Chapter 10

sūta uvāca |
śodhayetprathamaṃ bhūmiṃ mitāṃ kṛtvā tato dvijāḥ |
daśahastena daṇḍena pañcahastena vā punaḥ || 1 ||
[Analyze grammar]

vāhayetsadā vṛṣabhaistaḍāgārthe'pi bhūmikām |
devāgārasya yā bhūmiḥ śvetaiśca vṛṣabhairapi || 2 ||
[Analyze grammar]

yā bhūmirgrahayāgārthe tanna vāhairapi spṛśet |
ārāmārthe kṛṣṇavṛṣaiḥ kṛṣārthakhananairapi || 3 ||
[Analyze grammar]

vāhayettridinaṃ viprāḥ pañcavrīhīṃśca vāpayet |
devapakṣe saptaguṇa ārāmakaraṇe guṇaḥ || 4 ||
[Analyze grammar]

mudgamāṣau dhānya tilāḥ śyāmākaśceti pañcamaḥ |
masūraśca kalāyaśca saptavrīhigaṇaḥ smṛtaḥ || 5 ||
[Analyze grammar]

sarṣapaśca kalāyaśca mudgo māṣaścaturthakaḥ |
vrīhitrayaṃ māṣamudgau śyāmāko mahiṣo gaṇaḥ || 6 ||
[Analyze grammar]

suvarṇamṛttikā grāhyā varṇānāmanupūrvaśaḥ |
bilvavṛkṣairiyaṃ kuryādyūpaśūnadhvaje dine || 7 ||
[Analyze grammar]

aratnimātraṃ vijñeyaṃ praśastaṃ yaṣṭihastakam |
ūrṇāsūtramayīṃ mūrtiṃ kṛtvā kuryāccatuṣṭayam || 8 ||
[Analyze grammar]

kṣīradārugartayutaṃ dvādaśāṃgulameva ca |
jvālayettilatailena tathā keśarajena vā || 9 ||
[Analyze grammar]

pūrvadikpraṇave siddhiḥ paścimāśāgatiḥ śubhā |
maraṇe dakṣiṇāyāṃ ca hāniḥ syāduttare sthite || 10 ||
[Analyze grammar]

kalpe vipatkaraṃ vidyāttathā caiva ca diggate |
nārasiṃhena manunā cāgniṃ prajvālya dāpayet || 11 ||
[Analyze grammar]

māse ghaṭe tathā māsaṃ kuryādbhūmiparigraham |
sūtrayetkīlayetpaścānmahāmāne dvijottamāḥ || 12 ||
[Analyze grammar]

tato vāstubaliṃ dadyātkhanitraṃ paripūjayet |
ābrahmanniti mantreṇa khanayenmadhyadeśataḥ || 13 ||
[Analyze grammar]

ājyena madhuyuktena gātramekaṃ pralepayet |
svarṇatoyaistathā ratnatoyaiḥ snātvā pralepayet || 14 ||
[Analyze grammar]

īśānābhimukhenaiva kūpapakṣe vidurbudhāḥ |
akṛtvā vāstuyāgaṃ ca yastaḍāgaṃ samutsṛjet || 15 ||
[Analyze grammar]

tasya vaivasvato rājā dharmasyārdhaṃ nikṛntati |
prāsāde ca tathārāme mahākūpe tathaiva ca || 16 ||
[Analyze grammar]

gṛhāraṃbhe ca vipreṃdrā dadyādvāstu baliṃ tataḥ |
śālaiśca khādiraiścaiva palāśaiḥ keśarasya ca || 17 ||
[Analyze grammar]

bilvasya bakulasyaiva kalau yūpaḥ praśasyate |
śunā cakrodarakṛtaṃ tatpārśve tu dhvajadvayam || 18 ||
[Analyze grammar]

sarpākārastaḍāge ca kūpe kumbhākṛtirbhavet |
ārāme padmapuṣpābhaśchatrakārastu maṃḍale || 19 ||
[Analyze grammar]

kuryācchunākṛtiṃ setau viṣṇugehe gadākṛtim |
aśvākāraṃ cāśvamedhe naramedhe narākṛtim || 20 ||
[Analyze grammar]

goyāge ca vṛṣākāraṃ gṛhayāge dhvajākṛtim |
śmaśānagopracārārthaṃ caityavṛkṣālayottamāḥ || 21 ||
[Analyze grammar]

cakrākāro lakṣahome koṭihome halākṛtiḥ |
nakṣatrāṇi tathā mūlaṃ śasyate drumaropaṇe || 22 ||
[Analyze grammar]

evaṃ śasyoditāṃ bhūmiṃ śuddhāṃ pūrvaplavānvitām |
parigṛhya yajeddevaṃ vanapālaṃ śikhidhvajam || 23 ||
[Analyze grammar]

somaṃ ca nāgarājānaṃ tato bījaṃ suśodhayet |
ānayeddhārayetpaścādraudratāpena tāpayet || 24 ||
[Analyze grammar]

dinadvayāṃtare caiva maṃtraiśca parimaṃtrayet |
garbhādhānaṃ tataḥ kuryādviṣṇumaṃtraṃ japaṃstridhā || 25 ||
[Analyze grammar]

evamasyeti maṃtreṇa tridhā japtvā vimārjayet |
dehi meti ca maṃtreṇa saṃprokṣya daśavāriṇā || 26 ||
[Analyze grammar]

ityagṛhītamanunā pañcadhā parimaṃtritam |
tryaṃbakeneti maṃtreṇa bījamāropayettataḥ || 27 ||
[Analyze grammar]

bhāryāmṛtumatīṃ snātvā pañcame'hani sattamāḥ |
utsaṃge sthāpayitvā ca cumbayenmaṃtrayettataḥ || 28 ||
[Analyze grammar]

evaṃ vṛkṣasya saṃskāramadhye'pi tvanugacchati |
tena putratvamāpnoti nātra kāryā vicāraṇā || 29 ||
[Analyze grammar]

tulasyā bījamādāya vaiṣṇavarkṣe dvijo'hani |
khānayedapi gomūtrabiṃdutoyaiḥ prasecayet || 30 ||
[Analyze grammar]

etāṃ tu svargamāpnoti sitakuṃbhe nipātayet |
ekarātraṃ paristhāpya tata āropayedbhuvi || 31 ||
[Analyze grammar]

avidhau kūpavāpyādau khanane sūyate kvacit |
kurvaṃti sahakārādiropaṇaṃ ye narādhamāḥ |
labhaṃte na phalaṃ teṣāmiha cābhyetyadhogatim || 32 ||
[Analyze grammar]

nadītīre śmaśāne ca svagṛhasya ca dakṣiṇe |
tulasīropaṇaṃ kṛtvā yāti kartā yamālayam || 33 ||
[Analyze grammar]

patrapuṣpaphalānāṃ ca rajoreṇusamāgamāḥ |
poṣayaṃti ca pitaraṃ pratyahaṃ pratikarmaṇi || 34 ||
[Analyze grammar]

yastu vṛkṣaṃ prakurute chāyāpuṣpaphalopagam |
pathi devālaye cāpi pāpāttārayate pitṝn |
kīrtiśca mānuṣe loke pratyabhyeti śubhaṃ phalam || 35 ||
[Analyze grammar]

atītānāgatāścātaḥ pitṝnsa svargato dvijāḥ |
tārayedvṛkṣaropī ca tasmādvṛkṣaṃ praropayeta || 36 ||
[Analyze grammar]

aputrasya hi putrattvaṃ pādapā iha kurvate |
yatnenāpi ca vipreṃdrā aśvatthāropaṇaṃ kuru || 37 ||
[Analyze grammar]

śataiḥ putrasahasrāṇāmeka eva viśiṣyate |
kāmena ropayedviprā ekadvitriprasaṃkhyayā || 38 ||
[Analyze grammar]

muktihetuḥ sahasrāṇāṃ lakṣakoṭīni yāni ca |
dhanī cāśvatthavṛkṣe ca aśokaḥ śokanāśanaḥ || 39 ||
[Analyze grammar]

plakṣo bhāryāpradaścaiva bilva āyuṣyadaḥ smṛtaḥ |
dhanaprado jaṃbu vṛkṣo brahmadaḥ plakṣavṛkṣakaḥ || 40 ||
[Analyze grammar]

tiṃdukātkulavṛddhiḥ syāddāḍimī kāminīpradaḥ |
bakulo vaṃjulaścaiva pāpahā balabuddhidaḥ || 41 ||
[Analyze grammar]

svargapradā dhātakī syādvaṭo mokṣapradāyakaḥ |
sahakāraḥ kāmaprado guvākaḥ siddhimādiśet || 42 ||
[Analyze grammar]

sarvaśasyaṃ balabale madhuke cārjune tathā |
kadaṃbe vipulā kīrtistiṃtiḍī dharmadūṣikaḥ || 43 ||
[Analyze grammar]

jīvaṃtyā rogaśāṃtiḥ syātkeśaraḥ śatrumardanaḥ |
dhanapradaścaiva vaṭo vaṭaḥ śvetavaṭastathā || 44 ||
[Analyze grammar]

panase maṃdabuddhiḥ syātkali vṛkṣaḥ śriyaṃ haret |
kalivṛkṣaṃ ca śākhoṭa udarāvartakaṃ tathā || 45 ||
[Analyze grammar]

tathā ca markaṭīnīparopaṇātsaṃtatikṣayaḥ |
śiṃśapāṃ cārjunaṃ caiva jayaṃtī haya mārakān |
śrīvṛkṣaṃ kiṃśukaṃ caiva ropaṇātsvargamādiśet || 46 ||
[Analyze grammar]

na pūrvāṃ ropayejjātu samidhaṃ kaṃṭakīdrumam |
kuśaṃ padmaṃ jalajānāṃ ropaṇāddurgatiṃ vrajet || 45 ||
[Analyze grammar]

maṃdāre kulahāniḥ syācchālmale śukabuddhimān |
niṃbe paśuvināśaḥ syācchatrāke kulapāṃsalaḥ || 48 ||
[Analyze grammar]

utpanne kulapātaḥ syā tpaśoreva kṣayo bhavet |
śatruvṛddhiḥ kākanāde balapūge hataśriyaḥ || 49 ||
[Analyze grammar]

vinā kratau viruddhaśca na siṃhaṃ dvijasattamāḥ |
kratau hi syādviruddhaśca prāpnuyānnarakākṛtim || 50 ||
[Analyze grammar]

sahakārasahasrāttu variṣṭhaṃ dhātakīdvayam |
tasmāccaiva sahasrāddhi pāṭalaikā viśiṣyate || 51 ||
[Analyze grammar]

pāṭalānāṃ śatātpaścādekaraktavaṭo bhavet |
vaṭānāṃ dvisahasrācca paṃcakaṃ nāgakeśaram || 52 ||
[Analyze grammar]

tasmādvariṣṭhaḥ śrīvṛkṣo jaṃbūvṛkṣaḥ praśasyate |
tasmāddhimavato jñeyaḥ śrīparṇīvṛkṣa uttamaḥ || 53 ||
[Analyze grammar]

tiṃdukasya trayaścaiva jaṃbūvṛkṣasya paṃcakam |
kadaṃbārjunavṛkṣasya nārikerasya ca trayam |
evamuktvā sa dharmātmā kārayetkīdṛśaṃ balam || 54 ||
[Analyze grammar]

kalpakoṭisahasrāṇi kalpakoṭiśatāni ca |
svargabhogaṃ samaśnāti vidhivaddrumaropaṇe || 55 ||
[Analyze grammar]

janmatrayādikaṃ pāpaṃ vināśya svargamādiśet |
śataropī ca brahmatvaṃ viṣṇutvaṃ ca sahasrake || 56 ||
[Analyze grammar]

tulasīropaṇāccaitra ādhivyādhiyuto bhavet |
vaiśākhe kīrtimāpnoti jyeṣṭhe tu maraṇaṃ vrajet || 57 ||
[Analyze grammar]

āṣāḍhe kīrtimāpnoti śrāvaṇe paramāṃ gatim |
bhādre dhanāgamaścaiva āśvine kārtike kṣayaḥ |
tulasī trividhā loke kṛte śvetā praśasyate || 58 ||
[Analyze grammar]

kiṃcicchedaṃ ca yaḥ kuryādaśvatthasya vaṭasya ca |
śrīvṛkṣasya ca vipreṃdrāḥ sa bhavedbrahmaghātakaḥ || 59 ||
[Analyze grammar]

mūlacchedena vipreṃdrāḥ kulapāto bhavedanu |
vṛkṣacchedī bhavenmūka ādhivyādhiśataṃ bhajet |
sāyaṃ prātaśca gharmāṃte śītakāle dināṃtare || 60 ||
[Analyze grammar]

phalamāmakulatthaśca māṣo mudgāstilā yavāḥ |
nṛtyagītapayaḥkeśaphalapuṣpaprado bhavet || 61 ||
[Analyze grammar]

avikākasakṛccūrṇaṃ yavacūrṇāni yāni ca |
gomāṃsamudakaṃ caiva saptarātraṃ nidhāpayet || 62 ||
[Analyze grammar]

tamekaṃ sarvavṛkṣāṇāṃ phalapuṣpādivṛddhidam |
rohimatsyasya pittāni dhānyākaṃ tatra sthāpayet || 63 ||
[Analyze grammar]

tenodakādisekaśca kṛto vai vṛddhimādiśet |
tittiḍībījamādāya ikṣudaṃḍena mardayet || 64 ||
[Analyze grammar]

tenāśoke prasekaḥ syātsahakārasya vṛddhimān |
nālikerodakaṃ caiva mākṣikaiḥ saha secayet || 65 ||
[Analyze grammar]

dohadaṃ sarvavṛkṣāṇāṃ pūgādīnāṃ viśeṣataḥ |
daśaśirābījayutādabhiṣekācca jīvati || 66 ||
[Analyze grammar]

prākprasūtirgavādīnāṃ chāgādimahiṣasya ca |
jarāsu toyaṃ vṛkṣāgre sthāpayedavicārayan || 67 ||
[Analyze grammar]

parasya sahakārasya phalaṃ syānnātra saṃśayaḥ |
meṣasya ca vitālasya yavāgūṃ ca samāharet || 68 ||
[Analyze grammar]

tatra māsaiḥ sarṣapaiśca pūrayenmardayettataḥ |
guvākavṛkṣakaṃ deva gharṣayenmardayettribhiḥ || 69 ||
[Analyze grammar]

mṛto'pi jīvayecchīghraṃ mriyamāṇo'pi jīvati |
niṃbapatraṃ yogapatraṃ śatāvaripunarnavām || 70 ||
[Analyze grammar]

kṣīrikātāmrakaiḥ patrairdhūmaṃ dadyāddinatrayam |
sahakārasya mūlena kīṭa rodho na jāyate || 71 ||
[Analyze grammar]

tataḥ prādhānyato vakṣye drumāṇāṃ dohado'nyathā |
matsyodakena siktena āmrāṇāṃ vṛddhiriṣyate || 72 ||
[Analyze grammar]

pakvāmraṃ rudhiraṃ caiva dāḍimānāṃ praśasyate |
yavodakaṃ sagomāṃsaṃ ketakīnāṃ praśasyate || 73 ||
[Analyze grammar]

kṣīrake balavṛddhiḥ syāttiṃdukaḥ karamardakaḥ |
māṃsapūti rasāmajjā śokatāle guvākake || 74 ||
[Analyze grammar]

sapūtimāṃsaṃ saghṛtaṃ nālikerasya rohitam |
madhuyaṣṭyudakaiḥ sekātsāmānyaṃ nihitaṃ bhavet || 75 ||
[Analyze grammar]

kapitthabilvayoḥ sekaṃ guḍatoyena secayet |
jātīnāṃ mallikānāṃ ca kuṃdānāṃ raṃtikasya ca || 76 ||
[Analyze grammar]

gaṃdhatoyasitakaraṃ sarpanirmokadhūpakam |
kūrmamāṃsamannarasaṃ viḍaṃgasya ca puṣpakam || 77 ||
[Analyze grammar]

rathyāvṛkṣe pratiṣṭhāpya phalavāñjāyate tataḥ |
vātasarpasya nirmokaṃ tagarājagavasya ca || 78 ||
[Analyze grammar]

dadyāddhūpaṃ dhānyamadhye dhānyavṛddhiśca jāyate |
mayūrapatramādāyacchāgaromāṇi sapta vai || 79 ||
[Analyze grammar]

eraṃḍatailayogena dadyāddhūpaṃ niśāgame |
hiṃgukusumasaṃyogānmūṣikāṇāṃ parinyaset || 80 ||
[Analyze grammar]

kariviṣṭhāmṛcchaviṣṭhāṃ kṛttikāyāṃ samāharet |
niśātoye prasekaḥ syāttatkṣātramūlakaṃ haret || 81 ||
[Analyze grammar]

aśvatthamūle daśahastamātraṃ kṣetraṃ pavitraṃ puruṣottamasya |
aśvatthacchāyāsalilasya madhye viśeṣato vai tripathaiva gaṃgā || 82 ||
[Analyze grammar]

bāhuviṃśāṃtare ropetsahakāraṃ sa dharmavit |
kalāhastāṃtaraṃ dhātrī bakulaṃ vaṃjulaṃ tathā || 83 ||
[Analyze grammar]

śraiparṇikaṃ ca punnāgaṃ śrīvṛkṣaṃ dviguṇaṃ tarau |
haste śailamaye caiva uttamaṃ mānamīritam || 84 ||
[Analyze grammar]

śaileṣṭakādiracite caturhaste tu saṃmite |
vāpyādīnāṃ tu kūpānāmekavṛkṣādikasya ca || 85 ||
[Analyze grammar]

śrīviṣṇorvṛkṣapakṣe ca varuṇeṣṭaṃ ca kūpake |
gaṇeśaṃ pūjayetkumbhaṃ dikpālāṃśca viśeṣataḥ || 86 ||
[Analyze grammar]

agnikāryaṃ vinā kuryātprakuryācca satāṃ gatim |
śrutvā kṛtiṃ vidhānena anyeṣāṃ vā tathodbhavam || 87 ||
[Analyze grammar]

anyeṣāṃ caiva vṛkṣe ca tathā ca tulasīvane |
kumbhe vanaspatiḥ sthāpyaḥ pūjayeddhomayettataḥ || 88 ||
[Analyze grammar]

vṛkṣānvānena saṃskṛtya vāsobhirabhiveṣṭayet |
śucyamānamidaṃ jñeyamanyeṣāṃ vā tathodbhavam || 89 ||
[Analyze grammar]

tulasyāḥ sahakārasya brahmavṛkṣasya caiva hi |
aśvatthasya vaṭasyaiva svarṇatāmatha vedhayet || 90 ||
[Analyze grammar]

iti śrībhaviṣye mahāpurāṇe madhyamaparvaṇi prathamabhāge daśamo'dhyāyaḥ || 10 ||
[Analyze grammar]