Chapter 17

sūta uvāca |
kṛṣṇāṃśe'ṣṭādaśābde tu yathājātaṃ tathā śṛṇu |
mṛte kṛṣṇakumāre tu bhūpatau ratnabhānunā || 1 ||
[Analyze grammar]

mahīrājaḥ suduḥkhārto lakṣacaṃḍīmakārayat |
homānte tu tadā devī vāguvāca nṛpaṃ prati || 2 ||
[Analyze grammar]

varṣevarṣe tu te sapta bhaviṣyaṃtyaṃgasambhavāḥ |
kumārāḥ kauravāṃśāśca draupadyaṃśā sutā nṛpa || 3 ||
[Analyze grammar]

ityukte vacane tasminrājñī garbhamatho dadhau |
karṇāṃśaśca suto jātastārako balavattaraḥ || 4 ||
[Analyze grammar]

dvitīyābde tathā jāte duśśāsanaśubhāṃśataḥ |
nṛhaririti vikhyātastṛtīyābde tu cābhavat || 5 ||
[Analyze grammar]

uddharṣāṃśaḥ saradano durmukhāṃśastu mardanaḥ |
vikarṇāṃśaḥ sūryyakarmā bhīmaścāṃśo viviṃśateḥ || 6 ||
[Analyze grammar]

varddhanaścitrabāṇāṃśo velā tadanu cābhavat |
yathā kṛṣṇā tathā saiva rūpaceṣṭāguṇairmune || 7 ||
[Analyze grammar]

bhuvi tasyāṃ ca jātāyāṃ bhūkampo dāruṇo'bhavat |
aṭṭāṭṭahāsamaśivaṃ cāmuṃḍā khe cakāra ha |
raktavṛṣṭiḥ pure cāsīdasthiśarkarayā yutā || 8 ||
[Analyze grammar]

brāhmaṇāśca samāgatya jātakarmādikāṃ kriyām |
kṛtvā nāma tathā cakre śṛṇu bhūmipa sākṣaram || 9 || 9 ||
[Analyze grammar]

ilā ca śaśino mātā vikalpenā'bhavadbhuvi |
tasmādveleti vikhyātā kanyeyaṃ rūpaśālinī || 10 ||
[Analyze grammar]

jātāyāṃ ca sutāyāṃ sa pitā viprebhya uttamam |
dadau dānaṃ mudā yukto vāsāṃsi vividhāni ca || 11 ||
[Analyze grammar]

dvādaśābdavayaḥ prāpte sā sutā varavarṇinī |
uvāca pitaraṃ namrā śṛṇu tvaṃ pṛthivīpate || 12 ||
[Analyze grammar]

maṃḍape raktadhārābhiryo māṃ saṃsnāpayiṣyati |
draupadyā bhūṣaṇaṃ dātā sa me bhartā bhaviṣyati || 13 ||
[Analyze grammar]

svarṇapatre tadā rājā padyaṃ velāmukhodbhavam |
likhitvā tārakaṃ prāha tvamanveṣaya tatpatim || 14 ||
[Analyze grammar]

sārddhaṃ lakṣatrayaṃ dravyaṃ gṛhītvā lakṣasainyakaḥ |
nṛpāntaraṃ yayau śīghraṃ tārakaḥ piturājñayā || 15 ||
[Analyze grammar]

siṃdhusthāne cāryadeśe bhūpaṃ bhūpaṃ yayau balī |
na gṛhītaṃ nṛpaiḥ keścittadvākyaṃ ghoramulbaṇam |
mahīpatiṃ sa saṃprāpya mātulaṃ tadvaco'bravīt || 16 ||
[Analyze grammar]

śrutvā sa āha bho vīra brahmānando mahābalaḥ |
sa ca vākyaṃ pragṛhṇīyādāhlādādyaiḥ surakṣitaḥ || 17 ||
[Analyze grammar]

kiṃ tvayā viditaṃ naiva caritaṃ tasya viśrutam |
bhavānṣaḍbaṃdhusahitaḥ kṛṣṇāṃśādyairvivāhitaḥ || 18 ||
[Analyze grammar]

te sarve vaśagāstasya brahmānaṃdasya dhīmataḥ |
nāsti bhūmaṃḍale kaścittadbalena samo nṛpaḥ || 19 ||
[Analyze grammar]

iti śrutvā yayau tūrṇaṃ tārakaḥ svabalaiḥ saha |
tatpadyaṃ kathayitvāgre hastabaddhastadābhavat || 20 ||
[Analyze grammar]

kṛṣṇāṃśastu gṛhītvāśu padyaṃ vākyamuvāca ha |
ahaṃ vivāhayiṣyāmi brahmānaṃdaṃ nṛpottamam || 21 ||
[Analyze grammar]

tūṣṇīṃ bhūtāstadā sarve tārakaḥ sa dvijaiḥ saha |
abhiṣekaṃ tadā kṛtvā svagehaṃ punarāyayau || 22 ||
[Analyze grammar]

māghamāse site pakṣe trayodaśyāṃ suvāsare |
vivāhalagnaṃ śubhadaṃ varakanyārthayostadā || 23 ||
[Analyze grammar]

saptalakṣabalaiḥ sārddhaṃ lakṣaṇaśca satālanaḥ |
mahāvatīṃ purīṃ prāpto balī parimalādibhiḥ || 24 ||
[Analyze grammar]

āhlādo lakṣasainyāḍhyaḥ kṛṣṇāṃśena samanvitaḥ |
balakhānirlakṣasainyaḥ saṃyutaḥ sukhakhāninā || 25 ||
[Analyze grammar]

netrasiṃho lakṣasainyo yogabhogasamanvitaḥ |
raṇajicca balī bālo dvilakṣabalasaṃyutaḥ || 26 ||
[Analyze grammar]

evaṃ dvādaśalakṣāṇāṃ sainyānāmadhipo balī |
tālanaḥ siṃhinīsaṃstho vaḍavāṃ prayayau saha || 27 ||
[Analyze grammar]

sainyairdvādaśalakṣaiśca sahitastālano balī |
āyayau dehalīgrāme mahīrājānupālite || 28 ||
[Analyze grammar]

devo manorathārūḍho viṃdulasthaḥ sa kṛṣṇakaḥ |
vaḍavāmṛtamāsādya svarṇavatyāḥ suto gataḥ || 29 ||
[Analyze grammar]

rūpaṇaśca karālastha āhlādaśca papīhake |
balakhāniḥ kapotastho hariṇastho'nujastataḥ || 30 ||
[Analyze grammar]

raṇajinmalanāputraḥ saṃsthito harināgare |
pañcaśabdagajārūḍho mahāvatyadhipo gataḥ || 31 ||
[Analyze grammar]

vimānavaramāruhya dhīvaraiḥ śatavāhikaiḥ |
maṇimuktāsvarṇamayaṃ sahasrairvādyakairyutam || 32 ||
[Analyze grammar]

ayutaiśca patākaiśca vetrapāṇisahakrakaiḥ |
sahasraiḥ śibikābhiśca pañcasāhasrakai rathaiḥ || 33 ||
[Analyze grammar]

śakaṭairmahiṣoḍhaistu tathā pañcasahasrakaiḥ |
sarvatopaskṛtaṃ ramyaṃ brahmānaṃdaṃ samāgataḥ || 34 ||
[Analyze grammar]

śrutvā kolāhalaṃ teṣāṃ mahīrājo nṛpottamaḥ |
vismitaḥ sa babhūvātra śibirāṇi mudā dadau || 35 ||
[Analyze grammar]

durgadvāri kriyāṃ ramyāṃ kṛtvā vidhividhānataḥ |
draupadyā bhūṣaṇaṃ dehi velāyai sa tamabravīt || 36 ||
[Analyze grammar]

indulastu yayau svargaṃ vāsavaṃ prati cābravīt |
draupadyā bhūṣaṇaṃ sarvaṃ dehi mahyaṃ surottama || 37 ||
[Analyze grammar]

kuberātsa samānīya divyamābhūṣaṇaṃ dadau |
indulaḥ praharānte ca prāptaḥ pitre nyavedayat || 38 ||
[Analyze grammar]

āhlādastu svayaṃ gatvā velāye bhūṣaṇaṃ dadau |
prāpte brāhme muhūrte tu vivāhastatra cābhavat || 39 ||
[Analyze grammar]

saṃprāpte prathamāvarte tārakaḥ khaḍgamādadau |
āhlādastaṃ samāsādya yuyudhe bahulīlayā || 40 ||
[Analyze grammar]

nṛharistu dvitīye ca kṛṣṇāṃśaṃ prati cārudhat |
tathā saradanaṃ vīraṃ balakhānirupāyayau || 41 ||
[Analyze grammar]

mardanaṃ sukhakhānistu caturthāvartake'rudhat |
raṇajitsūryavarmāṇaṃ sa bhīmaṃ rūpaṇo balī |
devastu vardhanaṃ vīraṃ saptāvarte kramādyayau || 42 ||
[Analyze grammar]

śatabhūpānkhaḍgadharāngajasenādikāṃstadā |
lakṣaṇādyāḥ samājagmurmaṃḍape bahuvistate || 43 ||
[Analyze grammar]

bhagnabhūtaṃ nṛpabalaṃ dṛṣṭvā rājā ruṣānvitaḥ |
mahīrājo yayau rūḍho gajaṃ cāribhayaṃkaram || 44 ||
[Analyze grammar]

jitvā tānnetrasiṃhādīñchabdavedhī nṛpottamaḥ |
lakṣaṇaṃ prayayau śīghraṃ bauddhinīṃ hastinīṃ sthitam || 45 ||
[Analyze grammar]

śivaṃ manasi saṃsthāpya jitvā baddhvā ruṣānvitaḥ |
agamattamupagṛhya darśayāmāsa taṃ nṛpam || 46 ||
[Analyze grammar]

śrutvā parimalo rājā kṛṣṇāṃśaṃ bhīruko yayau |
vṛttāntaṃ kathayāmāsa cāhrādādiparājayam || 47 ||
[Analyze grammar]

ajitaḥ sa ca kṛṣṇāṃśo nabhomārgeṇa maṃdiram |
gatvā jagarja balavānyoginyānaṃdadāyakaḥ || 48 ||
[Analyze grammar]

tadā sa lakṣaṇo vīrastyaktvā baṃdhanamuttamam |
viṣṇuṃ manasi saṃsthāpya mahīrājaṃ samāyayau || 49 ||
[Analyze grammar]

gṛhītvā cāgamāṃ dolāṃ svayaṃ śibiramāptavān || 50 ||
[Analyze grammar]

etasminnaṃtare sarve tyaktvā mūrcchāṃ samaṃtataḥ |
khaḍgayuddhena tāñjitvā baddhvā tānnigaḍairdṛḍhaiḥ || 51 ||
[Analyze grammar]

sānvayāñchatabhūpāṃśca hatvā tadrudhirāvahaiḥ |
draupadīṃ snāpayāmāsurvelārūpāṃ kalottamām || 52 ||
[Analyze grammar]

vivāhānte ca te sarve śibirāṇi samāyayuḥ |
samutsṛjya sutānsapta subhojyaiste hyabhojayan || 53 ||
[Analyze grammar]

bhuktavatsu suvīreṣu sāhasrāstaiḥ sutaiḥ saha |
rurudhuḥ sarvato jaghnurastraśastraiḥ samaṃtataḥ || 54 ||
[Analyze grammar]

sahasraśūrāṃstānhatvā punarbaddhvā mahābalān |
śibirāṇi samājagmusteṣāṃ hāsyaviśāradāḥ || 55 ||
[Analyze grammar]

daśalakṣasuvarṇāni gṛhītvā nṛpatirbalī |
velāṃ navoḍhāmādāya gatvā natvā tamabravīt || 56 ||
[Analyze grammar]

pradyotasuta he rājaṃllakṣaṇo'sau mahābalaḥ |
mama patnīṃ samādāya dāsīṃ kartuṃ samicchati || 57 ||
[Analyze grammar]

iti śrutvā parimalaḥ sarva bhūpasamanvitaḥ |
bahudhā bodhitaścaiva na bubodha tadā nṛpaḥ || 58 ||
[Analyze grammar]

tadā mahāsatī velā vilalāpa bhṛśaṃ muhuḥ |
tacchutvā sa ca kṛṣṇāṃśaḥ sahito balakhāninā |
tāmāśvāsya tadā velāṃ nabhomārgeṇa cāyayau || 59 ||
[Analyze grammar]

lakṣaṇaṃ tarjayitvāsau gṛhītvā cāgamanmudā |
nabhomārgeṇa gehe taṃ kṛṣṇāṃśaḥ samapeṣayat || 60 ||
[Analyze grammar]

punastyaktvā sapta sutānsahitānnṛpatestu te |
śapathaṃ kārayāmāsurdaṃbhaṃ prati mahābalāḥ |
uṣitvā daśarātrāṃte dadhyurgaṃtumano mune || 61 ||
[Analyze grammar]

mahīrājastu balavāngṛhītvā bhūpateḥ padau |
sa uvācāśrupūrṇākṣastadā parimalaṃ nṛpam || 62 ||
[Analyze grammar]

mahārāja vadhūste ca veleyaṃ dvādaśābdikā |
pitṛmātṛviyogaṃ ca na kṣamaṃtī tu bālikā || 63 ||
[Analyze grammar]

tasmāttāṃ tvaṃ parityajya gaccha gehaṃ sukhī bhava |
patiyogyā yadā bhūyāttadā tvāṃ punareṣyati || 64 ||
[Analyze grammar]

ityu्ktvā ca vaco rājā sa snehādaṃkamaspṛśat |
cūrṇībhūte parimale cāhlādastatra duḥkhitaḥ |
mahīrājaṃ sa pasparśa sa rājā cūrṇatāṃ gataḥ || 65 ||
[Analyze grammar]

bhagnāsthī bhūpatī cobhau pāvakīyaiścikitsakaiḥ |
sukhavaṃtau gṛhaṃ prāpya kṛtakṛtyatvamāgatau || 66 ||
[Analyze grammar]

malanā svasutaṃ dṛṣṭvā prāptamudvāhitaṃ gṛhe |
kṛtvotsavaṃ bahuvidhaṃ viprebhyaśca dadau dhanam |
homaṃ vai kārayāmāsa caṃḍikāyāḥ prasādataḥ || 67 ||
[Analyze grammar]

sabhāyāṃ lakṣaṇo vīro yātrākāle tamabravīt |
agamā jayacandrāya matvā jitvā hṛtāṃ tu tām |
nabhomārgeṇa saṃprāptau yoginau ca śivājñayā || 68 ||
[Analyze grammar]

jahatustau ca māṃ jitvā tattīkṣṇabhaya mohitam |
adyāhaṃ dhāma gacchāmi ciraṃ jīva nṛpottama |
ityuktavaṃtaṃ taṃ natvā yayurbhūpāḥ svamālayam || 69 ||
[Analyze grammar]

iti śrībhaviṣye mahāpurāṇe pratisargaparvaṇi caturyugakhaṇḍāparaparyāye kaliyugīyetihāsasamuccaye saptadaśo'dhyāyaḥ || 17 ||
[Analyze grammar]