakāra pratyahaṃ devī varadābhayakāriṇī || 32 ||
[Analyze grammar]

evaṃ gate caturmāse jalavṛṣṭikare mune |
triviṃśābdavayaścāsītkṛṣṇāṃśasya yaśaskaram || 33 ||
[Analyze grammar]

kārtike kṛṣṇapakṣe tu gato'sau devasaṃyutaḥ |
mayūranagare ramye makaraṃdena rakṣite || 34 ||
[Analyze grammar]

puṣpāgṛhamupāgamya tatra vāsamacīkarat || 35 ||
[Analyze grammar]

ekadā suṃdaraṃ hāra kṛṣṇāṃśenaiva guṃṭhitam |
maṇimuktāyutaṃ ramyaṃ nānāpuṣpasamanvitam |
gṛhītvā prayayau puṣpā puṣpavatyāśca maṃdire || 36 ||
[Analyze grammar]

sā tu graiveyakaṃ dṛṣṭvā tvaṣṭreva racitaṃ priyam |
hṛdi kṛtvā mumohāśu kāminī ratirūpiṇi || 37 ||
[Analyze grammar]

aye sakhi mahāmāye satyaṃ kathaya me'grataḥ |
graiveyakamidaṃ ramyaṃ kutaḥ prāptaṃ mama priyam || 38 ||
[Analyze grammar]

iti śrutvā vacastasyā makaraṃdabhayāturā |
puṣpā puṣpāṃjaliṃ kṛtvā vacanaṃ prāha tāṃ prati || 39 ||
[Analyze grammar]

jīvadānaṃ ca me dehi tarhi te kathayāmyaham |
tathetyuktavatīṃ kanyāṃ sāha me bhaginī śubhe || 40 ||
[Analyze grammar]

kṛṣṇā nāma mahāramyā sarvalokavimohinī |
mahāvatyāṃ gṛhaṃ tasyā madgṛhe sā samāgatā |
tayā viracitaṃ subhūrgraiveyakamanuttamam || 41 ||
[Analyze grammar]

iti śrutvā tu vacanaṃ devī puṣpavatī svayam |
uvāca mālinīṃ vākyaṃ rātriṃ darśaya tāṃ mama || 42 ||
[Analyze grammar]

makaraṃdabhayāddevāstathānye puruṣā bhuvi |
matsamīpe gatirnāsti teṣāṃ satyaṃ bravīmyaham || 43 ||
[Analyze grammar]

iti śrutvā vaco ghoraṃ puṣpā tu bhayakātarā |
novāca vacanaṃ kiñcitpṛcchyamānā punaḥ punaḥ || 44 ||
[Analyze grammar]

tadā puṣpavatī prāha kiṃ te bhayamupāgatam |
sāha me bhaginī ramyā yadi tvadgehamāgatā || 45 ||
[Analyze grammar]

mohitaḥ puruṣaḥ kaścidbalāttāṃ hi bhajiṣyati |
tarhi me maraṇaṃ jñeyaṃ kuladharmaparāyaṇe || 46 ||
[Analyze grammar]

iti śrutvā puṣpavatī punaḥ provāca dharmiṇī |
mayūradhvaja evāpi matpitā nītitatparaḥ |
ayogyaṃ ye kariṣyaṃti te yāsyaṃti yamālayam || 47 ||
[Analyze grammar]

atastvaṃ śīghramādāya taddolāṃ ca madaṃtike |
darśayitvā ca tāṃ ramyāṃ punargaccha gṛhaṃ svakam || 48 ||
[Analyze grammar]

tatheti matvā sā śūdrī gṛhamāgatya bhāminī |
kṛṣṇāśaṃ varṇayāmāsa yathā proktaṃ tayā mune || 49 ||
[Analyze grammar]

iti śrutvā vaco ramyaṃ kṛṣṇāṃśo balavattaraḥ |
nāsāvedhaṃ svayaṃ kṛtvā punarnārīmayaṃ vapuḥ |
jagāma puṣpayā sārddhaṃ dolāmāruhya vīryavān || 50 ||
[Analyze grammar]

tadā puṣpavatī devī dṛṣṭvā kṛṣṇāṃ manoramām |
uvāca vacanaṃ puṣpāṃ śṛṇu me vacanaṃ sakhi || 51 ||
[Analyze grammar]

yādṛśīyaṃ śubhā nārī tādṛśaḥ puruṣo mayā |
svapnāṃte pratyahaṃ dṛṣṭo ramamāṇo mayā saha || 52 ||
[Analyze grammar]

kṛṣṇāṃśaśca sa tāmāha deśarājasuto varaḥ |
udayo nāma vikhyātastasyāhaṃ lalitā sakhī || 53 ||
[Analyze grammar]

pratyahaṃ racitaṃ hāramatha pūjanahetave |
sa vīrastu gṛhītvā taṃ devīṃ pūjya nyavedayat || 54 ||
[Analyze grammar]

ekadā prasthitaṃ vīraṃ puṣpamadhye śanaiḥśanaiḥ |
udāsīnaṃ ca taṃ dṛṣṭvā provācāhaṃ samāgatā || 55 ||
[Analyze grammar]

moho'yaṃ te kutaḥ prāptaḥ sa tvaṃ kathaya mā ciram |
ityuktaḥ sa tu māmāha svapnāṃte pratyahaṃ sakhi || 56 ||
[Analyze grammar]

mayā dṛṣṭā śubhā nārī rūpayauvanaśālinī |
tadviyogena duḥkhārtaṃ mukhaṃ mlānatvamāgatam || 57 ||
[Analyze grammar]

iti śrutvā puṣpavatī tāmāha rucirānanām |
vivāho me yadā tena sārddhaṃ ramyo bhaviṣyati || 58 ||
[Analyze grammar]

tadā tvāṃ tarpayiṣyāmi bahudravyaiḥ śubhānane |
atastvaṃ gaccha tatpārśvaṃ śīghraṃ tasmai nivedaya || 59 ||
[Analyze grammar]

iti śrutvā tu tadvācaṃ puṣpā premasamanvitā |
dolāmāropya tāṃ kṛṣṇāṃ svagehaṃ gaṃtumuyatā || 60 ||
[Analyze grammar]

durgadvāre tu prāptāyāṃ taddolāyāṃ ca bhārgava |
makaraṃdo mahāvīryyo dvādaśābdavayā balī || 61 ||
[Analyze grammar]

dolāsamīpamāgatya dadarśa rucirānanām |
kṛṣṇāmindīvaraśyāmāṃ cārunetrāṃ manoharām || 62 ||
[Analyze grammar]

mumoha balavānvīro govarddhana kalāṃśakaḥ || govardhana |
premṇovāca sa cārvaṃgi śṛṇu me vacanaṃ priye || 63 ||
[Analyze grammar]

madgṛhaṃ śīghramāgaccha patnī mama bhavādhunā |
iti śrutvā tu sā kṛṣṇā vihasyo vāca bhūpatim || 64 ||
[Analyze grammar]

kulīnastvaṃ mahāvīra vahnikuṇḍātsamudbhavaḥ |
ṣoḍaśābdavayāstūṇī śanibhallasamanvitaḥ || 65 ||
[Analyze grammar]

tvadyogyā bhūpateḥ kanyā caṃdrasūryyānvayasya vai |
ahaṃ śūdrī hīnatamā kathaṃ yogyā taveha vai || 66 ||
[Analyze grammar]

kanyāhaṃ śūdrajāteśca bahmacaryyavrate sthitā |
iti śrutvā tu vacanaṃ makarando nṛpātmajaḥ || 67 ||
[Analyze grammar]

balādgṛhītvā tāṃ nārīṃ pasparśa hṛdaye svayam |
kṛṣṇāṃśastu tadā tasmai dattvā hṛdayavedanām |
mohayitvā nṛpasutaṃ sa devaḥ svagṛhaṃ yayau || 68 ||
[Analyze grammar]

makarandastu saṃbuddho madanāgniprapīḍitaḥ |
gehamāgatya puṣpāyāḥ sarvaṃ tasyai nyavedayat || 69 ||
[Analyze grammar]

tatsnehakātaraṃ bhūpaṃ makaraṃdaṃ mahābalam |
puṣpāha ślakṣṇayā vācā śṛṇu pārthivasattama || 70 ||
[Analyze grammar]

mahāvatī purī ramyā tatra kṛṣṇāgṛhaṃ śubham |
tvadbhayācca gatā gehaṃ kṛṣṇāṃśasya ca sā sakhī || 71 ||
[Analyze grammar]

rodanaṃ kurvatī gāḍhaṃ tava nindanatatparā || 72 ||
[Analyze grammar]

āgamiṣyati vai vīro balaissārddhaṃ mahābala |
atastvaṃ sarvasainyāni sajjībhūtāni vai kuru || 73 ||
[Analyze grammar]

jito yena mahāvīraḥ pitṛvyo laharastava |
vivāhaṃ kārayāmāsa tadbandhoḥ sutayā saha || 74 ||
[Analyze grammar]

iti śrutvā vaco ghoraṃ makarando mahīpatiḥ |
śataghnīḥ sthāpayāmāsa durgakūṭeṣu dāruṇāḥ || 75 ||
[Analyze grammar]

svasainyaṃ ca samāhūya trilakṣaṃ khaḍgasaṃyutam |
tatraiva sthāpayāmāsa rāṣṭrarakṣārthamudyataḥ || 76 ||
[Analyze grammar]

kṛṣṇāṃśastu gṛhaṃ prāpya balakhānimuvāca tat |
śrutvā sa ca mahāvīro bhrātṛmitrasamanvitaḥ |
pañcalakṣabalaissārddhaṃ mayūranagaraṃ yayau || 77 ||
[Analyze grammar]

śataghnyaḥ pañcasāhasrā gajā daśa sahasrakāḥ |
ekalakṣaṃ hayāḥ sarve śeṣā jñeyāḥ padātayaḥ |
uṣitvā pakṣamātraṃ tu mārge pāṃcālake tadā || 78 ||
[Analyze grammar]

makaraṃdastu tacchrutvā śanibhallakaraḥ sthitaḥ |
senāmājñāpayāmāsa jahi śatrūnmahābalān || 79 ||
[Analyze grammar]

śrutvā padātayo lakṣaṃ śataghnīvahnimādadan |
te tu vai saptasāhasrāścakruḥ śatrubalakṣayam || 80 ||
[Analyze grammar]

grāmasya dakṣiṇadvāre hayārūḍhāstadā yayuḥ |
bhuśuṃḍīkṣepaṇīśaktikhaḍgayuddhaviśāradāḥ || 81 ||
[Analyze grammar]

ekalakṣaṃ hayāssarve makaraṃdasya bhūpateḥ |
tayoścāsīnmahadyuddhaṃ tumulaṃ hayasenayoḥ || 82 ||
[Analyze grammar]

tadā tu paścimadvāre gajā viṃśatsahasrakāḥ |
tathā daśasahasraiśca śatrubhiḥ saha saṃyayuḥ || 83 ||
[Analyze grammar]

uṣṭra rakṣā mahāvīrāścatvāriṃśatsahasrakāḥ |
balakhānyādibhiḥ sārddhaṃ yuyudhurdiśi cottare || 84 ||
[Analyze grammar]

ahorātramabhūdyuddhaṃ tumulaṃ lomaharṣaṇam |
tataḥ parājitāssarve balakhānermahābalāḥ || 85 ||
[Analyze grammar]

tyaktvā yuddhaṃ tu te sarve dudruvuśca diśo daśa |
kṛṣṇāṃśo biṃdulārūḍho balakhāniḥ kapotagaḥ || 86 ||
[Analyze grammar]

manorathasthito devaścāhlādastu gajasthitaḥ |
pūrvādikramato dvāri gatāste raṇadurmadāḥ || 87 ||
[Analyze grammar]

satsaruṃ khaḍgamutsṛjya cakruḥ śatrumahāvadham |
parājitāśca te śūrā makaraṃdamupāyayuḥ || 88 ||
[Analyze grammar]

vahniputrastu balavānvājinaṃ ca śilāmayam |
śanibhallakaragrāhī tamāruhya raṇaṃ yayau || 89 ||
[Analyze grammar]

kṛṣṇāṃśādyāśca te śūrā rurudhussarvatodiśam |
taṃ ca kaṃṭhe dadau khaḍgaṃ balakhānirmahābalaḥ || 90 ||
[Analyze grammar]

svabhallaṃ devasiṃhaśca tamaṃke ca samāhanat |
āhlādo vakṣasi śaraṃ kṛṣṇāṃśaḥ khaḍgamuttamam || 91 ||
[Analyze grammar]

śilāvājiprabhāveṇa kaśmalaṃ na jagāma ha |
sa dṛṣṭvā niṣphalānvīrāñjagarja bhairavaṃ dhvanim || 92 ||
[Analyze grammar]

śanibhallena te sarve babhūvurmūrchitā raṇe |
te'śvāḥ śilāśvavegena mūrchitāścābhavankṣaṇāt || 93 ||
[Analyze grammar]

makaraṃdastu balavānbaddhvā tānyuddhadurmadān |
prasannātmā yayau gehaṃ svapitre tānnyavedayat || 94 ||
[Analyze grammar]

dṛṣṭvā parājitānvīrānrūpaṇo bhayakātaraḥ |
mahāvatīṃ purīṃ prāpya bhūpatiṃ samavarṇayat || 95 ||
[Analyze grammar]

brahmānaṃdastu tacchrutvā lakṣasainyasamanvitaḥ |
iṃdulena sahāyena mayūranagaraṃ yayau || 96 ||
[Analyze grammar]

likhitvā nirmalaṃ patraṃ tadrājñe tvarito dadau |
bhūmirājasutākāṃta viddhi māṃ manujarṣabha || 97 ||
[Analyze grammar]

kṛṣṇāṃśāya sutāṃ dehi nāmnā puṣpavatīṃ śubhām |
no cenmatkaṭhinairbāṇaiḥ kṣayaṃ yāsyaṃti sainikāḥ || 98 ||
[Analyze grammar]

niśamyeti nṛpaśreṣṭho mayūradhvaja eva saḥ |
makaraṃdena sahito dvilakṣabalasaṃyutaḥ |
ahorātraṃ kṛtaṃ yuddhaṃ tena sārddhaṃ bhayapradam || 99 ||
[Analyze grammar]

brahmānaṃdastu balavānbāṇayuddhamacīkarat |
makaraṃdasya bhallena mūrchitaḥ so'patadbhuvi || 100 ||
[Analyze grammar]

tadā svarṇavatīputro jayantaḥ śakrasaṃbhavaḥ |
svavidyāṃ darśayāmāsa makaraṃdāya dhīmate || 101 ||
[Analyze grammar]

vaiṣṇavāstraprabhāvena śilāśvo bhasma cābhavat |
brahmāstreṇa bhṛguśreṣṭha śanibhallo'patadbhuvi || 102 ||
[Analyze grammar]

nāgapāśena taṃ baddhvā makaraṃdaṃ mahābalam |
vivāhaṃ kārayāmāsa kṛṣṇāṃśasya mahātmanaḥ || 103 ||
[Analyze grammar]

senāmujjīvayāmāsa svakīyāmiṃdulo balī |
maṃgalaṃ kārayāmāsa makaraṃdo gṛhegṛhe |
dadau kanyāṃ vidhānena bahudravyasamanvitām || 104 ||
[Analyze grammar]

mayūradhvajabhūpālo mahāsnehamacīkarat |
nṛpājñāṃ te puraskṛtya yayuḥ sārddhaṃ mahāvatīm || 105 ||
[Analyze grammar]