Chapter 9

sūta uvāca |
aṃtarvediṃ pravakṣyāmi brahmaṇoktaṃ yugāṃtare |
bahirvedaṃ tathaivoktaṃ śastaṃ syāddvāpare kalau || 1 ||
[Analyze grammar]

jñānasādhyaṃ tu yatkarma aṃtarvedīti kathyate |
devatāsthāpanaṃ pūjā bahiveṃdirudāhṛtā || 2 ||
[Analyze grammar]

prapāpūrtādikaṃ caiva brāhmaṇānāṃ ca toṣaṇam |
gurubhyaḥ paricaryā ca bahirvedī dvidhā matā || 3 ||
[Analyze grammar]

akāmena kṛtaṃ karma karma ca vyasanādikam |
aṃtarvedī tadevoktaṃ bahirvedī viparyayaḥ || 4 ||
[Analyze grammar]

dharmasya kāraṇaṃ rājā dharmametadbhavennṛpaḥ |
tasmānnṛpaṃ samāśritya bahirvedī tato bhavet || 5 ||
[Analyze grammar]

saptāśītirbahirvedī sārameṣāṃ tṛtīyakam |
devatāsthāpanaṃ caiva prāsādakaraṇaṃ tathā || 6 ||
[Analyze grammar]

taḍāgakaraṇaṃ caiva tṛtīyaṃ na caturthakam |
paṃcamaṃ pitṛpūjā ca gurupūjāpuraḥsarā || 7 ||
[Analyze grammar]

adhivāsaḥ pratiṣṭhā ca devatānāmavikriyā |
pratimākaraṇaṃ caiva vṛkṣāṇāmatha ropaṇam || 8 ||
[Analyze grammar]

trividhā sā vinirdiṣṭā uttamā cātha madhyamā |
kaniṣṭhā śeṣakalpaśca sarvakāryeṣvayaṃ vidhiḥ || 9 ||
[Analyze grammar]

tridhā bhavati sarvatra pratiṣṭhādividhirmataḥ |
pūjāhomādibhirdānairmānataśca tribhāgataḥ || 10 ||
[Analyze grammar]

tryahasādhyavidhānena aṣṭāviṃśatidevatāḥ |
tridhā bhavati sarvatra pratiṣṭhādividhirmataḥ || 11 ||
[Analyze grammar]

pratyahaṃ pūjayettatra jāpakāstatra ṣoḍaśa |
uttamo'sau vidhiḥ kṛtsno hyaśvamedhaphalapradaḥ || 12 ||
[Analyze grammar]

catvāro yājakāstatra trayoviṃśatidevatāḥ |
brahadikpāla vāruṇyaṃ pṛthivī ca śivastathā || 13 ||
[Analyze grammar]

ekāhenaiva pūjā ca madhyamaḥ kathito vidhiḥ |
gaṇeśagrahadikpālānvaruṇaṃ ca śivaṃ tathā || 14 ||
[Analyze grammar]

saṃpūjya pūjyate yatra kaniṣṭho'sau vidhiḥ smṛtaḥ |
ekavṛkṣaścaikarūpaiḥ pratimākṣudradevatāḥ || 15 ||
[Analyze grammar]

nalinīdīrghikāgartavāpīmalaprapādikam |
eṣāṃ saṃskārakāryeṣu pratimānāṃ pariṣkriyā || 16 ||
[Analyze grammar]

agnikāryaṃ tataḥ kṛtvā na kuryādvidhivistaram |
gaṇeśagrahadikpālānpūjayedupacārataḥ || 17 ||
[Analyze grammar]

vāpyādeḥ puṣkariṇyāśca kṣipedgaṃgājalaṃ tataḥ |
ulūkhaladvayenāpi jīrṇānāṃ tu kadācana || 18 ||
[Analyze grammar]

setuprāsādavāpīnāṃ pratiṣṭhāṃ naiva kārayet |
prāsādaḥ setavaścaiva taḍāgādyāstathaiva ca || 19 ||
[Analyze grammar]

tribhirvarṇaiḥ pratiṣṭhārhā jīrṇānāṃ tu samudgatāḥ |
munayo mānamicchaṃti amānaṃ na hi dṛśyate || 20 ||
[Analyze grammar]

tasmānmānaṃ pravakṣyāmi yanmānaṃ yādṛśaṃ phalam |
ṣaṣṭihastapramāṇena taduktaṃ vāraṇoditam || 21 ||
[Analyze grammar]

ekaṣaṣṭihastamitaṃ prāsādaṃ cottamaṃ viduḥ |
madhyaṃ tadardhaṃ vijñeyaṃ kaniṣṭhaṃ tatparaṃ smṛtam || 22 ||
[Analyze grammar]

atha vā devamānena kartavyaṃ bhūtimicchatā |
yastaḍāgaṃ navaṃ kṛtvā jīrṇaṃ vā navatāṃ nayet || 23 ||
[Analyze grammar]

sarvaṃ kulaṃ samuddhṛtya svargaloke mahīyate |
vāpīkūpataḍāgāśca udyānapravahāstathā || 24 ||
[Analyze grammar]

punaḥ punaśca saṃskāryo labhate mauktikaṃ phalam |
guṇānāṃ ca pramāṇena pratimānaṃ vibhāgataḥ || 25 ||
[Analyze grammar]

dviśatena śatenāpi prāsādasyaiṣa niścayaḥ |
sahasrahastavistāraṃ dairghyeṇāṣṭādhikaṃ bhavet || 26 ||
[Analyze grammar]

taḍāgaṃ taṃ vijānīyātprathamaṃ mānamīritam |
madhyaṃ catuḥśatenāpi prastāve daśahīnakam || 27 ||
[Analyze grammar]

kaniṣṭhaṃ triśataṃ caiva prasthe syādviṃśahīnakam |
tadardhena kalau jñeyaṃ tadardhena tadardhakam || 28 ||
[Analyze grammar]

taḍāgamānaṃ vijñeyaṃ trivargaphaladāyakam |
atha puṣkariṇīpakṣe dve śate mānamuttamam || 29 ||
[Analyze grammar]

taḍāge dviguṇā nemī mānārdhe gartamīritam |
tatkṣetraṃ vāruṇaṃ sthānaṃ tryuditaṃ tadbahiḥ smṛtam || 30 ||
[Analyze grammar]

caturthaṃ caiva gāṃdharvaṃ paiśācaṃ paṃcamaṃ viduḥ |
yakṣasthānamitā bhāge evaṃ sarvakramāṇi hi || 31 ||
[Analyze grammar]

aśītihastamānena nalinyā maṇirucyate |
pañcahīnaṃ ca prastāve evaṃ mānavido viduḥ || 32 ||
[Analyze grammar]

ṣaṣṭihastena nalinī prastāve turyahīnakam |
catuḥṣaṣṭihastamitā dīrghikā ca prakīrtitā || 33 ||
[Analyze grammar]

turyahīnaṃ ca prastāve garte mānaṃ na vidyate || 34 ||
[Analyze grammar]

agnau rogo baṃdhunāśaśca yāmyāṃ mṛtyuścograḥ prāpyate rākṣase ca |
bhītiścogrā prāpyate vāyavīye tasmādetā varjanīyāḥ prayatnāt || 35 ||
[Analyze grammar]

viprādīnāṃ devatānāṃ samāje merusthāne yatra tatraiva kuryāt |
nadyāstīre varjayedvā smaśāne taḍāgādvai āśramādīñjanānām || 36 ||
[Analyze grammar]

yadā pratiṣṭhāṃ na karoti mūḍhaḥ prāsādavāpyādiṣu pāpacetāḥ |
bhayaṃ samāpnoti ca pāpamugraṃ pade'hinā vai vadhabhāgitāṃ vrajet || 37 ||
[Analyze grammar]

yadā tu dīrghāsarasītaḍāgaprāsādakūpādiṣu nirmitāni |
kurvaṃti cānyāni yadā makhāni bhavaṃti naivāsya phalapradāni || 38 ||
[Analyze grammar]

yadapratiṣṭheṣu nipānakeṣu prāsādakūpeṣu vanādikeṣu |
pratiṣṭhite yatphalamāpnuvaṃti phalaṃ tadālpālpakamāhurasya || 39 ||
[Analyze grammar]

tasmātpratiṣṭhāṃ vidhinā jalādeḥ kuryādyatheṣṭaṃ prayato manuṣyaḥ |
puṇyārjanenaiva dhanena kāle svavittasādhyena śubhāśayena || 40 ||
[Analyze grammar]

prasāde mṛnmayaṃ puṇyaṃ mayaitatkathitaṃ dvijāḥ |
tasmāccaturguṇaṃ proktaṃ tṛṇakāṣṭhamaye tathā || 41 ||
[Analyze grammar]

tṛṇamaye śatamayaṃ tadardhaṃ navavalkale |
tasmāddaśaguṇaṃ proktaṃ kṛte dārumaye bhavet || 42 ||
[Analyze grammar]

tato daśaguṇaṃ proktamiṣṭikāracite śubhe |
tasmācchataguṇaṃ śaile sahasraṃ tāmraraupyake || 43 ||
[Analyze grammar]

tataśca śatasāhasraṃ sauvarṇe dvijasattamāḥ |
anaṃtaphalamāpnoti ratnādi racite tathā || 44 ||
[Analyze grammar]

yadatītaṃ bhaviṣyacca kulānāmayutaṃ naraḥ |
viṣṇulokaṃ nayatyāśu kārayitvā harergṛham || 45 ||
[Analyze grammar]

kaniṣṭhaṃ madhyamaṃ śreṣṭhaṃ kārayitvā harergṛham |
ardhaṃ ca vaiṣṇavaṃ lokaṃ mokṣaṃ ca labhate kramāt || 46 ||
[Analyze grammar]

hastānāṃ poḍaśairyāvatprasthe syātkarahīnakam |
tṛṇavaṃśamaye mānaṃ madhyaṃ cārkakaraṃ bhavet || 47 ||
[Analyze grammar]

kaniṣṭhaṃ tārahastaṃ syāduttamaṃ paṃcaviṃśatiḥ |
sarvottamaṃ ca dvātriṃśaccatuṣkoṇe mahāphalam || 48 ||
[Analyze grammar]

puradvāraṃ ca kartavyaṃ caturasraṃ samaṃ bhavet |
aṣṭakoṇaṃ na kartavyaṃ tripuraṃ ca kalau yuge || 49 ||
[Analyze grammar]

suraveśmani yāvaṃto dvijendrāḥ paramāṇavaḥ |
tāvadvarṣasahasrāṇi svargaloke mahīyate || 50 ||
[Analyze grammar]

karturdaśaguṇaṃ proktamāpānaparipālakaḥ |
patitānyuddharedyastu sa sarvaṃ phalamaśnute || 51 ||
[Analyze grammar]

patitaṃ patamānaṃ ca tathārddhasphuṭitaṃ tathā |
samuddhṛtya harerveśma dviguṇaṃ phalamāpnuyāt || 52 ||
[Analyze grammar]

patitasya tu yaḥ kartā patamānasya rakṣitā |
viṣṇoradhitalasyaiva mānavaḥ svargabhāgbhavet || 53 ||
[Analyze grammar]

yaḥ kuryādviṣṇuprāsādaṃ jyotirliṃgasya vā kvacit |
sūryasyāpi viriṃceśca durgāyāḥ śrīdharasya ca || 54 ||
[Analyze grammar]

svayaṃ svakulamuddhṛtya kalpakoṭiṃ vaseddivi |
svargādbhraṣṭo bhavedrājā dhanī pūjyatamopi vā || 55 ||
[Analyze grammar]

devīliṃgeṣu yonau vā kṛtvā devakulaṃ naraḥ |
smaratvaṃ prāpnuyālloke pūjito divi sarvadā || 56 ||
[Analyze grammar]

prāvṛṭkāle sthitaṃ toyamagniṣṭomaphalaṃ labhet |
śaratkālasthitaṃ toyaṃ yajñatoyādviśiṣyate || 57 ||
[Analyze grammar]

nidāghakāle pānīyaṃ yasya tiṣṭhati vāpinaḥ |
svargaṃ gacchetsa narakaṃ na kadācidavāpnuyāt || 58 ||
[Analyze grammar]

ekāhaṃ tu sthitaṃ toyaṃ pṛthivyāṃ dvijasattamāḥ |
kulāni tārayettasya sapta sapta parāṇi ca || 59 ||
[Analyze grammar]

pūrvaṃ pitṛkule sapta tadvanmātṛkule dvijāḥ |
caturdaśamidaṃ jñeyaṃ śatalekhaṃ tataḥ śṛṇu || 60 ||
[Analyze grammar]

piturūrdhvaṃ kulaṃ viṃśaṃ māturūrdhva kulaṃ tathā |
tadvatparaṃ vijānīyādbhāryāyāḥ paṃca eva ca || 61 ||
[Analyze grammar]

paṃca vai mātṛtaścāsya piturmātāmahe kule |
paṃca paṃca vijānīyānmāturmātāmahasya ca || 62 ||
[Analyze grammar]

guroḥ pitṛkule paṃca tasya mātṛkule tathā |
ācāryasya kule dvaṃdvaṃ daśarājakulasya ca || 63 ||
[Analyze grammar]

rājño mātāmahakule paṃca caiva prakīrtitāḥ |
ekottaraṃ śatakulaṃ parisaṃkhyātameva ca || 64 ||
[Analyze grammar]

ātmanā saha vipreṃdrā uddhāraḥ saṃmataḥ smṛtaḥ |
kuryāddevārcanaṃ tīrthe svavimukte daśārṇave || 65 ||
[Analyze grammar]

samuddharetkulaśataṃ śṛṇu viṃśakulaṃ dvija |
paṃca paṃca ca pitrośca piturmātāmahasya ca || 66 ||
[Analyze grammar]

māturmātāmahasyaiva jātiṃ dvaṃdvamudāhṛtam |
guroḥ saṃtānake dvaṃdvaṃ tadvadyādavasāttvatau || 67 ||
[Analyze grammar]

parapakṣasya caikaṃ syādekaviṃśaṃ kulaṃ kramāt |
pānīyametatsakalaṃ trailokyaṃ sacarācaram || 68 ||
[Analyze grammar]

pānīyena vinā vṛttirloke nāstīti karhicit |
vārasvasthaṃ puṣpakhaṃḍaṃ toye patati yāvati || 69 ||
[Analyze grammar]

tāvatkālaṃ vasetsvarge cānte brahmatvamāpnuyāt |
tasmāttoyopari gṛhaṃ prasādopari varjayet || 70 ||
[Analyze grammar]

sūryaraśmiyutaṃ yadvai tattoyaṃ tu viniṃdatam |
caṃdraraśmivihīnaṃ yannāmṛtatvāya kalpate || 71 ||
[Analyze grammar]

tasmāddaśaguṇaṃ kuṃḍe tasmāddaśaguṇaṃ hrade |
devānāṃ sthāpanaṃ kuryādavimuktaphalaṃ śubham || 72 ||
[Analyze grammar]

susthitaṃ duḥsthitaṃ vāpi śivaliṃgaṃ na cālayet |
cālanādrauravaṃ yāti na svargaṃ na ca svargabhāk || 73 ||
[Analyze grammar]

ucchannagaragrāme sthānatyāge ca viplave |
punaḥ saṃsāradharmeṇa sthāpayedavicārayan || 74 ||
[Analyze grammar]

bāhudaṃtādipratimā viṣṇoścānyasya sattamāḥ |
na cālayetsthāpite ca vipravṛkṣaṃ na cālayet || 4 ||
[Analyze grammar]

keśavaṃ harivṛkṣaṃ ca madhūkaṃ kiṃśukaṃ tathā |
nākāle sthāpayejjātu cālanādbrahmahā bhaveta || 76 ||
[Analyze grammar]

devālayasya purataḥ kuryātpuṣkariṇī dvijāḥ |
brāhmaṇānāṃ samāje ca rājadvāre catuṣpathe || 77 ||
[Analyze grammar]

devātheṃ brāhmaṇārthe ca mukhaṃ kuryācca sarvataḥ |
paścime puṣṭikāmaṃ tu uttare sarvakāmadam || 78 ||
[Analyze grammar]

yāmye svārthaṃ na kurvīta koṇe tu narakaṃ bhavet |
mukhaṃ prakalpayenmadhye keciduttaralaṃghanam || 79 ||
[Analyze grammar]

kuryāddakṣiṇapūrve tu arkahastapramāṇataḥ |
taḍāge tu phalāhastaṃ hastikaṃ hrāsayetkramāt || 80 ||
[Analyze grammar]

tṛpye hastaṃ nalinyādāvato hīnaṃ na kārayet |
gartatṛṇaṃ kalāhastaṃ taḍāge'tra pracakṣyate || 81 ||
[Analyze grammar]

hīne hīnataraṃ kuryāddhastamānena hrāsayet |
yūpastathā khādira eva kāryaḥ śraiparṇiko dhātrisamudbhavaśca |
mānastathā ṣoḍaśahastasammito ratnātsagaṇḍīyugakāmayojitaiḥ || 82 ||
[Analyze grammar]

ānāhabhagne ca bhavecca tasya viṃśāṃ gulo dviguṇo madhyagaśca |
madhyeṃ'gulaiśca hīnaḥ kāryaḥ śubhadaḥ sarvadā syāt || 83 ||
[Analyze grammar]

evaṃvidhaścaiva taḍāgayūpo madhye tathā ṣoḍaśahastasaṃmitaḥ |
kūpe ca yūpopyatha hastamātrastataścaturhastamitaḥ prakīrtitaḥ || 84 ||
[Analyze grammar]

ārāmayoge'pyatha maṇḍape ca kāryaścaturhastamito'tha yūpaḥ |
saṃpūrṇamāne kathitaṃ pramāṇaṃ hīne tu hīnaṃ pravadaṃti tajjñāḥ |
hastadvayaṃ prāpitavyaṃ taḍāge hastaḥ sārdhaḥ puṣkariṇyāṃ praropaḥ || 85 ||
[Analyze grammar]

prādeśaṃ vai hastamānaṃ kūpayūpasya ropataḥ |
na kuryājjalamagnaṃ ca yūpaṃ sarvatra sattamāḥ || 86 ||
[Analyze grammar]

taḍāge cāpi ārāme sthāpayecca jalopari |
hastamardhaṃ tadardhaṃ syānmānenānena dāpayet |
vāpyāṃ garte puṣkariṇyāṃ prakuryājjalasaṃmitam || 87 ||
[Analyze grammar]

yāvatpratolīgatareṇusaṃgasaṃkhyāgaṇo no jaratāmupaiti |
tāvatsureśaḥ suralokavāsī prāsādakṛjjātu na jāyate hi || 88 ||
[Analyze grammar]

kiṃ vā vācyaḥ puṣkariṇyā prabhāvaḥ kartā yaḥ syādvāruṇo brahmalokāt |
yāvatkālo bāhumātroddhatā syād dṛṣṭiḥproktā na nivartetkadācit || 89 ||
[Analyze grammar]

lakṣaikamārāmamayottamaḥ syānmadhyaṃ tadardhaṃ ca kaniṣṭhamānam |
tadardhaṃ vā praśastaṃ tadananyaṃ munayo vadaṃti |
vinārjunairbadaraiḥ śailukaiśca hīnaṃ kuryācchānalaiḥ pātilaiśca || 90 ||
[Analyze grammar]

iti śrībhaviṣye mahāpurāṇe madhyamaparvaṇi prathamabhāge pūrtanirṇayo nāma navamo' dhyāyaḥ || 9 ||
[Analyze grammar]