Chapter 2

sūta uvāca |
krauñcamānaṃ pravakṣyāmi yathāvedārthavādinām |
saṃmataṃ sarvataṃtreṣu gopanīyaṃ prayatnataḥ || 1 ||
[Analyze grammar]

ātmano'ratnimānena dviguṇaṃ parikalpayet |
madhye vṛddhyā tu tatsūtraṃ bhrāmayetkīlakopari || 2 ||
[Analyze grammar]

catuṣṭayaṃ nyasedvṛttaṃ madhyamādhamabhāvataḥ |
karṇikā prathame vṛtte dvitīye tvatha keśaram || 3 ||
[Analyze grammar]

tṛtīye padmapatrāṇi caturthe ṣoḍaśacchadāḥ |
śobhopaśobhe kuryācca caturasre same śubhe || 4 ||
[Analyze grammar]

taddakṣiṇāgraṃ sulikhetpārśvayoḥ pakṣakadvayam |
tatra padmayugaṃ kuryānmadhye cāṃgulamaṃtaram || 5 ||
[Analyze grammar]

śuklaṃ pītaṃ tathā raktaṃ kṛṣṇaṃ lohitasannibham |
saṃkhyātaṃ tāmraparṇaṃ ca śyāmalaṃ cāṣṭakaṃ rajaḥ || 6 ||
[Analyze grammar]

śuklaṃ taṃḍulacūrṇotthaṃ pītaṃ tu niśayā smṛtam |
raktaṃ tu niśayā yogācchaṃkhacūrṇādibhāvitam || 7 ||
[Analyze grammar]

kṛṣṇaṃ pulakādidagdhaṃ raktaṃ pītāsyayogataḥ |
kuṃkumābhaṃ pāṃḍuraṃ ca raktaśvetairvinirmitam || 8 ||
[Analyze grammar]

tāmravarṇaṃ kusuṃbhena śyāmalaṃ bilvapatrajam |
yavagodhūmacūrṇādiyogena tu rajaḥ smṛtam || 9 ||
[Analyze grammar]

sarvarekhāsu vibhajecchuklaṃ madhye tu pītakam |
karṇikāyāṃ keśareṣu śubhrameva nipātayet || 10 ||
[Analyze grammar]

pūrvādikramayogena śuklādīni prayoja yet |
patrasaṃdhau tu vibhajedrajaḥ sekāṃtarakramāt || 11 ||
[Analyze grammar]

tataḥ ṣoḍaśapatreṣu pūrvādikramato bhavet |
śuklaṃ pītaṃ tathā tāmraṃ tataḥ saṃkhyātameva ca || 12 ||
[Analyze grammar]

śyāmalaṃ kuṃkumābhaṃ ca raktaṃ śuklaṃ ca kṛṣṇakam |
pītaṃ tāmraṃ ca saṃkhyātaṃ śyāmaṃ kuṃkumaraktakam || 13 ||
[Analyze grammar]

evaṃ dadyāddvijaḥ pūrve īśānāṃtaṃ vibhāvayet |
krauṃcamūrghni bhavedraktaṃ caturaṃgulamānataḥ || 14 ||
[Analyze grammar]

tuṃḍabhāge bhavetpītaṃ grīvāyāṃ śuklameva ca |
pucche viṃśatipatrāṇi ādau paṃca rajaḥkramāt || 15 ||
[Analyze grammar]

ṣaḍaṃguleṣvaṃḍabhāge pītena parikalpayet |
grīvāyāṃ śuklarajasā bhāvitāyāṃ viśeṣataḥ || 16 ||
[Analyze grammar]

tatra pītādikaṃ lekhyaṃ pūrvoktaṃ ca yathā bhavet |
śuklādikaṃ pradadyānu pātreṣvekaikaśaḥ pṛthak || 17 ||
[Analyze grammar]

caturaṃgulake pāde jānorūrdhve tu pītakam |
adhastāttu bhavedraktaṃ tadeva caturaṃgulam || 18 ||
[Analyze grammar]

dvyaṃgulena bhavecchyāmamaṃgulīṣvapi vinyaset |
evaṃ pakṣadvayenāpi likhecchuklaṃ vibhāvayet || 19 ||
[Analyze grammar]

pade śuddhaṃ cāṃgulīṣu raktaṃ śyāmena bhāvayet |
pūrvapaścimadigbhāge śuklaṃ syādvāradeśataḥ || 20 ||
[Analyze grammar]

dakṣiṇottarataścaiva raktavarṇaṃ vinirdiśet |
mahākrauṃcamidaṃ jñeyaṃ madhyakraucamidaṃ śṛṇu || 21 ||
[Analyze grammar]

kaniṣṭhaṃ sarvayajñeṣu vidyānāṃ saptamuttamam |
athāparaṃ pravakṣyāmi sarvataṃtramataṃ kramāt || 22 ||
[Analyze grammar]

raktapītaṃ raktapītaiḥ kuryātpucchacatuṣṭayam |
pūrvādikramayoge tu patrāṃte dharaṇītale || 23 ||
[Analyze grammar]

sulikhenmūlasaṃlagnaṃ bahiṣkoṇacatuṣṭayam |
kaniṣṭhe'ṣṭakulaṃ kuryātpucchaṃ kuryāccaturvidham || 24 ||
[Analyze grammar]

trivṛttaṃ veṣṭayetpaścātsitaraktāsitaiḥ kramāt |
dṛṣṭaṃ janmaśatodbhūtaṃ pāpaṃ nāśayate dhuvam || 25 ||
[Analyze grammar]

pītaṃ vā vilikhedviprā naśyaṃti sakalāpadaḥ |
ataścakraṃ bahiścakraṃ kṣetre ca pratidarśanam || 26 ||
[Analyze grammar]

tasya kalpaśatodbhūtaṃ pāpaṃ nāśayate dhuvam |
mayūraṃ vṛṣabhaṃ caiva siṃhaṃ krauṃcaṃ ca vai kapim || 27 ||
[Analyze grammar]

pramādādvā gṛhe kṣetre vṛkṣāgre cāpi bho dvijāḥ |
utthāya vaṃdanaṃ kuryādbrahmahatyāśataṃ dahet || 28 ||
[Analyze grammar]

poṣaṇātkīrtimāpnoti darśanātpāpavicyutiḥ |
darśanādvardhate lakṣmīrāyurvṛddhiśca jāyate || 29 ||
[Analyze grammar]

mayūro brahmaṇo mūrtirvṛṣabhaśca sadāśivaḥ || |
siṃhe ca saṃbhaveddurgā vaiṣṇavo vidhirucyate || 30 ||
[Analyze grammar]

krauṃco nārāyaṇo devo vyāghrastripurasuṃdarī |
kālikā kṛṣṇavyāghraśca lakṣmīścitrakapotakaḥ || 31 ||
[Analyze grammar]

snātaḥ paśyati pratyahni grahadoṣo na jāyate |
tasmātprayatnato bhūtvā dhārayetpoṣayedgṛhe || 32 ||
[Analyze grammar]

ataḥ paraṃ pravakṣyāmi maṃḍale maṃḍaleṣvapi |
rajodravyapramāṇaṃ ca yathoktaṃ yatnavarjanam || 33 ||
[Analyze grammar]

taṃḍulotthaṃ yavotthaṃ vā varjyaṃ makararopaṇam |
yadbālyaśrāvaṇe jātaṃ hiṃgulaṃ gaṃdhakaṃ tathā || 34 ||
[Analyze grammar]

haritālaṃ subhadraṃ ca sadā vighnaṃ vivarjayet |
haimaṃtikodbhavaṃ yacca sitapāṣāṇameva ca || 35 ||
[Analyze grammar]

kāṃcanyāśca prabhedaṃ yacchastaṃ śuklaguṇaṃ dvijāḥ |
śephālivṛttaṃ niśayā atasīkusumāni ca || 36 ||
[Analyze grammar]

kiṃśukasya ca puṣpāṇi śastaṃ pītaṃ guṇaṃ bhavet |
nāgajaṃ gairikaṃ caiva kusuṃbha kusumāni ca || 37 ||
[Analyze grammar]

kuśītaṃ guḍakaṃ caiva maṃjiṣṭhāṃ paṃcaraṃgakam |
vijayāpatrakaṃ caiva bilvapatraṃ tathaiva ca || 38 ||
[Analyze grammar]

punarnavāyāḥ patraṃ ca keśarasya bakasya ca |
kṛṣṇapāṣāṇakaṃ caiva kṛṣṇābhraṃ samayūthakam || 39 ||
[Analyze grammar]

nāgapāṣāṇakaṃ caiva punnāgaṃ dagdhapaṃcakam |
śaṃkhacūrṇaṃ lohaviṣṭhāṃ nāgaviṣṭhāṃ ca varjayet || 40 ||
[Analyze grammar]

karpūraṃ kuṃkumaṃ caiva rocanārocanāṃ śrayet |
yavaśālīyakairbhinnaṃ śuklaṃ ca kārayetsudhīḥ || 41 ||
[Analyze grammar]

lākṣāṃ ca yadi gṛhṇīyāttadbharjitvā pradāpayet |
ākāśaṃ pṛthivīṃ caiva bhaumaṃ rāmaṃ tathā śanī || 42 ||
[Analyze grammar]

dharaṇīṃ sadanasthāne pañcadhā vibhajedbahiḥ |
padmamullikhya prathamaṃ karṇikāṃ tadanantaram || 43 ||
[Analyze grammar]

tarjanyamadhyā pūrvotthaṃ vibhajedvā samāhitaḥ |
tarjanyaṃguṣṭhayogairvā tṛṇamārabhya yadbhavet || 44 ||
[Analyze grammar]

tṛṇamārabhya sāmānye śakto vā madhyamāditaḥ |
rākṣasādipratiṣṭhāyāṃ grahapakṣe'gnimāditaḥ || 45 ||
[Analyze grammar]

aṃgulyagre ca vibhajetsarvakāmārthasiddhaye |
pratiṣṭhāyāṃ grahamakhe kāmyeṣu parivarjayet || 46 ||
[Analyze grammar]

subhadraṃ maṇḍalaṃ vakṣye śubhadaṃ śubhamādiśet |
ataḥ subhadramuddiṣṭaṃ svargamokṣapradāyakam || 47 ||
[Analyze grammar]

sārdhahastena mānena kuryānmaṃṇḍalamuttamam |
caturviśāṃgulaiḥ pūrṇaṃ sarvatra hastamādiśet || 48 ||
[Analyze grammar]

karturmadhyasahasrasya madhyamā madhyaparvaṇi |
madhyamā dīrghamānena mānāṃgulamiti smṛtam || 49 ||
[Analyze grammar]

rekhādvayāṃtaraṃ yacca mūlarekhāṃ na cāśrayet |
vaddhāṃguṣṭhanakhadvaṃdvaṃ mānāṃgulamathāpi vā || 50 ||
[Analyze grammar]

madhye nibadhya śaṃkuṃ ca muṣṭibāhupramāṇataḥ |
trivṛttaṃ kārayenmadhye jyeṣṭhottarakanīyasam || 51 ||
[Analyze grammar]

prakalpya karṇikādīni madhye cāṣṭadalaṃ likhet |
bahiścārkadalaṃ kuryādvarṇānāṃ kramakeṇa tu || 52 ||
[Analyze grammar]

paṃcamaṃ śvetavarṇena bahiḥ kuryāttriveṣṭanam |
sitapītāruṇaṃ kuryātpaścādvedāṃgulāṃtare || 53 ||
[Analyze grammar]

veṣṭayecchuklavarṇena madhye kalpalatāṃ likhet |
subhadraṃ maṇḍalātpūrvaṃ sarvatobhadrakaṃ śṛṇu || 54 ||
[Analyze grammar]

sarvakāryeṣu yajñeṣu sarvakalyāṇamāpnuyāt |
maṃḍalaṃ sarvatobhadraṃ sarvayajñeṣu puṣṭidam || 55 ||
[Analyze grammar]

sādhakānāṃ hitārthāya īśvareṇaiva bhāṣitam |
caturviṃśatyaṃgulena hastaḥ prathamato bhavet || 56 ||
[Analyze grammar]

koṇe sūtradvayaṃ dadyānmadhye sūtradvayaṃ punaḥ |
tato matsyānviracayetkarṇe sūtrāṇi sādhakaḥ || 57 ||
[Analyze grammar]

catuḥ sūtraṃ pātayecca pūrvāparavibhāgataḥ |
punardadyāccatuḥsūtraṃ karṇasūtraṃ punardadet || 58 ||
[Analyze grammar]

śatadvayapadaṃ yāvatṣaṭpaṃcāśādhikaṃ tathā |
pātayecca tathā sūtramevaṃ saptadaśaṃ bhavet || 59 ||
[Analyze grammar]

ūrdhvapaṃktyā padayugaṃ cādye padacatuṣṭayam |
dvārapārśve bhavedyāvaddaṃtapaṃktyā padatrayam || 60 ||
[Analyze grammar]

rekhāṃ sarvatra śuklena racayedyajñiyottamaḥ |
paṅkajaṃ śuklavarṇena vaiṣṇavo yāgakarmaṇi || 61 ||
[Analyze grammar]

śaktiyoge bhavedraktaṃ śaive pītaṃ vinirdiśet |
pratiṣṭhāsu ca sarvāsu śuklameva praśasyate || 62 ||
[Analyze grammar]

pītena karṇikā kāryā caturbhāgena mānataḥ |
śubhaṃ cakorāvasthāne tāpayitvā vicakṣaṇaḥ || 63 ||
[Analyze grammar]

karṇikāmūlamārabhya rekhāḥ ṣoḍaśa kalpayet |
rekhāmūle bhavecchuklaṃ madhye raktaṃ nipātayet || 64 ||
[Analyze grammar]

agre pītaṃ bhavedevaṃ kṛtvā paṃkajaveṣṭanam |
śubhravarṇena taddadyātpītavarṇena sarvataḥ || 65 ||
[Analyze grammar]

madhye raktaṃ bhavettacca evaṃ ṣoḍaśakalpayet |
koṇeṣu raktaṃ dadyācca padmaṃ kṣetreṣu nirdiśet || 66 ||
[Analyze grammar]

śuklena pīṭhagātrāṇi pīṭhakoṇe padatraye |
pītavarṇena racayeddvidhā paṃktidvaye tathā || 67 ||
[Analyze grammar]

śuddhena racayetpādau punaḥ pītādivarṇakaiḥ |
citraṃ suśobhanaṃ kāryaṃ tatra kalpalatāṃ nyaset || 68 ||
[Analyze grammar]

mānaṃ kalpalatāyāstu dvyaṅgulaṃ parikīrtitam |
dvedve śastaṃ ca bhramaṇaṃ śaṃkhāvartakramāttrayam || 69 ||
[Analyze grammar]

graṃthaugraṃthau puṣpaphale nānāvarṇena bhāvayet |
nānāpaśugaṇairyuktaṃ nānāpakṣigaṇairyutam || 70 ||
[Analyze grammar]

vaiṣṇave gāruḍaṃ śastaṃ śaive kīśavṛṣaṃ likhet |
śākte vyāghraṃ tathaiśe ca śarabhaṃ harimālikhet || 71 ||
[Analyze grammar]

śobhāṃ pītena racayedupaśobhāṃ ca pītakaiḥ |
koṇeṣu kṛṣṇavarṇena bahiḥ syādveṣṭanatrayam || 72 ||
[Analyze grammar]

śuklapītāruṇaiḥ kāryaṃ maṇḍalaṃ syānmanoramam |
sarvatobhadramaparaṃ sarvasiddhipradāyakam || 73 ||
[Analyze grammar]

sarvajñānamayaṃ śuddhaṃ dharmakāmārthadāyakam |
caturasraṃ samaṃ kṛtvā digbhyo dvādaśadhā dvijāḥ || 74 ||
[Analyze grammar]

pātayettatra sūtrāṇi koṣṭhānāṃ dṛśyate śatam |
catuścatvāriṃśadādyaṃ paścātṣaṭtriṃśadaṃbujam || 75 ||
[Analyze grammar]

koṣṭhaṃ prakalpayetpīṭhaṃ paṃktyā caivātra vīthikām |
dvāraśobhe yathāpūrvamupaśobhaṃ ca dṛśyate || 76 ||
[Analyze grammar]

avaśiṣṭaiḥ padaiḥ kuryātsadbhistaṃtrāṇi mantravit |
vidadhyātpūrvavaccheṣamevaṃ vā maṇḍalaṃ bhavet || 77 ||
[Analyze grammar]

pūrvoktamaṇḍale vidvandharaṇīsadanaṃ bahiḥ |
madhye kalpalatā kāryā bahiṣkoṇeṣu sattamāḥ || 78 ||
[Analyze grammar]

gulālītūryavarṇena mahāmatta iti smṛtaḥ |
śobhopaśobhe śobhāgrāṃ kuryādvai maṇḍalaṃ bhavet || 79 ||
[Analyze grammar]

etaddhi sarvatobhadraṃ rāśiyuktamataḥ param |
śatapatraṃ vajranābhaṃ biṃbanābhaṃ sahasrakam || 80 ||
[Analyze grammar]

gajāhvaṃ ca gajākāraṃ madhye tu samalaṅkṛtam |
catuścandre candrabimbaścandrakāṃtamudāhṛtam || 81 ||
[Analyze grammar]

bahirdvādaśabhiḥ sūryaiḥ sūryākrāṃtaṃ prakīrtitam |
śekharī tripuṭaṃ caiva śatapatraṃ ca prakramāt || 82 ||
[Analyze grammar]

sahasrameva viprendrāḥ padmānte yasya svastikam |
svastikaṃ tadbhavedviprāḥ puṣkaraṃ vajrasaṃmatam || 83 ||
[Analyze grammar]

cintāmaṇiṃ kuṃkumāṃśaṃ khātaṃ ca harivallabham |
pañcasiṃhāsanasthaṃ ca pañcasiṃhāsanaṃ viduḥ || 84 ||
[Analyze grammar]

tadvadvṛṣāsanaṃ jñeyaṃ śikhirūpaṃ śikhidhvajam |
nārasiṃhaṃ padmagarbhaṃ kapotāsyaṃ tathā bhavet || 85 ||
[Analyze grammar]

gāruḍaṃ merugarbhaṃ ca nīlakaṇṭhaṃ narākṛtim |
śatakratugajārūḍhaṃ śrībiṃbanavasūtrakam || 86 ||
[Analyze grammar]

aṣṭāsramaṣṭakoṇādyaṃ bahiḥ padmavanaṃ kṛtam |
kāmadvayena puṭitaṃ sahasraṃ padmaveṣṭitam || 87 ||
[Analyze grammar]

tryasragarbhaṃ paṅkajaṃ ca tryasraṃ tatparikīrtitam |
aṣṭa patrāṇi vai meruṃ sumeruṃ tadviparyaye || 88 ||
[Analyze grammar]

mahāmahāmerupṛṣṭhaṃ śatatrayacchadairvṛtam |
chidravyaktiṃ pravakṣyāmi yathā mānena bho dvijāḥ || 89 ||
[Analyze grammar]

vasu 8 dig 10 viṃśakaiścaiva 20 catvāriṃśat 40 śatārdhakam || 50 ||
[Analyze grammar]

daṃḍiśravaṇasaṃpanna 60 mākāśaṃ vasusaṃmitam || 90 ||
[Analyze grammar]

śataviṃśādhikaṃ caiva 120 dalāni tadanantaram |
śuklaraktaṃ cāṣṭavaṇairbiṃboṣṭhaṃ paripūrayet || 91 ||
[Analyze grammar]

śuklena paṅkajaṃ tatra paścātkuryāttriveṣṭanam |
śatapatramatho vakṣye bimbarājeti kathyate || 92 ||
[Analyze grammar]

sthaṃḍile kuśahaste ca pūrvavadveṣṭayetkramāt |
vasu 8 pañcakalā 16 pañcaviṃśakaṃ 25 tannapatrakāt || 93 ||
[Analyze grammar]

catvāriṃśattataḥ paścā 40 daṣṭottaraśataṃ 108 bhavet |
śuklaṃ śoṇaṃ tathā pītaṃ śyāmaśuklairanaṃtaram || 94 ||
[Analyze grammar]

vilome dalasandhīni śākte śaive tu ṣaṭpuram |
veṣṭayetpaṃcavarṇena śuklādīni samaṃtataḥ || 95 ||
[Analyze grammar]

raktapītaiḥ samāstīrya koṇāñchuklena pūrayet |
sthaṃḍile tārahastena aṣṭahastaṃ prakalpayet || 96 ||
[Analyze grammar]

maṃḍalaṃ biṃbarājasya aṣṭottaradalairvṛtam |
vasupañcaśaktiviṃśaccatvāriṃśacchatārddhakam || 97 ||
[Analyze grammar]

tryṛtupatraṃ suvṛttaṃ syādvṛttayuktaṃ sabilvakam |
catvāriṃśaddvayaṃ caiva gaganena samāvṛtam || 98 ||
[Analyze grammar]

śataṃ viṃśādhikaśataṃ dviśataṃ viṃśamuttamam |
veṣṭanāṃse ca triśataṃ prakramādatha vardhayet || 99 ||
[Analyze grammar]

lavalyābhamatho vakṣye sārddhahastapramāṇataḥ |
navaviṃśaṃ kalpayettu catuḥsūtrāṇi pātayet || 100 ||
[Analyze grammar]

dakṣiṇottarataścaiva tadvadeva vijānīhi |
pītena retapuḥṭitā madhye śuklaṃ vibhāvyate || 101 ||
[Analyze grammar]

grahapakṣennapītena madhye raktaṃ pratiṣṭhitam |
sarvā rekhāśca śuklena pauṣṭike pītamādiśet || 102 ||
[Analyze grammar]

saśāṃtike na yoktavyaṃ kāme raktaṃ vinirdiśet |
madhye tu paṅkajaṃ raktaṃ yugme somasya paṅkajam || 103 ||
[Analyze grammar]

śuklavarṇena tatkuryātpītavarṇamudasya ca |
aiśānyāṃ cottare bhāge guroḥ pītaṃ tu paṅkajam || 104 ||
[Analyze grammar]

pūrvasyāṃ diśi śukrasya paṅkajaṃ śubhravarṇakam |
vāruṇe tu śanaiḥ kṛṣṇaṃ nairṛtyāṃ dhūmravarṇakam || 105 ||
[Analyze grammar]

rāhoḥ prakalpayettacca ketorapi niyojayet |
vāyavyāṃ diśi saṃyojya paṅkajaṃ vilikhettataḥ || 106 ||
[Analyze grammar]

vilome dalasandhīni pūrayatsuvicakṣaṇaḥ |
bahiḥ pañcarajaiḥ kāryaṃ yuvadurgavibhūṣitam || 107 ||
[Analyze grammar]

pūrvapaścimadigbhāge śuklaṃ syāddvāradeśataḥ |
dakṣiṇottaradigbhāge raktameva praśasyate || 108 ||
[Analyze grammar]

tristhāne samamadhye ca dvādaśāṃgulaprakramāt |
dvihastādāvaṃgulena varddhayettadvibhāgataḥ || 109 ||
[Analyze grammar]

pañcābjamaṇḍalaṃ jñeyaṃ catuḥsvastikabhūṣitam || 110 ||
[Analyze grammar]

iti śrībhaviṣye mahāpurāṇe madhyamaparvaṇi dvitīyabhāge dvitīyo'dhyāyaḥ || 2 ||
[Analyze grammar]